ລາວຈະ​ເພີ່ມ​ຄວາມ​ເຂັ້ມງວດ​ຕໍ່​ການ​ດຳ​ເນີນ​ຄະດີ​ພະນັກງານ-ລັດຖະກອນມີ​ພຶດຕິ​ກຳ​ສໍ້​ລາດ​ບັງ​ຫລວງ

- 657 - ລາວຈະ​ເພີ່ມ​ຄວາມ​ເຂັ້ມງວດ​ຕໍ່​ການ​ດຳ​ເນີນ​ຄະດີ​ພະນັກງານ-ລັດຖະກອນມີ​ພຶດຕິ​ກຳ​ສໍ້​ລາດ​ບັງ​ຫລວງ
- Untitled design - ລາວຈະ​ເພີ່ມ​ຄວາມ​ເຂັ້ມງວດ​ຕໍ່​ການ​ດຳ​ເນີນ​ຄະດີ​ພະນັກງານ-ລັດຖະກອນມີ​ພຶດຕິ​ກຳ​ສໍ້​ລາດ​ບັງ​ຫລວງ

     ປັດຈຸບັນ ​ລັດຖະບານ​ພວມ​ເລັ່ງ​ສ້າງ​ຮ່າງ​ລັດຖະບັນຍັດ​ຂອງ​ປະທານ​ປະ​ເທດ ວ່າ​ດ້ວຍ​ການ​ດຳ​ເນີນ​ຄະດີ​ປົກຄອງ ​ເຊິ່ງມີ​ເປົ້າໝາຍ​ສຸມ​ໃສ່​ແກ້​ໄຂ​ຂໍ້​ຂັດ​ແຍ່ງ​ຕ່າງໆ​ກ່ຽວ​ກັບ​ທີ່​ດິນ, ການ​ອອກ​ໃບ​ຕາດິນ​ບໍ່​ຖືກ​ລະບຽບ​ການ, ການ​ປະຕິບັດ​ວິ​ໄນ​ຕໍ່​ພະນັກງານ-ລັດຖະກອນ​ມີ​ພຶດຕິ​ກຳ​ສໍ້​ລາດ​ບັງ​ຫລວງ ​ແລະ ເຄື່ອນ​ໄຫວ​ວຽກ​ງານ​ບໍ່​ຖືກຕ້ອງຕາມ​ລະບຽບ​ກົດໝາຍ, ກົດ​ໜ່ວງ​ຖ່ວງ​ດຶງ​ການ​ພັດທະນາ​ເສດຖະກິດ-ສັງຄົມ​ແຫ່ງ​ຊາດ ອັນ​ໄດ້​ສ້າງ​ຄວາມ​ເສຍ​ຫາຍ​ໃຫ້​ແກ່ຊາດ ​ແລະ ​ໃນ​ວັນ​ທີ 18 ທັນວາ​ນີ້, ສານ​ປະຊາຊົນ​ສູງ​ສຸດ ກໍ​ໄດ້​ຈັດ​ສຳ​ມະ​ນາ​ລະດັບ​ສູງ ​ເພື່ອ​ປຶກສາ​ຫາລື​ກ່ຽວ​ກັບ​ການ​ກະກຽມ​ປະຕິບັດ​ຮ່າງ​ລັດຖະບັນຍັດ​ດັ່ງກ່າວ ​ໂດຍ​ມີ​ຜູ້ຕາງໜ້າ​ຈາກ​ສະພາ​ແຫ່ງ​ຊາດ, ບັນດາ​ກະຊວງ, ອົງການ ​ແລະ ພາກສ່ວນ​ກ່ຽວຂ້ອງ​ຕ່າງໆ​ເຂົ້າຮ່ວມ.

     ສານ​ປະຊາຊົນ ​ໃຫ້​ຮູ້​ວ່າ: ປັດຈຸບັນ ຂໍ້​ຂັດ​ແຍ່ງ​ທາງ​ດ້ານ​ການ​ປົກຄອງ ​ໂດຍ​ສະ​ເພາະ​ຂໍ້​ຂັດ​ແຍ່ງ​ຈາກ​ບັນຫາ​ທີ່​ດິນ, ການ​ອອກ​ໃບ​ຕາດິນ​ບໍ່​ຖືກຕ້ອງ​ຕາມ​ລະບຽບ​ຫລັກການ​ທີ່​ເກີດ​ຈາກ​ການ​ສວຍ​ໂອກາດຫາ​ຜົນ​ປະ​ໂຫຍ​ດຂອງພະນັກ ງານ-ລັດຖະກອນ​ແມ່ນ​ເກີດ​ຂຶ້ນຫລາຍ. ດັ່ງນັ້ນ ຮ່າງ​ລັດຖະບັນຍັດ​ດັ່ງກ່າວນີ້​ຈະ​ເປັນ​ບ່ອນ​ອີງ​ໃຫ້​ແກ່​ຂະ​ແໜງ​ການ​ຮັບຜິດຊອບ​ດຳ​ເນີນ ​ແລະ ​ພິຈາລະນາ​ຕັດສິນ​ຄະດີ​ມີ​ຄວາມ​ວ່ອງ​ໄວ ​ແລະ ຖືກຕ້ອງ​ຕາມ​ຂັ້ນຕອນ​ຂອງ​ກົດໝາຍ​ກຳນົດ​ໄວ້, ທັງ​ສາມາດ​ສະກັດ​ກັ້ນ ​ແລະ ຕ້ານ​ການ​ສໍ້​ລາດ​ບັງ​ຫລວງ​ຂອງ​ພະນັກງານ​ໃຫ້​ຫລຸດ​ລົງ. ຄຽງ​ຄູ່​ກັນນັ້ນ ກໍ​ເປັນ​ການ​ສົ່​ງ​ເສີມ ​ແລະ ສ້າງ​ຄວາມ​ເຊື່ອ​ໝັ້ນ​ໃຫ້​ແກ່​ປະຊາຊົນ ​ແລະ ສັງຄົມ ພ້ອມເປັນ​ການ​ຍົກ​ສູງ​ການ​ຄຸ້ມ​ຄອງ​ລັດ-ຄຸ້ມ​ຄອງ​ສັງຄົມ​ດ້ວຍ​ກົດໝາຍ​ເທື່ອ​ລະ​ກ້າວ.

- Wave100S AD to Website 2020 0 - ລາວຈະ​ເພີ່ມ​ຄວາມ​ເຂັ້ມງວດ​ຕໍ່​ການ​ດຳ​ເນີນ​ຄະດີ​ພະນັກງານ-ລັດຖະກອນມີ​ພຶດຕິ​ກຳ​ສໍ້​ລາດ​ບັງ​ຫລວງ
- WhatsApp Image 2020 05 27 at 5 - ລາວຈະ​ເພີ່ມ​ຄວາມ​ເຂັ້ມງວດ​ຕໍ່​ການ​ດຳ​ເນີນ​ຄະດີ​ພະນັກງານ-ລັດຖະກອນມີ​ພຶດຕິ​ກຳ​ສໍ້​ລາດ​ບັງ​ຫລວງ
- WhatsApp Image 2020 05 27 at 5 - ລາວຈະ​ເພີ່ມ​ຄວາມ​ເຂັ້ມງວດ​ຕໍ່​ການ​ດຳ​ເນີນ​ຄະດີ​ພະນັກງານ-ລັດຖະກອນມີ​ພຶດຕິ​ກຳ​ສໍ້​ລາດ​ບັງ​ຫລວງ
error: Alert: ເນື້ອຫາຂ່າວມີລິຂະສິດ !!