ກະຊວງ ຍທຂ ປະກາດໃຫ້ພະນັກງານຂັ້ນສູງອອກຮັບອຸດໜູນບຳນານ.

- 13 2 - ກະຊວງ ຍທຂ ປະກາດໃຫ້ພະນັກງານຂັ້ນສູງອອກຮັບອຸດໜູນບຳນານ.
- Untitled design - ກະຊວງ ຍທຂ ປະກາດໃຫ້ພະນັກງານຂັ້ນສູງອອກຮັບອຸດໜູນບຳນານ.

​ເມື່ອ​ບໍ່​ດົນ​ນີ້, ກະຊວງໂຍທາທິການ ແລະ ຂົນສົ່ງ (ຍທຂ) ໄດ້ຈັດພິທີປະກາດການອອກພັກການ ແລະ ຮັບອຸດໜູນບຳນານໃຫ້ທ່ານ ລັດຕະນະມະນີ ຄູນນີວົງ ຮອງເລຂາຄະນະພັກ, ຮອງລັດຖະມົນຕີກະຊວງດັ່ງກ່າວ, ໂດຍການເປັນປະທານ​ຂອງທ່ານ ບຸນຈັນ ສິນທະວົງ ລັດຖະມົນຕີກະຊວງ ຍທຂ, ມີພະນັກງານຫລັກ​ແຫລ່ງອ້ອມຂ້າງກະຊວງເຂົ້າຮ່ວມ. ​ເພື່ອ​ປະຕິບັດ​ຕາມດຳລັດຂອງນາຍົກລັດຖະມົນຕີສະບັບເລກທີ 376/ນຍ, ລົງວັນທີ 31 ຕຸລາ 2019 ວ່າດ້ວຍການອະນຸມັດໃຫ້ພະນັກງານອອກພັກການຮັບອຸດໜູນບຳນານ ແລະ ແຈ້ງການຂອງຄະນະຈັດຕັ້ງສູນກາງພັກສະບັບເລກທີ 294/ຄຈສພ, ລົງວັນທີ 6 ພະຈິກ 2019 ກ່ຽວ​ກັບການລຸລ່ວງໃຫ້ພະນັກງານການນຳຂັ້ນສູນກາງຄຸ້ມຄອງອອກພັກການຮັບອຸດໜູນບຳນານ.

   ​ໃນ​ໂອກາດ​ນີ້, ທ່ານ ບຸນຈັນ ສິນທະວົງ ໄດ້ມີຄຳເຫັນ​ໂອ້ລົມ​ຕໍ່​ພິທີ​, ຊຶ່ງ​ໄດ້ກ່າວສະແດງຄວາມຍ້ອງຍໍຊົມເຊີຍຕໍ່ຜົນງານອັນໃຫຍ່ຫລວງຂອງທ່ານ ລັດຕະນະມະນີ ຄູນນີວົງ ທີ່ໄດ້ປະກອບສ່ວນເຂົ້າໃນການພັດທະນາປະເທດຊາດ, ຊຶ່ງທ່ານໄດ້ເລີ່ມຈາກການເປັນນັກວິຊາການ ​ແລະ ​ໄດ້ປະຕິບັດໜ້າທີ່ດ້ວຍຄວາມຮັບຜິດຊອບໃນການນຳພາສ້າງພະນັກງານ, ການກໍ່ສ້າງເສັ້ນທາງ, ຈຶ່ງເຮັດໃຫ້ການນຳພັກ-ລັດມີຄວາມໄວ້ເນື້ອເຊື່ອໃຈ ​ແລະ ກ້າວຂຶ້ນດຳລົງຕຳແໜ່ງເປັນ ການນຳຂັ້ນສູງ, ຕໍ່ຜົນງານດັ່ງກ່າວ​ຈະ​ໄດ້​ຈາລຶກ​ໄວ້​ເປັນ​ແບບຢ່າງ​​ເພື່ອໃຫ້ພະນັກງານຮຸ່ນສືບທອດໄດ້ຮໍ່າຮຽນເອົາເປັນແບບຢ່າງໃນການປະຕິບັດໜ້າທີ່ວຽກງານວິຊາສະເພາະໃນຕໍ່ໜ້າ.

- Wave100S AD to Website 2020 0 - ກະຊວງ ຍທຂ ປະກາດໃຫ້ພະນັກງານຂັ້ນສູງອອກຮັບອຸດໜູນບຳນານ.
- WhatsApp Image 2020 05 27 at 5 - ກະຊວງ ຍທຂ ປະກາດໃຫ້ພະນັກງານຂັ້ນສູງອອກຮັບອຸດໜູນບຳນານ.
- WhatsApp Image 2020 05 27 at 5 - ກະຊວງ ຍທຂ ປະກາດໃຫ້ພະນັກງານຂັ້ນສູງອອກຮັບອຸດໜູນບຳນານ.
error: Alert: ເນື້ອຫາຂ່າວມີລິຂະສິດ !!