ຕີມໍ ເລສະເຕ ພົບຜູ້ປ່ວຍ “ໂຄວິດ-19” ຄົນທຳອິດ
March 21, 2020 - 3:44 PM
ລັດຖະບານຕີມໍ ເລສະເຕ ເຊິ່ງຕັ້ງຢູ່ໃກ້ກັບອິນໂດເນເຊຍ ແລະ ອົດສະຕຣາລີ ມີປະຊາກອນ 1,3 ລ້ານຄົນ ລາຍງານການພົບຜູ້ຕິດເຊື້ອໄວຣັສໂຄໂຣນາສາຍພັນໃໝ່ຄົນທຳອິດ ເປັນຜູ້ຊາຍທີ່ເດີນທາງມາຈາກຕ່າງປະເທດ.
ກະຊວງການຕ່າງປະເທດຕີມໍ ເລສະເຕ ອອກຖະແຫລງການໃນວັນທີ 21 ມີນາ ເລື່ອງການພົບຜູ້ຕິດເຊື້ອໄວຣັສໂຄໂຣນາສາຍພັນໃໝ່ “ໂຄວິດ-19” ຄົນທຳອິດ ເປັນຜູ້ຊາຍທີ່ເດີນທາງມາຈາກຕ່າງປະເທດ ແລະ ຕອນນີ້ເຂົ້າຮັບການປິ່ນປົວຕາມມາດຕະຖານສາທາລະນະສຸກ ແລະ ກັກຕົວອອກຫ່າງຈາກບຸກຄົນອື່ນແລ້ວ. ເຖິງຢ່າງໃດກໍຕາມ ລາຍງານບໍ່ໄດ້ລະບຸວ່າເປັນພົນລະເມືອງສັນຊາດໃດ ແລະ ເດີນທາງມາຈາກປະເທດໃດ.
