ກໍ່­ສ້າງ​ສູນ​ການ​ສຶກ­ສາ ​ແລະ​ ບໍ­ລິ­ການ​ສຸ­ຂະພາບທັນ​ສະ​ໄໝ​ໃນ​ເຂດ​ເສດ­ຖະ­ກິດ​ບໍ່​ເຕ່ນ

ກໍ່­ສ້າງ​ສູນ​ການ​ສຶກ­ສາ ​ແລະ​ ບໍ­ລິ­ການ​ສຸ­ຂະພາບທັນ​ສະ​ໄໝ​ໃນ​ເຂດ​ເສດ­ຖະ­ກິດ​ບໍ່​ເຕ່ນ - advert banner 728 90 728x90 - ກໍ່­ສ້າງ​ສູນ​ການ​ສຶກ­ສາ ​ແລະ​ ບໍ­ລິ­ການ​ສຸ­ຂະພາບທັນ​ສະ​ໄໝ​ໃນ​ເຂດ​ເສດ­ຖະ­ກິດ​ບໍ່​ເຕ່ນ

ພິທີ​ວາງ​ສີ​ລາ​ລືກ​ກໍ່ສ້າງ​ອາຄານ​ສູນ​ການ​ສຶກສາ​ ແລະ ​ບໍລິການ​ສຸຂະພາບທັນ​ສະ​ໄໝ ​ໃນ​ເຂດ​ເສດຖະກິດ​ພິ​ເສດ​ບໍ່​ເຕ່ນ​ແດນ​ງາມ​​ແຂວງ​ຫລວງ​ນໍ້າທາ, ໄດ້ຈັດ​ຂຶ້ນ​​ເມື່ອ​ບໍ່​ດົນ​ມາ​ນີ້, ໂດຍ​ມີທ່ານນາງ ຄຳ​ຈັນ ວົງ​ແສນ​ບູນ ຮອງ​ລັດຖະມົນຕີ​ກະຊວງ​ແຜນການ ແລະ ການ​ລົງທຶນ, ມີ​ບັນດາ​ຮອງ​ເຈົ້າແຂວງ 4 ແຂວງ​ພາກ​ເໜືອ, ມີ​ຄະນະ​ບໍລິຫານ​ເຂດເສດຖະກິດ​ດັ່ງກ່າວ ແລະ ພາກສ່ວນ​ກ່ຽວຂ້ອງຕ່າງໆ​ເຂົ້າ​ຮ່ວມ.

ກໍ່­ສ້າງ​ສູນ​ການ​ສຶກ­ສາ ​ແລະ​ ບໍ­ລິ­ການ​ສຸ­ຂະພາບທັນ​ສະ​ໄໝ​ໃນ​ເຂດ​ເສດ­ຖະ­ກິດ​ບໍ່​ເຕ່ນ - new3 - ກໍ່­ສ້າງ​ສູນ​ການ​ສຶກ­ສາ ​ແລະ​ ບໍ­ລິ­ການ​ສຸ­ຂະພາບທັນ​ສະ​ໄໝ​ໃນ​ເຂດ​ເສດ­ຖະ­ກິດ​ບໍ່​ເຕ່ນ

  ທ່ານ ເຊິງ ຈິງ ເຊິນ ຮອງ​ປະທານ​ຄະນະ​ບໍລິຫານ​ເຂດເສດຖະກິດດັ່ງ​ກ່າວ ​ໃຫ້​ຮູ້​ວ່າ: ຕາມ​ແຜນ​ແມ່​ບົດການ​ພັດທະນາ​ຂອງ​ເຂດ​ເສດຖະກິດ​ພິເສດ​ບໍ່​ເຕ່ນ​ແດນ​ງາມໄດ້​ກຳນົດ 4 ເຂດ ຫລື 4 ກິດຈະການ​ໃຫຍ່, ໃນ​ນັ້ນເຂດ​ການ​ສຶກສາ ແລະ ເຂດ​ບໍລິການ​ສຸຂະພາບ ​ແມ່ນ​ໜຶ່ງ​ໃນ​ກິດຈະການທີ່​ໄດ້​ກໍານົ​ດ​ໄວ້, ໂດຍ​ຈະ​ກໍ່ສ້າງ​ໂຮງຮຽນນັບແຕ່​ລະດັບ​ຊັ້ນ​ອະນຸ​ບານ​, ​ປະ​ຖົມ, ​ມັດທະຍົມ ຈົນ​ໄປຮອດລະດັບ​ວິທະຍາໄລໃນ​ສາຂາ​ວິຊາ​ຊີບ​ຕ່າງໆ ​ເພື່ອກາຍເປັນ​ສູນ​ກາງ​ການ​ຮຽນ​ຮູ້, ແລກປ່ຽນວັດທະນະ​ທໍາ ແລະ ການ​ຮ່ວມ​ມືລະຫວ່າງ​ລາວ​-​ຈີນ.

   ສຳລັບ​ການ​ບໍລິການ​ສຸຂະພາບ​ແມ່ນ​ກໍ່ສ້າງ​ໂຮງໝໍ​ປິ່ນ​ປົວ​ສຸຂະພາບ​ຄົບ​ວົງ​ຈອນ ເພື່ອ​ບໍລິການ​ປິ່ນປົວ​ສຸຂະພາບ​ໃຫ້​ປະຊາຊົນ​ທົ່ວ​ໄປ, ໂດຍ​ມີໂຮງໝໍ​ທີ່​ມີຊື່​ສຽງ​ຈາກ ສປ ຈີນ ​ແລະ ​ປະເທດ​ອື່ນໆ​ໄດ້ໃຫ້​ຄວາມ​ສົນໃຈ​ມາ​ລົງທຶນ​ຢູ່​ເຂດ​ເສດຖະກິດ​ແຫ່ງ​ນີ້​ແລ້ວ, ໂດຍ​ຈະ​ນຳ​ອຸປະກອນ​ການ​ແພດ​ທີ່​ທັນ​ສະໄໝ​ເຂົ້າ​ມາ ​ບໍລິການ​ປິ່ນປົວ, ລວມ​ທັງ​ການ​ຄົ້ນຄວ້າ​ວິໄຈ​ຜະລິດ​ຕະ​ພັນ​ຢາທີ່ີມີ​ຄຸນ​ນະພາ​ບ.

ກໍ່­ສ້າງ​ສູນ​ການ​ສຶກ­ສາ ​ແລະ​ ບໍ­ລິ­ການ​ສຸ­ຂະພາບທັນ​ສະ​ໄໝ​ໃນ​ເຂດ​ເສດ­ຖະ­ກິດ​ບໍ່​ເຕ່ນ - lattana 1 - ກໍ່­ສ້າງ​ສູນ​ການ​ສຶກ­ສາ ​ແລະ​ ບໍ­ລິ­ການ​ສຸ­ຂະພາບທັນ​ສະ​ໄໝ​ໃນ​ເຂດ​ເສດ­ຖະ­ກິດ​ບໍ່​ເຕ່ນ
ກໍ່­ສ້າງ​ສູນ​ການ​ສຶກ­ສາ ​ແລະ​ ບໍ­ລິ­ການ​ສຸ­ຂະພາບທັນ​ສະ​ໄໝ​ໃນ​ເຂດ​ເສດ­ຖະ­ກິດ​ບໍ່​ເຕ່ນ - 01 - ກໍ່­ສ້າງ​ສູນ​ການ​ສຶກ­ສາ ​ແລະ​ ບໍ­ລິ­ການ​ສຸ­ຂະພາບທັນ​ສະ​ໄໝ​ໃນ​ເຂດ​ເສດ­ຖະ­ກິດ​ບໍ່​ເຕ່ນ

   ທ່ານຮອງ​ລັດຖະມົນຕີ​ກະຊວງ​ແຜນການ ແລະ ການ​ລົງທຶນມີ​ຄໍາ​​ເຫັນ​ວ່າ: ຫາກ​ໂຄງການ​ນີ້​​ກໍ່ສ້າງສຳເລັດ ປະ​ເທດ​ເຮົາ​ກໍຈະ​ມີ​ສະຖານທີ່​ປິ່ນປົວສຸຂະ​ພາບ ແລະ ສະ​ຖາ​ບັນ​ການ​ສຶກສາ​ທີ່​ມີ​ຄຸນ​ນະ​ພາບ​ທຽບ​ເທົ່າ​ພາກ​ພື້ນ ແລະ ສາ​ກົນ.

   ສຳລັບ​ເຂດ​ເສດຖະກິດ​ພິເສດ​ບໍ່​ເຕ່ນ​ແດນ​ງາມ, ປັດຈຸບັນ​ກຳລັງ​ບຸກເບີກ ແລະ ປັບ​ໜ້າດິນ ເພື່ອ​ກໍ່ສ້າງ​ໂຄງ​ລ່າງ​ພື້ນຖານຕ່າງໆ, ​ໂດຍ​ການພັດທະນາ​ເຂດ​ດັ່ງກ່າວ​ໃຫ້​ເປັນນິຄົມ​ອຸດສາຫະກຳ ແລະ ໂລ​ຈິ​ສ​ຕິກ, ເຂດ​ການ​ຄ້າ​-​ການ​ເງິນ​ສາກົນ, ເຂດ​ການ​ສຶກສາ​-​ບໍລິການ​ສຸຂະພາບ ແລະ ການທ່ອງທ່ຽວ ​ແລະ ກາຍ​ເປັນຕົວ​ເມືອງ​ທີ່​ທັນ​ສະ​ໄໝ​ໃນ​ອານາ​ຄົດ.

error: Content is protected !!