ນັກ​ລົງທຶນ​ຕ່າງປະ​ເທດ​ຢາ​ກພັດ​ທະ​ນາ​ຕົວ​ເມືອງ​ທັນ​ສະ​ໄໝຢູ່​ແຂວງ​ຫລວງ​ນໍ້າ​ທາ ​ແລະ ອຸ​ດົມ​ໄຊ.

ນັກ​ລົງທຶນ​ຕ່າງປະ​ເທດ​ຢາ​ກພັດ​ທະ​ນາ​ຕົວ​ເມືອງ​ທັນ​ສະ​ໄໝຢູ່​ແຂວງ​ຫລວງ​ນໍ້າ​ທາ ​ແລະ ອຸ​ດົມ​ໄຊ. - advert banner 728 90 728x90 - ນັກ​ລົງທຶນ​ຕ່າງປະ​ເທດ​ຢາ​ກພັດ​ທະ​ນາ​ຕົວ​ເມືອງ​ທັນ​ສະ​ໄໝຢູ່​ແຂວງ​ຫລວງ​ນໍ້າ​ທາ ​ແລະ ອຸ​ດົມ​ໄຊ.

ໃນກອງປະຊຸມລັດຖະບານ​ປະຈໍາ​ເດືອນ​ຕຸລາ​ນີ້, ​ໂດຍ​ການ​ເປັນ​ປະທານ​ຂອງ​ທ່ານ​ນາຍົກລັດຖະມົນຕີ ທອງ​ລຸນ ສີ​ສຸ​ລິດ, ​ໄດ້​ຊີ້ນໍາ​ໃຫ້​ກະຊວງ​ແຜນການ-ກາ​ນລົງທຶນສົມທົບ​ກັບທ້ອງ​ຖິ່ນ ເອົາ​ໃຈ​ໃສ່​ກວດກາ​ຂໍ້​ສະ​ເໜີຕ່າງໆ​ຂອງ​ບໍລິສັດຈາກ​ຕ່າງ​ປະ​ເທດທີ່​ຕ້ອງການພັດທະນາຕົວເມືອງທັນສະໄໝ AMATA Smart and Eco City ຢູ່ແຂວງຫລວງນໍ້າທາ ແລະ ແຂວງອຸດົມໄຊ, ຫລັງ​ຈາກ​ໂຄງການ​ດັ່ງກ່າວ​ໄດ້ຮັບ​ການສຶກສາ-ສຳຫລວດຄວາມເປັນໄປໄດ້ ແລະ ອອກແບບສໍາ​​ເລັດ​ແລ້ວ. 

ນັກ​ລົງທຶນ​ຕ່າງປະ​ເທດ​ຢາ​ກພັດ​ທະ​ນາ​ຕົວ​ເມືອງ​ທັນ​ສະ​ໄໝຢູ່​ແຂວງ​ຫລວງ​ນໍ້າ​ທາ ​ແລະ ອຸ​ດົມ​ໄຊ. - new3 - ນັກ​ລົງທຶນ​ຕ່າງປະ​ເທດ​ຢາ​ກພັດ​ທະ​ນາ​ຕົວ​ເມືອງ​ທັນ​ສະ​ໄໝຢູ່​ແຂວງ​ຫລວງ​ນໍ້າ​ທາ ​ແລະ ອຸ​ດົມ​ໄຊ.

  ກອງປະຊຸມຕີ​ລາຄາວ່າ: ໂຄງການດັ່ງກ່າວ​ໄດ້ມີການວິເຄາະວິໄຈທາງດ້ານເສດຖະກິດດີສົມຄວນ ​ແລະ ​ເຫັນ​ວ່າສອດຄ່ອງກັບທິດທາງລັດຖະບານໃນການສົ່ງເສີມການລົງທຶນ, ການຜະລິດພາຍໃນ ແລະ ການພັດທະນາຕາມແລວທາງລົດໄຟລາວ-ຈີນ, ພ້ອມນັ້ນກໍເຫັນວ່າບໍລິສັດຜູ້ລົງທຶນ​ແມ່ນມີບົດຮຽນ, ມີທຶນຮອນ, ມີຊື່ສຽງ ແລະ ມີປະສົບການຈາກການລົງທຶນຂະໜາດໃຫຍ່ຢູ່ຫລາຍປະເທດມາແລ້ວ ເປັນຕົ້ນ: ຫວຽດນາມ, ມຽນມາ ແລະ ໄທ, ທັງມີຄວາມຕັ້ງໃຈ ແລະ ພະຍາຍາມສູງ, ເຖິງແມ່ນວ່າພື້ນທີ່ດັ່ງກ່າວຈະມີຄວາມຫຍຸ້ງຍາກ, ເປັນພູຜາ, ຍັງບໍ່ທັນມີພື້ນຖານໂຄງລ່າງ ແລະ ການລົງທຶນກໍຈະມີມູນຄ່າສູງ. ດັ່ງນັ້ນ, ຖ້າໂຄງການນີ້ໄດ້ຮັບການຈັດຕັ້ງປະຕິບັດ ກໍຈະເປັນການສະໜັບສະໜູນການນຳໃຊ້ໂຄງການທາງລົດໄຟລາວ-ຈີນ​ໄດ້​ເຕັມ​ປະສິດທິ​ຜົນ ແລະ ປະກອບສ່ວນສໍາຄັນຕໍ່ການພັດທະນາເສດຖະກິດ-ສັງຄົມຂອງປະເທດເຮົາ.

ນັກ​ລົງທຶນ​ຕ່າງປະ​ເທດ​ຢາ​ກພັດ​ທະ​ນາ​ຕົວ​ເມືອງ​ທັນ​ສະ​ໄໝຢູ່​ແຂວງ​ຫລວງ​ນໍ້າ​ທາ ​ແລະ ອຸ​ດົມ​ໄຊ. - lattana 1 - ນັກ​ລົງທຶນ​ຕ່າງປະ​ເທດ​ຢາ​ກພັດ​ທະ​ນາ​ຕົວ​ເມືອງ​ທັນ​ສະ​ໄໝຢູ່​ແຂວງ​ຫລວງ​ນໍ້າ​ທາ ​ແລະ ອຸ​ດົມ​ໄຊ.

   ແຕ່​ແນວໃດກໍຕາມ, ເນື່ອງຈາກໂຄງການດັ່ງກ່າວຕິດພັນກັບການສະເໜີຂໍນະໂຍບາຍສົ່ງເສີມການລົງທຶນ ແລະ ການຊົດເຊີຍໃຫ້ຜູ້ໄດ້ຮັບຜົນກະທົບ, ລັດຖະບານ ​ໄດ້ມອບໝາຍໃຫ້ກະຊວງແຜນການ ແລະ ການລົງທຶນ ເປັນເຈົ້າການສົມທົບກັບຂະແໜງການ ແລະ ທ້ອງຖິ່ນກ່ຽວຂ້ອງ ​ເພື່ອຄົ້ນຄວ້າບັນດາຂໍ້ສະເໜີ ແລະ ເຈລະຈາກັບບໍລິສັດ ເພື່ອ​ໃຫ້ຮັບປະກັນຜົນປະໂຫຍດຂອງຊາດແລະ ປະຊາຊົນ, ຫລີກລ່ຽງຜົນກະທົບຕ່າງໆທີ່ຈະເກີດຂຶ້ນ, ໂດຍສະເພາະຜົນກະທົບທາງດ້ານສິ່ງແວດລ້ອມ ແລະ ສັງຄົມ, ພ້ອມທັງຮັບປະກັນຄວາມສະຫງົບ ແລະ ຄວາມເປັນລະບຽບຮຽບຮ້ອຍ, ຈາກນັ້ນ ໃຫ້ມາລາຍງານຜົນການເຈລະຈາເພື່ອໃຫ້ລັດຖະບານພິຈາລະນາຕໍ່ໄປ.

error: Content is protected !!