ປີ​ນີ້​ທົ່ວ​ໂລກ​ມີ​ນັກ​ຂ່າວ​ຖືກ​ສັງ​ຫານ​ໜ້ອຍ​ທີ່​ສຸດ​ໃນ​ຮອບ 16 ປີ

- 11 5 - ປີ​ນີ້​ທົ່ວ​ໂລກ​ມີ​ນັກ​ຂ່າວ​ຖືກ​ສັງ​ຫານ​ໜ້ອຍ​ທີ່​ສຸດ​ໃນ​ຮອບ 16 ປີ
- Untitled design - ປີ​ນີ້​ທົ່ວ​ໂລກ​ມີ​ນັກ​ຂ່າວ​ຖືກ​ສັງ​ຫານ​ໜ້ອຍ​ທີ່​ສຸດ​ໃນ​ຮອບ 16 ປີ

      ກຸ່ມນັກ​ຂ່າວໄຮ້​ພົມ​ແດນ​ເປີດ​ເຜີຍ​ໃນ​ວັນ​ທີ 17 ທັນວາ​ນີ້​ວ່າ: ​ໃນ​ປີ 2019 ທົ່ວ​ໂລກ​ມີ​ນັກ​ຂ່າວ​ຖືກ​ສັງຫານ​ໄປ​ແລ້ວ 49 ຄົນ ຖື​ວ່າ​ເປັນ​ຕົວ​ເລກ​ຕໍ່າ​ສຸດ​ໃນ​ຮອບ 16 ປີ.

       ກຸ່ມ​ນັກ​ຂ່າວໄຮ້​ພົມ​ແດນ ​ເຊິ່ງມີ​ສຳນັກງານ​ຢູ່​ນະຄອນຫລວງ​ປາຣີສຂອງຝຣັ່ງ ລະບຸ​ວ່າ: ນັກ​ຂ່າວ​ສ່ວນ​ຫລາຍ​ເສຍ​ຊີວິດ​ຂະນະ​ປະຕິບັດ​ໜ້າ​ທີ່​ໃນ​ພື້ນທີ່​ທີ່​ເກີດ​ຄວາມ​ຂັດ​ແຍ່ງ​ໃນ​ເຢ​ເມນ, ຊີຣີ ​ແລະ ອັບ​ກາ​ນິດ​ສະຖານ. ພ້ອມ​ກັນ​ນີ້ ຍັງ​ເຕືອນ​ວ່າ: ອາຊີບ​ນັກ​ຂ່າວ​ຍັງ​ເປັນ​ອາຊີບ​ສ່ຽງ​ອັນຕະລາຍ. ລາຍ​ງານ​ຂອງ​ກຸ່ມ​ນັກ​ຂ່າວ​ໄຮ້​ພົມ​​ແດນ ຍັງ​ລະບຸ​ວ່າ: ​ໃນ​ໄລຍະ 2 ທົດ​ສະ​ວັດ​ຜ່ານ​ມາ ​ແຕ່ລະ​ປີ​ມີ​ນັກ​ຂ່າວ​ເສຍ​ຊີວິດ​ສະ​ເລ່ຍປີ​ລະ 80 ຄົນ ​ແລະ ຈຳນວນ​ນັກ​ຂ່າວ​ທີ່​ຖືກ​ສັງຫານ​ໃນ​ປະ​ເທດ​ທີ່​ເບິ່ງ​ຄື​ສະຫງົບ​ຍັງ​ສູງ​ຢ່າງ​ໜ້າ​ຕົກ​ໃຈ ​ໂດຍ​ຢູ່​ເມັກ​ຊິກ​ພຽງ​ປະ​ເທດ​ດຽວ ມີ​ນັກ​ຂ່າວ​ເສຍ​ຊີວິດ​ເຖິງ 10 ຄົນ. ຂະນະ​ທີ່​ພາກພື້ນອາ​ເມ​ລິ​ກາ​ລາ​ຕິນ ມີ​ນັກ​ຂ່າວ​ເສຍ​ຊີວິດ 14 ຄົນ ຖື​ເປັນ​ພາກພື້ນທີ່​ອັນຕະລາຍ​ເທົ່າ​ກັບ​ຕາ​ເວັນ​ອອກ​ກາງ.

- Wave100S AD to Website 2020 0 - ປີ​ນີ້​ທົ່ວ​ໂລກ​ມີ​ນັກ​ຂ່າວ​ຖືກ​ສັງ​ຫານ​ໜ້ອຍ​ທີ່​ສຸດ​ໃນ​ຮອບ 16 ປີ

        ກຸ່ມ​ນັກ​ຂ່າວ​ໄຮ້​ພົມ​ແດນ ຍັງ​ລະບຸ​ວ່າ: ຂະນະ​ທີ່​ຈຳນວນ​ນັກ​ຂ່າວ​ເສຍ​ຊີວິດ​ຂະນະ​ປະຕິບັດ​ໜ້າ​ທີ່​ຫລຸດ​ລົງ, ​ແຕ່​ຈຳນວນ​ນັກ​ຂ່າວ​ທີ່​ຖືກ​ຄຸມ​ຂັງ​ພັດ​ເພີ່ມ​ຂຶ້ນ ​ໂດຍ​ໃນປີ​ນີ້​ມີ​ເຖິງ 389 ຄົນ ​ເພີ່ມ​ຂຶ້ນ 12% ຈາກ​ປີຜ່ານມາ ​ແລະ ​ເກືອບ​ເຄິ່ງໜຶ່ງ​ຖືກ​ຄຸມ​ຂັງ​ຢູ່ 3 ປະ​ເທດ ​ໄດ້​ແກ່ ຈີນ, ​ເອຢິບ ​ແລະ ອາຣັບບີ ຊາ​ອຸ​ດິດ, ສ່ວນ​ຈຳນວນ​ນັກ​ຂ່າວ​ທີ່​ຖືກ​ຈັບ​ເປັນ​ຕົວ​ປະກັນ ປີ​ນີ້​ມີ​ 57 ຄົນ ສ່ວນ​ຫລາຍ​ຢູ່​ຊີຣີ, ​ເຢ​ເມນ, ອີຣັກ ​ແລະ ອູ​ແກຣນ.

- WhatsApp Image 2020 05 27 at 5 - ປີ​ນີ້​ທົ່ວ​ໂລກ​ມີ​ນັກ​ຂ່າວ​ຖືກ​ສັງ​ຫານ​ໜ້ອຍ​ທີ່​ສຸດ​ໃນ​ຮອບ 16 ປີ
- WhatsApp Image 2020 05 27 at 5 - ປີ​ນີ້​ທົ່ວ​ໂລກ​ມີ​ນັກ​ຂ່າວ​ຖືກ​ສັງ​ຫານ​ໜ້ອຍ​ທີ່​ສຸດ​ໃນ​ຮອບ 16 ປີ
error: Alert: ເນື້ອຫາຂ່າວມີລິຂະສິດ !!