ນອນຢູ່ບ້ານ ຂີ້ຄ້ານ ຫຼື ເພື່ອຊາດ?

- 3ye - ນອນຢູ່ບ້ານ ຂີ້ຄ້ານ ຫຼື ເພື່ອຊາດ?
- Untitled design - ນອນຢູ່ບ້ານ ຂີ້ຄ້ານ ຫຼື ເພື່ອຊາດ?

ໂດຍ: ລູກເມືອງພວນ

ສະໄໝກ່ອນເຄີຍໄດ້ຍິນຜູ້ເຖົ້າຜູ້ແກ່ເພິ່ນວ່າ: ຄົນນອນຕື່ນສວາຍ ຫຼື ນອນຢູ່ແຕ່ເຮືອນບໍ່ໄປໃສ, ບໍ່ເຮັດຫຍັງ ເພິ່ນວ່າຄົນ ” ແອວຍາວ” ໝາຍຄວາມວ່າ ເປັນຄົນ ” ຂີ້ຄ້ານ” ນັ້ນເອງ. ຖ້າເປັນຜູ້ສາວ ຜູ້ບ່າວໃຜກະບໍ່ເອົາ, ຖ້າເປັນຜູ້ຊາຍກໍຍິ່ງຮ້າຍກວ່າຜູ້ຍິງອີກວ່າຊັ້ນເດ.

ແຕ່ມາເຖິງຍຸກໂຄວິດ-19 ລະບາດໄປທົ່ວໂລກໃນຂະນະນີ້, ລັດຖະບານທຸກປະເທດລ້ວນແຕ່ມີມາດຕະການຫ້າມປະຊາຊົນບໍ່ໃຫ້ອອກນອກບ້ານ, ແມ່ນແຕ່ການໄປລ້າມາການກໍຍັງໄດ້ປ່ຽນຜຽນກັນ, ໄປທຳມາຫາກິນກໍຍັງເປັນການຍາກ, ທຸກຄົນຕ້ອງກັກຕົວຢູ່ໃນເຮືອນຂອງໃຜລາວ ຖ້າຫາກຍັງຝືນດື້ບໍ່ນອນຢູ່ໃນບ້ານ ບໍ່ເປັນຄົນຂີ້ຄ້ານຄືສະໃໝກ່ອນເພີ່ນວ່າກໍຈະຖືກລົງໂທດ, ປັບໃໝ ຫຼື ຖືກກ່າວເຕືອນ ແລ້ວແຕ່ລະກໍລະນີ.

ການນອນຢູ່ບ້ານ ຄາວນີ້ແມ່ນເພື່ອຄວາມຮັກຊາດຕ້ານໂຄວິດ, ນີ້ຄືສິດ ແລະ ພັນທະຂອງພົນລະເມືອງລາວທຸກຄົນທີ່ຈະຕ້ອງໄດ້ປະຕິບັດຢ່າງເຂັ້ມງວດໃນຂະນະນີ້ີ. ການນອນຢູ່ບ້ານບໍ່ໄດ້ໝາຍຄວາມວ່າເປັນຄົນຂີ້ຄ້ານ ແຕ່ຫາກແມ່ນເປັນການປະຕິບັດມາດຕະການຂອງລັດຖະບານ ແລະ ເພື່ອຫຼີກລ່ຽງການຕິດຕໍ່ພົວພັນ ສຳຜັດກັບຄົນອື່ນເພື່ອບໍ່ໃຫ້ຕິດເຊື້ອໃສ່ຕົນເອງ, ຄອບຄົວ, ຍາດຕິພີ່ນ້ອງ ແລະ ເພື່ອນຮ່ວມຊາດນຳກັນ. ນີ້ຄືວິທີການປ້ອງກັນຕົວທີ່ດີທີ່ສຸດ ຊຶ່ງປະເທດໃດໆກໍຕ້ອງປະຕິບັດຕາມມາດຕະການແບບນີ້ທັງໂລກ.

- Wave100S AD to Website 2020 0 - ນອນຢູ່ບ້ານ ຂີ້ຄ້ານ ຫຼື ເພື່ອຊາດ?

ການນອນຢູ່ບ້ານບໍ່ໄປໃສ, ບໍ່ເຮັດຫຍັງ, ຖ້າເຮັດກໍເຮັດແບບແປະໆບາງໆພໍແລ້ວຕີນແລ້ວມື ນີ້ຄືຂີ້ຄ້ານມາໂດຍກຳເນີດ. ແຕ່ນອນຢູ່ບ້ານຄາວນີ້ແມ່ນນອນຕາມຄຳສັ່ງເພື່ອຊາດ ຕ້ານໂຄວິດ. ທູກຄົນຈົ່ງໃຫ້ການຮ່ວມໄມ້ຮ່ວມມື, ໃຫ້ການສະໜັບສະໜູນລັດຖະບານເພື່ຶອເອົາຊະນະໂຄວິດຄັ້ງນີ້ໃຫ້ໄດ້. ການນອນຢູ່ບ້ານຄາວນີ້ຄືຄວາມຮັກຊາດເດີພີ່ນ້ອງ! ບໍ່ແມ່ນຂີ້ຄ້ານອີກແລ້ວ.

- WhatsApp Image 2020 05 27 at 5 - ນອນຢູ່ບ້ານ ຂີ້ຄ້ານ ຫຼື ເພື່ອຊາດ?
- WhatsApp Image 2020 05 27 at 5 - ນອນຢູ່ບ້ານ ຂີ້ຄ້ານ ຫຼື ເພື່ອຊາດ?
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!