ຫລາຍ​ບໍລິສັດ​​ໃນ​ໂຄງການ​ຄັງ​ແຮ​​ເຂົ້າດໍາ​ເນີນ​​ທຸລະ​ກິດ​ເຈ້ງ ຖືກ​ດໍາ​ເນີນ​ຄະດີ​ຕາມ​ກົດໝາຍ

- advert banner 728 90 728x90 - ຫລາຍ​ບໍລິສັດ​​ໃນ​ໂຄງການ​ຄັງ​ແຮ​​ເຂົ້າດໍາ​ເນີນ​​ທຸລະ​ກິດ​ເຈ້ງ ຖືກ​ດໍາ​ເນີນ​ຄະດີ​ຕາມ​ກົດໝາຍ

  ກະຊວງ​ອຸດສາຫະກໍາ ​ແລະ ການ​ຄ້າ ​ໃຫ້​ຮູ້​ວ່າ: ປັດຈຸບັນ,​ ລັດຖະບານ​ໄດ້ອາ​ຍັດ​ຊັບສີນ ​ແລະ ດໍາ​ເນີນ​ຄະດີ​ຕາມຂະ​ບວນການ​ດ້ານ​ກົດໝາຍ​ກັບຫລາຍ​ບໍ​ລິສັດ​ໃນ​ໂຄງການ​ຄັງ​ແຮ​ເຂົ້າ, ຫລັງ​ຈາກ​​ບໍລິສັດ​ເຫລົ່າ​ນັ້ນ​ໄດ້ກູ້​ຢືມ​ເງິນ​ນໍາ​ລັດຖະບານ​ແລ້ວບໍ່​ສາມາດ​ແທນ​ຄືນ​ໄດ້ຍ້ອນ​ການດໍາ​ເນີນ​ທຸລະ​ກິດ​ເຈ້​ງ.

- new3 - ຫລາຍ​ບໍລິສັດ​​ໃນ​ໂຄງການ​ຄັງ​ແຮ​​ເຂົ້າດໍາ​ເນີນ​​ທຸລະ​ກິດ​ເຈ້ງ ຖືກ​ດໍາ​ເນີນ​ຄະດີ​ຕາມ​ກົດໝາຍ

   ກະຊວງ​ດັ່ງກ່າວ​ໃຫ້​ຮູ້​ວ່າ: ​ໂຄງການ​ດັ່ງກ່າວ​ໄດ້ສ້າງ​ຂຶ້ນ​ຕາມ​ຂໍ້​ຕົກລົງ​ຂອງ​ນາຍົກລັດຖະມົນຕີ​ໃນ​ປີ 2009, ​ໂດ​ຍລັດຖະບານ​ມອບ​ໃຫ້​ກະຊວງອຸດສາຫະກໍາ-ການ​ຄ້າ​ ເປັນ​ຜູ້​ຄຸ້ມ​ຄອງ​ທຶນ ​ແລະ ​ເປັນ​ເຈົ້າ​ການ​ຄົ້ນຄວ້າ​ສ້າງ​ລະບຽບ​ການ​ຄຸ້ມ​ຄອງ​, ສ່ວນ​ກະຊວງ​ການ​ເງິ​ນ ​ໃຫ້ຮັບ​ພິຊອບ​ການອອກ​ໜັງສື​ຄໍ້າປະກັນ ​ແລະ ທະນາຄານ​ແຫ່ງ ສປປ ລາວ ​ໃຫ້ຮັບ​ພິຊອບ​ໃນ​ການ​ປ່ອຍ​ກູ້, ​ເຊິ່ງ​ມີທັງ​ໝົດ 9 ບໍລິສັດຄື: ລັດ​ວິ​ສາ​ຫະກິດ​ສະບຽງ​ອາຫານ​ນະຄອນຫລວງ​ວຽງ​ຈັນ, ບໍລິສັດ ລາວ​ກະ​ເສດ 2000 ຈໍາກັດ​ຜູ້​ດຽວ, ບໍລິສັດ ​ແຈ້ງ​ສະຫວ່າງ​ສົ່ງ​​ເສີມ​ການ​ກະ​ເສດ ຂາ​ອອກ-ຂາ​ເຂົ້າ ຈໍາກັດ​ຜູ້​ດຽວ, ບໍລິສັດ ການ​ຄ້າ​ຂາ​ອອກ-ຂາ​ເຂົ້າ ​ເມືອງ​ລະ​ມາ​ມ​ແຂ​ວງ​ເຊ​ກອງ, ສະມາຄົມ​ໂຮງສີ​ ​ແລະ ​​ເກັບ​ຊື້​ເຂົ້າ​ແຂວງ​ສາລະ​ວັນ, ກຸ່ມ​ໂຮງສີ​​ເຂົ້າ​ຄໍາ​ມ່ວນ​ພັດທະນາ, ລັດ​ວິ​ສາ​ຫະກິດ​ການ​ຄ້າ​ພັດທະນາ​ຂາ​ອອກ-ຂາ​ເຂົ້າ ​ແຂວງ​ຊຽງ​ຂວາງ, ລັດ​ວິ​ສາ​ຫະກິດ​ທັນ​ຍາ​ຫານ​ແຂວງ​ອຸດົມ​ໄຊ ​ແລະ ບໍລິສັດ​ ພັດທະນາພືດ​ຜົນ​ການ​ກະ​ເສດ​ຂາ​ອອກ-ຂາ​ເ​ຂົ້າ​ແຂວງ​ຫລວງ​ພະ​ບາງ ​ເພື່ອ​ປະຕິບັດ​ກົນ​ໄກ​ການ​ແຊກ​ແຊງ​ເຂົ້າ​ຄັງ​ແຮ ດ້ວຍ​ການ​ແຊກ​ແຊງ​ລາຄາ ​​ແລະ ດັດສົມ​ຕະຫລາດຄື: ຕ້ອງມີ​ເຂົ້າ 40% ​ຮັກສາ​ໄວ້​ໃນ​ສາງ ​ແລະ 60% ​ແມ່ນ​ໃຫ້​ຂາຍ​ອອກ​ເພື່​ອ​ເປັນ​ທຶນ​ໝູນວຽນ, ຊໍາລະ​ຕົ້ນ​ທຶນ ​ແລະ ດອກ​ເບ້ຍ​ໃຫ້​ລັດ ​ແລະ ປ້ອງ​ກັນ​ການ​ເຊື່ອມ​ຄຸນ​ນະພາ​ບຂອງ​ເຂົ້າ. ​ໃນ​ກໍລະນີ​ລາຄາ​ເຂົ້າ​ມີ​ການ​ເໜັງ​ຕີງ​ຜິດ​ປົກກະຕິ​ຢູ່​ຕະຫລາດ ຕ້ອງ​ນໍາ​ເຂົ້າ​ອອກ​ມາ​ແຊກ​ແຊງ 100% ຂອງ​ເ​ຂົ້າ​ໃນ​ໂຄງການ.

​ໃນ​ປີ 2010 ​ໄດ້​ແຊ​ກ​ແຊງ​ລາຄາ 1 ຄັ້ງສະ​ເພາະ​ຢູ່​ນະຄອນຫລວງ​ວຽງ​ຈັນ​ໃນ​ລາຄາ 5.500 ກີບ​ຕໍ່​ກິ​ໂລ ​ແລະ ນັບ​ແຕ່ປີ 2010 ມາ​ຮອດ​ປີ 2018 ​ແມ່ນ​ບໍ່​ໄດ້​ມີ​ການແຊກ​ແຊງ​ລາຄາ ​ຍ້ອນ​​ໄລຍະ​ດັ່ງກ່າວສະພາບ​ລາຄາ​ເຂົ້າ​ຢູ່​ໃນ​ເກນ​ປົກກະຕິ ​ແລະ ບໍ່​ເໜັງ​ຕິງ​ຂຶ້ນ​ສູງ​ເກີນ 20% ​ແລະ ​ໄດ້​ແຊກ​ແຊງ​ຄັ້ງ​ທີ 2 ​ໃນ​ໄລຍະ​ເດືອນ​ກໍລະກົດ​ຫາ​​ເດືອນກັນຍາ 2019 ຢູ່​ນະ​ຄ​ອນຫລວງ​ວຽງ​ຈັນ, ຄໍາ​ມ່ວນ ​ແລະ ​ເຊ​ກອງ.

- lattana 1 - ຫລາຍ​ບໍລິສັດ​​ໃນ​ໂຄງການ​ຄັງ​ແຮ​​ເຂົ້າດໍາ​ເນີນ​​ທຸລະ​ກິດ​ເຈ້ງ ຖືກ​ດໍາ​ເນີນ​ຄະດີ​ຕາມ​ກົດໝາຍ

  ການ​ອະນຸມັດ​ທຶນ​ຕົວ​ຈິງ​ຂອງ​ໂຄງການ​ດັ່ງກ່າວ​ໃຫ້​ບັນດາ​ບໍລິສັດ​ທີ່​ກ່າວ​ມາ​ນັ້ນ​ມີ​ທັງ​ໝົດ 113 ຕື້​ກີບ, ​ໃນ​ປີ 2018 ຜ່ານ​ມາ ສາມາດ​ເກັບ​ຄືນ​ຕົ້ນ​ທຶນພຽງ 1,1 ຕື້ກວ່າ​ກີບ ​ແລະ ດອກ​ເບ້ຍໄດ້ 1,6 ຕື້​ກວ່າກີບ, ຕົ້ນ​ທຶນຍັງ​ຄ້າງ​ເຖິງ 96,32  ​ຕື້​ກວ່າກີບ ​ແລະ ດອກ​ເບ້ຍ​ລວມທັງ​ໝົດ 22,63 ຕື້​ກີບ. ຕໍ່​ສະພາບ​ດັ່ງກ່າວ ກະຊວງ​ອຸດສາຫະກໍາ ​ແລະ ການ​ຄ້າ ​ໄດ້​ອອກ​ແຈ້ງ​ການ​ເຖິງ​ບັນ​ດາ​ບໍລິສັດທີ່​ໄດ້​ຮັບ​​ເງິນກູ້​ໃຫ້​ສ້າງ​ແຜນ​ຊໍາລະ​ໜີ້ຕາ​ມສັນຍາ​ທີ່​ກໍານົດ​ໄວ້, ພ້ອມ​ທັງ​​ໄດ້ດໍາ​ເນີນ​ມາດ​ຕະການ​ດ້ານ​ກົດໝາຍ​ກັບ​ຫລາຍ​ບໍ​ລິ​ສັດ​ທີ່​ມີ​ບັນຫາ ຄື: ກຸ່ມ​ໂຮງ​ສີ​ເຂົ້າ​ຄໍາ​ມ່ວນ​ພັດທະນາ​ ​ແມ່ນ​ໄດ້​ເຮັດ​ບົດ​ບັນທຶກ​ກັບ​ສະມາຊິກ​ພາຍ​ໃນ​ກຸ່ມ ​ເພື່ອ​ແຍກ​ສັນຍາ​ຍ່ອຍ​ເປັນ​ລາຍ​ບຸກຄົນ ​ຮັບ​ພິຊອບ​ໃນ​ການ​ຊໍາລະ​ຕົ້ນ​ທຶນ ​ແລະ ດ​ອກ​ເບ້ຍ, ສ່ວນ​ບໍລິສັດ​ພັດທະນາ​ພືດ​ຜົນ​ການ​ກະ​ເສດ ຂາ​ອອກ-ຂາ​ເຂົ້າ​ແຂວງ​ຫລວງ​ພະ​ບາງ ​ແມ່ນ​ໄດ້​ດໍາ​ເນີນ​ຂັ້ນ​ຕອນຂະ​ບວນການ​ຍຸຕິ​ທໍາ, ​ໂດຍ​ໄດ້​ສົ່ງ​ຄໍາຮ້ອງ​ຟ້ອງ​ສານ​ອາ​ຍັດ​ຊັບ​ສີນ​ທີ່​ນໍາ​ມາ​ຄໍ້າປະກັນ​ກັບ​ພະ​ແນ​ກອຸ​ດສາ​ຫະກໍາ​-ການ​ຄ້າ​​ແຂວງ, ພ້ອມ​ທັງ​ສະ​ເໜີ​ໃຫ້​ສານ​ປະກາດ​ບໍລິສັດ​ດັ່ງກ່າວ​ໃຫ້​ລົ້ມ​ລະລາຍ.

ສໍາລັບ​ບໍລິສັດລັດ​ວິ​ສາ​ຫະກິດ​ທັນ​ຍາ​ຫານ​ແຂວງ​ອຸດົມ​ໄຊ ​ໄດ້​ມອບ​ໃຫ້​ຄະນະ​ກວດກາ​ພັກ-ລັດ​ແຂວງ ​ເປັນ​ຜູ້​ຮັບ​ພິຊອບ​ໃນ​ການ​​ແກ້​ໄຂ, ສ່ວນ​ຕົ້ນ​ທຶນ ​ແລະ ດອກ​ເບ້ຍ ທີ່​ຍັງ​ຄ້າງ​ຊໍາລະ​ແມ່ນ​ໄດ້​ມອບ​ໃຫ້​ອໍາ​ນວຍ​ການ ​ແລະ ຮອງ​ອໍານວຍ​ການ​ລັດ​ວິ​ສາ​ຫະກິດ​ດັ່ງ​ກ່າວຮັບພິ​ຊອບ​ໃຊ້​​ແທນ​ຄືນ​ທັງ​ໝົດ. ນອກ​ນີ້, ອີກ 3  ບໍລິສັດ​ຢູ່​ນະຄອນ​ຫລວງ​ວຽງ​ຈັນ ​ແລະ ​ແຂວງ​ສາລະ​ວັນ ​ແມ່ນ​ຈະ​ໄດ້​ສົມທົບ​ກັບ​ອົງການ​ກວດກາ​ລັດຖະບານ​ສືບຕໍ່​ແກ້​ໄຂ​ຕາມ​ຂະ​ບວນການ​ຍຸຕິ​ທໍາ ​ເພື່ອ​ແນ​ໃສ່​ສູ້​ຊົນ​ເກັບ​ກູ້​​ເງິ​ນຄືນ​ມາໃຫ້​ໄດ້ ​ເພື່ອ​ບໍ່​ໃຫ້​ທຶນຮອນ​ຂອງ​ລັດ​ຕົກ​ເຮ່ຍ​ເສຍ​ຫາຍ.       ​

error: Content is protected !!