ບຣູໄນຢືນຢັນຜູ້ເສຍຊີວິດຄົນທຳອິດຈາກໂຄວິດ-19

ບຣູໄນຢືນຢັນຜູ້ເສຍຊີວິດຄົນທຳອິດຈາກໂຄວິດ-19 - 281 - ບຣູໄນຢືນຢັນຜູ້ເສຍຊີວິດຄົນທຳອິດຈາກໂຄວິດ-19
ບຣູໄນຢືນຢັນຜູ້ເສຍຊີວິດຄົນທຳອິດຈາກໂຄວິດ-19 - Untitled design - ບຣູໄນຢືນຢັນຜູ້ເສຍຊີວິດຄົນທຳອິດຈາກໂຄວິດ-19

    ລັດຖະບານບຣູໄນລາຍງານຜູ້ເສຍຊີວິດຄົນທຳອິດໃນປະເທດຈາກການຕິດເຊື້ອໄວຣັສໂຄໂຣນາສາຍພັນໃໝ່ ເປັນຜູ້ຊາຍອາຍຸ 64 ປີ ມີປະຫວັດເດີນທາງໄປມາເລເຊຍ ແລະ ກຳປູເຈຍ.

      ກະຊວງສາທາລະນະສຸກຂອງບຣູໄນອອກຖະແຫລງການໃນວັນທີ 28 ມີນາ ເລື່ອງຜູ້ເສຍຊີວິດຄົນທຳອິດຈາກການຕິດເຊື້ອໄວຣັສໂຄໂຣນາສາຍພັນໃໝ່ “ໂຄວິດ-19” ເປັນຊາຍຊາວບຣູໄນອາຍຸ 64 ປີ ມີປະຫວັດການເດີນທາງໄປຕ່າງປະເທດຫລ້າສຸດ ຄືການເດີນທາງໄປກຳປູເຈຍ ແລະ ມາເລເຊຍ, ແຕ່ບໍ່ໄດ້ເຂົ້າຮ່ວມກິດຈະກຳຢູ່ມັດສະຢິດສີ ເປຕາລິງ ໃນນະຄອນຫລວງກົວລາລຳເປີ ໃນທ້າຍເດືອນຜ່ານມາ.

      ທັງນີ້ ສະຖິຕິຜູ້ປ່ວຍຈາກໂຣກໂຄວິດ-19 ຢູ່ບຣູໄນມີຢ່າງໜ້ອຍ 115 ຄົນ ນັບແຕ່ມີການຢືນຢັນຜູ້ຕິດເຊື້ອຄົນທຳອິດໃນວັນທີ 9 ມີນາຜ່ານມາ ແລະ ມີຜູ້ໄດ້ຮັບການປິ່ນປົວຫາຍດີແລ້ວ 11 ຄົນ, ສ່ວນໜຶ່ງຜູ້ປ່ວຍສ່ວນຫລາຍຢູ່ບຣູໄນມີການເຊື່ອມໂຍງໃນທາງໃດທາງໜຶ່ງກັບກິດຈະກຳຢູ່ມັດສະຢິດສີ ເປຕາລິງ ເຊິ່ງກາຍເປັນສິນກາງການແຜ່ລະບາດແບບກຸ່ມກ້ອນຂະໜາດໃຫຍ່ທີ່ສຸດໃນອາຊີຕາເວັນອອກສຽງໃຕ້.

     ຂະນະທີ່ລັດຖະບານບຣູໄນປະກາດ “ປິດປະເທດຊົ່ວຄາວ” ນັບແຕ່ວັນທີ 24 ມີນາ “ຈົນກວ່າຈະມີການປ່ຽນແປງ” ພົນລະເມືອງຕ່າງປະເທດບໍ່ໄດ້ຮັບອະນຸຍາດໃຫ້ເຂົ້າປະເທດ ຫລື ຜ່ານແດນ ທັງທາງບົກ, ທາງທະເລ ແລະ ທາງອາກາດ. ສ່ວນການກວດກາໜ້າດ່ານໃຫ້ໂຈະຊົ່ວຄາວເຊັ່ນກັນ, ແຕ່ຖ້າພົນລະເມືອງຕ່າງປະເທດຄົນໃດມີຈຸດປະສົງຢາກເດີນທາງເຂົ້າບຣູໄນໄລຍະນີ້ “ໂດຍມີຄວາມຈຳເປັນ” ສາມາດຕິດຕໍ່ໂດຍກົງກັບສຳນັກງານກວດຄົນເຂົ້າເມືອງຂອງບຣູໄນໄດ້ ເຊິ່ງຈະພິຈາລະນາເປັນກໍລະນີພິເສດ.

ບຣູໄນຢືນຢັນຜູ້ເສຍຊີວິດຄົນທຳອິດຈາກໂຄວິດ-19 - Wave100S AD to Website 2020 0 - ບຣູໄນຢືນຢັນຜູ້ເສຍຊີວິດຄົນທຳອິດຈາກໂຄວິດ-19

      ນອກຈາກນີ້ ບຣູໄນເຊິ່ງມີປະຊາກອນ 433.000 ຄົນ ບໍ່ອະນຸຍາດໃຫ້ພົນລະເມືອງບຣູໄນ ແລະ ຄົນຕ່າງປະເທດເຊິ່ງມີຖິ່ນອາໄສຖາວອນໃນປະເທດ ເດີນທາງອອກນອກຣາຊະອານາຈັກ ນັບແຕ່ວັນທີ 16 ມີນາຜ່ານມາ.

ບຣູໄນຢືນຢັນຜູ້ເສຍຊີວິດຄົນທຳອິດຈາກໂຄວິດ-19 - WhatsApp Image 2020 05 27 at 5 - ບຣູໄນຢືນຢັນຜູ້ເສຍຊີວິດຄົນທຳອິດຈາກໂຄວິດ-19
ບຣູໄນຢືນຢັນຜູ້ເສຍຊີວິດຄົນທຳອິດຈາກໂຄວິດ-19 - WhatsApp Image 2020 05 27 at 5 - ບຣູໄນຢືນຢັນຜູ້ເສຍຊີວິດຄົນທຳອິດຈາກໂຄວິດ-19
error: Alert: ເນື້ອຫາຂ່າວມີລິຂະສິດ !!