ທົ່ວໂລກຕຳໜິ “ທຣຳ” ຫລັງປະກາດຕັດເງິນສະໜັບສະໜູນອະນາໄມໂລກ

- 93888752 852608001817724 3989859407771992064 n - ທົ່ວໂລກຕຳໜິ “ທຣຳ” ຫລັງປະກາດຕັດເງິນສະໜັບສະໜູນອະນາໄມໂລກ
- Untitled design - ທົ່ວໂລກຕຳໜິ “ທຣຳ” ຫລັງປະກາດຕັດເງິນສະໜັບສະໜູນອະນາໄມໂລກ

ປະເທດຕ່າງໆທົ່ວໂລກພາກັນອອກມາຕຳໜິປະທານາທິບໍດີ ໂດນັລ ທຣຳ ຫລັງຈາກຜູ້ນຳອາເມລິກາ ປະກາດໃນວັນທີ 15 ເມສາວ່າຈະໂຈະເງິນບໍລິຈາກທີ່ລັດຖະບານອາເມລິກາໃຫ້ແກ່ອົງການອະນາໄມໂລກ ຫລື WHO.

ຂະນະທີ່ຜູ້ຊ່ຽວຊານດ້ານສາທາລະນະສຸກເຕືອນວ່າ: ການຕັດສິນໃຈຂອງຜູ້ນຳອາເມລິກາອາດສ້າງຜົນເສຍໃຫຍ່ຫລວງຕໍ່ຄວາມພະຍາຍາມຕໍ່ສູ້ກັບການລະບາດຂອງໂຄວິດ-19 ທົ່ວໂລກ.

ສະຫະພາບເອີຣົບ ລະບຸວ່າ: ທ່ານ ທຣຳ ບໍ່ມີເຫດຜົນທີ່ຕ້ອງໂຈະເງິນອຸດໜູນທີ່ໃຫ້ WHO ໃນໄລຍະເວລາວິກິດທີ່ຕ້ອງການການຮ່ວມມື ແລະ ເປັນເອກະພາບ ບໍ່ແມ່ນຄວາມແຕກແຍກ ໂດຍຫົວໜ້າດ້ານນະໂຍບາຍຕ່າງປະເທດຂອງສະຫະພາບເອີຣົບ ໂຈເຊບ ບໍແຣລ ກ່າວວ່າ: EU ເສຍໃຈຕໍ່ຂ່າວນີ້ ເຊິ່ງເກີດຂຶ້ນໃນໄລຍະເວລາທີ່ WHO ຕ້ອງການການຊ່ວຍເຫລືອຫລາຍທີ່ສຸດ ເພື່ອເອົາຊະນະໂຄໂຣນາໄວຣັສທີ່ບໍ່ສົນໃຈເສັ້ນແບ່ງຊາຍແດນ.
ສ່ວນໂຄສົກກະຊວງການຕ່າງປະເທດຈີນ ກ່າວວ່າ: ຈີນກັງວົນຕໍ່ການຕັດສິນໃຈຂອງຜູ້ນຳອາເມລິກາໃນຄັ້ງນີ້. ຂະນະທີ່ ນາຍົກລັດຖະມົນຕີອົດສະຕຣາລີ ສະກ໊ອດ ມໍຣິສັນ ກ່າວວ່າ: ທ່ານເສຍໃຈຕໍ່ຄຳວິຈານຂອງທ່ານ ທຣຳ ທີ່ມີຕໍ່ WHO ແລະ ຈີນ ພ້ອມຢືນຢັນວ່າອົດສະຕຣາລີຈະຍັງໃຫ້ເງິນສະໜັບສະໜູນ WHO ຕໍ່ໄປ.

- Wave100S AD to Website 2020 0 - ທົ່ວໂລກຕຳໜິ “ທຣຳ” ຫລັງປະກາດຕັດເງິນສະໜັບສະໜູນອະນາໄມໂລກ

ຜ່ານມາ ຜູ້ນຳອາເມລິກາຖືກຕັ້ງຄຳຖາມເຖິງການຮັບມືການລະບາດຂອງໂຄວິດ-19 ໃນປະເທດທີ່ບໍ່ພຽງພໍ ແລະ ເມີນເສີຍຕໍ່ຄຳເຕືອນຈາກຄະນະໃນການຄວບຄຸມການລະບາດຂອງໂຄວິດ-19 ໂດຍຜູ້ນຳອາເມລິກາມັກກ່າວໂທດໜ່ວຍງານອື່ນ ໂດຍສະເພາະອົງການອະນາໄມໂລກ ແລະ ສື່ມວນຊົນແທນ.

ທັງນີ້ ອາເມລິກາໃຫ້ເງິນອຸດໜູນອົງການອະນາໄມໂລກປະມານ 400-500 ລ້ານໂດລາຕໍ່ປີ ຕາມຂໍ້ມູນຂອງຜູ້ນຳອາເມລິກາ. ຂະນະທີ່ຈີນໃຫ້ເງິນອຸດໜູນອົງການອະນາໄມໂລກປະມານ 40 ລ້ານໂດລາຕໍ່ປີ ໂດຍທ່ານ ທຣຳ ວິພາກວິຈານການເຮັດວຽກຂອງ WHO ວ່າເອົາໃຈຈີນຫລາຍເກີນໄປ ແລະ ມັກເອີ້ນໂຄໂຣນາໄວຣັສສາຍພັນໃໝ່ນີ້ວ່າ: “ໄວຣັສຈີນ”.

- WhatsApp Image 2020 05 27 at 5 - ທົ່ວໂລກຕຳໜິ “ທຣຳ” ຫລັງປະກາດຕັດເງິນສະໜັບສະໜູນອະນາໄມໂລກ
- WhatsApp Image 2020 05 27 at 5 - ທົ່ວໂລກຕຳໜິ “ທຣຳ” ຫລັງປະກາດຕັດເງິນສະໜັບສະໜູນອະນາໄມໂລກ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!