ຄວາມຮູ້ກ່ຽວກັບໂຄວິດ-19

- 324 - ຄວາມຮູ້ກ່ຽວກັບໂຄວິດ-19
- Untitled design - ຄວາມຮູ້ກ່ຽວກັບໂຄວິດ-19

ໂດຍ: ລູກເມືອງພວນ

ອາການຕິດເຊື້ອໄວຣັສໂຄວິດ-19 ສະແດງອອກແນວໃດ?

ອາການຕິດເຊື້ືອໂຄວິດ-19 ແຕ່ເບົາຫາໜັກສະແດງອອກຄື: ໄຂ້, ໄອ ແລະ ຫາຍໃຈຍາກ. ອາການດັ່ງກ່າວອາດຈະສະແດງອອກແຕ່ 2 ວັນຫາ 14 ວັນ ພາຍຫຼັງຄິດເຊື້ອເປັນຕົ້ນມາ. ນັບແຕ່ມື້ສະແດງອາການອອກ ແລະ ເປັນໄຂ້ ມັນໄດ້ສົ່ງຜົນກະທົບ ແລະ ທຳລາຍລະບົບທາງເດີນຫາຍໃຈ, ໃນກໍລະນີຮຸນແຮງ ຈະອັກເສບປອດ ແລະ ພາກສ່ວນອື່ນໆໃນຮ່າງກາຍ ອາດເສຍຊີວິດໄດ້, ໂດຍສະເພາະຜູ້ທີ່ມີພະຍາດປະຈຳຕົວຢູ່ແລ້ວ.

ກໍລະນີສົງໄສແມ່ນແນວໃດ?

ຜູ້ທີ່ສົງໄສວ່າຕິດເຊື້ອໂຄວິດ-19 ນັ້ນ ຕ້ອງເຂົ້າກັບນິຍາມທີ່ວ່າ:

  • ເປັນໄຂ້, ອັກເສບລະບົບທາງເດີນຫາຍໃຈຮຸນແຮງ  ຫຼື ຜູ້ທີ່ທີປະຫວັດໄປຜ່ານ, ຢູ່ ແລະ ກັບມາຈາກເຂດລະບາດຂອງພະຍາດໂຄວິດ-19 ປະມານ 14 ວັນ ກ່ອນທີ່ຈະສະແດງອາກການຕິດເຊື້ອອອກມາ.
  • ແມ່ນຜູ້ທີ່ມີອາການໃນລະບົບທາງເດີນຫາຍໃຈໃດໆກໍຕາມ ແລະ ສຳຜັດກັບກໍລະນີຜູ່ສົງໄສ ຫຼື ຕິດຜູ້ເຊື້ອເປັນເວລາ 14 ວັນ ກ່ອນທີ່ຈະສະແດງອາການອອກມາ.

ແນວໃດຈຶ່ງເອີ້ນວ່າສຳຜັດກັບຜູ້ປ່ວຍ (ຜູ້ຕິດເຊື້ອ) ໂຄວິດ-19?

ມີ 6 ກໍລະນີທີ່ເອີ້ນວ່າ ສຳຜັດກັບຜູ້ຕິດເຊື້ອໂຄວິດ-19 ດັ່ງກໍລະນີລຸ່ມນີ້:

  1. ສຳຜັດຢູ່ໃນສະຖານທີ່ການແພດ ຊຶ່ງເປັນຜູ້ປິ່ນປົວດູແລໂດຍກົງກັບຜູ້ຕິດເຊືອ, ຮ່ວມເຮັດວຽກກັບເພື່ອນແພດຜູ້ຕິເຊື້ອ, ໄປຢ້ຽມຢາມຜູ້ຕິດເຊື້ອ ຫຼື ຢູ່ຮ່ວມຫ້ອງກັບຜູ້ຕິດເຊື້ອ ໂຄວິດ-19.
  2. ຢູ່ໄລຍະຫ່າງກັບຜູ້ສົງໄສ ຫຼື ຜູ້ຕິດເຊື້ອປະມານ ≤ 2 ແມັດ.
  3. ຢູ່ຮ່ວມເຮືອນດຽວກັນກັບຜູ້ສົງໄສ ຫຼື ຜູ້ຕິດເຊື້ອ.
  4. ຮ່ວມເຮັດວຽກກັບຜູ້ສົງໄສ ຫຼື ຜູ້ທີ່ຕິດເຊື້ອແລ້ວ.
  5. ຮ່ວມທົວທ່ອງທ່ຽວດຽວກັນ, ຮ່ວມວຽກງານ, ຮ່ວມຫຼີ້ນ, ຮ່ວມງານລ້ຽງສ້າງສັນ, ຮ່ວມກອງປະຊຸມ…ກັບຜູ້ສົງໄສ ຫຼື ຜູ້ທີ່ຕິດເຊື້ອແລ້ວ.
  6. ເດີນທາງຮ່ວມພາຫະນະດຽວກັນ, ນັ່ງໃກ້ກັນ, ຕັ່ງແຖວດຽວກັນ ກັບຜູ້ສົງໄສ ຫຼື ຜູ້ຕິດເຊື້ອ.

ເຂດພະຍາດລະບາດແມ່ນແນວໃດ?

ມັນແມ່ນປະເທດ ຫຼື ເຂດແຄວ້ນທີ່ໄດ້ການຢັ້ງຢືນວ່າມີພະຍາດໂຄວິດ-19 ເກີດຂຶ້ນຈິງ ຫຼື ສະຖານທີ່ທີ່ໄດ້ຮັບການຢັ້ງຢືນຈາກກົມການແພດທ້ອງຖິ່ນໃຫ້ຄຳຮັບຮອງຢ່າງເປັນທາງການ.

ໄຂ້ຫວັດທຳມະດາ ກັບ ໄຂ້ຫວັດໂຄໂຣນາ ຕ່າງກັນແນວໃດ?

ອາການສັ່ນໜາວ: ອາການແບບນີ້ຕົ້ນຕໍແມ່ນເກີດຂຶ້ນກັບພາກສ່ວນຂອງຫົວເຊັ່ນ: ຕາ ແລະ ດັງ. ໄຂ້ຫວັດທຳມະດາ ແລະ ໄຂ້ຫວັດ ໂຄໂຣນ່າ ລ້ວນແຕ່ມີອາການເກີດຂຶ້ນທົ່ວຮ່າງກາຍຄືກັນເຊັ່ນ:  ໄຂ້ ຫຼື ບໍ່ໄຂ້, ເຈັບຄໍ, ໄອ ຫຼື ບໍ່ໄອ, ອິດເມື່ອຍ, ຫາຍໃຈຍາກ. ອາດຈະມີຫຼາຍອາການທີ່ຄ້າຍຄືກັນ. ດັ່ງນັ້ນ, ທ່ານຈົ່ງເອົາໃຈໃສ່ກັບບັນດາປັດໄຈທີ່ຈະເປັນອັນຕະລາຍຕໍ່ທ່ານເຊັ່ນ: ທ່ານມາຈາກແຕ່ບ່ອນທີ່ມີພະຍາດລະບາດ ຫຼື ໃກ້ສິດສຳຜັດກັບຜູ້ຕິດເຊື້ອໂຄວິດ-19.

- Wave100S AD to Website 2020 0 - ຄວາມຮູ້ກ່ຽວກັບໂຄວິດ-19

ແມ່ນໃຜແດ່ທີ່ມີຄວາມສ່ຽງຕິດເຊື້ອ ໂຄວິດ-19?

ແມ່ນຜູ້ທີ່ມາຈາກເຂດລະບາດຂອງພະຍາດໂຄວິດ-19, ຜູ້ທີ່ໄປໃກ້ສິດກັບຜູ້ຕິດເຊື້ອ, ຜູ້ອາຍຸສູງ, ຜູ້ທີ່ມີພະຍາດປະຈຳຕົວ, ກຸ່ມຄົນທີ່ເຮັດວຽກໃນສະພາບແວດລ້ອມໃກ້ສິດກັບຜູ້ປ່ວຍເຊັ່ນ: ແພດ, ໝໍ, ຜູ້ຂັບລົດ…ມີຄວາມສ່ຽງສູງ.

ຜູ້ຕິດເຊື້ອໄດ້ຮັບການປິ່ນປົວແນວໃດ?

ທ່ານໝໍປິ່ນປົວໄປຕາມອາການຂອງຜູ້ປ່ວຍ, ຫ້ອງແຍກປ່ຽວຂອງຜູ້ປ່ວຍຕ້ອງມີອາກາດລ່ວງດີ, ບ້ວນປາກດ້ວຍນໍ້າຢາຂ້າເຊື້ອ.   ມາເຖິງປັດຈຸບັນບໍ່ທັນມີຢາຊະນິດໃດທີ່ສາມາດຕົວພະຍາດໂຄວິດ-19 ຫາຍຂາດໄດ້. ຢາທຸກຊະນິດໃນປັດຈຸບັນລ້ວນແຕ່ເພື່ອປິ່ນປົວອາການໃຫ້ຫາຍດີເປັນຕົ້ນຕໍ.

ໄລຍະປິ່ນປົວດົນປານໃດ?

ອົງການອານາໄມໂລກໃຫ້ຮູ້ວ່າ: 80% ຂອງຜູ້ປ່ວຍສາມາດຟື້ນຟຸກັບຄືນສູ້ສະພາບເດີມໄດ້ໂດຍບໍ່ໄດ້ຮັບການຫຍຸ້ງກ່ຽວຫຍັງກັບບັນດານັກຊ່ຽວຊານເລີຍ. ມີຜູ້ປ່ວຍໜັກປະມານ 1/6 ຂອງຈຳນວນຜູ້ຕິດເຊື້ອທັງໝົດ. ຜູ້ທີ່ມີອາການເບົາບາງ ອາດຈະໄດ້ຮັບການປິ່ນປົວເປັນເວລາ 2 ອາທິດ, ແຕ່ຜູ້ທີ່ມີອາການໜັກ ອາດຈະໃຊ້ເວລາແຕ່ 3-6 ອາທິດ.

ຜູ້ຕິດເຊື້ອຢູ່ກິນແນວໃດ?

ການກິນຢູ່ຂອງຜູ້ຖືກປິ່ນປົວ ແມ່ນຂຶ້ນຢູ່ກັບການກຳນົດຂອງໂຮງໝໍ ຊຶ່ງໃຫ້ແທດເໝາະກັບອາການຂອງຜູ້ປ່ວຍແຕ່ລະຄົນ.

- WhatsApp Image 2020 05 27 at 5 - ຄວາມຮູ້ກ່ຽວກັບໂຄວິດ-19
- WhatsApp Image 2020 05 27 at 5 - ຄວາມຮູ້ກ່ຽວກັບໂຄວິດ-19
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!