ຍຸກໃຫມ່ຂອງ Windows ເປັນມິດກັບ iOS ແລະ Android

- advert banner 728 90 728x90 - ຍຸກໃຫມ່ຂອງ Windows ເປັນມິດກັບ iOS ແລະ Android

-          1 300x169 - ຍຸກໃຫມ່ຂອງ Windows ເປັນມິດກັບ iOS ແລະ Android

ເປັນທີ່ຮູ້ດີວ່າ Microsoft ມີໄລຍະເວລາທີ່ບໍ່ດີປານໃດໃນຕະຫຼາດສະມາດໂຟນ ເມື່ອ Windows Phone ກາຍເປັນຜູ້​ເສຍ​ໄຊ ແລະ ອາດຕ້ອງຖອຍ ແລະ ຄ່ອຍໆຫາຍໄປຕາມການເວລາ ເຖິງວ່າຈະບໍ່ປະສົບຜົນສໍາເລັດ, ແຕ່ທິດທາງໃຫມ່ຂອງ Microsoft ທີ່ມີຕໍ່ Windows ບໍ່ແມ່ນການສູ້​ຊົນພັດທະນາລະບົບປະຕິບັດການ​ໃນສະມາດໂຟນ ເພື່ອສູ້ຮົບກັບ iOS ແລະ Android ແຕ່ເປັນການຜູກມິດກັບທັງສອງລະບົບປະຕິບັດການ ເຊື່ອມໂຍງການ​ເຮັດ​ວຽກຮ່ວມກັນ ເພື່ອໃຫ້ຜູ້ໃຊ້ໄດ້ຮັບການບໍລິການດີທີ່ສຸດຈາກ Microsoft.

ແນວຄິດຂອງ Satya Nadella ຜູ້​ບໍລິ​ຫານ Microsoft ປະກາດຜ່ານ Build 2017 ງານປະຊຸມນັກພັດທະນາປະຈໍາປີ ຄາດຄະ​ເນເຖິງການໃຊ້ງານອຸປະກອນໃນຕົວບຸກຄະລາກອນທີ່ເກັ່ງແລ້ວ ອາດໃຊ້ງານຫຼາຍເຖິງ 6 ອຸປະກອນ ​ເຊິ່ງ Microsoft ຍອມຮັບວ່າໜ້ອຍຄົນທີ່ຈະໃຊ້ Windows. ດັງນັ້ນ ທິດທາງຕໍ່ຈາກນີ້ຈະເປັນການສະໜັບສະໜູນປະສົບການດ້ວຍບໍລິການຕ່່່າງໆໃນອຸປະກອນ iOS ແລະ Android ໃຫ້ມີປະສິດທິພາກຫຼາຍຂຶ້ນ.

-          2 - ຍຸກໃຫມ່ຂອງ Windows ເປັນມິດກັບ iOS ແລະ Android

ການປະກາດອັບເດດຄັ້ງໃຫຍ່ Windows 10 ຮອບຕໍ່ໄປພາຍໃຕ້ຊື່ອັບເດດ​ເກົ່າ “Creators Update”  ໃນໄລຍະເດືອນກັນຍາປີນີ້ເປັນຕົ້ນໄປ ​ເນັ້ນ​ເຖິງແນວຄິດຂອງຜູ້​ບໍລິຫານ Microsoft ​ໂດຍການແນະນໍາຟີເຈີໃຫມ່ທີ່ສາມາດເຊື່ອງໂຍງ  Windows ເຂົ້າກັບ  iOS ແລະ Android ໄດ້ ​ເຊິ່ງ Microsoft ຍອມຮັບອີກວ່າການດໍາເນີນແນວຄິດດັ່ງງກ່າວໄດ້ຮັບອິດທິພົນມາຈາກ macOS ຂອງ Apple, ແຕ່ສິ່ງທີ່ Microsoft ກໍາລັງພະຍາຍາມໃນຕອນນີ້ບໍ່ໄດ້ຕ້ອງການລັອກ ຫຼື ຄວບຄຸມຜູ້ໃຊ້ໃຫ້ໄດ້ປະໂຫຍດພາຍໃຕ້ ecosystem ຂອງຕົວເອງ ​ເຊິ່ງແຕກຕ່າງຈາກ Apple.

ຟີເຈີ “Timeline” ຄຸນລັກສະນະໃຫມ່ໃນ Windows 10 “Creators Update” ຕົວຊ່ວຍໃຫມ່ທີ່ໃຫ້ຜູ້ໃຊ້ສາມາດເຮັດວຽກໃນ  Windows  ແລະ ໄປເຮັດວຽກຕໍ່ໃນອຸປະກອນເຄື່ອນທີ່ອື່ນໆໄດ້ແບບຕໍ່ເນື່ອງ ຖ້າຂະຫຍາຍຄວາມໃຫ້ຫຼາຍຂຶ້ນ ຟີເຈີ Timeline ຈະຈົດຈໍາໄຟລ໌, ແອັບພລິເຄຊັນ ລວມໄປເຖິງເວັບໄຊຕ່າງໆທີ່ເຄີຍໃຊ້ມາກ່ອນໜ້ານີ້ເທິງ Windows ເຮັດໃຫ້ເຮົາສາມາດເປີດໃຊ້ງານຕ່າງໆທີ່ເຄີຍເຮັດໄວ້ກ່ອນໜ້ານີ້ເທິງ iOS ແລະ Android.

“Pick Up Where You Left Off” ເປັນອີກໜຶ່ງຄຸນລັກສະນະທີ່ບໍ່ວ່າຜູ້ໃຊ້ຈະເຮັດວຽກໃດ​ໃນຄອມພິວເຕີພີຊີທີ່ເປັນ Windows ເຊັ່ນການແກ້ໄຂເອກະສານ Word ລະບົບຈະຈົດຈໍາການແກ້ໄຂ ເພື່ອໃຫ້ຜູ້ໃຊ້ສາມາດສານສືບຕໍ່ການເຮັດວຽກໄດ້​ໃນອຸປະກອນພົກພາ ຄ້າຍຄືກັບຟີເຈີ  Handoff ຂອງ Apple. ນອກຈາກນີ້ ຟີເຈີດັງກ່າວຮັບຮອງການສັ່ງງານດ້ວຍສຽງຜ່ານ Cortana ໄດ້ນໍາ​ອີກ.

“Cloud-powered Clipboard” ອີກໜຶ່ງຟີເຈີໃຫມ່ ທີ່ຊ່ວຍໃຫ້ຜູ້ສາມາດຄັດລອກຄອນເທນຕ່າງໆ ຈາກເທິງ Windows ແລະ ນໍາໄປວາງລົງໃນ  iPhone ແລະ ສະມາດໂຟນ Android ໄດ້.

- 1 1 - ຍຸກໃຫມ່ຂອງ Windows ເປັນມິດກັບ iOS ແລະ Android
- Tiger Head 728x90 - ຍຸກໃຫມ່ຂອງ Windows ເປັນມິດກັບ iOS ແລະ Android

“OneDrive files on demand” ບໍລິການຂອງ  Microsoft ທີ່ໄດ້ຮັບອັບເກດຂຶ້ນ ສາມາດເລືອກໄຟລ໌ໄດ້ ແທນທີ່ການລິ່ງ ຫຼື ດາວໂຫຼດໄຟລ໌ທັງໝົດໃນເທື່ອດຽວ.

-          3 - ຍຸກໃຫມ່ຂອງ Windows ເປັນມິດກັບ iOS ແລະ Android

ວິວັດທະນາການຂອງການອອກແບບສູ່   “Fluent Design System” ເປັນການກ້າວຂ້າມ   MetroUI ​ເກົ່າທີ່  Microsoft ໃຊ້ງານກັບ Windows ມາຫຼາຍປີ ເປັນການອອກແບບ UI ທີ່ເນັ້ນຄວາມລຽບງ່າຍ, ຫົດ​ຢືດ, ມີໂທນແສງ ແລະ ເງົາຫຼາຍຂຶ້ນ, ມີມິຕິຂອງຄວາມຕື້ນເລິກ, ສີສັນທີ່ຫຼາກຫຼາຍ ສະທ້ອນອາລົມທີ່ແຕກຕ່າງຂອງຜູ້ໃຊ້ ແລະ ຂອບເຂດຂອງການສ້າງຈິນຕະນາການແບບໄຮ້ຂີດຈໍາກັດ.

ແນວຄິດທັງໝົດເປັນການເດີມພັນຂອງ Microsoft  ທີ່ກໍາລັງຂະຫຍາຍແພລຕຟໍຣຂອງຕົວເອງໄປສູ່ອຸປະກອນອື່ນໆ ທີ່ບໍ່ຈໍາກັດພຽງແຕ່ Windows ເປັນການສ້າງປະສົບການ Windows ທີ່ນອກເໜືອຈາກຄອມພິວເຕີພີຊີ ແລະ ໂນດບຸກ ສາມາດເຊື່ອມໂຍງການໃຊ້ງານຮ່ວມກັບສະມາດໂຟນໄດ້ຢ່າງ​ງ່າຍ​ດ່າ​ຍ ເພື່ອໃຫ້ແພລຕຟໍຣ Windows ກາຍເປັນສ່ວນໜຶ່ງໃນຊີວິດປະຈໍາວັນ, ສ້າງປະສົບການດີທີ່ສຸດ ບໍ່ວ່າຜູ້ໃຊ້ຈະເລືອກລະບົບປະຕິບັດການໃດກໍຕາມ.

ທັງນີ້ ຄວາມຝັນຂອງ Microsoft ຄັ້ງນີ້ ຈະປະສົບຜົນສໍາເລັດຢ່າງທີ່ຕັ້ງໃຈ ຫຼື ບໍ່ ນັບຈາກນີ້ຄືການເລີ່ມຕົ້ນອີກຄັ້ງສູ່ຍຸກໃຫມ່ ເປັນມິດກັບ iOS ແລະ Android.

 

 

error: Content is protected !!