ຊື່ເດັກເກີດໃໝ່ຊ່ວງນີ້ເຊື່ອມໂຍງກັບໂຄວິດ-19

ຊື່ເດັກເກີດໃໝ່ຊ່ວງນີ້ເຊື່ອມໂຍງກັບໂຄວິດ-19 - 291 - ຊື່ເດັກເກີດໃໝ່ຊ່ວງນີ້ເຊື່ອມໂຍງກັບໂຄວິດ-19
ຊື່ເດັກເກີດໃໝ່ຊ່ວງນີ້ເຊື່ອມໂຍງກັບໂຄວິດ-19 - Untitled design - ຊື່ເດັກເກີດໃໝ່ຊ່ວງນີ້ເຊື່ອມໂຍງກັບໂຄວິດ-19

     ພໍ່ແມ່ທີ່ມີລູກເກີດໃໝ່ໃນຊ່ວງນີ້ຫລາຍຄົນຕັ້ງຊື່ລູກໃຫ້ກ່ຽວຂ້ອງກັບໂຣກຕິດເຊື້ອໄວຣັສໂຄໂຣນາ 2019 ຫລື ໂຄວິດ-19 ເຊັ່ນ: ໂຄໂຣນາ, ໂຄວິດ ຫລື ລັອກດາວ ເຖິງວ່າອາດເຮັດໃຫ້ລູກຕ້ອງຖືກຜູກມັດກັບໂຣກລະບາດຮ້າຍແຮງໄປຕະຫລອດຊີວິດ.

ແມ່ຍິງອາຍຸ 23 ປີ ຢູ່ເມືອງບາໂຄລອດ ທາງຕອນກາງຂອງຟີລິບປິນ ເກີດລູກຜູ້ຍິງໃນວັນທີ 13 ເມສາ, ນາງ ແລະ ຜົວຕັ້ງຊື່ລູກວ່າ: ໂຄວິດ ມາຣີ ເພື່ອເນັ້ນເຕືອນວ່າ: ເຖິງວ່າພະຍາດໂຄວິດ-19 ສ້າງຄວາມເດືອດຮ້ອນແສນສາຫັດໄປທົ່ວໂລກ, ແຕ່ກໍເປັນຊ່ວງເວລາທີ່ຄອບຄົວຂອງນາງມີຄວາມດີໃຈທີ່ໄດ້ລູກສາວ. ຜົວຂອງນາງເປີດເຜີຍວ່າ: ຖືກສື່ສັງຄົມອອນລາຍວິຈານທີ່ຕັ້ງຊື່ລູກແບບນີ້, ແຕ່ບໍ່ໄດ້ເຮັດໃຫ້ລັງເລ, ລູກສາວອາດຖືກລໍ້ຊື່ໂຄວິດ, ແຕ່ລາວຈະສອນໃຫ້ລູກເປັນຄົນດີ.

ສ່ວນຢູ່ອິນເດຍ ແມ່ສອງຄົນຢູ່ທາງຕາເວັນອອກສຽງໃຕ້ຂອງປະເທດຕັ້ງຊື່ລູກວ່າ: ໂຄໂຣນາ ກຸມານ ແລະ ໂຄໂຣນາ ກຸມາຣີ ຕາມຄຳແນະນຳຂອງທ່ານໝໍຜູ້ເບິ່ງແຍງທີ່ຢາກໃຫ້ທຸກຄົນເນັ້ນໜັກເຖິງອັນຕະລາຍຂອງພະຍາດໂຄວິດ-19, ແຕ່ບໍ່ລັງກຽດແບບຜູ້ປ່ວຍ. ທ່ານໝໍເອງກໍແປກໃຈທີ່ແມ່ທັງສອງຄົນເຫັນດີນຳ.

ຊື່ເດັກເກີດໃໝ່ຊ່ວງນີ້ເຊື່ອມໂຍງກັບໂຄວິດ-19 - Wave100S AD to Website 2020 0 - ຊື່ເດັກເກີດໃໝ່ຊ່ວງນີ້ເຊື່ອມໂຍງກັບໂຄວິດ-19

ສ່ວນຜົວເມຍແຮງງານຕ່າງຖິ່ນທີ່ຕ້ອງຕິດຄ້າງຢູ່ໃນພາກພື້ນຕາເວັນອອກສຽງເໜືອຂອງອິນເດຍ ຫ່າງຈາກບ້ານເກີດໃນລັດຣາຊສະຖານ ທາງຕອນເໜືອຂອງປະເທດໄປຫລາຍພັນກິໂລແມັດ ຕັ້ງຊື່ລູກຊາຍວ່າ ລັອກດາວ ເພື່ອເປັນເຄື່ອງເຕືອນໃຈເຖິງຊ່ວງເວລາຍາກລຳບາກທີ່ຕ້ອງຜະເຊີນໃນຊ່ວງເວລາປິດເມືອງ ບໍ່ສາມາດເດີນທາງກັບບ້ານເກີດໄດ້.

ຊື່ເດັກເກີດໃໝ່ຊ່ວງນີ້ເຊື່ອມໂຍງກັບໂຄວິດ-19 - WhatsApp Image 2020 05 27 at 5 - ຊື່ເດັກເກີດໃໝ່ຊ່ວງນີ້ເຊື່ອມໂຍງກັບໂຄວິດ-19
ຊື່ເດັກເກີດໃໝ່ຊ່ວງນີ້ເຊື່ອມໂຍງກັບໂຄວິດ-19 - WhatsApp Image 2020 05 27 at 5 - ຊື່ເດັກເກີດໃໝ່ຊ່ວງນີ້ເຊື່ອມໂຍງກັບໂຄວິດ-19
error: Alert: ເນື້ອຫາຂ່າວມີລິຂະສິດ !!