ແຂວງຮ່າຕີ້ງ ສສ ຫວຽດນາມ ຊ່ວຍສ້າງຫໍສະໝຸດ ໃຫ້ ມສ ສີທ່ານາໄຊ ມູນຄ່າ 5 ຕື້ກ່ວາດົງ

ແຂວງຮ່າຕີ້ງ ສສ ຫວຽດນາມ ຊ່ວຍສ້າງຫໍສະໝຸດ ໃຫ້ ມສ ສີທ່ານາໄຊ ມູນຄ່າ 5 ຕື້ກ່ວາດົງ - vn lao - ແຂວງຮ່າຕີ້ງ ສສ ຫວຽດນາມ ຊ່ວຍສ້າງຫໍສະໝຸດ ໃຫ້ ມສ ສີທ່ານາໄຊ ມູນຄ່າ 5 ຕື້ກ່ວາດົງ
ແຂວງຮ່າຕີ້ງ ສສ ຫວຽດນາມ ຊ່ວຍສ້າງຫໍສະໝຸດ ໃຫ້ ມສ ສີທ່ານາໄຊ ມູນຄ່າ 5 ຕື້ກ່ວາດົງ - Untitled design - ແຂວງຮ່າຕີ້ງ ສສ ຫວຽດນາມ ຊ່ວຍສ້າງຫໍສະໝຸດ ໃຫ້ ມສ ສີທ່ານາໄຊ ມູນຄ່າ 5 ຕື້ກ່ວາດົງ

      ພິທີມອບ-ຮັບ ຫໍສະໝຸດ ຂອງໂຮງຮຽນ ມ.ສ ສີທ່ານາໄຊ ເມືອງປາກຊັນ ແຂວງບໍລິຄຳໄຊ ໄດ້ຈັດຂຶ້ນ​ເມື່ອ​ບໍ່​ດົນ​ນີ້ ຢູ່ ມ.ສ ດັ່ງກ່າວ, ກ່າວມອບໂດຍທ່ານ ຫງວຽນຊວັນຫຶວ ອຳນວຍການບໍລິສັດ ສາມັກຄີ VL ຈຳກັດ ແລະ ກ່າວຮັບໂດຍທ່ານ ບຸນເສັງ ປະທຳມະວົງ ຮອງເຈົ້າແຂວງບໍລິຄຳໄຊ, ໂດຍມີໜ້າຂອງທ່ານ ກອງແກ້ວ ໄຊສົງຄາມ ເຈົ້າແຂວງບໍລິຄຳໄຊ, ທ່ານ ເລດິ່ງເຊີນ ກຳມະການຄະນະບໍລິຫານງານສູນກາງພັກກອມມູນິດຫວຽດນາມ, ເລຂາພັກແຂວງ ປະທານສະພາປະຊາຊົນແຂວງຮ່າຕີ້ງ, ມີການນຳຂອງແຂວງບໍລິຄຳໄຊ-ແຂວງຮ່າຕິ້ງ, ພະແນກການທີ່ກ່ຽວຂ້ອງ, ຄູ-ອາຈານ, ນັກຮຽນ ແລະ ພະນັກງານວິຊາການ ທັງສອງຝ່າຍເຂົ້າຮ່ວມ.

      ໂຄງການກໍ່ສ້າງ ຫໍສະໝຸດ ແລະ ເສັ້ນທາງເບຕົງ​ໃນໂຮງຮຽນ ມ.ສ ສີທ່ານາໄຊ ໄດ້ຮັບການປະມູນຮັບເໝົາກໍ່ສ້າງໂດຍບໍລິສັດ ສາມັກຄີ VL ຈຳກັດ ​ແລະ ເລີ່ມລົງມືກໍ່ສ້າງມາແຕ່ວັນທີ 24 ສິງຫາ 2019 ຫາ ວັນທີ 30 ພະຈິກ 2019 ເປັນເວລາ 3 ເດືອນ ເຊິ່ງແຂວງຮ່າຕິງ ຊ່ວຍເຫຼືອປຸກສ້າງຫໍສະໝຸດ ມູນຄ່າ 3 ຕື້ດົງ (ສະກຸນ​ເງິນ​ຫວຽດນາມ) ຫລື ປະມານ 1,1 ຕື້ກວ່າ​ກີບ ມີຂະໜາດ 18×20 ແມັດ ແລະ ກອງບັນຊາການຕຳຫຼວດ ແຂວງຮ່າຕິງ ຊ່ວຍເຫຼືອກໍ່ສ້າງທາງເບຕົງເຂົ້າໂຮງຮຽນ ມັດທະຍົມສົມບູນ ສີທ່ານາໄຊ ມີຄວາມຍາວ 800 ແມັດ ກວ້າງ 4 ແມັດ ມູນຄ່າ 2 ຕື້ດົງ ຫລື ປະມານ 770 ລ້ານ​ກວ່າກີບ.

        ​ໃນ​ໂອກາດ​ນີ້, ເຈົ້າແຂວງບໍລິຄຳໄຊ ໄດ້ມອບຫຼຽນໄຊແຮງງານ ຊັ້ນ 3 ໃຫ້ແກ່ຄະນະພັກ-ຄະນະປົກຄອງແຂວງຮ່າຕິ້ງ ທີ່ມີຜົນງານດີເດັ່ນ ປະກອບສ່ວນເຂົ້າໃນການຊ່ວຍເຫຼືອສ້າງຫໍສະໝຸດດັ່ງກ່າວ ​ແລະ ມອບຫຼຽນກາພັດທະນາໃຫ້ກັບສະຫາຍ ພັນເອກ ຫວໍ ຈ້ອງ ຫາຍ ຄະນະປະຈຳພັກແຂວງ ຫົວໜ້າຕຳຫຼວດ ແຂວງຮ່າຕິ້ງ ສສ ຫວຽດນາມ ທີ່ມີຜົນງານດີເດັ່ນ ປະກອບສ່ວນໃນການຊ່ວຍເຫຼືອກໍ່ສ້າງທາງເບຕົງ ແລະ ມອບໃບກຽດຕິຄຸນຂອງທ່ານເຈົ້າແຂວງບໍລິຄຳໄຊ ໃຫ້ບໍລິສັດ ສາມັກຄີ ວີແອລ ( VL ) ຈຳກັດ ເພື່ອເປັນການສະແດງເຖີງຄຸນງາມຄວາມດີ ແລະ ​ເສີມ​ສ້າງສາຍພົວພັນ​ການ​ຮ່ວມ​ມືແບບພິເສດ ລະຫວ່າງ ລາວ-ຫວຽດນາມ ​ໃຫ້​ນັບ​ມື້​ແໜ້ນ​ແຟ້ນຍິ່ງໆ​ຂຶ້ນ.

ແຂວງຮ່າຕີ້ງ ສສ ຫວຽດນາມ ຊ່ວຍສ້າງຫໍສະໝຸດ ໃຫ້ ມສ ສີທ່ານາໄຊ ມູນຄ່າ 5 ຕື້ກ່ວາດົງ - Wave100S AD to Website 2020 0 - ແຂວງຮ່າຕີ້ງ ສສ ຫວຽດນາມ ຊ່ວຍສ້າງຫໍສະໝຸດ ໃຫ້ ມສ ສີທ່ານາໄຊ ມູນຄ່າ 5 ຕື້ກ່ວາດົງ
ແຂວງຮ່າຕີ້ງ ສສ ຫວຽດນາມ ຊ່ວຍສ້າງຫໍສະໝຸດ ໃຫ້ ມສ ສີທ່ານາໄຊ ມູນຄ່າ 5 ຕື້ກ່ວາດົງ - WhatsApp Image 2020 05 27 at 5 - ແຂວງຮ່າຕີ້ງ ສສ ຫວຽດນາມ ຊ່ວຍສ້າງຫໍສະໝຸດ ໃຫ້ ມສ ສີທ່ານາໄຊ ມູນຄ່າ 5 ຕື້ກ່ວາດົງ
ແຂວງຮ່າຕີ້ງ ສສ ຫວຽດນາມ ຊ່ວຍສ້າງຫໍສະໝຸດ ໃຫ້ ມສ ສີທ່ານາໄຊ ມູນຄ່າ 5 ຕື້ກ່ວາດົງ - WhatsApp Image 2020 05 27 at 5 - ແຂວງຮ່າຕີ້ງ ສສ ຫວຽດນາມ ຊ່ວຍສ້າງຫໍສະໝຸດ ໃຫ້ ມສ ສີທ່ານາໄຊ ມູນຄ່າ 5 ຕື້ກ່ວາດົງ
error: Alert: ເນື້ອຫາຂ່າວມີລິຂະສິດ !!