ເຟສບຸກ (Messenger Kids) ໄດ້ຮັບອະນຸຍາດເປີດໃຊ້ໃນລາວ ໂຫລດມາໃຊ້ເລີຍ ມີຫລາກຫລາຍຄວາມສາມາດ

ເຟສບຸກ (messenger kids) ໄດ້ຮັບອະນຸຍາດເປີດໃຊ້ໃນລາວ ໂຫລດມາໃຊ້ເລີຍ ມີຫລາກຫລາຍຄວາມສາມາດ - 44 3 - ເຟສບຸກ (Messenger Kids) ໄດ້ຮັບອະນຸຍາດເປີດໃຊ້ໃນລາວ ໂຫລດມາໃຊ້ເລີຍ ມີຫລາກຫລາຍຄວາມສາມາດ
ເຟສບຸກ (messenger kids) ໄດ້ຮັບອະນຸຍາດເປີດໃຊ້ໃນລາວ ໂຫລດມາໃຊ້ເລີຍ ມີຫລາກຫລາຍຄວາມສາມາດ - AGL banner - ເຟສບຸກ (Messenger Kids) ໄດ້ຮັບອະນຸຍາດເປີດໃຊ້ໃນລາວ ໂຫລດມາໃຊ້ເລີຍ ມີຫລາກຫລາຍຄວາມສາມາດ

ປັດຈຸບັນ(Facebook) ເມັສເຊັນເຈີ ຄິດສ (Messenger Kids) ນອກຈາກໄດ້ຂະຫຍາຍອອກໄປສູ່ຫຼາຍກວ່າ 70 ປະເທດທົ່ວໂລກແລ້ວ, ຍັງດ້ຮັບອະນຸບາດໃຫ້ເປີດນໍ້າໃຊ້ຢູ່ສປປລາວເຮົາຕື່ມອີກ ເພື່ອຊ່ວຍລູກຫລານໄດ້ສຶກສາຮຽນຮູ້ ແລະ ນັບແຕ່ມື້ນີ້ເປັນຕົ້ນໄປຜູ້ເປັນພໍ່ແມ່ຂອງເດັກສາມາດດາວໂຫຼດແອັບຈາກ App Store ຂອງ Apple ແລະPlay Store ຂອງ Google ພາຍໃນທ້າຍອາທິດນີ້.
ໃນຂະນະທີ່ຫຼາຍໆປະເທດກຳລັງຕໍ່ສູ້ກັບໂລກລະບາດ COVID-19, ໂຮງຮຽນຫລາຍແຫ່ງໄດ້ປິດການຮຽນ-ການສອນ, ພໍ່ແມ່ຜູ້ປົກຄອງສ່ວນຫລາຍໄດ້ຫັນໄປໃຊ້ເຕັກໂນໂລຊີຫຼາຍຂຶ້ນເພື່ອຊ່ວຍລູກຂອງເຂົາເຈົ້າໄດ້ເຊື່ອມຕໍ່ກັບໝູ່ເພື່ອນແລະຄອບຄົວໃນຮູບແບບທີ່ພໍ່ແມ່ຄວບຄຸມໄດ້.
ເມັສເຊັນເຈີ ຄິດສ( Messenger Kids) ແມ່ນແອັບວີດີໂອສົນທະນາ ແລະ ແອັບສົ່ງຂໍ້ຄວາມເພື່ອ ຊ່ວຍໃຫ້ເດັກນ້ອຍສາມາດຕິດມຕໍ່ກັບໝູ່ ແລະ ຄອບຄົວໃນຮູບແບບທີ່ມ່ວນຊື່ນແລະຄວບຄຸມໄດ້.
ມັນເປັນເວລາຫຼາຍປີທີ່ພວກເຮົາໄດ້ເຮັດວຽກຢ່າງໃກ້ຊິດກັບທີ່ປຶກສາຊາວໜຸ່ມຂອງເຟສບຸກ (Facebook’s Youth Advisors), ເຊິ່ງເປັນທີມງານທີ່ມີຄວາມຊ່ຽວຊານດ້ານຄວາມປອດໄພໃນໂລກອິນເຕີເນັດ ແລະ ການພັດທະນາເດັກ ເພື່ອພວກເຮົາໄດ້ສືບຕໍ່ປຶກສາກັບຜູ້ສ້າງສັນຄວາມປອດໄພໃນໂລກອິນເຕີເນັດ ແລະ ເພື່ອໃຫ້ໝັ້ນໃຈໄດ້ວ່າພວກເຮົາກຳລັງນຳສະເໜີຮູບແບບການບໍລິການເພື່ອໃຫ້ຜູ້ປົກຄອງສາມາດຄວບຄຸມການໃຊ້ງານໄດ້ຢ່າງສະໝໍ່າສະເໝີ ດ້ວຍຄຸນສົມບັດຕ່າງໆທີ່ຊ່ວຍໃຫ້ເດັກນ້ອຍຮຽນຮູ້ການເຊື່ອມຕໍ່ຢ່າງມີຄວາມຮັບຜິດຊອບ.ເຟສບຸກ (messenger kids) ໄດ້ຮັບອະນຸຍາດເປີດໃຊ້ໃນລາວ ໂຫລດມາໃຊ້ເລີຍ ມີຫລາກຫລາຍຄວາມສາມາດ - 1513388352533 300x169 - ເຟສບຸກ (Messenger Kids) ໄດ້ຮັບອະນຸຍາດເປີດໃຊ້ໃນລາວ ໂຫລດມາໃຊ້ເລີຍ ມີຫລາກຫລາຍຄວາມສາມາດ
ສ້າງມາເພື່ອເດັກນ້ອຍ, ຄວບຄຸມໂດຍພໍ່ແມ່
ເມັສເຊັນເຈີ ຄິດສ ເຕັມໄປດ້ວຍລູກຫຼີ້ນ (Features) ສໍາລັບເດັກນ້ອຍເພື່ອເຊື່ອມຕໍ່ກັບຄົນທີ່ພວກເຂົາຮັກ. ເມື່ອບັນຊີ (Account) ຂອງພວກເຂົາຖືກຕິດຕັ້ງໂດຍພໍ່ແມ່ແລ້ວ, ເດັກນ້ອຍສາມາດເລີ່ມສົນທະນາດ່ຽວກັບໝູ່ ຫຼື ສົນທະນາກັນເປັນກຸ່ມໃນຮູບແບບວີດີໂອ. ໜ້າຫຼັກຈະສະແດງໃຫ້ເຫັນວ່າເດັກນ້ອຍຕິດຕໍ່ກັບໃຜແດ່ ແລະ ແມ່ນໃຜແດ່ທີ່ອອນລາຍໃນເວລານັ້ນ.
• ສະຕິກເກີ້ໜ້າກາກທີ່ຫຼີ້ນໄດ້ຢ່າງມ່ວນຊື່ນ (Playful masks), ອິໂມຈິ (emojis) ແລະ ສຽງປະກອບ (sound effects) ເຮັດໃຫ້ການສົນທະນາມີຊີວິດຊີວາດີ.
• ສຳລັບວີດີໂອສົນທະນາ, ເດັກນ້ອຍສາມາດສົ່ງຮູບພາບ, ວີດີໂອ ຫຼື ຂໍ້ຄວາມ ໄປຫາໝູ່ຂອງພວກເຂົາທີ່ຜູ້ປົກຄອງອະນຸຍາດ ແລະ ພີ່ນ້ອງຜູ້ອື່ນໆ ກໍສາມາດຮັບຂໍ້ຄວາມຜ່ານແອັບ ເມັສເຊັນເຈີ ເປັນປົກກະຕິໄດ້.
• ຫ້ອງລວມເຄື່ອງຫຼີ້ນສຳລັບເດັກນ້ອຍແລະກຣາຟິກທີ່ຖືກຄັດສັນມາຢ່າງດີເຊັ່ນ: ພາບເຄື່ອນໄຫວ (GIFs), ຂອບຮູບ, ສະຕິກເກີ້, ໜ້າກາກ ແລະ ເຄື່ອງມືເເຕ້ມຮູບ ທີ່ເລືອກສັນມາຢ່າງດີເຮັດໃຫ້ເດັກນ້ອຍຕົກແຕ່ງເນື້ອໃນແລະໄດ້ສະແດງຄວາມເປັນໂຕຂອງໂຕເອງໄດ້
• ເມັສເຊັນເຈີ ຄິດສ ເປີດໃຫ້ປະຊາຊົນສາມາດຄວບຄຸມໄດ້ຫຼາຍຂຶ້ນ. ພໍ່ແມ່ສາມາດບໍລິຫານລາຍຊື່ຜູ້ຕິດຕໍ່ ແລະ ສາມາດຕິດຕາມການນຳໃຊ້ແອັບຂອງເດັກນ້ອຍ. ພ້ອມນີ້ພໍ່ແມ່ຍັງສາມາດຄວບຄຸມບັນຊີຂອງເດັກນ້ອຍແລະລາຍຊື່ຜູ້ຕິດຕໍ່ຜ່ານແຜງຄວບຄຸມຫຼັກ (Messenger Kids Parent Dashboard) ຈາກແອັບ ເຟສບຸກ ທັງໃນ iOS ແລະ Androd.

ຂັ້ນຕອນການເລີ່ມຕົ້ນໃຊ້ງານເຟສບຸກ (messenger kids) ໄດ້ຮັບອະນຸຍາດເປີດໃຊ້ໃນລາວ ໂຫລດມາໃຊ້ເລີຍ ມີຫລາກຫລາຍຄວາມສາມາດ - MessengerKids 300x168 - ເຟສບຸກ (Messenger Kids) ໄດ້ຮັບອະນຸຍາດເປີດໃຊ້ໃນລາວ ໂຫລດມາໃຊ້ເລີຍ ມີຫລາກຫລາຍຄວາມສາມາດ
ທຸກບັນຊີຜູ້ໃຊ້ຂອງເດັກນ້ອຍໃນ ເມັສເຊັນເຈີ ຄິດສ ຈະຕ້ອງສ້າງຂຶ້ນໂດຍພໍ່ແມ່. ການສ້າງບັນຊີຜູ້ໃຊ້ ເມັສເຊັນເຈີ ຄິດສ (Messenger Kids) ແມ່ນຜ່ານ 4 ຂັ້ນຕອນດັ່ງນີ້
• ດາວໂຫຼດ: ຂັ້ນຕອນທຳອິດພໍ່ແມ່ຕ້ອງດາວໂຫຼດແອັບ ເມັສເຊັນເຈີ ຄິດສ ໃນ iPad, iPod touch ຫຼື iPhone (ຄິກດາວໂຫລດ) ຂອງເດັກນ້ອຍ. ສໍາລັບ ເມັສເຊັນເຈີ ຄິດສ ໃນລະບົບ Android (ຄິກດາວໂຫລດ) ກຳລັງຈະເປີດໃຫ້ດາວໂຫຼດຜ່ານ Play Store ຂອງ Google.
• ອະນຸມັດການໃຊ້: ພໍ່ແມ່ຈະຕ້ອງເປັນຜູ້ອະນຸມັດການນຳໃຊ້ແອັບໃຫ້ເດັກນ້ອຍ ແລະການຢືນຢັນອຸປະກອນການເຊື່ອມຕໍ່ຂອງເດັກນ້ອຍດ້ວຍການເຂົ້າສູ່ລະບົບຜ່ານບັນຊີຜູ້ໃຊ້ Facebook ແລະລະຫັດຂອງພໍ່ແມ່ເອງ ຂັ້ນຕອນນີ້ຈະບໍ່ແມ່ນການສ້າງບັນຊີຜູ້ໃຊ້ Facebook ໃຫ້ແກ່ເດັກນ້ອຍ ຫຼື ເຮັດໃຫ້ເດັກນ້ອຍສາມາດເຂົ້າສູ່ບັນຊີຜູ້ໃຊ້ Facebook ຂອງພໍ່ແມ່ໄດ້.
• ສ້າງບັນຊີ: ສ້າງບັນຊີຜູ້ໃຊ້ໃຫ້ກັບເດັກນ້ອຍດ້ວຍການໃສ່ຊື່ຂອງພວກເຂົາ ແລະ ຈຳກັດຄຸນສົມບັດ (Features) ເຊິ່ງພໍ່ແມ່ຈະເປັນຜູ້ກໍານົດລາຍຊື່ແລະລາຍລະອຽດອື່ນໆໃຫ້ແກ່ເດັກນ້ອຍ ຫຼັງຈາກຂັ້ນຕອນນີ້ພໍ່ແມ່ສາມາດສົ່ງຄືນອຸປະກອນການເຊື່ອມຕໍ່ໃຫ້ແກ່ເດັກນ້ອຍແລະເລີ່ມຕົ້ນໃຊ້ງານແອັບເພື່ອຕິດຕໍ່ສົນທະນາກັບຄອບຄົວແລະໝູ່ຄູ່ໄດ້.
• ເພີ່ມໝູ່: ການເພີ່ມໝູ່ໃນລາຍຊື່ຜູ້ໃຊ້ທີ່ພໍ່ແມ່ເປັນຜູ້ຄວບຄຸມແມ່ນເປີດໄປໜ້າຄວບຄຸມຫຼັກ ເມັສເຊັນເຈີ ຄິດສ ຈາກແອັບ Facebook ຫຼັກຂອງພໍ່ແມ່ ຈາກນັ້ນກົດບ່ອນ “ເພີ່ມຕື່ມ” (More) ເຊິ່ງຢູ່ທາງລຸ່ມດ້ານຂວາຂອງ Facebook ຫຼັກ ແລະກົດ “Messenger Kids” ເພື່ອໄປສູ່ “ສຳຫຼວດ” (Explore).
ຂໍ້ມູນເພີ່ມຕື່ມອື່ນໆ
ບໍ່ມີໂຄສະນາໃດໆຢູ່ໃນ ເມັສເຊັນເຈີ ຄິດສ (Messenger Kids) ແລະ ຂໍ້ມູນຂອງເດັກນ້ອຍຈະບໍ່ຖືກນໍາໃຊ້ໃນການໂຄສະນາຕ່າງໆ. ເປັນແອັບທີ່ສາມາດດາວໂຫຼດມາໃຊ້ໄດ້ລ້າໆໂດຍບໍ່ມີຄ່າໃຊ້ຈ່າຍໃດໆ. ເມັສເຊັນເຈີ ຄິດສ (Messenger Kids) ຍັງໄດ້ຮັບການອອກແບບໃຫ້ຖືກຕ້ອງຕາມກົດໝາຍການຄຸ້ມຄອງຂໍ້ມູນອອນລາຍສ່ວນບຸກຄົນຂອງເດັກນ້ອຍ ແລະ ການຮັກສາຂໍ້ມູນຂອງເດັກນ້ອຍ (Children’s Online Privacy and Protection Act ຫຼື COPPA).
ພວກເຮົາຈະສືບຕໍ່ເຮັດວຽກກັບພໍ່ແມ່, ຜູ້ຮັກສາຄວາມປອດໄພ ແລະ ຜູ້ຊ່ຽວຊານດ້ານຄວາມໝັ້ນຄົງເພື່ອພັດທະນາ ເມັສເຊັນເຈີ ຄິດສ (Messenger Kids) ແລະມື້ນີ້ພວກເຮົາໄດ້ປະກາດທາງເລືອກໃໝ່ເພື່ອຊ່ວຍພໍ່ແມ່ເຊື່ອມຕໍ່ລູກໆກັບໝູ່ຂອງເຂົາເຈົ້າ. ສຳລັບລູກຫຼີ້ນໃໝ່ໆນີ້ຈະສາມາດໃຊ້ໄດ້ທົ່ວໂລກພາຍໃນໄວໆນີ້. ສາມາດອ່ານຂໍ້ມູນເພີ່ມຕື່ມໄດ້ທີ່

https://messengernews.fb.com/2020/04/22/expanding-messenger-kids-to-more-countries-and-adding-new-features.

ເຟສບຸກ (messenger kids) ໄດ້ຮັບອະນຸຍາດເປີດໃຊ້ໃນລາວ ໂຫລດມາໃຊ້ເລີຍ ມີຫລາກຫລາຍຄວາມສາມາດ - Wave100S AD to Website 2020 0 - ເຟສບຸກ (Messenger Kids) ໄດ້ຮັບອະນຸຍາດເປີດໃຊ້ໃນລາວ ໂຫລດມາໃຊ້ເລີຍ ມີຫລາກຫລາຍຄວາມສາມາດ

ເຟສບຸກ (messenger kids) ໄດ້ຮັບອະນຸຍາດເປີດໃຊ້ໃນລາວ ໂຫລດມາໃຊ້ເລີຍ ມີຫລາກຫລາຍຄວາມສາມາດ - thumbnail messenger kids 300x168 - ເຟສບຸກ (Messenger Kids) ໄດ້ຮັບອະນຸຍາດເປີດໃຊ້ໃນລາວ ໂຫລດມາໃຊ້ເລີຍ ມີຫລາກຫລາຍຄວາມສາມາດ

ສຳລັບຂໍ້ມູນເລິິກກ່ຽວກັບແອັບສາມາດເບິ່ງໄດ້ທີ່ messengerkids.com.
ສຳລັບຂໍ້ມູນຫຼ້າສຸດກ່ຽວກັບການນຳໃຊ້ແອັບສາມາດເບິ່ງໄດ້ທີ່ Help Center.
ຂໍ້ມູນເພີ່ມຕື່ມໄດ້ທີ່BigBlue Agency Laos,ນາງ ປານມະນີ ອຳພອນຈິດ ໂທ +85620 29846989 ແລະ +85620 78995959

ເຟສບຸກ (messenger kids) ໄດ້ຮັບອະນຸຍາດເປີດໃຊ້ໃນລາວ ໂຫລດມາໃຊ້ເລີຍ ມີຫລາກຫລາຍຄວາມສາມາດ - lattana 1 - ເຟສບຸກ (Messenger Kids) ໄດ້ຮັບອະນຸຍາດເປີດໃຊ້ໃນລາວ ໂຫລດມາໃຊ້ເລີຍ ມີຫລາກຫລາຍຄວາມສາມາດ
error: Alert: Content is protected !!