ບົດຮຽນກ່ຽວກັບແຮງງານ ແລະ ອາຊີບຢູ່ບ້ານເພິ່ນ

ບົດຮຽນກ່ຽວກັບແຮງງານ ແລະ ອາຊີບຢູ່ບ້ານເພິ່ນ - 555 2 - ບົດຮຽນກ່ຽວກັບແຮງງານ ແລະ ອາຊີບຢູ່ບ້ານເພິ່ນ
ບົດຮຽນກ່ຽວກັບແຮງງານ ແລະ ອາຊີບຢູ່ບ້ານເພິ່ນ - Untitled design - ບົດຮຽນກ່ຽວກັບແຮງງານ ແລະ ອາຊີບຢູ່ບ້ານເພິ່ນ

ທ່ານ ວິເສດ ສະແຫວງສຶກສາ

ປີນີ້ພວກເຮົາລະນຶກວັນກຳມະກອນສາກົນ 1 ພຶດສະພາ ຄົບຮອບ 134 ປີ ແບບງຽບໆ, ບໍ່ມີການໂຮມຊຸມນຸມ ຫລື ຈັດກິດຈະກຳສະເພາະ ຍ້ອນເປັນໄລຍະທົ່ວລາວ-ທົ່ວໂລກພວມເຝົ້າລະວັງການແຜ່ລະບາດຂອງພະຍາດໂຄວິດ-19. ແຕ່ເຖິງຈະງຽບກໍຮັບປະກັນໄດ້ຄວາມໝາຍຄວາມສຳຄັນຂອງວັນສຳຄັນດັ່ງກ່າວໄດ້ໂດຍອາໄສພາຫະນະສື່. ບົດທີ່ທ່ານພວມອ່ານຢູ່ດຽວນີ້ກໍແມ່ນສ່ວນປະກອບນ້ອຍໆໜຶ່ງ ເພື່ອໃຫ້ສັງຄົມບ້ານເຮົາເຫັນໄດ້ການສົ່ງເສີມ ແລະ ພັດທະນາສິດທິເຂົ້າເຖິງແຮງງານ ໂດຍຍົກເອົາຕົວຢ່າງທີ່ດີຢູ່ບ້ານເພິ່ນເມືອງທ່ານຈຳນວນໜຶ່ງມາເບິ່ງໄວ້ເປັນບົດຮຽນ ເຊັ່ນການຮັບປະກັນຄວາມສະເໝີພາບໃນຕະຫລາດແຮງງານລະຫວ່າງຍິງ-ຊາຍຢູ່ປະເທດເມັກຊິກ ຫລື ເມັກຊິໂກ, ການຮັບປະກັນຄວາມປອດໄພຂອງລາຍຮັບ-ເງິນເດືອນຂອງແຮງງານຕ່າງປະເທດຢູ່ສິງກະໂປ ແລະ ສຸດທ້າຍແມ່ນມາດຕະການສະຫງວນອາຊີບໄວ້ໃຫ້ປະຊາຊົນທີ່ເປັນເຈົ້າຂອງປະເທດທີ່ກຳປູເຈຍ.

ຢູ່ປະເທດເມັກຊິກ ມີຂ່າວອອກມາໃນລະຫວ່າງກາງປີ 2018 ວ່າ: ທາງກະຊວງການເງິນ ແລະ ສິນເຊື່ອພາກລັດຂອງປະເທດນີ້ ໄດ້ເພີ່ມງົບປະມານພິເສດຂຶ້ນ 2 ເທົ່າຕົວ ສຳລັບໂຄງການຊ່ວຍເຫລືອນັກທຸລະກິດເພດຍິງໃນຂະແໜງທຸລະກິດຂະໜາດກາງ ແລະ ນ້ອຍ ຈາກຈຳນວນປະມານ 350 ລ້ານໂດລາສະຫະລັດ ໃນເມື່ອກ່ອນ ມາເປັນປະມານ 700 ລ້ານໂດລາສະຫະລັດ ນັບແຕ່ປີ 2018 ເປັນຕົ້ນມາ. ດ້ວຍງົບປະມານສະໜັບສະໜູນດັ່ງກ່າວຈາກພາກລັດ, ແມ່ຍິງໄດ້ມີໂອກາດເຂົ້າຮ່ວມໃນການພັດທະນາການຜະລິດທຸລະກິດຫລາຍຂຶ້ນ, ເພີ່ມຂີດຄວາມສາມາດໃຫ້ແມ່ຍິງກ້າວຂຶ້ນສູ່ຕຳແໜ່ງຜູ້ຈັດການບັນດາບໍລິສັດຕ່າງໆ ເຊິ່ງເປັນປັດໄຈສຳຄັນໃນການຮັດແຄບຄວາມບໍ່ສະເໝີພາບລະຫວ່າງຍິງ-ຊາຍໃນຕະຫລາດແຮງງານ. ອົງການເພື່ອການຮ່ວມມື ແລະ ພັດທະນາເສດຖະກິດ (OECD) ໄດ້ຄາດຄະເນວ່າ: ຄວາມສະເໝີພາບລະຫວ່າງເພດໃນຕະຫລາດແຮງງານດັ່ງກ່າວຈະຊ່ວຍໃຫ້ຍອດຜະລິດຕະພັນພາຍໃນຂອງປະເທດນີ້ (GDP) ສະເລ່ຍໃສ່ຫົວຄົນເພີ່ມຂຶ້ນຕື່ມອີກ 1.100 ໂດລາສະຫະລັດ ພາຍໃນປີ 2040.

ບົດຮຽນກ່ຽວກັບແຮງງານ ແລະ ອາຊີບຢູ່ບ້ານເພິ່ນ - Wave100S AD to Website 2020 0 - ບົດຮຽນກ່ຽວກັບແຮງງານ ແລະ ອາຊີບຢູ່ບ້ານເພິ່ນ

ຢູ່ສິງກະໂປ, ຄວາມຍຸຕິທຳ-ຄວາມປອດໄພທາງການເງິນ ເຊິ່ງເປັນເງິນເດືອນຂອງແຮງງານຕ່າງປະເທດນັ້ນ ໄດ້ຮັບການຄ້ຳປະກັນດ້ວຍມາດຕະການອັນຈຳເປັນຂອງທາງການ ຄືທາງກະຊວງແຮງງານຂອງສິງກະໂປ ໄດ້ອອກຄຳສັ່ງຫ້າມນາຍຈ້າງເຮັດໜ້າທີ່ເກັບຮັກສາເງິນເດືອນ, ເງິນລາຍຮັບຂອງແຮງງານຕ່າງປະເທດເດັດຂາດ ເຖິງແມ່ນວ່າຖືກຂໍຮ້ອງດ້ວຍຄວາມເຕັມໃຈຂອງຝ່າຍແຮງງານກໍຕາມ. ນາຍຈ້າງທຸກຄົນມີໜ້າທີ່ຊຸກຍູ້ໃຫ້ແຮງງານຕ່າງປະເທດເປີດບັນຊີເງິນຝາກຂອງຕົນຢູ່ທະນາຄານ. ຈຸດປະສົງຂອງຂໍ້ຫ້າມດັ່ງກ່າວກໍແມ່ນເພື່ອປົກປ້ອງທັງນາຍຈ້າງ ແລະ ແຮງງານ ເພາະໃນໄລຍະຜ່ານມານັ້ນເຄີຍມີບັນຫາຂັດແຍ່ງ ແລະ ຄວາມບໍ່ສະດວກທີ່ເກີດຈາກການທີ່ນາຍຈ້າງເກັບຮັກສາເງິນເດືອນໄວ້ໃຫ້ແຮງງານຕ່າງປະເທດ ເພາະທຸກຄັ້ງເມື່ອຕ້ອງການເງິນ, ແຮງງານທີ່ເປັນລູກຈ້າງຕ້ອງໄດ້ເຂົ້າໄປຫານາຍຈ້າງ, ສ່ວນນາຍຈ້າງເອງກໍຕ້ອງໄດ້ເພີ່ມວຽກໃນການເກັບຮັກສາເງິນຄ່າແຮງງານໃຫ້ປອດໄພ ແລະ ຄົບຖ້ວນ. ຄຳສັ່ງຫ້າມດັ່ງກ່າວໄດ້ກຳນົດໂທດນາຍຈ້າງທີ່ລະເມີດ ດ້ວຍການປັບໄໝເປັນເງິນສູງເຖິງ 10.000 ໂດລາສິງກະໂປ ແລະ ໂທດຕິດຄຸກສູງສຸດ 12 ເດືອນ. ສຳລັບຢູ່ກຳປູເຈຍ ກໍມີຂ່າວອອກມາ ເມື່ອຕົ້ນເດືອນກັນຍາ 2019 ວ່າ: ທາງກະຊວງແຮງງານ ແລະ ຝຶກອົບຮົມວິຊາຊີບ ໄດ້ອອກຄຳສັ່ງຫ້າມຊາວຕ່າງປະເທດເຮັດອາຊີບດັ່ງຕໍ່ໄປນີ້ຄື: ເປັນໂຊເຟີຂັບລົດເທັກຊີ, ລົດຕຸກໆ ແລະ ລົດສາມລໍ້, ຊ່າງເສີມສວຍ, ຂາຍສິນຄ້າຕາມເສັ້ນທາງ, ພະນັກງານນວດບຳບັດ, ຊ່າງຕັດເຄື່ອງ, ຊ່າງສ້ອມແປງລົດ, ຊ່າງຜະລິດເຄື່ອງລະນຶກທີ່ເປັນເອກະລັກຂອງກຳປູເຈຍ, ຊ່າງຄຳ, ຊ່າງເຈຍລະໄນອັນຍະມະນີ ກໍຄືຊ່າງຜະລິດເຄື່ອງດົນຕີກຳປູເຈຍ. ອາຊີບທີ່ກ່າວມາຂ້າງເທິງນັ້ນສະຫງວນໄວ້ສະເພາະພົນລະເມືອງກຳປູເຈຍເທົ່ານັ້ນ.

ບົດຮຽນກ່ຽວກັບແຮງງານ ແລະ ອາຊີບຢູ່ບ້ານເພິ່ນ - WhatsApp Image 2020 05 27 at 5 - ບົດຮຽນກ່ຽວກັບແຮງງານ ແລະ ອາຊີບຢູ່ບ້ານເພິ່ນ
ບົດຮຽນກ່ຽວກັບແຮງງານ ແລະ ອາຊີບຢູ່ບ້ານເພິ່ນ - WhatsApp Image 2020 05 27 at 5 - ບົດຮຽນກ່ຽວກັບແຮງງານ ແລະ ອາຊີບຢູ່ບ້ານເພິ່ນ
error: Alert: ເນື້ອຫາຂ່າວມີລິຂະສິດ !!