ປະເທດກຳລັງພັດທະນາ ເຈັບຊ້ຳສຸດ ‘ໂຄວິດ’ ລະບາດ

ປະເທດກຳລັງພັດທະນາ ເຈັບຊ້ຳສຸດ ‘ໂຄວິດ’ ລະບາດ - 241 - ປະເທດກຳລັງພັດທະນາ ເຈັບຊ້ຳສຸດ ‘ໂຄວິດ’ ລະບາດ
ປະເທດກຳລັງພັດທະນາ ເຈັບຊ້ຳສຸດ ‘ໂຄວິດ’ ລະບາດ - Untitled design - ປະເທດກຳລັງພັດທະນາ ເຈັບຊ້ຳສຸດ ‘ໂຄວິດ’ ລະບາດ

     ຈະເກີດຫຍັງຂຶ້ນເມື່ອ IMF ລະບຸວ່າ: ມີຄວາມສ່ຽງສູງຫລາຍທີ່ບັນດານັກລົງທຶນຕ່າງປະເທດຈະຖອນການລົງທຶນອອກຈາກກຸ່ມປະເທດກຳລັງພັດທະນາ.

ໂລກກຳລັງຜະເຊີນກັບສະພາບເສດຖະກິດຕົກຕໍ່າຢ່າງໜັກ ເພາະຜົນຂອງການແຜ່ລະບາດໄວຣັສໂຄໂຣນາ ສາຍພັນໃໝ່ ຕົ້ນຕໍໂຣກໂຄວິດ-19, ແຕ່ກຸ່ມປະເທດທີ່ໄດ້ຮັບຜົນກະທົບໜັກທີ່ສຸດຈາກກໍລະນີຄື: ກຸ່ມປະເທດກຳລັງພັດທະນາ ເຊິ່ງກອງທຶນການເງິນສາກົນ (IMF) ແລະ ສະຖາບັນການເງິນ ຫລື ໜ່ວຍງານດ້ານເສດຖະກິດທົ່ວໂລກຕ່າງອອກລາຍງານເຕືອນວ່າ: ເສດຖະກິດຂອງກຸ່ມປະເທດກຳລັງພັດທະນາຈະຫລຸດລົງຕໍ່າສຸດນັບແຕ່ເກີດເສດຖະກິດຕົກຕໍ່າໃນປີ 1929.

ຄວາມຈິງແລ້ວ, ການແຜ່ລະບາດຂອງໂຄວິດ-19 ສົ່ງຜົນກະທົບຕໍ່ເສດຖະກິດເກືອບທຸກປະເທດທົ່ວໂລກ ໂດຍ IMF ຄາດຄະເນວ່າ: 170 ປະເທດ ທັງປະເທດທີ່ມີຖານະຮັ່ງມີ ແລະ ປະເທດທີ່ມີຖານະທຸກຍາກລ້ວນຕ້ອງພົບປະສົບການກິດຈະກຳທາງເສດຖະກິດປັບຫລຸດລົງເກືອບທັງໝົດ ເຊິ່ງໝາຍຄວາມວ່າມາດຕະຖານການດຳເນີນຊີວິດ ໂດຍສະເລ່ຍຂອງປະຊາກອນທົ່ວໂລກຫລຸດຕໍ່າລົງນຳອີກ.

ບັນດາຜູ້ສົ່ງອອກສິນຄ້າທີ່ຂາຍສິນຄ້າໃຫ້ແກ່ຜູ້ປະກອບການໃນອຸດສາຫະກຳຕ່າງໆຈຳນວນຫລາຍກໍໄດ້ຮັບຜົນກະທົບ ຈາກການຖືກສັ່ງປິດສາຍການຜະລິດ ພາຍໃຕ້ມາດຕະການເຂັ້ມງວດ ເພື່ອສະກັດກັ້ນການແຜ່ລະບາດຂອງໂຄວິດ-19 ບວກກັບຄຳສັ່ງຊື້ສິນຄ້າຫລຸດລົງ ເຮັດໃຫ້ລາຄາສິນຄ້າຫລຸດລົງໄປນຳ. ສິນຄ້າບາງປະເທດຫລຸດລົງຢ່າງໜັກ ໂດຍນ້ຳມັນເປັນຕົວຢ່າງທີ່ຈະແຈ້ງທີ່ສຸດ ຄວາມຕ້ອງການນ້ຳມັນຫລຸດລົງຢ່າງໜັກ ເພາະຜົນພວງຈາກຄຳສັ່ງຫ້າມການເດີນທາງ ສົ່ງຜົນໃຫ້ເຊື້ອໄຟທີ່ໃຊ້ໃນການຂົນສົ່ງຫາຍໄປຈາກຕະຫລາດໃນອັດຕາສ່ວນກວ່າ 90%.

ປະເທດກຳລັງພັດທະນາ ເຈັບຊ້ຳສຸດ ‘ໂຄວິດ’ ລະບາດ - Wave100S AD to Website 2020 0 - ປະເທດກຳລັງພັດທະນາ ເຈັບຊ້ຳສຸດ ‘ໂຄວິດ’ ລະບາດ

ສະຖານະການ “ລາຄານ້ຳມັນ” ໃນຕະຫລາດໂລກ ຖືກກະທົບຊ້ຳຕື່ມຈາກການເຮັດສົງຄາມລາຄານ້ຳມັນລະຫວ່າງຜູ້ສົ່ງອອກລາຍໃຫຍ່ສຸດຂອງໂລກ 2 ປະເທດຄື: ຣັດເຊຍ ແລະ ອາຣັບບີ ຊາອຸດິດ ເມື່ອມາລວມກັບສະຖານະການພິເສດ ແລະ ປັດໄຈລົບຕ່າງໆ ເຮັດໃຫ້ລາຄານ້ຳມັນເວສເທັກຊັດ ຕະຫລາດໄນເມັກຫລຸດລົງ ປິດຕະຫລາດລາຄາຕິດລົບເປັນຄັ້ງທຳອິດໃນຮອບ 27 ປີ ເມື່ອມໍ່ໆນີ້ ເຊິ່ງສິ່ງທີ່ເກີດຂຶ້ນບໍ່ແມ່ນເລື່ອງປົກກະຕິທີ່ເກີດກັບອຸດສາຫະກຳນ້ຳມັນ ຫາກເນັ້ນເຖິງຄວາມບໍ່ສົມດູນລະຫວ່າງອຸປະສົງ ແລະ ອຸປະທານນ້ຳມັນດິບໃນຕະຫລາດໂລກ.

ປະເທດກຳລັງພັດທະນາຕ້ອງຮັບມືກັບບັນຫານັກລົງທຶນຕ່າງປະເທດຖອນເງິນທຶນອອກນຳ ໂດຍທ່ານ ກິຕາ ໂກປິນານ ຫົວໜ້ານັກເສດຖະສາດຂອງ IMF ລະບຸວ່າ: ມີຄວາມສ່ຽງສູງທີ່ບັນດານັກລົງທຶນຕ່າງປະເທດຈະຖອນການລົງທຶນຈາກກຸ່ມປະເທດກຳລັງພັດທະນາ ເຊິ່ງໝາຍຄວາມວ່າ: ນັກລົງທຶນຕ່າງປະເທດເຫລົ່ານີ້ ມີທ່າອ່ຽງສູງຈະຂະຫຍາຍພັນທະບັດລັດຖະບານ ແລະ ຫຸ້ນໃນຕະຫລາດເກີດໃໝ່ ແລະ ຖອນເງິນລົງທຶນອອກໄປໄວ້ບ່ອນອື່ນ, ພວກເຂົາເບິ່ງວ່າມີຄວາມປອດໄພຫລາຍກວ່າເຊັ່ນ: ອາເມລິກາ, ເອີຣົບ ຫລື ຍີ່ປຸ່ນ.

ປະເທດກຳລັງພັດທະນາ ເຈັບຊ້ຳສຸດ ‘ໂຄວິດ’ ລະບາດ - WhatsApp Image 2020 05 27 at 5 - ປະເທດກຳລັງພັດທະນາ ເຈັບຊ້ຳສຸດ ‘ໂຄວິດ’ ລະບາດ
ປະເທດກຳລັງພັດທະນາ ເຈັບຊ້ຳສຸດ ‘ໂຄວິດ’ ລະບາດ - WhatsApp Image 2020 05 27 at 5 - ປະເທດກຳລັງພັດທະນາ ເຈັບຊ້ຳສຸດ ‘ໂຄວິດ’ ລະບາດ
error: Alert: ເນື້ອຫາຂ່າວມີລິຂະສິດ !!