ວັນທີ 7 ເມສາ ໂຄວິດ-19 ເອົາຊີວິດຫຼາຍໝື່ນຄົນໃນທົ່ວໂລກ

- 126 - ວັນທີ 7 ເມສາ ໂຄວິດ-19 ເອົາຊີວິດຫຼາຍໝື່ນຄົນໃນທົ່ວໂລກ
- AGL banner - ວັນທີ 7 ເມສາ ໂຄວິດ-19 ເອົາຊີວິດຫຼາຍໝື່ນຄົນໃນທົ່ວໂລກ

ໂດຍ: ລູກເມືອງພວນ

ມາເຖິງຕອນເຊົ້າວັນທີ 8 ເມສານີ້, ທົ່ວໂລກມີຜູ້ຕິດເຊື້ອທັງໝົດ 1,4 ລ້ານຄົນ ແລະ ວັນດຽວກັນນີ້, ມີຜູ້ເສຍຊີວິດຫຼາຍກວ່າ 7.000 ຄົນ, ຊຶ່ງເປັນປະຫວັດການນັບແຕ່ມື້ມີພະຍາດນີ້ເກີດຂຶ້ນເປັນຕົ້ນມາ.

ອີງຕາມສະຖິຕິເວບໄຊ້  worldometers.info ໃຫ້ຮູ້ວ່າ ມາເຖິງເວລາ 6 ໂມງເຊົ້າຂອງວັນທີ 8 ເມສານີ້ (ເວລາໃນລາວ), ທົ່ວໂລກມີຜູ້ຕິດເຊື້ອໂຄວິດ-19 ທັງໝົດ 1.421.669 ກໍລະນີ, ໃນນັ້ນຈຳນວນຜູ້ເສຍຊີວິດສູງເຖິງ 81.696 ຄົນ. ໃນ 24 ຊົ່ວໂມງທີ່ຜ່ານມານີ້, ມີຜູ້ເສຍຊີວິດເພີ່ມເຕີມ 7.042 ຄົນ ແລະ ມີຜູ້ຕິດເຊື້ອເພີ່ມເຕີມ 75.665 ກໍລະນີ.

ມາເຖິງປັດຈຸບັນ ພະຍາດ ໂຄວິດ-19 ໄດ້ລະບາດໄປເຖິງ 209 ປະເທດ ແລະ ເຂດແຄວ້ນ ໃນໂລກ, ແຕ່ກໍເປັນໜ້າຊື່ນຊົມ ທີ່ມີຜູ້ປົວດີແລ້ວທົ່ວໂລກ 300.740 ຄົນ, ແຕ່ກໍໜ້າເປັນຫ່ວງນຳຜູ້ທີ່ກຳລັງຢູ່ໃນສະພາບວິກິດຢ່າງໜ້າເປັນຫ່ວງໃນຂະນະນີ້ 47.834 ຄົນ.

ປັດຈຸບັນ ສະຫະລັດອາເມລິກາເປັນປະເທດທີ່ມີຜູ້ຕິດເຊື້ອເປັນອັນດັບໜຶ່ງຂອງໂລກ 393.798 ກໍລະນີ ແລະ ໃນວັນທີ 7 ເມສານີ້ ມີຜູ້ຕິເຊື້ອເພີ່ມເຕີມ 26.794 ກໍລະນີ. ມາເຖິງຂະນະນີ້ສະຫະລັດອາເມລິກາມີຜູ້ເສຍຊີວິດທັງໝົດ 12.697 ກໍລະນີ, ພິເສດໃນ 24 ຊົ່ວໂມງຜ່ານມານີ້ ມີຜູ້ເສຍຊີວິດ 1.826 ຄົນ ຊຶ່ງເປັນຕົວເລກສູງກວ່າໝູ່ນັບແຕ່ມື້ມີພະຍາດນີ້ເກີດຂຶ້ນມາ.

ວັນທີ 7 ເມສານີ້, ຢູ່ ຝຣັ່ງ ກໍມີຜູ້ເສຍຊີວິດສູງເປັນປະຫວັດການ 1.417 ຄົນ, ໄລ່ມາເຖິງຕອນເຊົ້າຂອງວັນທີ 8 ເມສານີ້, ຝຣັ່ງມີຜູ້ເສຍຊີວິດທັງໝົດ 10.328 ຄົນ. ຝຣັ່ງໄດ້ກາຍເປັນປະເທດອັນດັບ 4 ໃນໂລກທີ່ມີຜູ້ເສຍຊີວິດສູງກວ່າ 10.000 ຄົນ, ຖັດຈາກ ອິຕາລີ, ສະເປນ ແລະ ສະຫະລັດອາເມລິກາ.

ຢູ່ອັງກິດ, 24 ຊົ່ວໂມງຜ່ານມາ ມີຜູ້ເສຍຊີວິດ 786 ຄົນ, ນີ້ເປັນຕົວເລກເສຍຊີວິດສູງສຸດໃນວັນດຽວນັບແຕ່ມີການລະບາດຂອງພະຍາດ. ມາເຖິງຕອນເຊົ້າຂອງວັນທີ 8 ເມສານີ້, ອັງກີດມີຜູ້ເສຍຊີວິດທັງໝົດ 6.159 ຄົນ, ມີ 213.181 ຄົນທີ່ໄດ້ຮັບການກວດກາຫາເຊື້ອ, ໃນນັ້ນພົບເຫັນຜູ້ທີ່ມີຜົນບວກ 55.242 ກໍລະນີ.

ຢູ່ ອີຕາລີ ສະພາບການມີແນວໂນ້ມດີຂຶ້ນ. ມາເຖິງວັນທີ 7 ເມສານີ້, ມີຜູ້ຕິດເຊື້ອເພີ່ມເຕີມ 3.039 ກໍລະນີ, ຍົກຕົວເລກຜູ້ຕິດເຊື້ອທັງໝົດເປັນ 135.586 ກໍລະນີ, ນີ້ເປັນຕົວເລກທີ່ຕໍ່າທີ່ສຸດນັບແຕ່ວັນທີ 19 ມີນາເປັນຕົ້ນມາ. ໃນ 24 ຊົ່ວໂມງທີ່ຜ່ານມາ ມີຜູ້ເສຍຊີວິດເພີ່ມເຕີມ 604 ຄົນ, ຍົກຕົວເລກເສຍຊີວິດທັງໝົດຂຶ້ນເປັນ 17.127 ຄົນ ຊຶ່ງຢູ່ແຖວໜ້າຂອງໂລກຂອງຜູ້ເສຍຊີວິດ, ໃນຂະນະທີ່ຜູ້ປິ່ນປົວຫາຍຂາດຢູ່ທີ່ 1.555 ກໍລະນີ.

ນະຄອນຫຼວງ ມົສກູ ລັດເຊຍ ມີຜູ້ຕິດເຊື້ອທັງໝົດ 5.181 ກໍລະນີ, ຕໍ່ຈາກນັ້ນກໍແມ່ນເມືອງ St.Petersburg ມີຜູ້ຕິດເຊື້ອ 69 ຄົນ.

ສະເປນ, ວັນທີ 7 ເມສານີ້( 24 ຊົ່ວໂມງຜ່ານມານີ້) ມີຜູ້ເສຍຊີວິດ 571 ຄົນ ແລະ ມີຜູ້ຕິດເຊື້ອເພີ່ມ 3.943 ກໍລະນີ. ປັດຈຸບັນຢູ່ສະເປນ ມີຜູ້ເສຍຊີວິດ 13.912 ຄົນ ແລະ 140.818 ຕິດເຊື້ອ, ເຮັດໃຫ້ຈຳນວນຜູ້ເສຍຊີວິດໃນສະເປນຢູ່ອັນດັບ 3 ຂອງໂລກ ຖັດຈາກອີຕາລີ ແລະ ສະຫະລັດອາເມລິກາ.

ຢູ່ ເບັນຢຽມ, ວັນທີ 7 ເມສານີ້  ມີຜູ້ຕິດເຊື້ອເພີ່ມເຕີມ 1.380 ກໍລະນີ, ຍົກຕົວເລກຜູ້ຕິດເຊື້ອທັງໝົດຂຶ້ນເປັນ 22.194 ກໍລະນີ ແລະ ມີຜູ້ເສຍຊີວິດເພີ່ມເຕີມ 403 ກໍລະນີ, ຍົກຕົວເລກຜູ້ເສຍຊີວິດຂອງປະເທດນີ້ຂຶ້ນເປັນ 2.035 ຄົນ. ແລະ ປັດຈຸບັນມີຜູ້ປົວດີແລ້ວ 4.157 ຄົນ.

ເຢຍລະມັນ, ມີຜູ້ເສຍຊີວິດໜ້ອຍກວ່າໝູ່ຖ້າທຽບໃສ່ປະເທດອື່ນ ແຕ່ ຜູ້ຕິດເຊື້ອຊໍ້າພັດເພີ່ມຂຶ້ນຢ່າງໄວວາ 104.199 ກໍລະນີ.

ລັດຖະບານລັດເວຍ, ວັນທີ 7 ເມສານີ້, ໄດ້ປະກາດພາວະສຸກເສີນອອກໄປອີກຈົນເຖິງວັນທີ 12 ພຶດສະພາ ເພື່ອປ້ອງກັນບໍ່ໃຫ້ພະຍາດແຜ່ລາມເປັນວົງກວ້າງໄປກ່ວານີ້.

ສາທາລະນະລັດເຊັກ, ປະກາດພາວະສຸກເສີນອອກໄປອີກຈົນເຖິງວັນທີ 30 ເມສານີ້ ຊຶ່ງຫຼຸດລົງຈາກເມື່ອເດີມ ແມ່ນເຖິງວັນທີ 11 ພຶດສະພາ.

- Wave100S AD to Website 2020 0 - ວັນທີ 7 ເມສາ ໂຄວິດ-19 ເອົາຊີວິດຫຼາຍໝື່ນຄົນໃນທົ່ວໂລກ

ໃນຂະນະດຽວກັນ, ນໍເວ ໄດ້ປະກາດຜ່ອນຜັນພາວະສຸກເສີນ, ລັດຖະມົນຕີກະຊວງສາທາລະນະສຸກ ນໍເວ ໃຫ້ຮູ້ວ່າ ພະຍາດໂຄວິດ-19 ກຳລັງໄດ້ຮັບການຄວບຄຸມຢ່າງເຄັ່ງຄັດ ອັນໄດ້ເຮັດໃຫ້ການຕິດເຊື້ອຫຼຸດລົງຢ່າງຕໍ່ເນື່ອງ.

ຢູ່ອາຊີ, ວັນທີ 7 ເມສານີ້, ນາຍົກລັດຖະມົນຕີ ຍີ່ປຸ່ນ Shinzo Abe  ໄດ້ປະກາດພາວະສຸກເສີນຢ່າງເປັນທາງການ ຕໍ່ກັບບາງແຂວງ ເພື່ອຕໍ່ສູ້ກັບພະຍາດໂຄວິດ-19, ພາວະສຸູກເສີນດັ່ງກ່າວຈະເລີ່ມຈັດຕັ້ງປະຕິບັດແຕ່ວັນທີ 8 ເມສາໄປຈົນເຖິງ ວັນທີ 6 ພຶດສະພາ. ຍີ່ປຸ່ນໄດ້ດຳເນີນການກວດກາຫາເຊື້ອພະຍາດໃຫ້ປະຊາຊົນເພີ່ມຂຶ້ນສອງເທົ່າໃນແຕ່ລະວັນ, ໝາຍຄວາມວ່າໃຫ້ໄດ້ 20.000 ຄົນຕໍ່ວັນ ແລະ ທ່ານນາຍົກ Shinzo Abe ປະກາດຈະໃຫ້ການຊ່ວຍເຫຼືອ 108.000 ຕື້ເຢັນ(ສະກຸນເງິນຍີ່ປຸ່ນ)ເພື່ອຕ້ານກັບພະຍາດ ດັ່ງກ່າວ. ປັດຈຸບັນ ຍີ່ປຸ່ນມີຜູ້ຕິດເຊື້ອທັງໝົດ 3.906 ກໍລະນີໃນນັ້ນ 92 ຄົນເສຍຊີວິດ.

ນັບແຕ່ມື້ພະຍາດໂຄວິດ-19 ເກີດຂຶ້ນມາ, ຈີນໄດ້ປະກາດປິດປະເທດເປັນເວລາ 77 ວັນ ແຕ່ກໍຍັງຮຽກຮ້ອງໃຫ້ປະຊາຊົນຢູ່ໃນຄວາມລະມັດລະວັງ, ບໍ່ມີຜູ້ຕິດເຊື້ອເພີ່ມເຕີມບໍ່ໝາຍຄວາມວ່າພະຍາດໝົດໄປ. ມາເຖິງປັດຈຸບັນສະພາບລະບາດຂອງພະຍາດໂຄວິດ-19 ໄດ້ຜ່ອນຄາຍລົງ, ຜູ້ຕິດເຊື້ອຫຼຸກລົງ ແລະ ຜູ້ເສຍຊີວິດກໍໜ້ອຍລົງເປັນກ້າວໆ.

ປະເທດທີ່ມີຄວາມກ້າວໜ້າກວ່າໝູ່ແມ່ນສ ເກົາຫຼີ, ຊຶ່ງເມື່ອກ່ອນໄດ້ກາຍເປັນເຮືອນຮັງຂອງພະຍາດ ແຕ່ມາເຖິງວັນທີ 7 ເມສານີ້, ມີຜູ້ຕິດເຊື້ອເພີ່ມເຕີມພຽງແຕ່ 50 ຄົນເທົ່ານັ້ນ, ໃນຂະນະດຽວກັນຜູ້ທີ່ປິ່ນປົວດີກວມ 65%. ຂະນະນີ້ ເກົາຫຼີໄຕ້ມີຜູ້ຕິດເຊື້ອທັງໝົດ 10.331 ກໍລະນີ, ມີຜູ້ເສຍຊີວິດ 192 ຄົນ.

ຢູ່ອາຊີຕາເວັນອອກສ່ຽງໃຕ້, ວັນທີ 7 ເມສານີ້ດ ຢູ່ຂົງເຂດອາຊີຕາເວັນອອກສ່ຽງໃຕ້ມີຜູ້ຕິດເຊື້ອທັງໝົດ 14.746 ກໍລະນີ, ມີຜູ້ຕິດເຊື້ອເພີ່ມເຕີມ 672 ຄົນ. ໃນວັນດຽວກັນ ອີນໂດເນເຊຍ ມີຜູ້ເສຍຊີວິດສູງສຸດ ນັບແຕ່ມີການລະບາດຂອງພະຍາດເກີດຂຶ້ນ ແລະ ຢູ່ໃນຂົງເຂດພາກພື້ນນີ້ມີຜູ້ເສຍຊີວິດທັງໝົດ 496 ຄົນ, ເພີ່ມຂຶ້ນ 28 ຄົນຖ້າທຽບໃສ່ໜຶ່ງວັນກ່ອນໜ້ານັ້ນ ແລະ ມີຜູ້ໄດຮັບການປິ່ນປົວດີ 3.954 ຄົນ.ຕະຫຼອດ 24 ຊົ່ວໂມງທີ່ຜ່ານມາ ອິນໂດເນເຊຍ ເປັນປະເທດທີ່ມີຜູ້ຕິດເຊື້ອຫຼາຍກວ່າໝູ່ໃນອາຊຽນ 247 ກໍລະນີ ຍົກຕົວເລກຜູ້ຕິດເຊື້ອທັງໝົດຂຶ້ນເປັນ 2.738 ກໍລະນີ.

ຟີລິບປິນ, ວັນທີ 7 ເມສານີ້, ມີຜູ້ເສຍຊີວິດສູງສຸດໃນອາຊຽນ, ມີ 14 ຄົນເສຍຊີວິດໃໝ່ ເຮັດໃຫ້ຕົວເລກພຸ່ງຂຶ້ນເປັນ 177 ຄົນ ແລະ ມີຜູ້ຕິດເຊື້ອທັງໝົດ 3.764 ຄົນ.

ວັນທີ່ 7 ເມສາ ຢູ່ຕາເວັນອອກກາງ ໂດຍສະເພາະແມ່ນ ອິດສະລາເອວ ວັນທີ 7 ເມສານີ້, ມີຜູ້ຕິດເຊື້ອທັງໝມົດ 9.248 ກໍລະນີ ແລະ 65 ຄົນເສຍຊີວິດ

ວັນທີ 7 ເມສານີ້, ຢູ່ທີ່ ໂອມານ ມີຜູ້ຕິດເຊື້ອເພີ່ມເຕີມ 40 ກໍລະນີ ຍົກຕົວເລກທັງໝົດເປັນ 371 ກໍລະນີ.

ຢູ່ທີ ຈໍແດນ, ມີຜູ້ຕິດເຊື້ອໃໝ່ 4 ກໍລະນີ, ຍົກຕົວເລກຜູ້ຕິດເຊື້ອຂຶ້ນເປັນ 353 ກໍລະນີ

ກາຕາ, ມີຜູ້ຕິດເຊື້ອໃໝ່ 225 ກໍລະນີ ເຮັດໃຫ້ຕົວເລກຕິດເຊື້ອທັງໝົດເປັນ 2.057 ກໍລະນີ ໃນນັ້ນມີ 19 ຄົນປິ່ນປົວດີ ແລະ ໄດ້ຮັບການກວດກາຫາເຊື້ອພະຍາດໄດ້ 41.818 ຄົນ.

ອີຣານ, ເປັນປະເທດໜຶ່ງທີ່ໄດ້ຮັບຜົນກະທົບໜັກສົມຄວນ ມີຜູ້ຕິດເຊື້ອທັງໝົດ 62.589 ກໍລະນີ ໃນນັ້ນເສຍຊີວິດ 3.872 ຄົນ.

ກຸຍບາ, ວັນທີ 7 ເມສານີ້, ເຖິງແມ່ນບໍ່ທັນມີພະຍາດລະບາດກໍຕາມ ແຕ່ລັດຖະບານ ກຸຍບາ ໄດ້ດຳເນີນການເບີກຈ່າຢາ PrevengHo-Vir ໃຫ້ປະຊາຊົນໄດ້ນຳໃຊ້ເພື່ອເປັນການປ້ອງກັນການລະບາດຂອງພະຍາດໂຄວິດ-19.

ຢູ່ທີ່ ການາດາ, ວັນທີ 7 ເມສານີ້, ໄດ້ຮຽກຮ້ອງໃຫ້ສະຫະລັດອາເມລິການຊ່ວຍເຫຼືອເຄື່ອງມື ອຸປະກອນການແພດໃຫ້ປະເທດຕົນ, , ສະຫະລັດອາເມລິກາ ໄດ້ສົ່ງໜ້າກາກອານາໄມໄປຊ່ວຍການາດາຈຳນວນ 500.000 ອັນ. ປັດຈຸບັນ ການາດາ ມີຜູ້ຕິດເຊື້ອທັງໝົດ 17.840 ກໍລະນີ ແລະ ເສຍຊີວິດ 375 ຄົນ./.

- WhatsApp Image 2020 05 27 at 5 - ວັນທີ 7 ເມສາ ໂຄວິດ-19 ເອົາຊີວິດຫຼາຍໝື່ນຄົນໃນທົ່ວໂລກ
- WhatsApp Image 2020 05 27 at 5 - ວັນທີ 7 ເມສາ ໂຄວິດ-19 ເອົາຊີວິດຫຼາຍໝື່ນຄົນໃນທົ່ວໂລກ
- WhatsApp Image 2020 05 27 at 5 - ວັນທີ 7 ເມສາ ໂຄວິດ-19 ເອົາຊີວິດຫຼາຍໝື່ນຄົນໃນທົ່ວໂລກ
- WhatsApp Image 2020 05 27 at 5 - ວັນທີ 7 ເມສາ ໂຄວິດ-19 ເອົາຊີວິດຫຼາຍໝື່ນຄົນໃນທົ່ວໂລກ
  • 830 Posts
  • 0 Comments
iLike/LPN/20
error: Alert: Content is protected !!