ຍີ່ປຸ່ນຕີຖອຍພະຍາດໂຄວິດ-19 ດ້ວຍວິທີການໃດ?

ຍີ່ປຸ່ນຕີຖອຍພະຍາດໂຄວິດ-19 ດ້ວຍວິທີການໃດ? - 03 5 - ຍີ່ປຸ່ນຕີຖອຍພະຍາດໂຄວິດ-19 ດ້ວຍວິທີການໃດ?
ຍີ່ປຸ່ນຕີຖອຍພະຍາດໂຄວິດ-19 ດ້ວຍວິທີການໃດ? - Untitled design - ຍີ່ປຸ່ນຕີຖອຍພະຍາດໂຄວິດ-19 ດ້ວຍວິທີການໃດ?

ໂດຍ: ລູກເມືອງພວນ

ເຖິງແມ່ນຈະມີການລະບາດຂອງເຊື້ອໄວຣັດໂຄວິດ-19 ກໍຕາມ, ແຕ່ຍີ່ປຸ່ນບໍ່ໄດ້ປະກາດຫ້າມການເຄື່ອນໄຫວໄປມາຂອງປະຊາຊົນ, ບັນດາຫົວໜ່ວຍທຸລະກິດ, ຮ້ານອາຫານ, ຮ້ານຕັດຜົມ ກໍຍັງດຳເນີນໄດ້ເປັນປົກກະຕິ. ໃນນະຄອນຫຼວງ ໂຕກຽວເອງກໍບໍ່ໄດ້ກັນຫ້າມການເຄື່ອນໄຫວຂອງປະຊາຊົນແຕ່ຢ່າງໃດ ແລະ ເຂົາກໍບໍ່ໄດ້ມີສູນຄວບຄຸມການລະບາດຂອງເຊື້ອພະຍາດ, ໃນຂະນະທີ່ຫຼາຍປະເທດໃນອາຊີ ຖືເອົາການກວດຫາເຊື້ອເປັນກຸນແຈສຳຄັນໃນການຄວບຄຸມເຊື້ອພະຍາດ. ຍີ່ປຸ່ນດຳເນີນການກວດຫາເຊື້ອພຽງແຕ່ 2% ຂອງຈຳນວນປະຊາກອນ, ຖືວ່າເປັນຊາດທີ່ມີການກວດຫາເຊື້ອໄວຣັດໜ້ອຍທີ່ສຸດ.

ເຖິງຢ່າງໃດກໍຕາມ, ຈຳນວນຜູ້ເສຍຊີວິດຫຼຸດລົງຢ່າງຕໍ່ເນື່ອງລຸ່ມ 1.000 ຄົນ ແລະ ເປັນຕົວເລກຕໍ່າທີ່ສຸດໃນກຸ່ມ 7 ປະເທດທີ່ມີການພັດທະນາແລ້ວ. ວັນທີ 25 ພຶດສະພານີ້, ຍີ່ປຸ່ນປະກາດຍົກເລີກພາວະສຸກເສີນຢູ່ໃນນະຄອນ ໂຕກຽວ.

ຍ້ອນຫຍັງ ຍີ່ປຸ່ນຈຶ່ງສາມາດຄວບຄຸມເຊື້ອໄວຣັສໄດ້ ທັງໆທີ່ບໍ່ໄດ້ປະຕິບັດຕາມຫຼັກການຕ້ານໂຄວິດທີ່ມີຜົນສຳເລັດຂອງໂລກ. ທ່ານ Mikihito Tanaka ສາດສະດາຈານທາງໂທລະຄົມ ແລະ ຂ່າວສານ ວິທະຍາມະຫາວິທະຍາໄລ Waseda ທັງເປັນສະມາຊິກປະຊາສຳພັນກ່ຽວກັບພະຍາດໂຄວິດ-19 ກ່າວວ່າ: “ຖ້າເບິ່ງຕົວເລກການເສຍຊີວິດຫຼຸດລົງ, ແມ່ນສາມາດເວົ້າໄດ້ວ່າ ຍີ່ປຸ່ນມີຜົນສຳເລັດແທ້ ແຕ່ບັນດານັກຊ່ຽວຊານກໍຍັງບໍ່ຮູ້ໄດ້ວ່າ ຜົນສຳເລັດດັ່ງກ່າວແມ່ນເກີດມາຈາກສາເຫດອັນໃດ?”.

ບັນດາສື່ສັງຄົມທັງຫຼາຍໃຫ້ຮູ້ວ່າ: ຍີ່ປຸ່ນມີຜົນສໍາເລັດໃນການຄວບຄຸມເຊື້ອໄວຣັດນັ້ນ ມີຢູ່ 43 ເຫດຜົນດ້ວຍກັນເຊັ່ນວ່າ: ອັດຕາຜູ້ໃສ່ຜ້າອັດປາກ-ດັງກວມຈຳນວໜຫຼາຍ, ອັດຕາຜູ້ຕຸ້ຍອວບໜ້ອຍ ແລະ ນັບທັງປະກາດປິດໂຮງຮຽນແຕ່ຫົວທີ…ແລະ ອີກອັນໜຶ່ງ ການເວົ້າພາສາ ຍີ່ປຸ່ນ ກໍບໍ່ໄດ້ເຮັດໃຫ້ນໍ້າລາຍຟົ້ງອອກໄດ້ໄກ ຊຶ່ງຕ່າງກັບພາສາເວົ້າຂອງປະເທດອື່ນ.

ຍີ່ປຸ່ນຕີຖອຍພະຍາດໂຄວິດ-19 ດ້ວຍວິທີການໃດ? - Wave100S AD to Website 2020 0 - ຍີ່ປຸ່ນຕີຖອຍພະຍາດໂຄວິດ-19 ດ້ວຍວິທີການໃດ?

ຜູ້ຊ່ຽວຊານຂອງ Bloomberg News ຍົກໃຫ້ເຫັນເຫດຜົນທີ່ຍີ່ປຸ່ນມີຜົນສຳເລັດນັ້ນອີກວ່າ: ກ່ອນອື່ນໝົດ ແມ່ນຍ້ອນຕາຂ່າຍສາທາລະນະສຸກທ້ອງຖິ່ນມີຄວາມສະດຸ້ງໄວຕໍ່ການແຜ່ລະບາດຂອງພະຍາດແຕ່ຫົວທີ. ຖັນແຖວແພດໝໍຫຼາຍກວ່າ 50.000 ຄົນທີ່ເຮັດວຽກມາແຕ່ປີ 2018 ນັ້ນລ້ວນແຕ່ມີບົດຮຽນໃນການປິ່ນປົວພະຍາດລະບາດມາກ່ອນ. Kazuto Suzuki ສາດສະດາຈານກ່ຽວກັບນະໂຍບາຍຂອງມະຫາວິທະຍາໄລ Hokkaido ໃຫ້ຄໍາເຫັນວ່າ: “ບໍ່ໄດ້ນຳໃຊ້ລະບົບແບບສິງກະໂປ ແຕ່ກໍມີປະສິດທິຜົນດີ”. ໃນຂະນະທີ່ບັນດາປະເທດເຊັ່ນ: ອັງກິດ, ສະຫະລັດອາເມລິກາ ໄດ້ຈ້າງ ແລະ ກໍ່ສ້າງຖັນແຖວພະນັກງານໄວ້ຄອຍລະວັງໃນເມື່ອຫາກມີການເປີດປະຕູເສດຖະກິດ. ສ່ວນຍີ່ປຸ່ນແມ່ນໄດ້ມີ ຖັນແຖວພະນັກງານເຝົ້າລະວັງການແຜ່ລະບາດຂອງພະຍາດແຕ່ຫົວທີ ກ່ອນທີ່ຈະແຜ່ລາມເປັນວົງກວ້າງ.

ທ່ານ Yoko Tsukamoto ກ່າວວ່າ: “ຫຼາຍຄົນເວົ້າວ່າ ຍີ່ປຸ່ນບໍ່ມີສູນຄວບຄຸມການລະບາດ ແລະ ສະກັດກັ້ນພະຍາດ (CDC). ແຕ່ວ່າ ສູນສາທາລະນະສຸກແຕ່ລະທ້ອງຖິ່ນ ກໍແມ່ນສູນຄວບຄຸມຢູ່ແລ້ວ”.

ນອກຈາກບັນດາປັດໄຈດັ່ງກ່າວແລ້ວ, ນັກຊ່ຽວຊານຍັງໃຫ້ຮູ້ອີກວ່າ: ຍີ່ປຸ່ນອາດສາມາດຄວບຄຸມພະຍາດໂຄວິດ-19 ໄດ້ໂດຍບໍ່ມີການປິດເມືອງແບບຖາວອນ ຫຼື ກວດຫາເຊື້ອເປັນວົງກວ້າງ ກໍຍ້ອນວ່າ ໂຄວິດໄດ້ຖືກປ່ຽນຮູບ ແລະ ມີຄວາມອັນຕະລາຍໜ້ອຍກວ່າປະເທດອື່ນໆ.
ເຖິງຢ່າງໃດກໍຕາມ, ບັນດາຜູ້ຊ່ຽວຊານລ້ວນແຕ່ຢືນຢັນວ່າ ວິທີການຕ້ານໂຄວິດຂອງຍີ່ປຸ່ນ ຍັງບໍ່ທັນຖືໄດ້ວ່າ ເປັນວິທີການທີ່ດີທີ່ສຸດ ຖ້າທຽບໃສ່ຫຼາຍໆ ປະເທດໃນອາຊີ ເຊັ່ນ: ໄຕ້ຫວັນ ຫຼື ຫວຽດນາມ.

ຜູ້ຊ່ຽວຊານທັງຫຼາຍຍັງໄດ້ກ່າວເຕືອນວ່າຍີ່ປຸ່ນ ຕ້ອງຕຽມພ້ອມຮັບມືການລະບາດຄັ້ງທີສອງທີ່ຈະຮຸນແຮງກວ່າເກົ່າ. ໂຕກຽວຄວນຈະນຳໃຊ້ເວລານີ້ເພື່ອເພີ່ມທະວີຄວາມສາມາດໃນການກວດຫາເຊື້ອ ແລະ ຮຽນເອົາບົດຮຽນຈາກປະເທດໃກ້ຄຽງ.

ຍີ່ປຸ່ນຕີຖອຍພະຍາດໂຄວິດ-19 ດ້ວຍວິທີການໃດ? - WhatsApp Image 2020 05 27 at 5 - ຍີ່ປຸ່ນຕີຖອຍພະຍາດໂຄວິດ-19 ດ້ວຍວິທີການໃດ?
ຍີ່ປຸ່ນຕີຖອຍພະຍາດໂຄວິດ-19 ດ້ວຍວິທີການໃດ? - WhatsApp Image 2020 05 27 at 5 - ຍີ່ປຸ່ນຕີຖອຍພະຍາດໂຄວິດ-19 ດ້ວຍວິທີການໃດ?
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!