ນັກການທູດລາວຈະມີບົດບາດສຳຄັນຕໍ່ການດຶງດູດການຄ້າ-ການລົງທຶນໃນອານາຄົດ

- 025 - ນັກການທູດລາວຈະມີບົດບາດສຳຄັນຕໍ່ການດຶງດູດການຄ້າ-ການລົງທຶນໃນອານາຄົດ
- 174233 - ນັກການທູດລາວຈະມີບົດບາດສຳຄັນຕໍ່ການດຶງດູດການຄ້າ-ການລົງທຶນໃນອານາຄົດ

ທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດ ໄດ້ກ່າວຢູ່ກອງປະຊຸມ ປຶກສາຫາລື ຮ່ວມກັບພາກທຸລະກິດຄັ້ງທີ1 ທີ່ຈັດຂຶ້ນຫວ່າງບໍ່ດົນມານີ້ ຢູ່ ນະຄອນຫຼວງວຽງຈັນ ວ່າ: ປັດຈຸບັນ, ນັກການທູດລາວ ນອກຈາກຈະເສີມສ້າງສາຍພົວພັນການທູດກັບນາໆປະເທດແລ້ວ, ຍັງຕ້ອງຊ່ວຍໃນການເຈລະຈາ ເພື່ອດຶງດູດການຄ້າ-ການລົງທຶນ, ໂດຍຈະເປັນຕົວແປທີ່ສຳຄັນໃນການຮັບໃຊ້ການພັດທະນາເສດຖະກິດໃນໄລຍະໃໝ່ ເພື່ອຍາດແຍ່ງການຄ້າ ແລະ ການລົງທຶນຈາກຕ່າງປະເທດ ພາຍຫຼັງທີ່ປະເທດລາວ ໄດ້ປະກາດຫຼຸດພົ້ນອອກຈາກປະເທດດ້ອຍພັດທະນາ.

    ທ່ານ ລັດຖະມົນຕີກະຊວງການຕ່າງປະເທດ ໃຫ້ຮູ້ວ່າ: ປັດຈຸບັນ ສປປ ລາວ ຍັງຢູ່ໃນຖານະປະເທດດ້ອຍພັດທະນາ ແລະ ພວມເລັ່ງໃນການທີ່ຈະນຳປະເທດຫລຸດພົ້ນຈາກສະຖານະດັ່ງກ່າວ, ແນວໃດກໍດີ, ໃນຖານະປັດຈຸບັນ, ກໍຍັງຕ້ອງໄດ້ມີການຊ່ວຍເຫລືອຈາກສາກົນຍິ່ງຂຶ້ນ ເພື່ອຈະນຳປະເທດກ້າວເດີນຕາມນະໂຍບາຍ, ແຕ່ຂະນະດຽວກັນ, ພາຍຫຼັງທີ່ປະເທດລາວ ໄດ້ປະກາດຫຼຸດພົ້ນອອກຈາກປະເທດດ້ອຍພັດທະນາແລ້ວ ຊຶ່ງຈະເຮັດໃຫ້ການຊ່ວຍເຫຼືອ ຂອງຕ່າງປະເທດຫຼຸດລົງ, ດັ່ງນັ້ນ ລາວເຮົາຕ້ອງໄດ້ຢືນຢູ່ດ້ວຍລຳແຂງຂອງຕົວເອງເທື່ອລະກ້າວ. ສະນັ້ນ ນັກການທູດ ຈຶ່ງຈະຕ້ອງໄດ້ມີບົດບາດສຳຄັນ ໃນການຊ່ວຍເຈລະຈາ ເພື່ອດຶງດູດການຄ້າ-ການລົງທຶນ ໃຫ້ຫລາຍຂຶ້ນ

ກະຊວງ ການຕ່າງປະເທດ ໃຫ້ຮູ້ວ່າ: ສປປ ລາວ ມີສາຍພົວພັນການທູດຮ່ວມກັບ 143 ປະເທດ ແລະ ມີສະຖານທູດຢູ່ຕ່າງປະເທດ 26 ແຫ່ງ, ສຳນັກງານຜູ້ຕາງໜ້າຖາວອນ 3 ແຫ່ງ, ສະຖານກົງສຸນໃຫຍ່ 10 ແຫ່ງ, ຫ້ອງການກົງສຸນໃຫຍ່ 1 ແຫ່ງ, ລວມທັງ ມີການແຕ່ງຕັ້ງກົງສຸນກິຕິມະສັກຂອງ ສປປ ລາວ ຈໍານວນ 17 ທ່ານ. ໃນໄລຍະຫຼາຍປີຜ່ານມາ, ວຽກງານການຕ່າງປະເທດ, ໄດ້ປະກອບສ່ວນຢ່າງຫ້າວຫັນໃນການສົ່ງເສີມການພົວພັນ ແລະ ຮັດແໜ້ນການຮ່ວມມືກັບບັນດາປະເທດເພື່ອນມິດຍຸດທະສາດ, ສືບຕໍ່ໄດ້ຮັບການເສີມຂະຫຍາຍເຂົ້າສູ່ລວງເລິກເປັນຮູບປະທຳ, ມີຜົນສໍາເລັດແລະໃບໜ້າອັນໃໝ່ເປັນຕົ້ນແມ່ນ: ການພົວພັນລະຫວ່າງສປປ ລາວ- ສສ ຫວຽດນາມ, ຊຶ່ງການ​ລົງທຶນຂອງ ສສ ຫວຽດນາມຢູ່ ສປປ ລາວບັນລຸ 4,1 ຕື້ໂດລາສະຫະລັດ, ລວມມີ 409 ໂຄງການ, ຊຶ່ງຈັດຢູ່ໃນອັນດັບ 3 ຂອງຕ່າງປະເທດທີ່ມາລົງທຶນຢູ່ ສປປ ລາວ.

ການຄ້າລະຫວ່າງສອງຝ່າຍ ໃນປີ 2018 ກໍບັນລຸໄດ້ 1 ຕື້ໂດລາສະຫະລັດ ຖືວ່າເປັນມູນຄ່າສູງລະດັບໃໝ່ທີ່ສອງຝ່າຍສູ້ຊົນຮ່ວມກັນ ແລະ ເປົ້າໝາຍປີ 2019 ຈະຮ່ວມກັນເຮັດໃຫ້ມູນຄ່າການຄ້າສອງຝ່າຍເພີ່ມຂຶ້ນອີກ 10-15% ທຽບໃສ່ປີ 2018. ສະເພາະການພົວພັນຮ່ວມມືລະຫວ່າງ ສປປ ລາວ ແລະ ສປ ຈີນກໍສືບຕໍ່ໄດ້ຮັບການເສີມຂະຫຍາຍຕາມທິດ 4 ດີ (ສະຫາຍທີ່ດີ, ເພື່ອນທີ່ດີ, ອ້າຍນ້ອງທີ່ດີ, ຄູ່ຮ່ວມມືທີ່ດີ) ແລະໃນປີ 2019 ສອງຝ່າຍໄດ້ຍົກລະດັບການພົວພັນເປັນຄູ່ຮ່ວມຊາຕາກໍາອັນດຽວກັນ. ສອງປະເທດສືບຕໍ່ຮັກສາການໄປມາຫາສູ່ກັນໃນລະດັບສູງ ແລະສະໜັບສະໜູນຊ່ວຍເຫຼືອຊຶ່ງກັນແລະກັນໃນເວທີພາກພື້ນແລະສາກົນຕ່າງໆ.ອັນພົ້ນເດັ່ນແມ່ນການຢ້ຽມຢາມ ສປປ ລາວ ຢ່າງເປັນທາງການຂອງ ສະຫາຍ ສີ ຈິ້ນຜິງ, ເລຂາທິການໃຫຍ່,​ ປະທານປະເທດ ສປ ຈີນ, ໃນເດືອນພະຈິກ 2017, ຊຶ່ງໄດ້ເປັນການຢືນຢັນຄືນເຖິງຄວາມສຳຄັນຂອງສາຍພົວພັນມິດຕະພາບທີ່ເປັນມູນເຊື້ອ ແລະ ແບບຄູ່ຮ່ວມຍຸດທະສາດ ໝັ້ນຄົງ ຍາວນານ ລະຫວ່າງສອງພັກ ສອງລັດ ແລະ ປະຊາຊົນສອງຊາດ. ໃນໂອກາດນັ້ນ, ສປ ຈີນ ໄດ້ປະກາດໃຫ້ການຊ່ວຍເຫຼືອລ້າ 4 ຕື້ຢວນ ໃນ 3 ປີ ເພື່ອປະຕິບັດ 8 ໂຄງການ ເພື່ອສະໜັບສະໜູນໃຫ້ແກ່ການພັດທະນາຊົນນະບົດ ແລະ ເຂດຫ່າງໄກສອກຫຼີກຂອງລາວ, ພ້ອມທັງວາງສີລາລຶກການປັບປຸງໂຮງໝໍມະໂຫສົດ ໃຫ້ກາຍເປັນໂຮງໝໍທັນສະໄໝ ໃນມູນຄ່າ 600 ລ້ານຢວນ ຊຶ່ງຄາດວ່າຈະສໍາເລັດໃນປີ 2020.ການຮ່ວມມືດ້ານເສດຖະກິດລະຫວ່າງສອງປະເທດ ກໍນັບມື້ນັບຂະຫຍາຍຕົວ ແລະ ການຄ້າສອງຝ່າຍໄດ້ບັນລຸມູນຄ່າຫຼາຍຕື້ໂດລາຄື: ໃນປີ 2018, ການຄ້າລະຫວ່າງ ລາວ-ຈີນ ບັນລຸໄດ້ 3,47 ຕື້ໂດລາສະຫາລັດ; ການລົງທຶນຂອງວິສາຫະກິດຈີນຢູ່ລາວ ນັບແຕ່ 1988 ມາຮອດເດືອນເມສາ 2019 ມີທັງຫມົດ 779 ໂຄງການ ລວມມີມູນຄ່າຫຼາຍກ່າວ 11,5 ຕື້ ໂດລາສະຫະລັດ (ເປັນອັນດັບຫນຶ່ງໃນຈໍານວນ 53 ປະເທດ ແລະ ເຂດແຄວ້ນທີ່ມາລົງທຶນຢູ່ລາວ).

- Wave100S AD to Website 2020 0 - ນັກການທູດລາວຈະມີບົດບາດສຳຄັນຕໍ່ການດຶງດູດການຄ້າ-ການລົງທຶນໃນອານາຄົດ

ແນວໃດກໍດີ, ໃນສະພາບໂລກທີ່ມີການປ່ຽນແປງໃນປັດຈຸບັນ ລາວເຮົາຕ້ອງໄດ້ຍາດແຍ່ງການຄ້າ ແລະ ການລົງທຶນຈາກຕ່າງປະເທດໃຫ້ຫຼາຍຂຶ້ນ. ນອກນັ້ນຕ້ອງໄດ້ປ່ຽນແປງດ້ານຈິນຕະນາການ ເພື່ອໃຫ້ທັນກັບສະພາບການປ່ຽນແປງໃໝ່ ເປັນຕົ້ນວຽກງານການຕ່າງປະເທດທີ່ຕິດພັນກັບການຂົນຂວາຍຍາດແຍ່ງຜົນປະໂຫຍດທາງດ້ານເສດຖະກິດເພື່ອຕອບສະໜອງຄວາມຮຽກຮ້ອງຕ້ອງການຂອງການພັດທະນາປະເທດ ຊາດໃນໄລຍະໃໝ

     ທ່ານ ລັດຖະມົນຕີກະຊວງການຕ່າງປະເທດ ໃຫ້ຮູ້ວ່າ: ກອງປະຊຸມ ປຶກສາຫາລື ຮ່ວມກັບພາກທຸລະກິດຄັ້ງທຳອິດ ນີ້, ຈະເປັນເວທີ ແລະ ສ້າງໂອກາດໃຫ້ພາກລັດ ແລະ ເອກະຊົນ ໂດຍສະເພາະນັກການທູດ ແລະ ນັກທຸລະກິດ ເອກກະຊົນ ໄດ້ປຶກສາຫາລືກັນ ແລະ ມີຄວາມເປັນເອກກະພາບກັນໃນການຈັດຕັ້ງປະຕິບັດນະໂຍບາຍການຕ່າງປະເທດຂອງພັກລັດເຮົາ ທີ່ຕິດພັນກັບວຽກງານເສດຖະກິດ, ແນໃສ່ສ້າງຄວາມເຂົ້າໃຈເປັນເອກກະພາບ ສ້າງກົນໄກປະສານສົມທົບຢ່າງມີປະສິດທິຜົນ ແລະ ການຫັນປ່ຽນຢ່າງຕັ້ງໜ້າໃນການ ເຄື່ອນໄຫວການທູດຮັບໃຊ້ການພັດທະນາດັ່ງກ່າວ ໃຫ້ສາມາດຂົນຂວາຍຍາດແຍ່ງທຶນຮອນ ແລະ ຮຽນຮູ້ລະບົບທີ່ທັນສະໃໝຈາກຕ່າງປະເທດເພື່ອມາສົມທົບໃສ່ການຂຸດຄົ້ນທ່າ ແຮງພາຍໃນຢ່າງມີປະສິດທິຜົນຕາມທິດສ້າງຄວາມເຂັ້ມແຂງເທື່ອລະກ້າວ.

- WhatsApp Image 2020 05 27 at 5 - ນັກການທູດລາວຈະມີບົດບາດສຳຄັນຕໍ່ການດຶງດູດການຄ້າ-ການລົງທຶນໃນອານາຄົດ
- WhatsApp Image 2020 05 27 at 5 - ນັກການທູດລາວຈະມີບົດບາດສຳຄັນຕໍ່ການດຶງດູດການຄ້າ-ການລົງທຶນໃນອານາຄົດ
- WhatsApp Image 2020 05 27 at 5 - ນັກການທູດລາວຈະມີບົດບາດສຳຄັນຕໍ່ການດຶງດູດການຄ້າ-ການລົງທຶນໃນອານາຄົດ
- WhatsApp Image 2020 05 27 at 5 - ນັກການທູດລາວຈະມີບົດບາດສຳຄັນຕໍ່ການດຶງດູດການຄ້າ-ການລົງທຶນໃນອານາຄົດ
error: Alert: Content is protected !!