ຢູນີເທວ ປະກອບສ່ວນຊ່ວຍລັດຖະບານ ຄວບຄຸມການລະບາດຂອງພະຍາດ ໂຄວິດ-19 ມູນຄ່າ 2,8 ຕື້ກວ່າກີບ

- 22 3 - ຢູນີເທວ ປະກອບສ່ວນຊ່ວຍລັດຖະບານ ຄວບຄຸມການລະບາດຂອງພະຍາດ ໂຄວິດ-19 ມູນຄ່າ 2,8 ຕື້ກວ່າກີບ
- Untitled design - ຢູນີເທວ ປະກອບສ່ວນຊ່ວຍລັດຖະບານ ຄວບຄຸມການລະບາດຂອງພະຍາດ ໂຄວິດ-19 ມູນຄ່າ 2,8 ຕື້ກວ່າກີບ

ບໍລິສັດສະຕາໂທລະຄົມ ຫລື ຢູນີເທວ ໄດ້ປະກອບສ່ວນຊ່ວຍເຫລືອ ລັດຖະບານ ແຫ່ງ ສປປ ລາວ ເພື່ອຄວບຄຸມການລະບາດຂອງເຊື້ອໄວຣັສ ໂຄວິດ 19 ລວມມູນຄ່າ 2,8 ຕື້ກວ່າກີບ, ໃນນັ້ນປະກອບມີ ເບີໂທລະສັບ ຈໍານວນເບີ 53 ເບີ ໃຫ້ແກ່ສຳນັກງານນາຍົກລັດຖະມົນຕີ ພ້ອມມູນຄ່າໂທ 300,000 ກີບ/ເບີ/ເດືອນ  ແລະ ເບີດັ່ງກ່າວໄດ້ຮັບດາຕ້າຕື່ມ 30GB ເບີ/ເດືອນ ມູນຄ່າເງິນ ແລະ ດາຕ້າ ມອບໃຫ້ ແຕ່ເເດືອນເປັນເວລາ 6 ເດືອນ ສະໜັບສະໜູນງົບປະມານໃນການຕິດຕັ້ງລະບົບກອງປະຊຸມທາງໄກຢູ່ສຳ ນັກງານນາຍົກລັດຖະມົນຕີ ເພື່ອເຊື່ອມຕໍ່ກັບ 18 ແຂວງ ແລະ 148 ເມືອງໃນຂອບເຂດທົ່ວປະເທດ ແລະ ມອບເບີໂທລະສັບຈໍານວນ 300 ຊິມ ໃຫ້ແກ່ ກະຊວງສາທາລະນະສຸກພ້ອມມູນຄ່າໂທ 300,000 ກີບ/ເບີ/ເດືອນ  ແລະ ເບີດັ່ງກ່າວໄດ້ຮັບດາຕ້າຕື່ມ 30GB ເບີ/ເດືອນ ມູນຄ່າເງິນ ແລະ ດາຕ້າ ມອບໃຫ້ ແຕ່ເເດືອນເປັນເວລາ 6 ເດືອນ ແລະ ສະໜັບສະໜູນ ລະບົບສົ່ງຂໍ້ຄວາມເຄື່ອງໝາຍການຄ້າ (SMSBrandname) ໄດ້ສົ່ງຂໍ້ຄວາມແບບໂອໂຕມະຕິກ ເຖິງເລກໝາຍ ໂທລະສັບ ຫຼາຍກວ່າ 3,5 ລ້ານຄົນ, ເພື່ອໂຄສະນາ ແລະ ແຈ້ງເຕື່ອນທັນເວລາ ກ່ຽວກັບສະພາບການລະບາດພະຍາດ

- 92019426 2719551638166710 4952707315082985472 o 1024x763 - ຢູນີເທວ ປະກອບສ່ວນຊ່ວຍລັດຖະບານ ຄວບຄຸມການລະບາດຂອງພະຍາດ ໂຄວິດ-19 ມູນຄ່າ 2,8 ຕື້ກວ່າກີບ

ພິທິມອບ-ຮັບການຊ່ວຍເຫລືອຄັ້ງນີ້ ໄດ້ຈັດຂຶ້ນ ໃນຕອນບ່າຍວັນທີ 6 ເມສາ 2020 ຢູ່ສຳນັກງານນາຍົກລັດຖະມົນຕີ ໂດຍແມ່ນ ທ່ານ ສົມດີ ດວງດີ ຮອງນາຍົກລັດຖະມົນຕີລັດ, ຖະມົນຕີກະຊວງການເງິນ ທັງເປັນຫົວໜ້າຄະນະສະເພາະກິດ ເພື່ອປ້ອງກັນຄວບຄຸມ ແລະ ແກ້ໄຂການລະບາດຂອງພະຍາດ ອັກເສບປອດຈາກເຊື້ອຈຸລະໂຣກສາຍພັນໃໝ່ ເປັນຜູ້ກ່າວຮັບຈາກ ທ່ານ ລືວ ແມ໋ງ ຮ່າ ຜູ້ອໍານວຍການໃຫຍ່ ບໍລິສັດສະຕາໂທລະຄົມ ໂດຍມີພາກສ່ວນກ່ຽວຂ້ອງສອງຝ່າຍເຂົ້າຮ່ວມເປັນສັກຂີພິຍານ. ທັງນີ້ ກໍເພື່ອເປັນການປະກອບສ່ວນໃຫ້ແກ່ວຽກງານຂອງລັດຖະບານ ໂດຍສະເພາະແມ່ນວຽກງານການສື່ສານ ການຊີ້ນໍາພາລົງເຖິງຂັ້ນທ້ອງຖິ່ນ ໄດ້ຈັດຕັ້ງປະຕິບັດໂດຍໄວ ໂດຍສະເພາະແມ່ນວຽກງານການປ້ອງກັນການລະບາດ ແລະ ລະບຽບການຕ່າງໆ ທັງເປັນການຊ່ວຍຫລຸດຜ່ອນຄ່າໃຊ້ຈ່າຍດ້ານງົບປະມານຕ່າງໆທີ່ພາກລັດຖະບານສະໜອງຊ່ວຍເຫລືອແກ່ປະຊາຊົນ.

          ໃນໂອກາດນີ້ ທ່ານ ສົມດີ ດວງດີ ໄດ້ສະແດງຄວາມຂອບໃຈ ຕໍ່ບັນດາບໍລິສັດດັ່ງກ່າວ ທີ່ເຫັນຄວາມສຳຄັນແລະ ສະໜັບສະໜູນ ລັດຖະບານລາວ ໃນການຕ້ານການແຜ່ລະບາດຂອງເຊື້ອໄວຣັດໂຄວິດ-19 ຢູ່ ສປປ ລາວ ພ້ອມທັງຢືນຢັນວ່າ ຈະນຳເງິນດັ່ງກ່າວ ໄປນຳໃຊ້ເຂົ້າໃນວຽກງານດັ່ງກ່າວໃຫ້ເກີດຜົນປະໂຫຍດສູງສຸດ.

- Wave100S AD to Website 2020 0 - ຢູນີເທວ ປະກອບສ່ວນຊ່ວຍລັດຖະບານ ຄວບຄຸມການລະບາດຂອງພະຍາດ ໂຄວິດ-19 ມູນຄ່າ 2,8 ຕື້ກວ່າກີບ

ຄຽງຄູ່ກັນນັ້ນ ບໍລິສັດ ກໍໄດ້ປະຕິບັດການໃຫ້ນະໂຍບາຍແກ່ຜູ້ນໍາໃຊ້ໂທລະສັບ ໂດຍສະເພາະແມ່ນການນໍາໃຊ້ດາຕ້າອິນເຕີເນັດ ໃນຊວງວິກິດດັ່ງກ່າວ ໂດຍໃຫ້ນະໂບບາຍລາຄາດາຕ້າທີ່ພິເສດ ແລະ ເພີ່ມສະປີດສໍາລັບອິນເຕີເນັດບ້ານໃຫ້ມີຄວາມໄວຂື້ນເຖິງສອງທົບ ເພື່ອສະໜອງການນໍາໃຊ້ ຂອງລັດຖະບານທີ່ວ່າ ເຮັດວຽກຢູ່ບ້ານ, ຮຽນຢູບ້ານ ທຸກຢ່າງຈະເຮັດໃຫ້ ປະຊາຊົນໄດ້ນໍາໃຊ້ແບບສະດວກສະບາຍ ແລະ ຮັບຮູ້ຂໍ້ມູນຂ່າວຕ່າງໆແບບທັນເວລາ ແລະ ອື່ນໆ.

- WhatsApp Image 2020 05 27 at 5 - ຢູນີເທວ ປະກອບສ່ວນຊ່ວຍລັດຖະບານ ຄວບຄຸມການລະບາດຂອງພະຍາດ ໂຄວິດ-19 ມູນຄ່າ 2,8 ຕື້ກວ່າກີບ
- WhatsApp Image 2020 05 27 at 5 - ຢູນີເທວ ປະກອບສ່ວນຊ່ວຍລັດຖະບານ ຄວບຄຸມການລະບາດຂອງພະຍາດ ໂຄວິດ-19 ມູນຄ່າ 2,8 ຕື້ກວ່າກີບ
error: Alert: ເນື້ອຫາຂ່າວມີລິຂະສິດ !!