ຣັດເຊຍສັ່ງເຮືອຮົບຍິງລູກສອນໄຟຖະຫລົ່ມ IS ຢູ່ຊີຣີ

- advert banner 728 90 728x90 - ຣັດເຊຍສັ່ງເຮືອຮົບຍິງລູກສອນໄຟຖະຫລົ່ມ IS ຢູ່ຊີຣີ

- 1496223097636 960x0 - ຣັດເຊຍສັ່ງເຮືອຮົບຍິງລູກສອນໄຟຖະຫລົ່ມ IS ຢູ່ຊີຣີ

ມົສກູ 31 ພຶດສະພາ: ຣັດ​ເຊຍ​ຍິງ​ລູກ​ສອນ​ໄຟ​ຈາກ​ເຮືອ​ຮົບ ​ແລະ ​ເຮືອ​ດຳນ້ຳ​ໃນ​ທະ​ເລ​ເມ​ດິ​ເຕລາ​ເນ​ຖະຫລົ່ມ​ກຸ່ມ​ລັດ​ອິສລາມ ຫລື IS ຢູ່​ເມືອງ​ພັລ​ໄມຣາຂອງ​ຊີຣີ. ຖື​ເປັນ​ການ​ປະກາດ​ໂຈມ​ຕີ​ເທື່ອ​ທຳ​ອິດ​ໃນ​ຮອບ​ຫລາຍ​ເດືອນ.

 

+ IS ລະເບີດຂ້າໂຕຕາຍຢູ່ຄ້າຍຜູ້ອົບພະຍົບໃນຊີຣີ ມີຜູ້ເສຍຊີວິດ 30 ກວ່າຄົນ

+ ເຮືອບິນຮົບຖະຫລົ່ມກຸ່ມກະບົດຢູ່ຊີຣີຕໍ່ເນື່ອງ

- 1 1 - ຣັດເຊຍສັ່ງເຮືອຮົບຍິງລູກສອນໄຟຖະຫລົ່ມ IS ຢູ່ຊີຣີ
- Tiger Head 728x90 - ຣັດເຊຍສັ່ງເຮືອຮົບຍິງລູກສອນໄຟຖະຫລົ່ມ IS ຢູ່ຊີຣີ

+ ສົງຄາມຢູ່ຊີຣີດຳເນີນມາ 6 ປີ ເຮັດໃຫ້ມີຜູ້ເສຍຊີວິດແລ້ວ 320.000 ຄົນ

 

ກອງທັບຣັດ​ເຊຍ​ອອກ​ຖະ​ແຫລ​ງການ​ໃນ​ວັນ​ທີ 31 ພຶດສະພາ​​ແລ້ວ​ນີ້ ​ລະບຸ​ວ່າ: ​ເຮືອ​ຮົບ​ແອດ​ມິຣັລ​ເອສ​ເຊ​ນ ​ແລະ ​ເຮືອ​ດຳ​ນ້ຳຄລາສ​ໂນ​ດາ​ຍິງ​ລູກ​ສອນ​ໄຟ 4 ​ເທື່ອ​ມຸ່ງ​ເປົ້າຖະຫລົ່ມ​ອາວຸດ​ຍຸດ​ໂທ​ປະກອນ ​ແລະ ກຸ່ມ​ນັກຮົບ​ຈີ​ຮັດ​ທີ່​ເດີນທາງ​ອອກ​ຈາກ​ເມືອງຣອກ​ເກາະ ​ໂດຍ​ເປົ້າໝາຍ​ຖືກ​ໂຈມ​ຕີ​ທັງ​ໝົດ. ຣັດ​ເຊຍ​ລະບຸ​ອີກ​ວ່າ: ກອງທັບ​ອາ​ເມ​ລິ​ກາ, ຕວກກີ ​ແລະ ອິດສລາ​ແອນ ຕ່າງ​ໄດ້​ຮັບ​ແຈ້ງ​ກ່ຽວ​ກັບ​ປະຕິບັດ​ການ​ໂຈມ​ຕີ​ໃນ​ເທື່ອ​ນີ້​ຜ່ານ​ຊ່ອງ​ທາງ​ການ​ສື່ສານ​ທີ່​ມີ​ຢູ່, ຂະນະ​ທີ່​ປະທານາທິບໍດີ ວະ​ລາ​ດີ​ເມຍ ປູ​ຕິນ ກໍ​ໄດ້​ຮັບ​ຮັບ​ລາຍ​ງານ​ເລື່ອງ​ນີ້​ຈາກ​ທ່ານ ​ເຊີ​ເກ ຊອຍ​ກູ ລັດຖະມົນຕີ​ວ່າ​ການ​ກະຊວງ​ປ້ອງ​ກັນ​ປະ​ເທດ​ແລ້ວ​ເຊັ່ນ​ກັນ.

ກ່ອນ​ໜ້າ​ນີ້, ຣັດ​ເຊຍ​ບໍ່​ມີ​ການ​ປະກາດ​ໂຈມ​ຕີ​ໃນ​ລັກສະນະ​ນີ້​ມາ​ເປັນ​ໄລຍະ​ເວລາ​ຫລາຍ​ເດືອນ ​ເນື່ອງ​ຈາກ​ຫັນ​ໄປ​ໃຫ້​ຄວາ​ມສຳຄັນ​ຕໍ່​ການ​ຊຸກ​ດັນ​ຂໍ້​ຕົກລົງ​ຢຸດ​ຍິງ​ລະຫວ່າງ​ລັດຖະບານ ​ແລະ ກຸ່ມ​ກະບົດ.

error: Content is protected !!