ຂະແໜງອຸດສາຫະກຳຢູ່ປະເທດເຮົາຍັງຂະຫຍາຍຕົວຊ້າ

ຂະແໜງອຸດສາຫະກຳຢູ່ປະເທດເຮົາຍັງຂະຫຍາຍຕົວຊ້າ - advert banner 728 90 728x90 - ຂະແໜງອຸດສາຫະກຳຢູ່ປະເທດເຮົາຍັງຂະຫຍາຍຕົວຊ້າ

ການຂະຫຍາຍຕົວ ຂອງຂະແໜງອຸດສາຫະກຳ ກໍຄືໂຮງຈັກ-ໂຮງງານ ໃນສປປ ລາວ ໃນໄລຍະຜ່ານມາ, ເຫັນວ່າຍັງມີອັດຕາສ່ວນໜ້ອຍ ເຖິງວ່າ ລັດຖະບານ ໄດ້ປັບປຸງ ແລະ ສ້າງນິຕິກໍາໃໝ່ ເປັນ​ຕົ້ນ ກົດໝາຍວ່າດ້ວຍການສົ່ງເສີມການລົງທຶນ, ກົດໝາຍວ່າດ້ວຍການແຂ່ງຂັນ, ກົດໝາຍວ່າດ້ວຍວິສາຫະກິດ  ແລະ  ອື່ນໆ ເພື່ອດຶງດູດການລົງທຶນຂະໜາດໃຫຍ່, ແຕ່ຈາກຕົວເລກສະຖິຕິແລ້ວ ຍັງບໍ່ສາມາດດຶງດູດການລົງທຶນຂະໜາດໃຫຍ່ໄດ້ເທົ່າທີ່ຄວນ.

ຂະແໜງອຸດສາຫະກຳຢູ່ປະເທດເຮົາຍັງຂະຫຍາຍຕົວຊ້າ - new3 - ຂະແໜງອຸດສາຫະກຳຢູ່ປະເທດເຮົາຍັງຂະຫຍາຍຕົວຊ້າ

  ກົມອຸດສາຫະກໍາ ແລະ ຫັດຖະກໍາ, ກະຊວງອຸດສາຫະກໍາ ແລະ ການຄ້າ ຕີລາຄາວ່າ: ລັດ ຖະບານ, ຄວນສືບຕໍ່ຄົ້ນຄວ້າ ແລະ ທົບທວນຄືນ, ນະໂຍບາຍຕ່າງໆ ເພື່ອປັບປຸງສະພາບແວດລ້ອມການລົງທຶນໃຫ້ຈັບໃຈນັກລົງທຶນທັງພາຍໃນ ແລະ ຕ່າງປະເທດ. ພ້ອມນັ້ນ ໄດ້ດໍາເນີນການເກັບກໍາສະຖິຕິໂຮງງານ ​ໂດຍເນັ້ນໃສ່ຫົວໜ່ວຍໂຮງງານທີ່ມີການເຄື່ອນໄຫວ, ການຜະລິດ, ດ້ານຊັບສິນສິນຄ້າ, ການຈັດງານ ແລະ ການບໍລິການຕ່າງໆ. ໃນທ້າຍ 2015 ທົ່ວປະເທດ ມີໂຮງຈັກ-ໂຮງງານຂະໜາດຕ່າງໆ 13.148 ແຫ່ງ ໃນນັ້ນ, ຕ່າງປະເທດລົງທຶນ 100% ມີ 354 ບໍລິສັດ, ຮ່ວມທຶນ 2.115 ແລະ ພາຍໃນ 10.679. ບັນດາ​ແຂວງທີ່ມີໂຮງງານຕັ້ງຢູ່ຫລາຍກວ່າໝູ່ແມ່ນ: ນະຄອນຫລວງວຽງຈັນ 2.433 ໂຮງງານ, ແຂວງບໍລິຄໍາໄຊ 2.237 ໂຮງງານ, ຄໍາມ່ວນ 1.737 ແຫ່ງ, ແຂວງສະຫວັນນະເຂດ 1.682 ແຫ່ງ, ແຂວງວຽງຈັນ 1.119 ແຫ່ງ ແລະ ຈໍາປາສັກ 1.031 ແຫ່ງ.

ສຳລັບອຸດສາຫະກໍາການຜະລິດ ແລະ ບໍລິການໄດ້ແບ່ງອອກເປັນ 81 ປະເພດ ໃນນັ້ນປະເພດການຜະລິດທີ່ເກີດຂຶ້ນຫລາຍກວ່າໝູ່ແມ່ນ ການສີເຂົ້າ/ສາລີ ແລະ ການຜະລິດແປ້ງ ມີ 5.757 ແຫ່ງ, ຜະລິດຕະພັນສໍາເລັດຮູບຄອນກຣີດ ມີ 826 ໂຮງງານ ແລະ ການຜະລິດເຄື່ອງເຟີນິເຈິມີ 784 ໂຮງງານ

ກົມດັ່ງກ່າວ​ໃຫ້ຮູ້ວ່າ: ການເກັບກໍາສະຖິຕິພາກການຜະລິດອຸດສາຫະກໍາແມ່ນມີຄວາມຫຍຸ້ງຍາກຫລາຍ, ເຊິ່ງຍັງມີຫລາຍຂົງເຂດທີ່ບໍ່ສາມາດເກັບກໍາໄດ້ ເປັນສາຍເຫດໜຶ່ງທີ່ບໍ່ສາມາດລົງເລິກແຕ່ລະຂະແໜງການອຸດສາຫະກໍາຂອງປະເທດ. ແຕ່ອີງຕາມຂໍ້ມູນທີ່ມີ ສາມາດສະຫລຸບໄດ້ວ່າ  ໂຮງງານຂະໜາດໃຫຍ່ທີ່ສາມາດຂັບເຄື່ອນເສດຖະກິດລາວໄດ້ນັ້ນ ມີຈໍານວນນ້ອຍທີ່ສຸດ ເຊິ່ງ 80% ແມ່ນໂຮງງານຂະໜາດນ້ອຍ ແລະ ແບບຄອບຄົວ. ສໍາລັບຂໍ້ມູນການລົງທຶນເພື່ອຮັກສາສິ່ງແວດລ້ອມຍັງບໍ່ຊັດເຈນ (ບໍ່ສາມາດເກັບກໍາລາຍລະອຽດໄດ້) ແຕ່ການນໍາໃຊ້ເຊື້ອໄຟໃນການຜະລິດແມ່ນສູງ ເຊິ່ງສາມາດຄາດເດົາໄດ້ວ່າ ການປ່ອຍມົນລະພິດສູ່ອາກາດມີອັດຕາສູງ.

error: Content is protected !!