ສົ່ງ​ເສີມ​ການ​ຜະລິດ,​ ບໍ່​ມີ​ບ່ອນ​ຈຳໜ່າຍ,​ ໄດ້​ກຳ​ໄລ​ລອດ​ພື້ນ

ສົ່ງ​ເສີມ​ການ​ຜະລິດ,​ ບໍ່​ມີ​ບ່ອນ​ຈຳໜ່າຍ,​ ໄດ້​ກຳ​ໄລ​ລອດ​ພື້ນ - 87 4 - ສົ່ງ​ເສີມ​ການ​ຜະລິດ,​ ບໍ່​ມີ​ບ່ອນ​ຈຳໜ່າຍ,​ ໄດ້​ກຳ​ໄລ​ລອດ​ພື້ນ
ສົ່ງ​ເສີມ​ການ​ຜະລິດ,​ ບໍ່​ມີ​ບ່ອນ​ຈຳໜ່າຍ,​ ໄດ້​ກຳ​ໄລ​ລອດ​ພື້ນ - Untitled design - ສົ່ງ​ເສີມ​ການ​ຜະລິດ,​ ບໍ່​ມີ​ບ່ອນ​ຈຳໜ່າຍ,​ ໄດ້​ກຳ​ໄລ​ລອດ​ພື້ນ

ທິດ​ກໍ່າ:

     ທິດ​ກໍ່າ ​ໄດ້​ມີ​ໂອກາດ​ໄປ​ສຳຜັດ​ກັບ​ບັນຍາກາດ​ແຖວ​ເມືອງ​ພີນ, ​ເມືອງ​ເຊ​ໂປ​ນ ​ແຂວງ​ສະຫວັນ​ນະ​ເຂດ ຫວ່າງ​ອາທິດ​ຫລັງ​ມາ​ນີ້ ​ໄດ້​ມີ​ໂອກາດ​ການ​ພົບ​ປະ​ສົນທະນາ​ກັບ​ໝູ່ຄູ່​ຮຸ້ນ​ຮານ​ປານ​ດຽວ ​ພາກັນ​ໂສ້​ເຫລ້​ເລື່ອງ​ການສົ່ງ​ເສີມ​ການ​ຜະລິດ ​ໂດຍ​ສະ​ເພາະ​ແມ່ນ​ການ​ປູກ, ການລ້ຽງ ​ເພາະ​ເຂດ​ດັ່ງກ່າວ​ເໝາະ​ກັບ​ການ​ລ້ຽງສັດ ​ແລະ ປູກ​ພືດ​ຫລາຍ​ຊະນິດ ຍ້ອນ​ພູມີ​ປະ​ເທດ ​ແລະ ​ສະພາບ​ດິນ​ຟ້າ​ອາກາດ​ເປັນ​ໃຈ ຄື​ມີ​​ເຂດ​ພູຜາ, ​ມີ​ແມ່ນ້ຳລຳ​ເຊ​ຫລາຍ​ສາຍ ​ແລະ ອາກາດ​ຂ້ອນ​ຂ້າງ​ໜາວ​ກວ່າ​ເຂດ​ທົ່ງພຽງ. ​ແຕ່​ວ່າ​ໂຈ​ເຈ​ໂສ້​ເຫລ້ກັນ​ໄປກັນມາ ​ເຂົາ​ພັດ​ວ່າ​ພວກ​ເຮົາ​ເຄີຍ​ເຫັນ ​ແລະ ​ເຄີຍ​ເຮັດ​ມາ​ແລ້ວ ວ່າ​ຊັ້ນ ! ​ເລື່ອງ​ຂອງ​ມັນ​ກໍ​ມີ​ຢູ່​ວ່າ: ​ໃນ​ໄລຍະ​ຜ່ານ​ມາ ​ໄດ້​ມີ​ທາງ​ເມືອງ, ທາງ​ແຂວງ​ມາ​ໂຄສະນາ​ລະດົມ​ໃຫ້​ປະຊາຊົນ​ມີ​ການ​ປູກ​ການ​ລ້ຽງ, ​​ແກ້​ໄຂ​ຄວາມທຸກ​ຈົນ ​ແລະ ​ເປັນ​ສິນຄ້າ ແຕ່​ສຸດ​ທ້າຍ​ປູກ​ໄປ​ແລ້ວ​ບໍ່​ມີ​ບ່ອນ​ຂາຍ ພາກັນ​ເທ​ເຂົ້າຕະຫລາດ​ເມືອງ​ພີນ, ​ເຊ​ໂປ​ນ ຄົນ​ຊື້ກໍ​ໜ້ອຍ​ສຸດ​ທ້າຍ​ມາ​ຜັກ​ກໍ​​ເນົ່າ. ສ່ວນວ່າ​ໝູ​ໝາ​ເປັດ​ໄກ່​ ​ແລະ ສັດ​ໃຫຍ່​ຄື​ງົວ​ຄວາຍ​ກໍ​ລ້ຽງ​ພໍ​ໃຜ​ພໍ​ມັນ​ພໍ​ໄດ້​ຂາຍ ​ແລະ ​ໄຄ​ແດ່​ໜ້ອຍ​ໜຶ່ງ, ຍາມ​ມີ​ກໍມີ, ບາງ​ມື້ສັດ​ກໍ​ອັ່ງ​ຕະຫລາດ, ບາງ​ມື້ກໍ​ຂາດໆ​ເຂີນໆ​ບໍ່​ປົກກະຕິ. ກ່ຽວ​ກັບ​ການ​ປູກ​ພືດ​ອຸດສາຫະກຳ​ນັ້ນ ດຽວ​ນີ້​ຍັງ​ພໍ​ໄຄ​ແດ່ ​ເພາະ​ມີ​ໂຮງງານ​ເຈ້ຍ​ຊຳ​ເປ​ເປີ​ມາຕັ້ງຢູ່​ເມືອງ​ເຊ​ໂປ​ນ ​ເຂົາ​ມີ​ການ​ປຸກລະດົມ​ໃຫ້​ແຕ່​ລະ​ຄອບຄົວ​ທັງ​ເຮັດ​ສັນຍາ​ປູກ​ຕົ້ນວິກ ​ໂດຍ​ໂຮງງານ​ສະໜອງ​ເບ້ຍ, ປູກ​ແລ້ວ​ປົກ​ປັກ​ຮັກສາ​ເອົາ​ເອງ ​ເມື່ອ​ໃຫຍ່​ຂຶ້ນມາ ​ໂຮງງານ​ເກັບຊື້ຄືນ​ແຕ່​ວ່າ​ຈະ​ເຮັດ​ແນວ​ໃດ​ເມື່ອ​ປູກ​ລົງ​ດິນ​ແລ້ວ​ຫົກ​ປີ​ຈຶ່ງ​ສາມາດ​ຕັດ​ໄດ້. ​ເພື່ອ​ລໍຖ້າ​ຕົ້ນ​ໄມ້​ໃຫຍ່​ເປັນ​ເວລາ​ນານ​ເຖິງ​ 5 ປີ 6 ​ປີ​ຈັກ​ຊິ​ເອົາ​ອັນ​ໃດ​ມາ​ໃສ່ປາກ​ໃສ່​ທ້ອງ. ​ເພື່ອ​ຄວາມ​ມີ​ຢູ່​ມີ​ກິນ ທຸກ​ຄົນ​ທຸກ​ຄອບຄົວ​ກໍ​ມີ​ແຕ່​ຊອກ​ຫາ​ພໍ​ໃຜ​ພໍ​ມັນ​ສຸດ​ແລ້ວ​ແຕ່​ຄວາມ​ຖະໜັດ, ການ​ຜະລິດ​ທີ່​​ເປັນ​ພື້ນຖານ​ແທ້ໆ​ກໍ​ມີ​ແຕ່​ເຮັດ​ນາ ​ແລະ ລ້ຽງສັດ​ປູກຝັງ​ພໍ​ໄດ້​ກິນ​ກຸ້ມ​ມື້ກຸ້ມ​ວັນ. ນີ້​ຄື​ຄຳ​ບອກ​ເລົ່າ​ຂອງຄົນ​ຊົນນະບົດ​ທີ່​ໄດ້​ລະບາຍ​ສູ່​ກັນ​ຟັງ​ໃນ​ສະພາບາ​ຢອງ​ຕາມ​ທີ່​ໄດ້​ຟັງ​ໃນ​ຫູ​ໄດ້​ເຫັນ​ກັບ​ຕາ.

      ​ແນວ​ໃດ​ກໍ​ຕາມ, ​ເທົ່າ​ທີ່​ທິດ​ກໍ່າ​ຄິດ ຖ້າ​ຈະ​ສົ່ງ​ເສີມ​ກັນ​ແບບ​ຈິງ​ຈັງ​ຕາມ​ແນວທາງ​ຂອງ​ພັກ ​ແລະ ລັດຖະບານ​ໄດ້​ວາງ​ອອກ​ແທ້ ​ເພື່ອ​ຊ່ວຍ​ເຂົາ​ອອກ​ຈາກ​ຄວາມທຸກ​ຍາກ, ກ່ອນ​ອື່ນ​ກໍ​ຕ້ອງ​ແມ່ນ​ຂະ​ແໜງ​ການ​ກ່ຽວຂ້ອງ​ເປັນ​ຜູ້​ຄົ້ນຄວ້າ ​ແລະ ນຳພາ​ເຂົາ​ເຮັດ ​ເປັນຕົ້ນສ້າງ​ໂຄງການ​ຜະລິດ, ຊ່ວຍ​ເຂົາ​ເຈົ້າຫາ​ແຫ​ລ່ງທຶນ ​ແລະ ຈັດຕັ້ງການ​ຜະລິດ​ຢ່າງ​ຄັກ​ແນ່, ​ເມື່ອ​ຜະລິດ​ສິນຄ້າ​ໄດ້​ແລ້ວ​ຕ້ອງ​ມີ​ບ່ອນ​ຈຳໜ່າຍ​ໂລ່ງ​ລ່ຽນ​ສະດວກ​ສະບາຍ ທັງ​ມີ​ບ່ອນ​ຮອງ​ຮັບ ຈຶ່ງ​ວ່າ​ມີ​ການ​ສົ່ງ​ເສີມ​ການ​ຜະລິດສຸດ​ຂັ້ນສຸດ​ຂີດ ​ເພາະ​ຢູ່​ບາງ​ທ້ອງ​ຖິ່ນ ປະຊາຊົນ​ເຂົາ​ຍັງ​ມີ​​ຫລາຍ​ອັນ​ຈຳກັດ. ກົງກັນຂ້າມ ຖ້າ​ໃຫ້​ເຂົາ​ຄິດ​ເອງ​ທຳ​ເອງ ​ໂດຍ​ບໍ່​ມີ​ຂະ​ແໜງ​ການ​ທີ່​ກ່ຽວຂ້ອງ​ແນະນຳ-ນຳພາ​ນັ້ນ ມັນ​ກໍ​ຍັງ​ອືດ​ປານ​ດຶງ​ຂາ​ເຕົ່າ ຍ້ອນ​ວ່າ​ຖັນ​ແຖວ​ຊົນນະບົດ​ເຂົາ​ຍັງ​ມີ​ລະດັບ​ຕໍ່າ, ຍັງ​ບໍ່​ຮູ້ ​ແລະ ບໍ່​ທັນ​ເຂົ້າ​ໃຈ​ໃນ​ຂອດ​ການ​ຜະລິດ​ເປັນ​ສິນຄ້າ, ສຸດ​ທ້າຍ​ມາ​ກໍ​ເຮັດ​ພໍ​ກຸ້ມ​ປາກ​ກຸ້ມ​ທ້ອງ ຫລື ​ໄປ​ຊອກ​ຢູ່​ຫາ​ກິນ​ພໍ​ສືບມື້ສືບ​ວັນ​ຕາມ​ວິຖີ​ຊີວິດ​ຂອງ​ຄົນ​ຊົນນະບົດ​ທີ່​ເຄີຍ​ເປັນ​ມາ​ແຕ່​ເຊັ່ນ​ພໍ່​ເຊັ່ນ​ແມ່.

ສົ່ງ​ເສີມ​ການ​ຜະລິດ,​ ບໍ່​ມີ​ບ່ອນ​ຈຳໜ່າຍ,​ ໄດ້​ກຳ​ໄລ​ລອດ​ພື້ນ - Wave100S AD to Website 2020 0 - ສົ່ງ​ເສີມ​ການ​ຜະລິດ,​ ບໍ່​ມີ​ບ່ອນ​ຈຳໜ່າຍ,​ ໄດ້​ກຳ​ໄລ​ລອດ​ພື້ນ

       ນັບ​ແຕ່​ພັກ ​ແລະ ລັດຖະບານ​ມີ​ແຜນ​ສົ່ງ​ເສີມ​ການ​ຜະລິດ​ຂະໜາດ​ນ້ອຍ ​ແລະ ຂະໜາດ​ກາງ​ອອກ​ມາ​ນີ້, ພວກ​ເຮົາ​ຍິ່ງ​ມີ​ທາງ​ອອກ​ຫລາຍ​ດ້ານ ສຳຄັນ​ແຕ່​ວ່າການ​ຜະລິດ​ນັ້ນ​ໄປ​ຕາມ​ທິດ​ທາງ ຫລື ບໍ່ ​ເປັນຕົ້ນການ​ຜະລິດ​ທີ່​ເປັນ​ມິດ​ກັບ​ສິ່ງ​ແວດ​ລ້ອມ, ສະອາດ, ປອດ​ສານ​ເຄມີ ບໍ່​ວ່າ​ໃນ​ການ​ປູກ ກໍ​ຄື​ການ​ລ້ຽງ. ອັນ​ສຳຄັນ​ທີ່​ສຸດ ສິນຄ້າ​ທີ່​ເຮົາ​ຜະລິດ​ອອກ​ຕ້ອງ​ມີ​ຄຸນ​ນະພາ​ບອີ່ຫລີ, ຜ່ານ​ການ​ຮັບ​ຮູ້ ​ແລະ ກວດກາ​ຈາກ​ຂະ​ແໜງ​ການ​ກ່ຽວຂ້ອງ​ຢ່າງ​ຄັກ​ແນ່. ຕາມ​ເຮົາ​ວ່າ ຖ້າ​ຜູ້​ໃດ​ຫາກ​ເຮັດ​ໄດ້ ຕະຫລາດ​ຈຳໜ່າຍ​ມັນ​ບໍ່​ອຶດ​ບໍ່​ຢາກ. ຕົວຢ່າງ​ຢູ່​ພາຍ​ໃນ​ປະ​ເທດ​ມີ​ຄວາມ​ຕ້ອງການກິນ​ຜັກ​ທີ່​ມີ​ຄຸນ​ນະພາ​ບ​ແຕ່​ລະ​ຊະນິດ​ຫລາຍ​ພັນ​ໂຕນ, ຕ້ອງການ​ກິນ​ຊີ້ນ​ປອດ​ສານ​ເຄມີ​ຫລາຍ​ພັນ​ໂຕ ຍັງ​ບໍ່​ທັນ​ໄດ້​ເວົ້າ​ເຖິງ​ການ​ສົ່ງ​ອອກປະ​ເທດ​ຈີນ​ມີ​ແຕ່ລະ​ເດືອນ, ​ແຕ່ລະ​ປີ​ມີ​ຄວາມ​ຕ້ອງການ​ຊື້ງົວ​ຈາກ​ລາວ​ຫລາຍ​ພັນ​ໂຕ,​ ​ແຕ່​ສິ່ງ​ສຳຄັນ​ແມ່ນ​ໃຜ​ຈະ​ເປັນ​ຜູ້ນຳ​ພາ​ເຮັດ ​ແລະ ນຳພາ​ໄປ​ແບບ​ຈິງ​ຈັງ​ຈິງ​ໃຈ ​ເພື່ອ​ຈະ​ກ້າວ​ໄປ​ເຖິງ​ຈຸດ​ນັ້ນ ​ເພາະ​ຄຳ​ເວົ້າມັນ​ງ່າຍ​ການ​ເຮັດ​ມັນ​ຍາກ. ​ເວົ້າຄວາມ​ຈິງ ການ​ຜະລິດ​ຂະໜາດ​ນ້ອຍ ​ແລະ ຂະໜາດ​ກາງ​ຢູ່​ບ້ານ​ເຮົາ​ມັນ​ຫາ​ກໍ​ເລີ່​ມ​ເກີດ ​ເພື່ອ​ໃຫ້​ບັນລຸ​ຕາມ​ເປົ້າໝາຍ​ ພວກ​ເຮົາ​ຕ້ອງ​ໄດ້​ພ້ອມ​ກັນຄິດ ​ແລະ ພ້ອມ​ກັນ​ລົງມື​ຢ່າງ​ເຂັ້ມ​ແຂງ ​ເພາະ​ການ​ຜະລິດ​ກັບ​ການຈຳໜ່າຍ​ມັນ​ເປັນ​ຄູ່​ມາດຕະຖານ. ຜະລິດ​ສິນຄ້າອອກ​ມາ​ແລ້ວ ຄາ​ບ່ອນ​ຈຳໜ່າຍ​ມັນ​ກໍ​ເຫັນ​ແຕ່​ກຳ​ໄລ​ລອດ​ພື້ນນັ້ນ​ແລ້ວ.

ສົ່ງ​ເສີມ​ການ​ຜະລິດ,​ ບໍ່​ມີ​ບ່ອນ​ຈຳໜ່າຍ,​ ໄດ້​ກຳ​ໄລ​ລອດ​ພື້ນ - WhatsApp Image 2020 05 27 at 5 - ສົ່ງ​ເສີມ​ການ​ຜະລິດ,​ ບໍ່​ມີ​ບ່ອນ​ຈຳໜ່າຍ,​ ໄດ້​ກຳ​ໄລ​ລອດ​ພື້ນ
ສົ່ງ​ເສີມ​ການ​ຜະລິດ,​ ບໍ່​ມີ​ບ່ອນ​ຈຳໜ່າຍ,​ ໄດ້​ກຳ​ໄລ​ລອດ​ພື້ນ - WhatsApp Image 2020 05 27 at 5 - ສົ່ງ​ເສີມ​ການ​ຜະລິດ,​ ບໍ່​ມີ​ບ່ອນ​ຈຳໜ່າຍ,​ ໄດ້​ກຳ​ໄລ​ລອດ​ພື້ນ

Comment

    AffiliateLabz
    18/02/2020 - 6:48 pm

    Great content! Super high-quality! Keep it up! 🙂

Comments are closed.

error: Alert: ເນື້ອຫາຂ່າວມີລິຂະສິດ !!