ຄຸນສົມບັດນັກຮຽນ ຢູ່ທີ່ພຶດຕິກຳ

- advert banner 728 90 728x90 - ຄຸນສົມບັດນັກຮຽນ ຢູ່ທີ່ພຶດຕິກຳ

ໂດຍ: ທິດກ່ຳ

- new3 - ຄຸນສົມບັດນັກຮຽນ ຢູ່ທີ່ພຶດຕິກຳ

ເນື່ອງໃນໂອກາດວັນຄູ ແຫ່ງຊາດພວມຢູ່ໃນອາຍອຸ່ນ ທິດກ່ຳ ຂໍຖືໂອກາດນີ້ຍິບຍົກເອົາເລື່ອງສັງຄົມຂອງນັກຮຽນໃນສະພາບປັດຈຸບັນມາ ເຈຍລະໄນສູ່ກັນຟັງ. ອັນສາເຫດກໍຍ້ອນວ່າໄດ້ເບິ່ງໃນ ຄລິບມາຫລາຍຄັ້ງ, ຫລາຍ ຫົນເຫັນນັກຮຽນຢູ່ບາງບ່ອນ ລຸ່ມຕີກັນຢ່າງອຸດຕະລຸດ; ແຕ່ກໍບໍ່ຮູ້ວ່າ ເປັນໂຮງຮຽນໃດ, ຊັ້ນໃດ, ຫ້ອງໃດ ແລະ ຢູ່ບ້ານ ໃດ, ເທົ່າທີ່ເຫັນບາງຄັ້ງເບິ່ງ ຄືວ່າທ້າທາຍນັດໄປອາລະ ວາດຕີກັນແບບໂກ້ໆ.

ບາງບ່ອນກໍເຫັນຕີກັນ ໃນເດີ່ນໂຮງຮຽນ ແລະ ຍິ່ງໄປກວ່ານັ້ນບາງໂຮງຮຽນ ເຫັນລຸມຕີກັນຄາຫ້ອງຮຽນ ຢ່າງດື້ດ້ານໂດຍບໍ່ຄຳນຶງເຖິງຂໍ້ກຳນົດ ກົດລະບຽບຂອງໂຮງຮຽນ ແລະ ບໍ່ເກງກົວຕໍ່ ກົດໝາຍບ້ານເມືອງ. ເມື່ອເຫັນສະພາບແບບນີ້ແລ້ວ ກໍໜ້າໜັກໃຈເປັນຫວ່ງນຳລູກຫລານ, ຈັກແມ່ນລູກໃຜ, ຫລານໃຜ, ລູກຫລານນັກຮຽນເຮົາສະໄໝນີ້ຄືມີຫລາຍ ອັນຫລາຍຢ່າງໄດ້ປ່ຽນພຶດຕິກຳຕາມຍຸກໂລກາພິ ວັດໄປໃນທາງລົບທີ່ບໍ່ເຂົ້າ ທ່າຖືກທາງ ກັບຮີດບ້ານຄອງເມືອງຝືນກັບວັດທະນະທຳ ແລະ ຮີດຄອງປະເພນີອັນ ດີງາມຂອງຊາດ.

ຕໍ່ປາກົດການໃນທາງລົບ, ຕາມເຮົາຄິດວ່າ ມັນກໍ ບໍ່ມີພໍຮອດຍິບໜຶ່ງຂອງຈຳນວນນັກຮຽນນັກສຶກສາພາຍໃນປະເທດ. ໝາຍວ່າຍັງມີນັກຮຽນ, ນັກສຶກສາທີ່ດີ, ຮຽນດີ, ຮຽນເກັ່ງ, ມີວິໄນນັ້ນມີເປັນແສນເປັນລ້ານໃນທົ່ວປະເທດ.

ສຳລັບພວກນັກຮຽນໃຈໂຫດທີ່ມັກເກາະຜິດກັນ, ມັກຕີກັນເມື່ອເຂົາຮຽນຈົບໄປ ແລ້ວ, ຖ້າບໍ່ມີການປ່ຽນແປງໄປໃນທາງທີ່ດີຕໍ່ໄປຈາກການເປັນນັກເລງອັນຕະພານເມື່ອໄດ້ເຂົ້າເປັນພະນັກງານມັນກໍ ພາໝູ່ເພ, ສໍ້ລາດບັງຫລວງ, ກິນບ້ານ, ກິນເມືອງ, ເຫັນແຕ່ຜົນປະໂຫຍດສ່ວນຕົວ, ບໍ່ເຫັນຜົນປະໂຫຍດຂອງຊາດບ້ານ ເມືອງໄດ້ມີຄຳສຸພາສິດບູ ຮານເພິ່ນເຄີຍກ່າວມາວ່າ ນັກຮຽນດີມີສີແກ່ຊາດນັກ ຮຽນສະຫລາດພາຊາດຈະເລີນຫລືຍັງມີຄຳສຸພາສິດອີກປະໂຫຍດໜຶ່ງໄດ້ເວົ້າວ່ານັກ ຮຽນດີມີສີແກ່ຕົວ, ນັກຮຽນ ຊົ່ວພາຕົວໝົ່ນໝອງ. ນີ້ລະຄືສັດຈະທຳທີ່ມີຄວາມໝາຍ ເປັນຄວາມຈິງ ແລະ ຖືກຕ້ອງ.

ແນວໃດກໍຕາມ, ເທົ່າທີ່ໄດ້ເຫັນຜ່ານມາກໍຄືໃນສະພາບ ສັງຄົມລາວປັດຈຸບັນໄດ້ມີນັກຮຽນ,  ນັກສຶກສາເຮົາຢ່າງ ຫລວງຫລາຍ ແລະ ນັບມື້ເພີ່ມຂຶ້ນເປັນຄົນຮຽນດີ, ຮຽນເກັ່ງ, ມີຄຸນສົມບັດທັດສະນະສົມກັບວ່າເປັນຄົນດີຂອງຊາດ ຫລື ບາງຄົນກໍໄດ້ຮອດໃບປະກາດແດງອັນເປັນຄວາມພາກພູມໃຈຂອງພໍ່ແມ່ ແລະ ໃບໜ້າໃບ ຕາຂອງຊາດ.

- lattana 1 - ຄຸນສົມບັດນັກຮຽນ ຢູ່ທີ່ພຶດຕິກຳ

ໃນບາງໄລຍະ ຫລື ບາງ ປີເມື່ອມີໂອກາດກໍໄດ້ໄປຮ່ວມແຍ່ງແຂ່ງຂັນເພື່ອຍາດເອົາ ລາງວັນອັນຊົງກຽດໃນສາຂາວິຊາການຕ່າງໆ ທັງໄດ້ ເງິນໄດ້ຫລຽນ ຫລື ລາງວັນຕ່າງໆມາໃຫ້ຕົນເອງ ແລະ ປະເທດຊາດ, ນີ້ຄືສິ່ງຍອດຍິ່ງທີ່ເດັກເຍົາວະຊົນ, ຊາວ ໜຸ່ມນັກຮຽນ, ນັກສຶກສາລາວ ພວມເຮັດໄດ້ ແລະ ພວມກ້າວ ໄປຢ່າງບໍ່ຢຸດຢັ້ງ.

ໃນຍຸກແຫ່ງການເຊື່ອມໂຍງຂອງພາກພື້ນ ແລະ ສາກົນໄດ້ສ້າງເງື່ອນໄຂໃຫ້ນັກຮຽນ, ນັກສຶກສາລາວພວມ ກະຕືລືລົ້ນຕໍ່ການພັດທະນາຕົນເອງໃຫ້ກາຍເປັນຄົນດີ, ຮຽນເກັ່ງ, ມີວິໄນ, ມີຄຸນສົມ ບັດຄວາມໄຝ່ຝັນຕໍ່ອະນາຄົດອັນສົດໃສ ແລະ ຍາວໄກ.

ນີ້ຄືປັດໄຈອັນໃໝ່ໆ ທີ່ນັກຮຽນ, ນັກສຶກສາເຮົາຄວນແຂ່ງຂັນກັນເຮັດໃຫ້ເປັນຂະບວນໂດດເດັ່ນ, ແຂງແຮງ, ກວ້າງຂວາງ ແລະ ຟົດຟື້ນ ເພື່ອອະນາຄົດຂອງຕົນເອງ, ຍາດມິດ,  ພີ່ນ້ອງ ແລະ ປະເທດຊາດ. ສ່ວນພືດຕິກຳໄປ ໃນທາງລົບນັ້ນໃຫ້ພາກັນຢຸດຕິກອນເວລາແຫ່ງຄວາມ ເສຍດາຍຈິບຫາຍຂອງຊີວິດຈະມາເຖິງ./.

- 12477 - ຄຸນສົມບັດນັກຮຽນ ຢູ່ທີ່ພຶດຕິກຳ
(ພາບປະກອບ)

error: Content is protected !!