ຫັນການເງິນເຖື່ອນ ເຂົ້າສູ່ລະບົບລັດຄຸ້ມຄອງ

ຫັນການເງິນເຖື່ອນ ເຂົ້າສູ່ລະບົບລັດຄຸ້ມຄອງ - 22 6 - ຫັນການເງິນເຖື່ອນ ເຂົ້າສູ່ລະບົບລັດຄຸ້ມຄອງ
ຫັນການເງິນເຖື່ອນ ເຂົ້າສູ່ລະບົບລັດຄຸ້ມຄອງ - 174233 - ຫັນການເງິນເຖື່ອນ ເຂົ້າສູ່ລະບົບລັດຄຸ້ມຄອງ

ຫົວໜ້າກົມຄຸ້ມຄອງສະຖາບັນການເງິນ ທະນາຄານແຫ່ງ ສປປ ລາວ (ທຫລ) ໃຫ້ຮູ້ວ່າ: ການສ້າງຄວາມເຂັ້ມແຂງໃຫ້ແກ່ການຄຸ້ມຄອງສະຖາບັນການເງິນຈຸລະພາກນັ້ນ ເປັນບັນຫາສຳຄັນ ເພື່ອພວກເຮົາສາມາດຫັນທຸລະບົບການເງິນເຂົ້າສູ່ການຄຸ້ມຄອງຂອງລັດ,ຊຶ່ງໃນຜ່ານມາ ພວກເຮົາໄດ້ສ້າງທຸກຄວາມສະດວກ ແລະ ເງື່ອນໄຂຕ່າງໆ ໃຫ້ສະຖາບັນການເງິນນອກລະບົບທີ່ບໍ່ທັນຖືກຕ້ອງ ຫັນເຂົ້າສູ່ລະບົບ,ພ້ອມໄດ້ອອກໃບອະນຸຍາດສ້າງຕັ້ງສະຖາບັນການເງິນໃໝ່ ເພີ່ມຂຶ້ນ 60 ແຫ່ງ ທຽບໃສ່ປີ 2014 ຜ່ານມາ. ປະຈຸບັນສະຖາບັນທີ່ຢູ່ພາຍໃຕ້ການຄຸ້ມຄອງຂອງ ທຫລ ມີ 177 ແຫ່ງ.

ແຕ່ປານນັ້ນໃນຜ່ານມານີ້ກໍຍັງມີຫຼາຍບໍລິສັດທີ່ເຄື່ອນໄຫວທາງການເງິນບໍ່ສອດຄ່ອງກັບລະບຽບກົດໝາຍ ກໍ່ຄືບໍ່ໄດ້ຮັບອະນຸຍາດຈາກ ທຫລ,ພ້ອມໄດ້ອອກແຈ້ງເຕືອນ ແລະ ປະ ສານສົມທົບກັບອໍານາດການປົກຄອງທ້ອງຖິ່ນ ເພື່ອເຕືອນໃຫ້ປະຊາຊົນໃຫ້ມີສະຕິລະວັງຕົວ ແລະ ບໍ່ຫຼົງເຊື່ອຕໍ່ກົນອຸບາຍຂອງບັນດາບໍລິສັດດັ່ງກ່າວ, ນອກນີ້ ກໍໄດ້ເປັນເຈົ້າການຄົ້ນຄ້ວາສະເໜີຂັ້ນເທິງໂຈະຊົ່ວຄາວໃນການອອກອະນຸຍາດສ້າງຕັ້ງສະຖາບັນການເງິນ ເພື່ອປະເມີນຜົນການເຄື່ອນໄຫວໃນຜ່ານມາ.

ນອກນີ້, ຍັງສຳເລັດການສ້າງແຜນດຳເນີນງານໃນການເຂົ້າເຖິງການບໍລິການທາງການເງິນຂອງ ສປປ ລາວ ໃນໄລຍະ 8 ປີ (2018-2025); ສົມທົບກັບສະຖາບັນການທະນາຄານ ແລະ ຄູ່ຮ່ວມພັດທະນາຂອງສາກົນໃນການສ້າງຫຼັກສູດການເງິນຈຸລະພາກ, ຈັດພິມປຶ້ມຕໍາລາຮຽນ 9 ວິຊາ ມີ 1.680 ເຫຼັ້ມ ແລະ ສ້າງຄວາມເຂັ້ມແຂງດ້ານວິຊາການແກ່ຄູອາຈານຂະແໜງການເງິນຈຸລະພາກ; ຊຸກຍູ້ສະມາຄົມການເງິນຈຸລະພາກສ້າງຫຼັກສູດໄລຍະສັ້ນການບໍລິຫານການເງິນຈຸລະພາກໂດຍສຳເລັດການສ້າງຄູຝຶກ 24 ຄົນ, ຝຶກອົບຮົມໃຫ້ພະນັກງານ ທຫລ ສາຂາ ແລະ ສະຖາບັນການເງິນສຳເລັດ 16 ຮຸ່ນ ມີ 560 ຄົນ.

ຫັນການເງິນເຖື່ອນ ເຂົ້າສູ່ລະບົບລັດຄຸ້ມຄອງ - Wave100S AD to Website 2020 0 - ຫັນການເງິນເຖື່ອນ ເຂົ້າສູ່ລະບົບລັດຄຸ້ມຄອງ

ແຜນການໃນຕໍ່ໜ້າ ຈະສືບຕໍ່ຄຸ້ມຄອງຕິດຕາມກວດກາການເຄື່ອນໄຫວຂອງສະຖາບັນການເງິນຢ່າງເຂັ້ມງວດ ແລະ ສ້າງແຜນຍຸດທະສາດການພັດທະນາ ລະບົບການເງິນໃຫ້ ຄົບຊຸດ ສາມາດຕອບສະໜອງການຂະຫຍາຍຕົວຂອງສະຖະກິດ-ສັງຄົມ; ປັບປຸງດຳລັດວ່າດ້ວຍການເຊົ່າສິນເຊື່ອ ແລະ ດຳລັດວ່າດ້ວຍສະຖາບັນການເງິນຈຸລະພາກຜ່ານຂັ້ນເທິງ ເພື່ອພິຈາລະນາ ຮັບຮອງ ແລະ ປະກາດໃຊ້; ສ້າງ ແລະປັບປຸງຂັ້ນຕອນ, ຄູ່ມືການອອກອະນຸຍາດດຳເນີນທຸລະກິດຂອງສະຖາບັນການເງິນທີ່ຍັງບໍ່ທັນຄົບຖ້ວນໃຫ້ສຳເລັດ ແລະ ປັບປຸງຄູ່ມືການວິເຄາະ, ກວດກາໃຫ້ສອດຄ່ອງກັບເງື່ອນໄຂຄວາມເປັນຈິງ ແລະ ຫຼັກການສາກົນໃນແຕ່ລະໄລຍະ.

ຫັນການເງິນເຖື່ອນ ເຂົ້າສູ່ລະບົບລັດຄຸ້ມຄອງ - WhatsApp Image 2020 05 27 at 5 - ຫັນການເງິນເຖື່ອນ ເຂົ້າສູ່ລະບົບລັດຄຸ້ມຄອງ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!