ມອບ-ຮັບປື້ມປະມວນກົດໝາຍອາຍາສະບັບ​ທໍາ​ອິດຂອງລາວ

ມອບ-ຮັບປື້ມປະມວນກົດໝາຍອາຍາສະບັບ​ທໍາ​ອິດຂອງລາວ - advert banner 728 90 728x90 - ມອບ-ຮັບປື້ມປະມວນກົດໝາຍອາຍາສະບັບ​ທໍາ​ອິດຂອງລາວ

ກະຊວງຍຸດຕິທໍານໍາສະ​ເໜີປຶ້ມປະມວນກົດໝາຍອາຍາສະບັບທໍາອິດຂອງລາວ ຮ່ວມກັບ ​ເອີຣົບ (ອີຢູ) ແລະ ປະເທດລູກຊໍາບວກ, ເຊິ່ງພິທີໄດ້ຈັດຂຶ້ນ​ໃນ​ວັນ​ທີ 10 ກັນຍາ​ນີ້ ທີ່​ນະຄອນຫລວງ​ວຽງຈັນ, ​ໂດຍ​ການ​ເຂົ້າ​ຮ່ວມ​ຂອງ​ທ່ານ ໄຊສີ ສັນຕິວົງ ລັດຖະມົນຕີກະຊວງຍຸຕິທໍາ, ທ່ານ ເນເວັນ ມິມິຊາ ຄະນະກໍາມາທິການເພື່ອການຮ່ວມມື ແລະ ພັດທະນາສາກົນຂອງສະຫະພາບເອີຣົບ ແລະ ທ່ານນາງ Paulette Lenert ລັດຖະມົນຕີວ່າການກະຊວງການຮ່ວມມືເພື່ອການພັດທະນາ ແລະ ວຽກງານມະນຸດສະທໍາປະເທດລັກຊໍາບວກ.

ມອບ-ຮັບປື້ມປະມວນກົດໝາຍອາຍາສະບັບ​ທໍາ​ອິດຂອງລາວ - new3 - ມອບ-ຮັບປື້ມປະມວນກົດໝາຍອາຍາສະບັບ​ທໍາ​ອິດຂອງລາວ

ພິທີດັ່ງກ່າວໄດ້ມີການເຜີຍແຜ່ປຶ້ມປະມວນກົດໝາຍອາຍາສະບັບທໍາອິດຂອງລາວ, ເຊິ່ງສະພາແຫ່ງຊາດໄດ້ຮັບຮອງເອົາໃນເດືອນພຶດສະພາ 2017 ຜ່ານມາແລະ ມີຜົນບັງຄັບໃຊ້ໃນວັນທີ 1 ພະຈິກ 2018, ພາຍຫລັງກອງປະຊຸມ ແລະ ປຶກສາຫາລືດ້ານວິຊາການເປັນເວລາຫລາຍປີ.

ທ່ານ ເນເວັນ ມິມິຊາ ກ່າວ​ວ່າ: ລັດຖະບານລາວໄດ້ເອົາໃຈໃສ່ບາດກ້າວທີ່ສໍາຄັນດັ່ງກ່າວໄປສູ່ລະບຽບກົດໝາຍ ​ແລະ ​ເປັນຊ່ວງເວລາສໍາຄັນສໍາລັບລະບົບກົດໝາຍຂອງລາວ, ພ້ອມນີ້, ຕ້ອງມີຄວາມພະຍາຍາມອີກຕື່ມໃນການປັບປຸງ ແລະ ເຮັດໃຫ້ຂໍ້ກໍານົດຂອງກົດໝາຍອາຍາໃຫ້ມີຄວາມຮັດກຸມ ແລະ ເປັນມາດຕະຖານ, ໂດຍສະເພາະບັນຫາສິດທິມະນຸດໃນລະດັບສາກົນ, ຮັບປະກັນການເຜີຍແຜ່ ແລະ ການບັງຄັບໃຊ້ໃນທົ່ວປະເທດ.

​    ໂອກາດ​ດຽວກັນ, ທ່ານ ນາງ Paulette Lenert ກໍໄດ້ກ່າວສະ ແດງຄວາມຊົມເຊີຍຕໍ່ລັດຖະບານລາວ ແລະ ໄດ້ຢັ້ງຢືນອີກຄັ້ງໜຶ່ງໃນຄວາມໝາຍໝັ້ນຂອງປະເທດລຸກ​ຊໍາ​ບວນ​ໃນ​ການສະໜັບສະໜູນການປົກຄອງທີ່ດີ ແລະ ບັນດາສະຖາບັນທີ່ເຮັດໜ້າທີ່ທີ່ດີໃນລາວ, ໂດຍໃຫ້ຂໍ້ສັງເກດວ່າ “ອາດຊະ​ຍາ​ກໍາ​ບໍ່ສາມາດ​ແກ້​ໄຂ​ໄດ້​ພຽງ​ແຕ່​ໃນ​ຮູບ​ແບບ​ລະບຽບການ, ໂດຍການຕັດສິນ ແລະ ລົງໂທດປະຊາ ຊົນເທົ່າທີ່ເຫັນໄດ້ໃນກົດໝາຍອາຍາ​ເທົ່າ​ນັ້ນ ​ແລະ ເພື່ອຕ້ານ ອາດຊະຍາກໍາ, ການສຶກສາ ແລະ ການປ້ອງກັນອາດຊະຍາກໍາ ແມ່ນມີຄວາມສໍາຄັນ​ເຊັ່ນ​ດຽວກັນ.”

ມອບ-ຮັບປື້ມປະມວນກົດໝາຍອາຍາສະບັບ​ທໍາ​ອິດຂອງລາວ - lattana 1 - ມອບ-ຮັບປື້ມປະມວນກົດໝາຍອາຍາສະບັບ​ທໍາ​ອິດຂອງລາວ

​ທ່ານ ໄຊສີ ສັນຕິວົງ ​ໄດ້​ມີ​ຄໍາ​ເຫັນ​ວ່າ: ການສ້າງປຶ້ມປະມວນກົດໝາຍອາຍາດັ່ງກ່າວນີ້ ​ເພື່ອການປັບປຸງກົດໝາຍອາຍາ ປີ 2005 ແລະ ກົດໝາຍສະບັບອື່ນໆທີ່ກຳນົດການກະທຳຜິດທາງອາຍາ ແລະ ໂທດ ເພື່ອໃຫ້ສອດຄ່ອງກັບສະພາບການຂະຫຍາຍຕົວທາງດ້ານເສດຖະກິດ ລວມທັງສົນທິສັນຍາສາກົນ ທີ່ລາວເປັນພາຄີ ພ້ອມທັງກຳນົດການກະທຳຜິດໃໝ່, ​ເຊິ່ງການປະມວນກົດໝາຍອາຍາປະກອບມີ 3 ພາກຄື: ພາກທົ່ວໄປ, ພາກສະເພາະ ​ແລະ ບົດບັນຍັດສຸດທ້າຍ​ເຊິ່ງລວມມີ 425 ມາດຕາ. ໂດຍອີງຕາມມາດຕາ 80 ຂອງກົດໝາຍວ່າດ້ວຍການສ້າງນິຕິກຳ, ປະມວນກົດໝາຍອາຍາໄດ້ຖືກຈັດພິມລົງໃນຈົດໝາຍເຫດທາງລັດຖະການລະບົບເອເລັກໂຕຣນິກໃນວັນທີ 17 ຕຸລາ 2018 ແລະ ມີຜົນສັກສິດນັບແຕ່ວັນທີ 1 ພະຈິກ 2018 ເປັນຕົ້ນໄປ.

error: Content is protected !!