ນອກແວ ອອກ 3 ມາດຕະການຈ່າຍເງິນ-ຫລຸດດອກເບ້ຍ ແຈກເງິນ ສູ້ພິດໂຄວິດ

ນອກແວ ອອກ 3 ມາດຕະການຈ່າຍເງິນ-ຫລຸດດອກເບ້ຍ ແຈກເງິນ ສູ້ພິດໂຄວິດ - 250 - ນອກແວ ອອກ 3 ມາດຕະການຈ່າຍເງິນ-ຫລຸດດອກເບ້ຍ ແຈກເງິນ ສູ້ພິດໂຄວິດ
ນອກແວ ອອກ 3 ມາດຕະການຈ່າຍເງິນ-ຫລຸດດອກເບ້ຍ ແຈກເງິນ ສູ້ພິດໂຄວິດ - AGL banner - ນອກແວ ອອກ 3 ມາດຕະການຈ່າຍເງິນ-ຫລຸດດອກເບ້ຍ ແຈກເງິນ ສູ້ພິດໂຄວິດ

     Royal Thai Embassy Oslo ອອກ​ມາ​ໂພ​ສ​ຂໍ້​ຄວາມ​ວ່າ: ນອກ​ແວ ໄດ້​ອອກ 3 ມາດ​ຕະ​ການ​ຊ່ວຍ​ເຫລືອ ແລະ ຫລຸດ​ຜົນ​ກະ​ທົບ​ໂຄວິດ-19 ທີ່​ລະ​ບາດ​ຢູ່​ໃນ​ປັດ​ຈຸ​ບັນ.

  1. ມາດ​ຕະ​ການ​ທາງ​ການ​ເງິນ: ໃນ​ວັນ​ທີ 13 ມີ​ນາ ທະ​ນາ​ຄານ​ກາງ​ຂອງນອກ​ແວ​ໄດ້​ຫລຸດ​ອັດ​ຕາ​ດອກ​ເບ້ຍ​ນະ​ໂຍ​ບາຍ​ຈາກ 1,5% ເປັນ 1% ຕໍ່​ປີ ແລະ ໃນ​ວັນ​ທີ 20 ມີ​ນາ ໄດ້​ຫລຸດ​ອັດ​ຕາ​ດອກ​ເບ້ຍ​ອີກ​ເທື່ອ​ໜຶ່ງ​ຈາກ 1% ເປັນ 0,25% ຕໍ່​ປີ ເພື່ອ​ຊ່ວຍ​ເຫລືອ​ທຸ​ລະ​ກິດ​ທີ່​ມີ​ບັນ​ຫາ​ໃນ​ການ​ຊຳ​ລະ​ໜີ້ ແລະ ຫລຸດ​ຜົນ​ກະ​ທົບ​ທີ່​ເກີດ​ຂຶ້ນ​ຕໍ່​ເສດ​ຖະ​ກິດ​ໂດຍ​ລວມ.
  2. ມາດ​ຕະ​ການ​ການຄັງ: ລັດ​ຖະ​ບານນອກ​ແວ​ໄດ້​ໃຊ້​ມາດ​ຕະ​ການ​ຫລຸດ​ຜ່ອນ​ດ້ານ​ພາ​ສີ​ໃຫ້​ທຸ​ລະ​ກິດ ແລະ ຜູ້​ທີ່​ໄດ້​ຮັບ​ຜົນ​ກະ​ທົບ​ບໍ່​ຕ້ອງ​ຈ່າຍ​ພາ​ສີ​ຕາມ​ກຳ​ນົດ ແລະ ຊ່ວຍ​ບໍ​ລິ​ສັດ​ຕ່າງໆ​ໃນ​ການ​ຈ່າຍ​ເງິນ​ຊົດ​ເຊີຍ​ໃຫ້​ຜູ້​ທີ່​ຖືກ​ເລີກ​ຈ້າງ ແລະ ຕັ້ງ​ກອງ​ທຶນ Corona Crisis Fund ເຊິ່ງ​ມີ​ມູນ​ຄ່າ​ສູງ​ເຖິງ 100.000 ລ້ານ​ໂຄ​ຣນນອກ​ແວ ໂດຍ​ເຄິ່ງ​ໜຶ່ງ​ຈະ​ໃຫ້​ເປັນ​ສະ​ພາບ​ຄ່ອງ​ແກ່​ທຸ​ລະ​ກິດ​ຂະ​ໜາດ​ນ້ອຍ ແລະ ຂະ​ໜາດ​ກາງ ແລະ ອີກ​ເຄິ່ງ​ໜຶ່ງ​ໃຫ້​ເປັນ​ສະ​ພາບ​ຄ່ອງ​ສຳ​ລັບ​ທຸ​ລະ​ກິດ​ຂະ​ໜາດ​ໃຫຍ່.
  3. ມາດ​ຕະ​ການ​ດ້ານ​ສັງ​ຄົມ: ລັດ​ຖະ​ບານນອກ​ແວ​ເບິ່ງ​ແຍງ​ຜູ້​ຖືກ​ເລີກ​ຈ້າງ​ໃນ​ໄລ​ຍະ​ສະ​ຖາ​ນະ​ການ COVID-19 ໂດຍ​ໃນ​ໄລ​ຍະ 18 ມື້​ທຳ​ອິດ ລັດ​ຖະ​ບານ​ຈະ​ຈ່າຍ​ເງິນ​ເດືອນ​ໃຫ້​ເຕັມ (100%) ແລະ ນາຍ​ຈ້າງ​ຈະ​ຮັບ​ພາ​ລະ​ຈ່າຍ​ເງິນ​ເດືອນ​ເຕັມ (100%) ໃຫ້​ຕໍ່​ອີກ 2 ວັນ ຫລັງ​ຈາກນັ້ນ, ຜູ້​ທີ່​ມີ​ລາຍ​ໄດ້​ເຖິງ 300.000 ໂຄ​ຣນນ​ອກ​ແວ​ຕໍ່​ປີ ລັດ​ຖະ​ບານ​ຈະ​ຈ່າຍ​ເງິນ​ເດືອນ​ໃຫ້​ໃນ​ອັດ​ຕາ 80% ແລະ ສຳ​ລັບ​ຜູ້​ທີ່​ມີ​ລາຍ​ໄດ້​ເຖິງ 600.000 ໂຄ​ຣນນອກ​ແວ​ຕໍ່​ປີ ລັດ​ຖະ​ບານ​ຈະ​ຈ່າຍ​ເງິນ​ເດືອນ​ໃຫ້​ໃນ​ອັດ​ຕາ 62,4% ລວມ​ເວ​ລາ​ທັງ​ໝົດ 26 ອາ​ທິດ. ທັງ​ນີ້ ເມື່ອ​ຄົບ 26 ອາ​ທິດ ຜູ້​ທີ່​ຫວ່າງວຽກ​ຈະ​ເຂົ້າ​ລະ​ບົບ​ສະ​ຫວັດ​ດີ​ການ​ຄົນ​ຫວ່າງວຽກ​ຕາມ​ປົກ​ກະ​ຕິ​ຂອງນອກ​ແວ.

    ນອກ​ແວ​ມີ​ຜູ້​ຕິດ​ເຊື້ອ​ໂຄວິດ-19 ຈຳ​ນວນ 2.625 ຄົນ, ປິ່ນ​ປົວ​ດີ​ແລ້ວ 6 ຄົນ, ເສຍ​ຊີ​ວິດ 10 ຄົນ.

ນອກແວ ອອກ 3 ມາດຕະການຈ່າຍເງິນ-ຫລຸດດອກເບ້ຍ ແຈກເງິນ ສູ້ພິດໂຄວິດ - Wave100S AD to Website 2020 0 - ນອກແວ ອອກ 3 ມາດຕະການຈ່າຍເງິນ-ຫລຸດດອກເບ້ຍ ແຈກເງິນ ສູ້ພິດໂຄວິດ
ນອກແວ ອອກ 3 ມາດຕະການຈ່າຍເງິນ-ຫລຸດດອກເບ້ຍ ແຈກເງິນ ສູ້ພິດໂຄວິດ - lattana 1 - ນອກແວ ອອກ 3 ມາດຕະການຈ່າຍເງິນ-ຫລຸດດອກເບ້ຍ ແຈກເງິນ ສູ້ພິດໂຄວິດ
error: Alert: Content is protected !!