ປະທານ​ໄກສອນ ພົມວິຫານ ຜູ້ນຳ​ການ​ປະຕິວັດ​ລາວ

- 222 2 - ປະທານ​ໄກສອນ ພົມວິຫານ ຜູ້ນຳ​ການ​ປະຕິວັດ​ລາວ
- Untitled design - ປະທານ​ໄກສອນ ພົມວິຫານ ຜູ້ນຳ​ການ​ປະຕິວັດ​ລາວ

​ໂດຍ: ທິດ​ກ່ຳ

     ກ່າວ​ເຖິງ​ປະທານ​ໄກສອນ ພົມວິຫານ ​ເພິ່ນ​ເປັນ​ຜູ້ນຳ​ທີ່​ແສນ​ຮັກ​ຂອງປະຊາຊົນລາວ, ​ເພິ່ນ​ມີ​ຄຸນງາມຄວາມດີ​ຢ່າງ​ລົ້ນພົ້ນຕໍ່​ປະ​ເທດ​ຊາດ​ບ້ານ​ເມືອງ ​ແລະ ຕໍ່ການ​ປະຕິວັດ​ລາວ​ຢ່າງ​ເລິກ​ເຊິ່ງ​ເຖິງ​ຖອງ. ຄຸນງາມຄວາມດີ ​ແລະ ພາລະກິດປະຕິວັດ​ທີ່​ເພິ່ນ​ໄດ້​ສ້າງ​ໄວ້​ໃຫ້​ກັບ​ບ້ານ​ເມືອງ​ຍັງ​ຍືນ​ຍົງ​ຄົງ​ຕົວ ​ແລະ ຕິດ​ພັນ​ກັບພາລະກິດ​ປະຕິວັດ​ຂອງ​ປະ​ເທດ​ເຮົາ​ຕະຫລອດ​ໄປ.

- 30573983562 ba77ec5984 b - ປະທານ​ໄກສອນ ພົມວິຫານ ຜູ້ນຳ​ການ​ປະຕິວັດ​ລາວ

       ປະທານ​ໄກສອນ ພົມວິຫານ ​ເພິ່ນ​ເປັນ​ປັນຍາ​ຊົນ​ທີ່​ໄດ້​ຮຽນ​ສູງ​ຂັ້ນມະຫາ ວິທະຍາ​ໄລ ຈາກ​ປະ​ເທດ​ຫວຽດນາມສະ​ໄໝ​ຊຸມ​ປີ 1930 ຫາ ຊຸມ​ປີ 1940  ຕອນ​ຍັງ​ເປັນ​ນັກ​ສຶກສາ​ຢູ່​ນັ້ນ​ເພິ່ນ​ກໍ​ເລີ່​ມ​ເຂົ້າຮ່ວມ​ອົງການ​ຈັດຕັ້ງປະຕິວັດ​ແບບ ປິດ​ລັບ​ຕໍ່​ມາ​ກໍ​ໄດ້​ເຂົ້າຮ່ວມ​ຂະ​ບວນການ​ຍຶດອຳນາດ​ໃນ​ວັນ​ທີ 23 ສິງຫາ 1945 ທີ່​ສະຫວັນ​ນະ​ເຂດ, ​ເປັນ​ຜູ້​ຈັດຕັ້ງອົງການ​ກູ້​ຊາດ​ຂອງ​ຄົນ​ລາວ​ທີ່​ອົບ​ພະ ຍົບ​ໄປ​ຢູ່​ປະ​ເທດ​ຫວຽດນາມ, ກ້າວ​ຂຶ້ນ​ເປັນ​ຫົວໜ້າ​ກອງ​ຕະລຸ​ມບອນ​ເຂດ​ລາວ ​ເໜືອ, ສ້າງ​ເຂດ​ທີ່​ໝັ້ນ​ໃນ​ເຂດ​ຕາ​ເວັນ​ອອກ​ສ່ຽງ​ເໜືອ​ແຂວງ​ຫົວພັນ​ໃນ​ພື້ນທີ່ ລາວ​ຮຸ່ງ, ພຽງ​ສາ, ມອງ​ນ້ຳ, ຜາ​ຫລວງ ​ແລະ ​ເຂົ້າ​ເປັນ​ສະມາຊິກ​ພັກ​ກອມ​ມູ ນິດ​ອິນດູຈີນ​ໃນ​ເວລາ​ຕໍ່​ມາ.

- aHR0cHM6Ly9zLmlzYW5vb2suY29tL2xhLzAvdWQvOC80MzU2My80MzU2My5qcGc - ປະທານ​ໄກສອນ ພົມວິຫານ ຜູ້ນຳ​ການ​ປະຕິວັດ​ລາວ

       ​ໃນ​ປີ 1950 ກອງ​ປະຊຸມ​ໃຫຍ່​ແນວ​ລາວ​ຕໍ່ຕ້ານ​ທົ່ວ​ປະ​ເທດ​​ໄດ້​ຮັບ​ເລືອກ ຕັ້ງ​ເປັນ​ກຳມະການ​ໃນ​ຄະນະ​ອຳນວຍ​ການ​ສູນ​ກາງ​ແນວ​ລາວ​ອິດສະຫລະ ​ແລະ ​ເປັນ​ລັດຖະມົນຕີ​ວ່າການ​ກະຊວງ​ປ້ອງ​ກັນ​ປະ​ເທດ​ລັດຖະບານ​ແນວ​ລາວ​ຕໍ່ຕ້ານ ປີ 1951 ກອງ​ປະຊຸມ​ໃຫຍ່​ຄັ້ງທີ II ຂອງ​ພັກ​ກອມ​ມູນິດ​ອິນດູຈີນ ປະທານ​ໄກ ສອນ ພົມວິຫານ ​ໄດ້​ເປັນ​ຜູ້​ແທນ​ເຂົ້າຮ່ວມ​ໄດ້​ຕົກລົງ ​ແລະ ຖືກ​ມອບ​ໝາຍ​ຈາກ ພັກ​ກອມ​ມູນິດ​ອິນດຄຈີນ ​ໃຫ້​ມີ​ການ​ແຍກ​ພັກ​ອອກ​ເປັນ​ພັກ​ປະຊາຊົນ​ລາວ.

       ຈົນມາ​ຮອດ​ວັນ​ທີ 22 ມີນາ 1956 ພັກ​ປະຊາຊົນ​ລາວ​ຈື່​ໄດ້​ປະກາດ ສ້າງຕັ້ງຂຶ້ນຢ່າງ​ເປັນ​ທາງ​ການ ປະທານ ​ໄກສອນ ພົມວິຫານ ​ໄດ້​ຮັບ​ການ ​ແຕ່ງຕັ້ງ​ເປັນ​ເລຂາທິການ​ໃຫຍ່​ນັບ​ແຕ່​ກອງ​ປະຊຸມ​ໃຫຍ່​ຜູ້​ແທນ​ທົ່ວ​ປະ​ເທດ ຂອງ​ພັກ​ຄັ້ງທີ I ​ເປັນຕົ້ນມາ.

       ການ​ທີ່​ໄດ້​ຮັບ​ຄວາມ​ໄວ້​ເນື້ອ​ເຊື້ອ​ໃຈ​ຈາກ​ການ​ປະຕິວັດ ​ແລະ ໝູ່​ຄະນະ​ໃນ​ຄະນະ​ແນວ​ລາວ​ຕໍ່ຕ້ານ​ເປັນ​ພາລະກິດ​ທີ່​ຍິ່ງ​ໃຫຍ່​ສຳລັບ​ປະທານ ​ໄກສອນ ພົມວິ ຫານ. ບົນ​ພື້ນຖານ​ພາລະ​ກຳ​ປະຫວັດສາດ​ຂອງ​ພັກ​ໃນ​ຖານະ​ເພິ່ນ​ເອງ​ເປັນ​​ເລຂາທິການ​ໃຫຍ່​ໄດ້​ນຳພາ​ການ​ປະຕິວັດ​ລາວ ຜ່ານ​ພົ້ນ​ໄປ​ສອງ​ໄລຍະ​ປະຫວັດ ສາດ​ຢ່າງ​ຈະ​ແຈ້ງ​ເປັນຕົ້ນຄື: ​ໄລຍະ​ທີ​ໜຶ່ງ​ນັ້ນ​ແມ່ນ​ນຳພາ​ຂະ​ບວນການ​ຕໍ່ສູ້​ປະຕິ ວັດ​ປົດ​ປ່ອຍ​ຊາດ​ອອກ​ຈາກ​ການ​ເປັນ​ຫົວ​ເມືອງ​ຂຶ້ນຂອງ​ຈັກກະພັດ​ຝຣັ່ງ ​ແລະ ຈັກກະພັດ​ອາ​ເມ​ລິ​ກາ ​ເປັນ​ເວລາ​ຢຶດ​ເຍື້ອຍາວ​ນານ​ເຖິງ​ທົດ​ສະ​ວັດ​ກວ່າ.

- description 8074 - ປະທານ​ໄກສອນ ພົມວິຫານ ຜູ້ນຳ​ການ​ປະຕິວັດ​ລາວ

       ນັບ​ແຕ່​ເລີ່​ມມີ​ຂະ​ບວນການ​ຕໍ່ສູ້​ໃນ​ຊຸມ​ປີ 1940 ຈົນ​ມາ​ຮອດ​ປີ 1975 ຈຶ່ງ​ສາມາດ​ປົດ​ປ່ອຍປະ​ເທດ​ຊາດ​ໄດ້​ຢ່າງ​ສົມບູນ. ຕະຫລອດ​ໄລຍະ​ປະຫວັດສາດ​ແຫ່ງ​ການ​ນຳພາ​ຕໍ່ສູ້​ປະຕິວັດ​ເພື່ອ​ປົດ​ປ່ອຍ​ຊາດ​ຂອງ​ປະທານ​ໄກສອນ ພົມວິຫານ ​ເພ່ິນ​ໄດ້​ເປັນ​ຜູ້ນຳ​ທີ່​ກ້າ​ແກ່ນ​ເຮັດ​ທຸກ​ສິ່ງ​ທຸກ​ຢ່າງ​ເພື່ອ​ອຸທິດ​ສະຕິ​ປັນຍາ, ສະຫລະ​ເຫື່ອ​ແຮງ​ນັບ​ແຕ່​ເປັນ​ຫົວໜ້າ​ກອງ​ລາດ​ຊະ​ວົງ​ ​ເຊິ່ງ​ເປັນ​ກອງ ທຳ​ອິດ​ຂອງ​ແນວ​ລາວ​ອິດສະຫລະ, ຕໍ່​ມາ​ກໍ​ເປັນ​ກອງທັບ​ປົດ​ປ່ອຍປະ​ຊາ​ຊົນ ລາວ ​ແລະ ກອງທັບ​ປະຊາຊົນ​ລາວ​ໃນ​ປັດຈຸບັນ.

- Wave100S AD to Website 2020 0 - ປະທານ​ໄກສອນ ພົມວິຫານ ຜູ້ນຳ​ການ​ປະຕິວັດ​ລາວ

       ຍັງ​ບໍ່​ພຽງ​ແຕ່​ເທົ່າ​ນັ້ນ​ເພິ່ນ​ຍັງ​ເປັນ​ຜູ້ນຳ​ທີ່​ເດັດດ່ຽວ​ໜຽວ​ແໜ້ນ​ໃນ​ອຸດົມ ການ, ທັງ​ເປັນ​ຜູ້​ວາງ​ແນວທາງ​ການ​ປະຕິວັດ​ໃນ​ແຕ່ລະ​ໄລຍະ​ໄດ້​ຮັບ​ໄຊຊະນະ ຈົນ​ສາມາດ​ປົດ​ປ່ອຍປະ​ເທດ​ຊາດ​ໄດ້​ຢ່າງ​ສົມ​ບູນ​ແບບ.

- 61dWHWUFfXL - ປະທານ​ໄກສອນ ພົມວິຫານ ຜູ້ນຳ​ການ​ປະຕິວັດ​ລາວ

       ສ່ວນ​ໄລຍະ​ທີ​ສອງ​ນັ້ນ, ນັບ​ແຕ່​ໄລຍະ​ປົດ​ປ່ອຍປະ​ເທດ​ຊາດ​ໃນ​ປີ 1975 ຈົນ​ມາ​ຮອດ​ໄລຍະ​ບັ້ນສຸດ​ທ້າຍ​ຂອງ​ຊີວິດ​ເພິ່ນ​ກໍ​ໄດ້​ວາງ​ແນວທາງ​ຫລາຍ​ສິ່ງ ຫລາຍ​ຢ່າງ​ໃນ​ການ​ຮຳບາດ​ແຜ​ສົງຄາມ​ທັງ​ປົກ​ປັກ​ຮັກສາ ​ແລະ ພັດທະນາ​ປະ ​ເທດ​ຊາດ​ຕາມ​ສະພາວະ​ການ​ປ່ຽນ​ແປງ​ຂອງ​ໂລກ ​ແລະ ສະພາບ​ພາຍ​ໃນ​ປະ ​ເທດ​ຢ່າງ​ມີ​ຫົວຄິດ​ປະດິດ​ສ້າງ ​ໃນ​ປີ 1975 ​ໄດ້​ນຳ​ລົບ​ລ້າງ​ລະບອບ​ລາຊາທິ ປະ​ໄຕ, ສ້າງຕັ້ງສາທາລະນະ​ລັດ​ປະຊາທິປະ​ໄຕ ປະຊາຊົນ​ລາວ ຂຶ້ນ​ແທນ, ວາງ​ແນວທາງ ​ແລະ ຊີ້ນຳ​ການ​ປະຕິວັດ​ສາມ​ປະການ, ຫັນ​ເສດຖະກິດ​ທຳ ມະ​ຊາດ ​ແລະ ​​ເຄິ່ງ​ເສດຖະກິດ​ທຳ​ມະ​ຊາດ​ໄປ​ສູ່​ເສດຖະກິດ​ສິນຄ້າ​ໂດຍ​ຜ່ານ​ການ​ນຳ​ໃຊ້​ຮູບການ​ທຶນ​ນິຍົມ​ແຫ່ງ​ລັດ, ​ເປັນ​ຜູ້ລິ​ເລີ່​ມວາງ​ແນວທາງ​ເສດຖະກິດ​ໃໝ່ ຕາມ​ໂຄງ​ປະກອບ​ເສດຖະກິດ​ສິນຄ້າ​ທີ່​ມີ​ຫລາຍ​ຮູບ​ການ​ກຳມະສິດ, ຫລາຍ​ຮູບ ການຈັດຕັ້ງ​ເສດຖະກິດ, ຫລາຍ​ລະດັບ​ເຕັກ​ນິກ, ​ເຕັກ​ໂນ​ໂລ​ຊີ ​ແລະ ຫລາຍ​ຂະໜາດ​ທີ່​ແຕກ​ຕ່າງ​ກັນ.

- 15320247 1840670786175902 558076152 n - ປະທານ​ໄກສອນ ພົມວິຫານ ຜູ້ນຳ​ການ​ປະຕິວັດ​ລາວ

       ນຳພາ​ພາລະກິດ​ປ່ຽນ​ແປງ​ໃໝ່​ຕາມ​ນະ​ໂຍບາຍ​ເສດຖະກິດ​ຕາມ​ກົນ​ໄກ​ຕະ ຫລາດ, ​ເປີດ​ກວ້າງ​ການ​ພົວພັນ​ເສດຖະກິດ​ກັບ​ຕ່າງປະ​ເທດ​ໂດຍ​ມີ​ການ​ສົ່ງ​ເສ​ີມ ການ​ລົງທຶນ​ຈາກພາຍ​ໃນ ​ແລະ ຕ່າງປະ​ເທດ​ໃຫ້​ຫລາຍ​ຂຶ້ນ. ນີ້​ຄື​ພາລະກິດ​ຂອງ​ປະທານ​ໄກສອນ​ ພົມວິຫານ ທີ່​ປະ​ໄວ້​ໃຫ້​ພວກ​ເຮົາ​ພາ ກັນ​ສືບ​ທອດ​ນັບ​ແຕ່​ຕົ້ນຈົນ​ເຖິງ​ປັດຈຸບັນ. ປະທານ ​ໄກສອນ ພົມວິຫານ ​ໄດ້​ຈາກ ພວກ​ເຮົາ​ໄປ​ໃນ​ວັນ​ທີ 21 ພະຈິກ 1992 ລວມອາຍຸ​ໄດ້ 72 ປີ, ພາລະກິດ​ປະຕິວັດ​ຂອງ​ປະທານ​ໄກສອນ ພົມວິຫານ ຍັງ​ຍືນ​ຍົງ​ຢູ່​ໃນ​ດວງ​ໃຈ​ຂອງ​ປວງ ຊົນ​ລາວ​ບັນດາ​ເຜົ່າ​ທົ່ວ​ທັງ​ປະ​ເທດ​ຕະຫລອດ​ໄປ./.

- WhatsApp Image 2020 05 27 at 5 - ປະທານ​ໄກສອນ ພົມວິຫານ ຜູ້ນຳ​ການ​ປະຕິວັດ​ລາວ
- WhatsApp Image 2020 05 27 at 5 - ປະທານ​ໄກສອນ ພົມວິຫານ ຜູ້ນຳ​ການ​ປະຕິວັດ​ລາວ
error: Alert: ເນື້ອຫາຂ່າວມີລິຂະສິດ !!