ທ່ານໝໍຕິດເຊື້ອ nCoV ເສຍຊີວິດໃນຂະນະທີ່ກຳລັງຈະແຕ່ງງານ.

-                                            nCoV                                                                                            - ທ່ານໝໍຕິດເຊື້ອ nCoV ເສຍຊີວິດໃນຂະນະທີ່ກຳລັງຈະແຕ່ງງານ.
- AGL banner - ທ່ານໝໍຕິດເຊື້ອ nCoV ເສຍຊີວິດໃນຂະນະທີ່ກຳລັງຈະແຕ່ງງານ.

ໜ່ວຍງານບໍລິການກະຈາຍສຽງ ແລະ ໂທລະພາບຄຸ້ມ ຢາງຮະ ນະຄອນ ອູຮັ່ນ ແຈ້ງໃຫ້ຮູ້ວ່າ ທ່ານໝໍ ແບງເງິນຮວາ ໄດ້ເສຍຊີວິດລົງໃນເວລາ 21 ໂມງ 50 ນາທີຂອງວັນທີ 20/2 ນີ້ຢູ່ທີ່ໂຮງໝໍ ປະຊາຊົນເລກ 1 ເມືອງ ອູຮັ່ນ ຂອງຈີນ.
ເຂົາເປັນທ່ານໝໍສະເພາະດ້ານ ໃນລະບົບທາງເດີນຫາຍໃຈ ຂອງໂຮງໝໍ ຢາງຮະ. ເຂົາຕິດເຊື້ອໄວຣັດໂຄໂຣນາໃນວັນທີ 25/1 ແລະ ຖືກນຳສົ່ງໄປປິ່ນປົວຢູ່ໂຮງໝໍສູນກາງໃນວັນທີ 30/1.
ເຖິງແມ່ນວ່າເຂົາຈະໄດ້ຮັບການໃສ່ເລືອດຈາກການບໍລິຈາກຂອງຜູ້ຕິດເຊື້ຶອຄົນໜຶ່ງທີ່ປິ່ນປົວດີແລ້ວກໍຕາມ ແລະ ມີຄວາມຫວັງວ່າຈະສາມາດຕ້ານທານກັບພະຍາດດັ່ງກ່າວໄດ້ ແຕ່ສະຖານະການກໍຢໍ້າແຢ້ລົງທຸກທີ. ພາຍຫຼັງປິ່ນປົວໄດ້ 25 ວັນ, ທ່ານໝໍໜຸ່ມຄົນນີ້ກໍເສຍຊີວິດໄປ, ດ້ວຍຄວາມໂສກເສົ້າເສຍໃຈຂອງຄອບຄົວ ແລະ ເພື່ອນສະຫາຍຮ່ວມງານ.

-                                            nCoV                                                                                            - ທ່ານໝໍຕິດເຊື້ອ nCoV ເສຍຊີວິດໃນຂະນະທີ່ກຳລັງຈະແຕ່ງງານ.


ທ່ານໝໍ ແບງເງິນຮວາ ຍັງທັນໄດ້ຖ່າຍຮູບແຕ່ງງານຂອງຕົນໄວ້ ແລະ ມີແຜນວ່າ ຈະແຕ່ງງານວັນທີ 8/1 ຕາມເດືອນຂອງຈີນ ແຕ່ເຂົາໄດ້ໂຈະການແຕ່ງງານໄວ້ກ່ອນເພື່ອເຂົ້າຮ່ວມຂະບວນການຕ້ານພະຍາດ ໂຄໂຣນາ ຢູ່ ອູຮັ່ນ. ກ່ອນຈະສິ້ນລົມຫາຍໃຈເຂົາໄດ້ຕັ້ງສະຕິ ແລະ ເວົ້າວ່າ: ” ງານແຕ່ງຈະຖືກຈັດຂຶ້ນພາຍຫຼັງເອົາຊະນະພະຍາດ “. ບັດເຊີນດອງຂອງເຂົາຍັງຄົງຢູ່ໃນລີ້ນຊັກໂຕະເຮັດວຽກດ້ວຍຄວາມສົງສານ. ນັ້ນຄືບົດຂຽນຈາກ ນາງ ຊີນາ ເມຍບໍ່ທັນແຕ່ງຂອງເຂົາທີ່ກຳລັງຖືພາໃນທ້ອງ.
ການຈາກໄປຂອງເຂົາ ແລະ ເລື່ອງລາວງານແຕ່ງທີ່ກາຍເປັນໝັນຖືກເຜີຍແຜ່ລົງໃນໜ້າສື່ສັງຄົມອອນລາຍ Weibo ຢ່າງຫຼວງຫຼາຍດ້ວຍຄວາມສົງສານ ແລະ ອາໄລຮັກຂອງເພື່ອນມິດ ແລະ ຄອບຄົວ.
ສູນເຝົ້າລະວັງ ແລະ ປ້ອງກັນພະຍາດຂອງຈີນ(CDC)ໃຫ້ຮູ້ວ່າ: ມາເຖິງວັນທີ 11/2 ມີພະນັກງານແພດໝໍຕິດເຊື້ອພະຍາດໂຄໂຣນາທັງໝົດ 3.000 ຄົນ, ໃນນັ້ນ 1.716 ຄົນຜົນກວດພົບເປັນບວກ ແລະ ມີປາກົດການຕິດເຊື້ອ ແລະ ໃນນັ້ນຢ່າງໜ້ອຍມີ 4 ຄົນເສຍຊີວິດ.
ທ່ານໝໍ ລີ້ວັນເລືອງ ເປັນໜຶ່ງໃນຈຳນວນທ່ານໝໍຄົນທຳອິດທີ່ໄດ້ກ່າວເຕືອນກ່ຽວກັບຄວາມອັນຕະລາຍຂອງໄວຣັດອັກເສບປອດສາຍພັນໃໝ່ ແຕ່ເຂົາກໍຖືກເຈົ້າໜ້າທີ່ຄຸມຕົວ ດ້ວຍເຫດຜົນທີ່ວ່າ “ເຜີຍແຜ່ຂ່າວບໍ່ມີມູນຄວາມຈິງ” ແລະ ເຂົາໄດ້ເສຍຊີວິດລົງໃນວັນທີ 7/1. ໃນວັນດຽວກັນທ່ານໝໍ ຊູຮຸຍ ອາຍຸ 51 ປີ ຢູ່ໂຮງໝໍ ນາມກິງ ແຂວງ ຢາງໂຕ ກໍໄດ້ເສຍຊີວິດລົງ ພາຍຫຼັງ 18 ວັນເຮັດວຽກຢ່າງຕໍ່ເນື່ອງບໍ່ມີຢຸດເຊົາ. ຕົ້ນເດືອນກຸມພານີ້ ທ່ານໝໍຄົນໜຶ່ງອາຍຸ 28 ປີ ຢູ່ແຂວງ ໂຮ່ນາມ ຖືກສັນລະເສີນວ່າເປັນ ” ຄົນຫານ ” ທີ່ຢູ່ແຖວໜ້າຂອງຂະບວນການຕ້ານໄວຣັດໂຄໂຣນາຕະຫຼອດ 10 ວັນຢ່າງຕໍ່ເນື່ອງ ໄດ້ເສຍຊີວິດລົງ.
ວັນທີ 10/2, ລິງແຢງບິງ(Lin Zhengbin ) ສາດສະດາຈານຢູ່ໂຮງໝໍ ຕົງຈິ(tongji) ທີ່ ອູຮັ່ນ ເຂົາເປັນທ່ານໝໍທີ່ມີຊື່ສຽງດ້ານຜ່າຕັດໝາກໄຂ່ຫຼັງກໍໄດ້ເສຍຊີວິດລົງພາຍຫຼັງຕິດເຊື້ຶອໄວຣັດ nCoV ບໍ່ເຖິງໜຶ່ງເດືອນ.

- Wave100S AD to Website 2020 0 - ທ່ານໝໍຕິດເຊື້ອ nCoV ເສຍຊີວິດໃນຂະນະທີ່ກຳລັງຈະແຕ່ງງານ.


ຕອນເຊົ້າວັນທີ18/2 ລິວຈິມິງ ອາຍຸ51 ປີຜູ້ອຳນວຍການໂຮງໝໍ ວູເຊືອງ , ເຂົາເປັນທ່ານໝໍຜ່າຕັດປະສາດທີ່ມີຊື່ສຽງກໍຈົບຊີວິດລົງຍ້ອນພະຍາດດັ່ງກ່າວ.
ລິວຟາມ ອາຍຸ 59 ປີ ຮອງຫົວໜ້າພະຍາບານໃນໂຮງໝໍ ວູເຊືອງພ້ອມກັບອີກ 3 ຄົນກໍໄດ້ເສຍຊີວິດລົງດ້ວຍພະຍາດ nCoV ເຊັ່ນດຽວກັນ.
ມາເຖິງວັນທີ 21/2 , ໃນທົ່ວໂລກມີຜູ້ເສຍຊີວິດທັງໝົດຈາກພະຍາດດັ່ງກ່າວ 2.247 ຄົນ, ຜູ້ຕິເຊື້ອທັງໝົດ 76.723 ຄົນ ແລະ ມີ 18.524 ຄົນປິ່ນປົວດີ. ສະເພາະຢູ່ຈີນມີຜູ້ເສຍຊີວິດທັງໝົດ 2.236 ຄົນ, ມີ 75. 465 ຄົນຕິດເຊື້ອ ແລະ 18.264 ດໍລະນີປິ່ນປົວດີ.

- lattana 1 - ທ່ານໝໍຕິດເຊື້ອ nCoV ເສຍຊີວິດໃນຂະນະທີ່ກຳລັງຈະແຕ່ງງານ.
error: Alert: Content is protected !!