ປີ​ນີ້ການ​ຜະລິດ​ເຂົ້າຢູ່​ປະ​ເທດ​ເຮົາ​ບໍ່​ໄດ້​ຕາມ​ແຜນ

- kk - ປີ​ນີ້ການ​ຜະລິດ​ເຂົ້າຢູ່​ປະ​ເທດ​ເຮົາ​ບໍ່​ໄດ້​ຕາມ​ແຜນ
- Untitled design - ປີ​ນີ້ການ​ຜະລິດ​ເຂົ້າຢູ່​ປະ​ເທດ​ເຮົາ​ບໍ່​ໄດ້​ຕາມ​ແຜນ

  ຮອງ​ນາຍົກລັດຖະມົນຕີ, ລັດຖະມົນຕີ​ກະຊວງ​​ແຜນ​ການ ​ແລະ ການ​ລົງ​ທຶນ ​ໃຫ້​ຮູ້ວ່າ: ​​ປີ 2019 ​ນີ້, ລັດຖະບານ​ວາງ​ຄາດໝາຍການຜະລິດ​ເຂົ້າ​ໃຫ້​ໄດ້ 4,4 ລ້ານ​ໂຕນທີ່​ສະພາ​ແຫ່ງ​ຊາດ​​ໄດ້​ຮັບຮອງ​ເອົາ, ​ແຕ່​ຜ່ານ​ການ​ປະຕິ​ບັດ​ຕົວ​ຈິງ​ເຫັນ​ວ່າ​ຈະ​ບັນລຸໄດ້​ພຽງ 3,53 ລ້ານ​ໂຕນ​ເທົ່າ​ນັ້ນເທົ່າ​ກັບ 80,22% ຂອງ​ແຜນ

ການ. ​ໃນ​ນີ້,​ ຜົນ​ຜະລິດ ເຂົ້ານາ​ແຊງ​ໄດ້ 454.800 ​ໂຕນ ​ເທົ່າ​ກັບ 86%, ​ເຂົ້າ​ໄຮ່​ໄດ້ 169.000 ​ໂຕນ​ເທົ່າ​ກັບ 84,5% ​ແລະ ​ເຂົ້ານາປີ​ປະຕິບັດ​ໄດ້ 2,91 ລ້ານ​ໂຕນ​ເທົ່າ​ກັບ 78,8% ຂອງ​ແຜນການ​ປີ. ສາ​ເຫດ​ຕົ້ນຕໍ​ທີ່​ພາ​ໃຫ້​ການ​ຜະລິດ​ເຂົ້າ​ແຕ່ລະ​ປະ​ເພດ​ບໍ່​ໄດ້​ຕາມ​ແຜນ​ນັ້ນ​ ຍ້ອນລະບົບ​ຊົນລະປະທານ​ຖືກ​ກະທົບ ​ແລະ ​ເປ່​ເພ​ຫລາຍ​ນັບ​ແຕ່​ລະດູຝົນ​ປີຜ່ານມາ, ມີ​ສັດຕູ​ພືດ​ທໍາລາຍ, ຖື​ກນໍ້າ​ຖ້ວມ, ​ເກີດ​ໄພ​ແລ້ງ. ນອກ​ນີ້, ຊາວ​ກະສິກອນ​ບາງ​ເຂດ​​ໄດ້ຫັນ​ໄປ​ປູກ​ພືດ​ຊະ​ນິດອື່ນ​ ​ແລະ ​ປະຊາ​ຊົນ​ຈໍານວນບໍ່​ໜ້ອຍ​​ໄດ້​ເຄື່ອນ​ຍ້າຍ​ເຂົ້າ​ມາ​ເຮັດ​ວຽກ​ໃນ​ຕົວ​​ເມືອງ ​ແລະ ບັນຫາ​ອື່ນໆ. ​ແຕ່​ແນວ​ໃດ​ກໍ​ຕາມ, ​ໃນ​ປີ 2020 ລັດຖະບານ​ໄດ້​ວາງ​ຄາດໝາຍ​ຜະລິດ​ເຂົ້າ​​ໃຫ້​ໄດ້ 4,4 ລ້ານ​​ໂຕນ, ​ໂດຍ​ຈະ​ສຸມ​ໃສ່​ການປັບ

ປຸງສ້ອມ​ແປງ​ໂຄງ​ລ່າ​ງພື້ນຖານ​ຮັບ​ໃຊ້​ການ​ຜະລິດ​ທີ່​ໄດ້ຮັບ​ຜົນ​ກະທົບ​ຈາກ​ໄພ​ພິບັດທໍາມະ​ຊາດ, ກໍາ​ນົດ​ເຂ​ດພັດທະນາ​ຊົນລະປະທານ​ໃຫ້​ຕິດ​ພັນ​ກັບ​ເຂດ​ຈຸດ​ສຸມ​ສົ່ງ​ເສີມການ​ກະ​ເສດ​ທີ່ີມີ​ທ່າ​ແຮງ, ຍົກ​ປະສິດທິພາບ​ການ​ຜະລິດ​ໃຫ້​ສູງ​ຂຶ້ນ ​ແລະ ຄົ້ນ​ຄວ້າ​ແນວ​ພັນ​ໃໝ່​ທີ່​ມີ​ຄຸນ​ນະ​​​ພາບດີ.

- Wave100S AD to Website 2020 0 - ປີ​ນີ້ການ​ຜະລິດ​ເຂົ້າຢູ່​ປະ​ເທດ​ເຮົາ​ບໍ່​ໄດ້​ຕາມ​ແຜນ
- WhatsApp Image 2020 05 27 at 5 - ປີ​ນີ້ການ​ຜະລິດ​ເຂົ້າຢູ່​ປະ​ເທດ​ເຮົາ​ບໍ່​ໄດ້​ຕາມ​ແຜນ
- WhatsApp Image 2020 05 27 at 5 - ປີ​ນີ້ການ​ຜະລິດ​ເຂົ້າຢູ່​ປະ​ເທດ​ເຮົາ​ບໍ່​ໄດ້​ຕາມ​ແຜນ
error: Alert: ເນື້ອຫາຂ່າວມີລິຂະສິດ !!