ຍ້ອນ COVID-19 ຜູ້ໂດຍສານການບິນລາວຫລຸດລົງ 50%

ຍ້ອນ covid-19 ຜູ້ໂດຍສານການບິນລາວຫລຸດລົງ 50% - 111111 - ຍ້ອນ COVID-19 ຜູ້ໂດຍສານການບິນລາວຫລຸດລົງ 50%
ຍ້ອນ covid-19 ຜູ້ໂດຍສານການບິນລາວຫລຸດລົງ 50% - Untitled design - ຍ້ອນ COVID-19 ຜູ້ໂດຍສານການບິນລາວຫລຸດລົງ 50%

      ລັດວິສາຫະກິດການບິນລາວ ຕ້ອງໄດ້ນໍາໃຊ້ມາດຕະການປະຢັດຢ່າງເຂັ້ມງວດທີ່ສຸດ ຍ້ອນໄດ້ຮັບຜົນກະທົບຈາກການລະບາດຂອງພະຍາດອັກເສບປອດຮຸນແຮງທີ່ເກີດຈາກເຊື້ອຈຸລະໂລກສາຍພັນໃໝ່ ຫລື Covid-19 ເຮັດໃຫ້ຜູ້ ໂດຍສານຫລຸດລົງເຖິງ 50%, ຂະນະທີ່ສາຍການບິນໄປຕ່າງປະເທດຫລາຍເສັ້ນຕ້ອງຢຸດໃຫ້ບໍລິການຊົ່ວຄາວ.

      ທ່ານ ບຸນມາ ຈັນທະວົງສາ ຜູ້ອໍານວຍການໃຫຍ່ລັດວິສາຫະກິດການ ບິນລາວ ໃຫ້ສໍາພາດວ່າ: ຍ້ອນການລະບາດຂອງພະຍາດ Covid-19 ເຮັດເສັ້ນທາງການບິນໄປຕ່າງປະເທດຂອງການບິນລາວຕ້ອງໄດ້ຢຸດໃຫ້ບໍລິການຊົ່ວ ຄາວ ​ເພື່ອ​ສະກັດ​ກັ້ນ​ໄວຣັສຮ້າຍ​ນີ້, ​ໃນ​ຂະນະ​ເສັ້ນທາງບິນໄປ ສປ ຈີນ ມີ 9 ເສັ້ນ, ປັດຈຸບັນຍັງເຫລືອແຕ່ເສັ້ນທາງ ວຽງຈັນ-ເມືອງຊາງຊາ ທີ່ຍັງໃຫ້ບໍລິການຢູ່ແຕ່ເປັນການເຊົ່າເໝົາລໍາເພື່ອຂົນສົ່ງ​ເຄື່ອງຊ່ວຍເຫລືອດ້ານການແພດ ແລະ ຜູ້ ໂດຍສານຈໍານວນໜຶ່ງທີ່ຕົກຄ້າງຢູ່ລາວໄປຈີນ, ສ່ວນເສັ້ນທາງການບິນຈາກລາວ​ໄປ ສ.ເກົາຫລີ ໄດ້ຢຸດ​ເປັນ​ການ​ຊົ່ວຄາວ​ແລ້ວໃນວັນທີ 29 ກຸມພາຜ່ານມານີ້. ປັດຈຸບັນ ເສັ້ນທາງບິນໄປຕ່າງປະເທດຂອງລາວທີ່ຍັງສືບຕໍ່ໃຫ້ບໍລິການຢູ່ລວມມີ: ວຽງຈັນ-ບາງກອກ, ວຽງຈັນ-ຊຽງໃໝ່, ວຽງຈັນ-ຮ່າໂນ້ຍ, ວຽງຈັນ-ໂຮຈິມິນ ແລະ ວຽງຈັນ-ຊຽບລຽບ ແຕ່ຈຳນວນຜູ້ໂດຍສານມີພຽງ 20-30% ທຽບ​ກັບ​ຜ່ານ​ມາ ​ແລະ ຖ້າ​ພະຍາດ​ດັ່ງກ່າວ​ຍັງ​ສືບ​ຕໍ່​ຮ້າຍ​ແຮງ​ຂຶ້ນໃນຕໍ່ໜ້າອາດຫລຸດຖ້ຽວບິນໄປປະເທດໃກ້ຄຽງນີ້ລົງອີກ. ສ່ວນສາຍການບິນພາຍໃນແມ່ນຍັງສືບຕໍ່ໃຫ້ບໍລິການເປັນປົກກະຕິ, ແຕ່ຈໍານວນຜູ້ໂດຍສານໃນແຕ່ລະເສັ້ນທາງກໍຫລຸດລົງຫລາຍ​ເຊັ່ນ​ກັນເມື່ອທຽບໃສ່ເມື່ອກ່ອນ.

      ທ່ານ ບຸນມາ ​ໃຫ້​ຮູ້ຕື່ມວ່າ: ການລະບາດຂອງພະຍາດ Covid-19 ສົ່ງຜົນກະທົບໂດຍກົງຕໍ່ລັດວິສາຫະກິດການບິນລາວ ຍ້ອນຈໍານວນຜູ້ໂດຍສານໂດຍລວມຫລຸດລົງປະມານ 50%. ດັ່ງນັ້ນ ບໍລິສັດ​ກໍ​ຈະໄດ້ດໍາເນີນມາດຕະການປະຢັດຢ່າງເຂັ້ມງວດທີ່ສຸດ, ລາຍຈ່າຍໃດທີ່ບໍ່ຈໍາເປັນ ແລະ ຮີບດ່ວນແມ່ນໃຫ້ລື່ນອອກໄປກ່ອນ, ພ້ອມນີ້ ໄດ້ລະດົມໃຫ້ພະນັກງານການບິນຈໍານວນໜຶ່ງທີ່ເຫລືອວຽກກໍ​ຂໍ​ຮຽກຮ້ອງ​ໃຫ້ສະໝັກໃຈພັກວຽກໄປກ່ອນໂດຍບໍ່ເອົາເງິນເດືອນ ແລະ ຖ້າຫາກ Covid-19 ຍັງສືບຕໍ່ແຜ່ລະບາດເປັນເວລາດົນອາດມີການຕັດເງິນ​ເດືອນ​ຂອງພະນັກງານສ່ວນໃດສ່ວນໜຶ່ງອີກ. ນອກຈາກນີ້ ລັດວິສາຫະກິດການບິນລາວ ໄດ້ສະເໜີຂໍທິດຊີ້ນໍາຈາກ​ລັດຖະບານ ​ເພື່ອຊ່ວຍແກ້ໄຂບັນຫາຕາມຄວາມເໝາະສົມ.

ຍ້ອນ covid-19 ຜູ້ໂດຍສານການບິນລາວຫລຸດລົງ 50% - Wave100S AD to Website 2020 0 - ຍ້ອນ COVID-19 ຜູ້ໂດຍສານການບິນລາວຫລຸດລົງ 50%
ຍ້ອນ covid-19 ຜູ້ໂດຍສານການບິນລາວຫລຸດລົງ 50% - WhatsApp Image 2020 05 27 at 5 - ຍ້ອນ COVID-19 ຜູ້ໂດຍສານການບິນລາວຫລຸດລົງ 50%
ຍ້ອນ covid-19 ຜູ້ໂດຍສານການບິນລາວຫລຸດລົງ 50% - WhatsApp Image 2020 05 27 at 5 - ຍ້ອນ COVID-19 ຜູ້ໂດຍສານການບິນລາວຫລຸດລົງ 50%
error: Alert: ເນື້ອຫາຂ່າວມີລິຂະສິດ !!