ໂກລອຟກິນ-ອັລວາເຣດ ຈະຊົກກັນທີ່ ເວກັສ

ເສິກມວຍໂລກທີ່ກອງເຊຍ ທົວຈັບຕາລໍຖ້າລະຫວ່າງ ເກນ ນາດີ ໂກລອຟກິນ ຍອດນັກມວຍ ຄົນ ຄາຊັກສະຖານ ເຈົ້າຂອງ ແຊ໊ມໂລກຮຸ່ນ ມິດເດິລເວດ ຂອງ ສະມາຄົມມວຍໂລກ ຫຼື (WBO ) ຮຸ່ນຊຸບເປີ, ສະພາມວຍ ໂລກ ຫຼື (WBC), ສະ ຫະພັນມວຍນາໆ ຊາດ ຫຼື (IBF) ແລະ ອົງກອນ ມວຍນາໆຊາດ ຫຼື (IBO) ໄດ້ ກຳນົດສະຖານທີ່ຊົກອອກມາເປັນທີ່ຮຽບຮ້ອຍແລ້ວ ໂດຍຈະຊົກກັນ ທີ່ສັງວຽນ ທີ-ໂມບາຍ ອາຣີນາ ໃນ ລາສເວກັສ ສະຫະລັດ ອາເມ ຣິກາ ໃນວັນທີ 17 ກໍລະກົດນີ້.

ໂກລອຟກິນ ມິສະຖິຕິຊະນະ 37, ນ໊ອກ 33 ຄັ້ງ ຍັງບໍ່ເຄີຍເສຍ ໃຫ້ໃຜ ຂະນະທີ່ ອັລວາເຣດ ຊະ ນະ 49 ຄັ້ງ, ນ໊ອກ 34 ຄັ້ງ ສະເໝີ 1 ແລະ ເສຍພຽງຄັ້ງດຽວໃຫ້ ຟລອຍ ເມເວດເທີ ຈູເນຍ ເມື່ອປີ 2013 ເປັນອະດີດແຊ໊ມໂລກຮຸ່ນ ເວລເທີເວດ ແລະ ຊຸບເປີ ເວລເທີ ເວດ ເພີ່ມນ້ຳໜັກຂຶ້ນມາເປັນຮຸ່ນ ພິກັດ 164 ປອນ ເພື່ອສູ້ກັບ ໂກ ລອຟກິນ.