ຜະລິດ ວັກຊີນປອມ ເພື່ອປ້ອງກັນ ໂຄວິດ-19

ຜະລິດ ວັກຊີນປອມ ເພື່ອປ້ອງກັນ ໂຄວິດ-19 - 32 2 - ຜະລິດ ວັກຊີນປອມ ເພື່ອປ້ອງກັນ ໂຄວິດ-19
ຜະລິດ ວັກຊີນປອມ ເພື່ອປ້ອງກັນ ໂຄວິດ-19 - 174233 - ຜະລິດ ວັກຊີນປອມ ເພື່ອປ້ອງກັນ ໂຄວິດ-19

ຜູ້ຍິງຄົນໜຶ່ງ ຮຽນຈົບພຽງ ມ7 ຢູ່ແຂວງ ບິງດິງ ຂອງຫວຽດນາມໄດ້ຜະລິດ ວັກຊີນຫຼາຍຊະນິດ, ໃນນັ້ນມີວັກຊີນປ້ອງກັນ ພະຍາດ ໂຄວິດ-19 ເພື່ອຫຼອກລວງເອົາເງິນ.

ວັນທີ 16 ມີນານີ້, ເຈົ້າໜ້າທີ່ຕຳຫຼວດນະຄອນ ກຸຍເຍີນ ແຂວງ ບິງດີງ ໃຫ້ຮູ້ວ່າ: ໄດ້ປະຕິບັດຄຳສັ່ງຈັບກຸມເລັ່ງດ່ວນຕໍ່ ນາງ ຕຽວຖິຕວຽດເຊືອງ, ອາຍຸ 46 ປີ ເພື່ອສືບສວນສອບສວນ ພຶດຕິກຳສໍ້ໂກງເອົາຊັບຂອງປະຊາຊົນ.

ເມື່ອກວດຄົ້ນໃນເຮືອນຂອງນາງ ເຊືອງ ເຈົ້າໜ້າທີ່ພົບເຫັນຫຼອດຢາເປັນຈຳນວນຫຼາຍ ທີ່ນາງ ເຊືອງ ບັນຈຸນໍ້າທະເລ ແລະ ຢາຕ້ານເຊື້ອໄວ້ຮຽບຮ້ອຍແລ້ວ ເພື່ອປອມແປງເປັນຢາປອມສັກປ້ອງກັນພະຍາດຕ່າງໆໃຫ້ກັບເດັກ, ຕ້ານມະເຮັງ, ຕ້ານພະຍາດຊຸໂຊມ ແລະ ພະຍາດ ໂຄວິດ-19.

ໃຫ້ການຕໍ່ເຈົ້າໜ້າທີ່ ນາງ ເຊືອງ ເວົ້າວ່າ: ຕົນເອງຮຽນຈົບພຽງ ມ7 ເທົ່ານັ້ນ ແລະ ຫຼັງຈາກນັ້ນເຄີຍໄປຊ່ວຍວຽກຢູ່ ຄລີນິກ ເອກະຊົນແຫ່ງໜຶ່ງ. ຜ່ານການຊ່ວຍວຽກຢູ່ທີ່ນັ້ນ ນາງເຊືອງ ເຫັນວ່າປະຊາຊົນໃນທ້ອງຖິ່ນມີຄວາມຕ້ອງການສັກຢາ ວັກຊີນ ເພື່ອປ້ອງກັນໂຣກຕ່າງໆເປັນຈຳນວນຫຼາຍ ຕົນເອງຈຶ່ງໄດ້ຊື້ເອົາເຄື່ອງມືການແພດຈຳນວນໜຶ່ງຊຶ່ງລວມມີ: ຖັງນໍ້າກ້ອນໜຶ່ງອັນ, ເຂັມສັກຢາ ແລະ ສະເໜີຕົນເອງວ່າເປັນພະນັກງານການແພດປ້ອງກັນພະຍາດ ຮັບໄປສັກວັກຊີນໃຫ້ຄົນເຈັບເຖິງເຮືອນ ດ້ວຍລາຄາຖືກກວ່າຢູ່ທ້ອງຕະຫຼາດ. ໃນນັ້ນມີວັກຊີນປ້ອງກັນໂຣກຕ່າງໆໃຫ້ກັບເດັກ, ປ້ອງກັນມະເຮັງ, ພະຍາດຊຸໂຊມ…ພິເສດແມ່ນປ້ອງກັນພະຍາ ໂຄວິດ-19.

ຜະລິດ ວັກຊີນປອມ ເພື່ອປ້ອງກັນ ໂຄວິດ-19 - Wave100S AD to Website 2020 0 - ຜະລິດ ວັກຊີນປອມ ເພື່ອປ້ອງກັນ ໂຄວິດ-19

ຍ້ອນວ່າບໍ່ໄດ້ຖ້າດົນ, ລາຄາກໍຖືກ ແລະ ຍັງໄປເຖິງເຮືອນ, ປະຊາຊົນໃນທ້ອງຖິ່ນຈຶ່ງມັກຫາເຂົາໄປສັກວັກຊີນໃຫ້ເປັນປະຈຳ. ເພື່ອສ້າງຄວາມເຊື່ອໝັ້ນໃຫ້ລູກຄ້າ, ພາຍຫຼັງແຕ່ລະຄັ້ງທີ່ສັກແລ້ວໆ ນາງເຊືອງ ໄດ້ເອົາໃບບິນສຳຮອງ ທີ່ກອບປີ້ຈາກຂອງແທ້ ໃຫ້ຜູ້ປ່ວຍເປັນຫຼັກຖານ. ນາງເຊືອງ ໄດ້ຫຼອກລວງສັກໃຫ້ປະຊາຊົນໃນທ້ອງຖິນຫຼາຍກວ່າ 30 ຄົນ, ດ້ວຍລາຄາເຂັມລະ 700.000 ດົງ.

ປັດຈຸບັນເຈົ້າໜ້າທີ່ ນະຄອນ ກູຍເຍີນ ໄດ້ຮຽກຮ້ອງໃຫ້ຜູ້ເສຍຫາຍ ໄປລາຍງານຕໍ່ເຈົ້າໜ້າທີ່ ເພື່ອມີຂໍ້ມູນດຳເນີນຄະດີກັບຜູ້ກ່ຽວ.

ຜະລິດ ວັກຊີນປອມ ເພື່ອປ້ອງກັນ ໂຄວິດ-19 - WhatsApp Image 2020 05 27 at 5 - ຜະລິດ ວັກຊີນປອມ ເພື່ອປ້ອງກັນ ໂຄວິດ-19
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!