ຈັບຕົວໄດ້ແລ້ວຜູ້ກໍ່ເຫດຮຽກຄ່າໄຖ່

- 568989 - ຈັບຕົວໄດ້ແລ້ວຜູ້ກໍ່ເຫດຮຽກຄ່າໄຖ່
- AGL banner - ຈັບຕົວໄດ້ແລ້ວຜູ້ກໍ່ເຫດຮຽກຄ່າໄຖ່

ເຈົ້າໜ້າທີ່ ປກສ ນະຄອນຫລວງວຽງຈັນ ໃຫ້ຮູ້ວ່າ: ພາຍຫລັງທີ່ມີສື່ສັງຄົມອອນລາຍໄດ້ມີການນຳສະເຫນີເຫດການມີຄົນຈີນ 3 ຄົນ, ກໍ່ເຫດຈັບຄົນຜູ້ໜຶ່ງແລ້ວພາຂຶ້ນລົດຕູ້ສະຕາແລັກຫລົບໜີ ໃນວັນທີ 11 ທັນວາ, ຕໍ່ມາໃນວັນທີ 13, ເຈົ້າໜ້າທີ່ສາມາດນຳຈັບຕົວຜູ້ກໍ່ເຫດມາດຳເນີນຄະດີໄດ້ແລ້ວຢູ່ ເຂດບ້ານ ໂພນແກ້ວ ເມືອງ ສີໂຄດຕະບອງ ນະຄອນຫລວງວຽງຈັນ.

ຊຶ່ງຜູ້ຕ້ອງຫາເປັນຄົນຈີນ 3 ຄົນ, ແລະ ຜູ້ຖືກລັກພາຕົວ ແມ່ນທ້າວ ສ່ຽວຊູ ນັກທຸລະກິດຄົນຈີນ. ຜ່ານການກວດກາພົບເຄື່ອງຕິດຕົວພວກກ່ຽວຄື: ໂທລະສັບ 3 ໜ່ວຍ, ເງີນຈຳນວນ 1 ລ້ານກ່ວາກີບ, ປືນສັ້ນ 2 ກະບອກ, ໝວກປິດໜ້າ 2 ອັນ, ພ້ອມລົດຕູ້ສະຕາແລັກສີຂາວ ທະບຽນ ກກ 2276 ໄຊຍະບູລີ, ຜ່ານການສືບສວນ-ສອບສວນ ເບື້ອງຕົ້ນຮູ້ວ່າ: ສາເຫດກໍ່ເຫດຄັ້ງນີ້ ແມ່ນເພື່ອຮຽກຄ່າໄຖ່.

ກະຊວງປ້ອງກັນຄວາມສະຫງົບ ໃຫ້ຮູ້ວ່າ: ປັດຈຸບັນ ໄດ້ມີຄົນຕ່າງປະເທດມາເຄື່ອນໄຫວບໍ່ຖືກຕ້ອງ ແລະ ຜິດກົດໝາຍ ຢູ່ ລາວ ເປັນຈຳນວນຫລາຍຄື: ໃນປີ ຜ່ານມາ ນີ້, ເຈົ້າໜ້າທີ່ໄດ້ຈັບຕົວມາດຳເນີນຄະດີ ແລະ ຈັດສົ່ງຄົນຕ່າງປະເທດທີ່ລະເມີດກົດໝາຍ ກັບຄືນປະເທດທັງໝົດ 1,416 ຄົນ, ເພດຍິງ 190 ຄົນ, ມີ 15 ສັນຊາດ, ສ່ວນໃຫຍ່ແມ່ນມາເຄື່ອນໄຫວກໍ່ອາດຊະຍາກຳຜ່ານອິນເຕີເນັດ(ກຸ່ມຄໍເຊັນເຕີ ແລະ ຕູ້ເກມ)

-    AD conten website - ຈັບຕົວໄດ້ແລ້ວຜູ້ກໍ່ເຫດຮຽກຄ່າໄຖ່
- lattana banner - ຈັບຕົວໄດ້ແລ້ວຜູ້ກໍ່ເຫດຮຽກຄ່າໄຖ່
- lattana banner 1 - ຈັບຕົວໄດ້ແລ້ວຜູ້ກໍ່ເຫດຮຽກຄ່າໄຖ່
error: Alert: ເນື້ອຫາຂ່າວມີລິຂະສິດ !!