ຢີ່ປຸ່ນສືບຕໍ່ຊ່ວຍເຫລືອໂຄງການກໍ່ສ້າງໂຮງຮຽນ ແລະ ນ້ຳລິນ ຢູ່ຫລາຍແຂວງຂອງລາວ

- 17 - ຢີ່ປຸ່ນສືບຕໍ່ຊ່ວຍເຫລືອໂຄງການກໍ່ສ້າງໂຮງຮຽນ ແລະ ນ້ຳລິນ ຢູ່ຫລາຍແຂວງຂອງລາວ
- Untitled design - ຢີ່ປຸ່ນສືບຕໍ່ຊ່ວຍເຫລືອໂຄງການກໍ່ສ້າງໂຮງຮຽນ ແລະ ນ້ຳລິນ ຢູ່ຫລາຍແຂວງຂອງລາວ

ໃນວັນທີ 18 ທັນວານີ້,  ລັດຖະບານຍີ່ປຸ່ນໄດ້ຕົກລົງໃຫ້ທຶນຊ່ວຍເຫລືອໂຄງການສຶກສາ ທີ່ແຂວງບໍ່ແກ້ວ ແລະ ເຊກອງ ແລະ ໂຄງການກໍ່ສ້າງລະບົບນໍ້າລິນ ທີ່ແຂວງໄຊຍະບູລີ ລວມມູນຄ່າທັງໝົດ 159.948 ໂດລາສະຫະລັດ, ເຊິ່ງພິທີມອບ-ຮັບທຶນດັ່ງກ່າວໄດ້ມີຂຶ້ນຢູ່ນະຄອນຫລວງວຽງຈັນ ລະຫວ່າງທ່ານ ທາເກະວະກະ ເຄໂຊ ເອກອັກຄະລາຊະທູດຍີ່ປຸ່ນ ປະຈໍາລາວ ແລະ ຕົວແທນຈາກເມືອງ-ແຂວງ ທີ່ໄດ້ຮັບການຊ່ວຍເຫລືອດັ່ງກ່າວ.ໂດຍຜ່ານໂຄງການເສີມສ້າງຄວາມເຂັ້ນແຂງໃນຂັ້ນຮາກຖານຫລື (GGP).

- Bokeo School 3 1024x768 - ຢີ່ປຸ່ນສືບຕໍ່ຊ່ວຍເຫລືອໂຄງການກໍ່ສ້າງໂຮງຮຽນ ແລະ ນ້ຳລິນ ຢູ່ຫລາຍແຂວງຂອງລາວ

ສຳລັບ 2 ໂຄງການຂອງຂະແໜງການສຶກສາແມ່ນໂຄງການຂະຫຍາຍ ແລະ ກໍ່ສ້າງອາຄານຮຽນໃຫ້ແກ່ໂຮງຮຽນມັດທະຍົມຕອນຕົ້ນນໍ້າຈ້ວມ, ແຂວງບໍ່ແກ້ວ ແລະ ໂຮງຮຽນມັດທະຍົມຕອນຕົ້ນໂມທີ່ແຂວງເຊກອງ. ໂຮງຮຽນທັງ 2 ແຫ່ງແມ່ນຢູ່ໃນສະພາບເກົ່າແກ່ຊຸດໂຊມ ແລະ ແອອັດ. ເພາະຈໍານວນນັກຮຽນຄູ-ອາຈານເພີ່ມຂຶ້ນທຸກປີ. ເພື່ອແນໃສ່ໃນການປັບປຸງສະພາບແວດລ້ອມຂອງການສຶກສາໂດຍການກໍ່ສ້າງ 3-6 ຫ້ອງຮຽນພ້ອມດ້ວຍອຸປະກອນການສຶກສາຄົບຊຸດ.

- WT Supply3 1024x768 - ຢີ່ປຸ່ນສືບຕໍ່ຊ່ວຍເຫລືອໂຄງການກໍ່ສ້າງໂຮງຮຽນ ແລະ ນ້ຳລິນ ຢູ່ຫລາຍແຂວງຂອງລາວ

ສ່ວນໂຄງການກໍ່ສ້າງລະບົບນໍ້າລິນໃຫ້ແກ່ບ້ານຖໍ້າລອດແຂວງໄຊຍະບູລີ ເຊິ່ງແມ່ນເຂດທີ່ຂາດເຂີນນໍ້າສະອາດ, ນໍ້າສ່ວນໃຫຍ່ແມ່ນຖືກດູດມາຈາກແມ່ນໍ້າທີ່ມີທັງຂີ້ຕົມ ແລະ ມົນລະພິດ ໂດຍສະເພາະແມ່ນໃນຊ່ວງລະດູຝົນ. ເຊິ່ງໂຄງການດັ່ງກ່າວຈະເລັ່ງສ້າງລະບົບນໍ້າລິນໂດຍລວມມີການຕິດຕັ້ງຖັງເກັບນໍ້າ, ຖັງກົດຄວາມດັນ, ຖັງເກັບນໍ້າສະອາດ, ທໍ່ສົ່ງນໍ້າ ແລະ ຈຸດສົ່ງນໍ້າ ເພື່ອຍົກລະດັບການເຂົາເຖິງນໍ້າສະອາດຂອງປະຊາຊົນ.

- Xekong School 3 1024x768 - ຢີ່ປຸ່ນສືບຕໍ່ຊ່ວຍເຫລືອໂຄງການກໍ່ສ້າງໂຮງຮຽນ ແລະ ນ້ຳລິນ ຢູ່ຫລາຍແຂວງຂອງລາວ

ທ່ານເອກອັກຄະລາຊະທູດຍີ່ປຸ່ນ ກ່າວວ່າ: “ມັນເປັນສິ່ງສໍາຄັນຢ່າງຍິ່ງທີ່ປະຊາຊົນເຂດນັ້ນຈະໄດ້ຮັບຜົນປະໂຫຍດສູງສຸດຈາກໂຄງການດັ່ງກ່າວ, ແລະ ຫວັງວ່າສິ່ງອໍານວຍຄວາມສະດວກຕ່າງໆຈະໄດ້ຮັບການນໍາໃຊ້ຢ່າງມີປະສິດ ທິພາບໂດຍຜ່ານໂຄງການ GGPແລະ ຜ່ານມາຍີ່ປຸ່ນໄດ້ໃຫ້ການຊ່ວຍເຫລືອພາຍໃຕ້ໂຄງການGGP ສຳລັບໃນຂະແໜງການສຶກສາຢູ່ລາວມາແລ້ວຫລາຍກ່ວາ 300 ໂຄງການ, ສາທາ 150 ໂຄງການ, ແລະ ຈະສືບຕໍ່ໃຫ້ການສະໜັບສະໜຸນລັດຖະບານລາວເພື່ອສາມາດບັນລຸເປົ້າໝາຍການຮັບປະກັນສຸຂະພາບທົ່ວໜ້າ ໃນປີ 2025, ເປົ້າໝາຍ SDGs ໃນປີ 2030.

- Wave100S AD to Website 2020 0 - ຢີ່ປຸ່ນສືບຕໍ່ຊ່ວຍເຫລືອໂຄງການກໍ່ສ້າງໂຮງຮຽນ ແລະ ນ້ຳລິນ ຢູ່ຫລາຍແຂວງຂອງລາວ
- WhatsApp Image 2020 05 27 at 5 - ຢີ່ປຸ່ນສືບຕໍ່ຊ່ວຍເຫລືອໂຄງການກໍ່ສ້າງໂຮງຮຽນ ແລະ ນ້ຳລິນ ຢູ່ຫລາຍແຂວງຂອງລາວ
- WhatsApp Image 2020 05 27 at 5 - ຢີ່ປຸ່ນສືບຕໍ່ຊ່ວຍເຫລືອໂຄງການກໍ່ສ້າງໂຮງຮຽນ ແລະ ນ້ຳລິນ ຢູ່ຫລາຍແຂວງຂອງລາວ
error: Alert: ເນື້ອຫາຂ່າວມີລິຂະສິດ !!