ຍ້ອນເຫດໃດເພດຊາຍຈຶ່ງຕິດເຊື້ອໂຄວິດ-19 ຫຼາຍກວ່າເພດຍິງ?

- 43 - ຍ້ອນເຫດໃດເພດຊາຍຈຶ່ງຕິດເຊື້ອໂຄວິດ-19 ຫຼາຍກວ່າເພດຍິງ?
- Untitled design - ຍ້ອນເຫດໃດເພດຊາຍຈຶ່ງຕິດເຊື້ອໂຄວິດ-19 ຫຼາຍກວ່າເພດຍິງ?

ໂດຍ: ລູກເມືອງພວນ

ໃນວົງການແພດທີ່ປິ່ນປົວຜູ້ຕິດເຊື້ອໂຄວິດ-19 ໃນທົ່ວໂລກລ້ວນແຕ່ສັງເກດໃຫ້ເປັນອັນດຽວກັນວ່າ ເພດຊາຍຕິດເຊື້ອໂຄວິດ-19 ຫຼາຍກວ່າເພດຍິງ ແລະ ຜູ້ທີ່ອ້ວນຕຸ້ຍ ຈະມີອາການໜັກກວ່າ. ເຖິງຢ່າງໃດກໍດີ, ບັນດານັກຊ່ຽວຊານທັງຫຼາຍຍັງບໍ່ທັນສາມາດຈະອະທິບາຍປາກົດການດັ່ງກ່າວນັ້ນໄດ້ເທື່ອ.

ສາດສະດາຈານດ້ານສ່ອງໄຟຟ້າການແພດໃນມະຫາວິທະຍາໄລLondon, Derek Hill ໃຫ້ຄຳຢືນຢັນວ່າ: “ເພດຊາຍມີບັນຫາດ້ານສຸຂະພາບຫຼາຍກວ່າເພດຍິງ ແລະ ຜູ້ທີ່ ອ້ວນຕຸ້ຍ ຫຼື ຜູ້ທີ່ມີພະຍາດປະຈຳຕົວ ຈະມີຄວາມສ່ຽງຕິດເຊື້ອສູງກວ່າ”

ສະຖິຕິຂອງສູນຄົ້ນຄ້ວາ ແລະ ກວດສອບແຫ່ງຊາດ ອັງກິດ ຊີ້ໃຫ້ເຫັນວ່າ ຈຳນວນຜູ້ຕິດເຊື້ອໂຄວິດ-19 ທີ່ໄດ້ຮັບການປິ່ນປົວນັ້ນມີ 73% ເປັນເພດຊາຍ ແລະ 73% ແມ່ນຜູ້ທີ່ອ້ວນຕຸ້ຍ.

ຜົນຂອງການປິ່ນປົວຜູ້ຕິດເຊື້ອໂຄວິດ-19 ແຕ່ວັນທີ 3 ເມສາ ຄືນຫຼັງໃຫ້ຮູ້ວ່າ ຜູ້ທີ່ອ້ວນຕຸ້ຍ ມີໂອກາດ ຟື້ນຟູໄດ້ໄວກວ່າ.

ມີປະມານ 42,4% ຂອງຜູ້ປ່ວຍທີ່ມີຕົວຊີ້ວັດຂອງຮ່າງກາຍ BMI ຫຼາຍກວ່າ 30 ຂຶ້ນເມືອມີໂອກາດໄດ້ອອກໂຮງໝໍໜ້ອຍກວ່າຈຳນວນຜູ້ທີ່ມີຕົວຊີ້ວັດ BMI ຂອງຮ່າງກາຍຕໍ່າກວ່າ 25. ສ່ວນຢູ່ປະເທດ ຝຣັ່ງໃຫ້ຮູ້ວ່າ ຜູ້ຕິດເຊື້ອໂຄວິດ-19 ສ່ວນຫຼາຍແມ່ນຜູ້ທີ່ອ້ວນຕຸ້ຍ ແລະ ໃນຈຳນວນນີ້ ¾ ເປັນເພດຊາຍ. ຢູ່ສະຫະລັດກໍມີກໍລະນີແບບດຽວກັນນີ້. ທ່ານໝໍ Hani Sbitany ໃຫ້ຮູ້ວ່າ ຜູ້ປ່ວຍທີ່ເຂົ້າມາປິ່ນປົວຢູ່ທີ່ນີ້ 80% ເປັນເພດຊາຍ, ໝາຍຄວາມວ່າມີຜູ້ປ່ວຍ 5 ຄົນໃດແມ່ນມີເພດຊາຍ 4 ຄົນ.

- Wave100S AD to Website 2020 0 - ຍ້ອນເຫດໃດເພດຊາຍຈຶ່ງຕິດເຊື້ອໂຄວິດ-19 ຫຼາຍກວ່າເພດຍິງ?

ບັນດານັກຊ່ຽວຊານທັງຫຼາຍຕັ້ງຄຳຖາມວ່າ: ຍ້ອນຫຍັງເພດຊາຍຈຶ່ງຕິດເຊື້ອໂຄວິດ-19 ຫຼາຍກວ່າເພດຍິງ? ທ່ານ Jean-Francois Delfraissy ໃຫ້ຮູ້ວ່າ ຍັງບໍ່ທັນມີຄຳອະທິບາຍໃດທີ່ຈະແຈ້ງກ່ຽວກັບບັນຫາດັ່ງກ່າວ ແຕ່ທ່ານກໍສັນນິຖານວ່າ: ອາດຈະເປັນຍ້ອນວ່າ ເພດຊາຍມີຄວາມສ່ຽງທາງພະຍາດຫຼາຍກວ່າເພດຍິງ. ສ່ວນນັກວິທະຍາສາດ ຝຣັ່ງໃຫ້ຮູ້ວ່າ ຍ້ອນວ່າ ພູມຕ້ານທານຂອງເພດຍິງດີກວ່າເພດຊາຍ. ນອກຈາກນີ້ທ່ານຍັງໃຫ້ຮູ້ຕື່ມວ່າ ເພດຊາຍບໍ່ໄດ້ສົນໃຈຕໍ່ສຸຂະພາບຂອງຕົນເອງປານໃດ ເມື່ອສູບຢາ ແລະ ກິນເຫຼົ້າ…

ນອກຈາກນີ້, ບັນຫາອາຍຸ ແລະ ພະຍາດປະຈຳຕົວເຊັ່ນ: ພະຍາດເສັ້ນເລືອດ ແລະ ຫົວໃຈ, ພະຍາດດ້ານມັນສະໝອງ…ກໍມີສ່ວນເຊັ່ນດຽວກັນ

ອົງການ CDC ກ່າວເຕືອນຜູ້ທີ່ມີຕົວຊີ້ວັດຂອງຮ່າງກາຍ BMI ສູງກວ່າ 40 ຂຶ້ນເມືອ ອາດມີຄວາມສ່ຽງຕິດເຊື້ອໂຄວິດ-19 ສູງເປັນພິເສດ.

- WhatsApp Image 2020 05 27 at 5 - ຍ້ອນເຫດໃດເພດຊາຍຈຶ່ງຕິດເຊື້ອໂຄວິດ-19 ຫຼາຍກວ່າເພດຍິງ?
- WhatsApp Image 2020 05 27 at 5 - ຍ້ອນເຫດໃດເພດຊາຍຈຶ່ງຕິດເຊື້ອໂຄວິດ-19 ຫຼາຍກວ່າເພດຍິງ?
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!