ລາວ-ຫວຽດນາມເພີ່ມທະວີການຮ່ວມມືການຮ່ວມມືວຽກງານສະພາແຫ່ງຊາດ

ລາວ-ຫວຽດນາມເພີ່ມທະວີການຮ່ວມມືການຮ່ວມມືວຽກງານສະພາແຫ່ງຊາດ - advert banner 728 90 728x90 - ລາວ-ຫວຽດນາມເພີ່ມທະວີການຮ່ວມມືການຮ່ວມມືວຽກງານສະພາແຫ່ງຊາດ

ໃນວັນທີ 26 ກັນຍານີ້ທີ່ຫໍສະພາແຫ່ງຊາດສະຫາຍ ນາງ ປານີ ຢາທໍ່ຕູ້ ກໍາມະການກົມການເມືອງສູນກາງພັກ, ປະທານສະພາແຫ່ງຊາດ ສປປ ລາວ ໄດ້ຕ້ອນຮັບການມາຢ້ຽມຢາມຢ່າງເປັນທາງການ  ຂອງສະຫາຍ ຫງວຽນ ທິ ກິມ ເງິນ ກຳມະການກົມການເມືອງສູນກາງພັກ, ປະທານສະພາແຫ່ງຊາດ ສສ ຫວຽດນາມ ພ້ອມດ້ວຍຄະນະໃນລະຫວ່າງວັນທີ  26-29 ກັນຍາ 2019 ຊຶ່ງ.

ລາວ-ຫວຽດນາມເພີ່ມທະວີການຮ່ວມມືການຮ່ວມມືວຽກງານສະພາແຫ່ງຊາດ - new3 - ລາວ-ຫວຽດນາມເພີ່ມທະວີການຮ່ວມມືການຮ່ວມມືວຽກງານສະພາແຫ່ງຊາດ

ສະຫາຍ ນາງ ປານີ ຢາທໍ່ຕູ້ ກ່າວວ່າ: ຂ້າພະເຈົ້າ ຂໍສະແດງຄວາມຊື່ນຊົມ ແລະ ຍິນດີເປັນຢ່າງຍິ່ງທີ່ໄດ້ຕ້ອນຮັບ ສະຫາຍ ຫງວຽນ ທິ ກິມ ເງິນ ກຳມະການກົມການເມືອງສູນກາງພັກ, ປະ ທານສະພາແຫ່ງຊາດ ສສ ຫວຽດນາມ ພ້ອມດ້ວຍຄະນະຜູ້ແທນຂັ້ນສູງ ຂອງສະພາແຫ່ງຊາດ ສສ ຫວຽດນາມ ທີ່ໄດ້ເດີນທາງມາຢ້ຽມຢາມຢ່າງເປັນການພາຍໃນຄັ້ງນີ້, ຊຶ່ງເປັນການສືບຕໍ່ປະກອບສ່ວນສຳຄັນ ເຂົ້າໃນການເສີມຂະຫຍາຍມູນເຊື້ອອັນດີງາມ ແຫ່ງສາຍພົວພັນມິດຕະພາບອັນຫຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງ ສອງພັກ-ລັດ ແລະ ປະຊາຊົນ ສອງຊາດລາວ-ຫວຽດນາມ ເວົ້າລວມ ແລະ ເວົ້າສະເພາະແມ່ນ ສອງສະພາແຫ່ງຊາດຂອງສອງປະ ເທດໃຫ້ນັບມື້ຂະຫຍາຍຕົວຢ່າງບໍ່ຢຸດຢັ້ງ ແລະ ມີປະສິດທິຜົນຍິ່ງຂຶ້ນເລື່ອຍໆ.

ສະຫາຍ ນາງ ປານີ ຢາທໍ່ຕູ້ ໃຫ້ຮູ້ວ່າ: ຕໍ່ກັບຄວາມຄືບໜ້າຂອງການກໍ່ສ້າງຫໍສະພາແຫ່ງຊາດຫລັງໃໝ່ ທີ່ໄດ້ຮັບທຶນຊ່ວຍເຫລືອຈາກພັກ, ລັດ ແລະ ປະຊາຊົນຫວຽດນາມອ້າຍນ້ອງ ແມ່ນໄດ້ດຳເນີນໄປຕາມແຜນທີ່ວາງໄວ້ໃນເບື້ອງຕົ້ນ, ເຊິ່ງມາຮອດປັດຈຸບັນ ສຳເລັດແລ້ວປະມານ 70% ຂອງໂຄງການກໍ່ສ້າງທັງໝົດ. ສຳລັບການຮ່ວມມືໃນເວທີພາກພື້ນ ແລະ ສາກົນ ໃນໄລຍະຜ່ານມາສອງສະພາແຫ່ງຊາດ ລາວ-ຫວຽດນາມ ພວກເຮົາກໍໄດ້ໃຫ້ການສະໜັບສະໜູນເຊິ່ງກັນ ແລະ ກັນ ໃນເວທີລັດຖະສະພາພາກພື້ນ ແລະ ສາກົນ. ຂ້າພະເຈົ້າ ຂໍສະເໜີ ໃຫ້ສືບຕໍ່ເສີມຂະຫຍາຍບົດຮຽນ ແລະ ມູນເຊື້ອດັ່ງກ່າວ, ເພື່ອປະກອບສ່ວນເຂົ້າໃນການປົກປັກຮັກສາສັນຕິພາບ, ສະຖຽນລະພາບ, ການຮ່ວມມື ແລະ ການພັດທະນາຢູ່ພາກພື້ນ ແລະ ໃນໂລກ.

ໃນໂອກາດດັ່ງກ່າວ, ສະຫາຍ ຫງວຽນ ທິ ກິມ ເງິນ ກຳມະການກົມການເມືອງສູນກາງພັກ, ປະທານສະພາແຫ່ງຊາດ ສສ ຫວຽດນາມ ໄດ້ສະແດງຄວາມຂອບໃຈເປັນຢ່າງສູງ ຕໍ່ສະຫາຍ ນາງ ປານີ ຢາທໍ່ຕູ້ ປະທານສະພາ ແຫ່ງຊາດລາວ ທີ່ໃຫ້ກຽດການຕ້ອນຮັບຢ່າງອົບອຸ່ນໃນຄັ້ງນີ້, ພ້ອມຕີລາຄາສູງ ຕໍ່ການພົວພັນຮ່ວມມື ຂອງ ສອງລັດຖະບານ ສ​ປ​ປ ລາວ ແລະ ສສ ຫວຽດນາມ ໃນໄລຍະຜ່ານມາ, ພ້ອມ​ທັງສະແດງຄວາມຍີນດີ ສືບຕໍ່ເພີ່ມທະວີເສີມຂະຫຍາຍສາຍພົວພັນຮ່ວມມືຮອບດ້ານອັນເປັນມູນເຊື້ອຂອງສອງປະເທດໃຫ້ນັບມື້ແໜ້ນແຟ້ນຍິ່ງໆຂຶ້ນ.

ລາວ-ຫວຽດນາມເພີ່ມທະວີການຮ່ວມມືການຮ່ວມມືວຽກງານສະພາແຫ່ງຊາດ - lattana 1 - ລາວ-ຫວຽດນາມເພີ່ມທະວີການຮ່ວມມືການຮ່ວມມືວຽກງານສະພາແຫ່ງຊາດ

ຂ່າວຍັງໃຫ້ຮູ້ອີກວ່າ: ໃນວັນທີ 27 ກັນຍາ 2019 ນີ້, ສະພາແຫ່ງຊາດ ລາວ-ຫວຽດນາມ ໄດ້ຮ່ວມສຳມະນາ ໃນຫົວຂໍ້ “ການປະຕິບັດພາລະບົດບາດ ຕິດຕາມກວດກາ ການພັດທະນາສີມືແຮງງານ ແລະ ການພິຈາລະນາຄໍາຮ້ອງຂໍຄວາມເປັນທໍາ” ໂດຍມີ ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ ແຫ່ງ ສປປ ລາວ, ທ່ານ ນາງ ຫງວຽນ ທິ ກິມ ເງິນ ປະທານສະພາແຫ່ງຊາດ ແຫ່ງ ສສ ຫວຽດນາມເຂົ້າຮ່ວມ.

    ຊຸດສໍາມະນາໃນຄັ້ງນີ້, ໄດ້ສຸມໃສ່ແລກປ່ຽນບົດຮຽນ ໃນ 2 ຫົວຂໍ້ຫລັກ ຄື: ການພັດທະນາສີມືແຮງງານ, ການສ້າງວຽກເຮັດງານທໍາ ແລະ ການພິຈາລະນາຄໍາຮ້ອງຂໍຄວາມເປັນທຳ ເຊິ່ງໃນສອງຫົວຂໍ້ດັ່ງກ່າວ, ພົວພັນໂດຍກົງເຖິງສິດ ແລະ ຜົນປະໂຫຍດຂອງພົນລະເມືອງ; ພົວພັນເຖິງຄວາມຮັບ ຜິດຊອບຂອງທຸກພາກສ່ວນກ່ຽວຂ້ອງຂອງລັດ, ລວມທັງສະພາແຫ່ງຊາດ ແລະ ສະພາປະຊາຊົນຂັ້ນແຂວງ ຈະຕ້ອງມີສ່ວນຮ່ວມ ໃນການສົ່ງເສີມ ແລະ ແກ້ໄຂບັນຫາຂອງປະຊາຊົນ ໃຫ້ສອດຄອ່ງ ແລະ ຖືກຕ້ອງຕາມກົດໝາຍ, ຮັບປະກັນສິດທິພື້ນຖານຂອງພົນລະເມືອງ ຕາມທີ່ລັດຖະທໍາມະນູນກໍານົດໄວ້.

error: Content is protected !!