ບັນຫາຄ່າກະແສໄຟຟ້າ ຍັງເປັນບັນຫາຄາໃຈຂອງສັງຄົມ

ບັນຫາຄ່າກະແສໄຟຟ້າ ຍັງເປັນບັນຫາຄາໃຈຂອງສັງຄົມ - 48 - ບັນຫາຄ່າກະແສໄຟຟ້າ ຍັງເປັນບັນຫາຄາໃຈຂອງສັງຄົມ
ບັນຫາຄ່າກະແສໄຟຟ້າ ຍັງເປັນບັນຫາຄາໃຈຂອງສັງຄົມ - AGL banner - ບັນຫາຄ່າກະແສໄຟຟ້າ ຍັງເປັນບັນຫາຄາໃຈຂອງສັງຄົມ

ໂດຍ: ລູກເມືອງພວນ

ເປັນຫຍັງຄ່າກະແສໄຟຟ້າຈຶ່ງມາແຮງແຊງໜ້າໂຄວິດ-19? ກໍເນື່ອງມາຈາກບ່ອນວ່າ: ນາຍົກລັດຖະມົນຕີໄດ້ມີຄຳສັ່ງໃຫ້ບໍລິສັດໄຟຟ້າລາວຄົ້ນຄ້ວານະໂຍບາຍຄ່າກະແສໄຟຟ້າຕໍ່ພະນັກງານ, ທະຫານ, ຕຳຫຼວດ ແລະ ປະຊາຊົນໃນໄລຍະໂຄວິດ-19, ແຕ່ທາງບໍລິສັດໄຟຟ້າຊໍ້າພັດກັບມາອອກແບບໂຄງສ້າງລາຄາໄຟຟ້າແບບໃໝ່ ຊຶ່ງເມື່ອທຽບໃສ່ໂຄງສ້າງລາຄາໄຟແບບເກົ່າເຫັນວ່າແພງຂຶ້ນກວ່າຫຼາຍ ຈຶ່ງກັບກາຍມາເປັນການສວານທາງກັບການຊີ້ນຳຂອງລັດຖະບານ. ຈຶ່ງປຽບສະເໝືອນກັບວ່າບໍ່ຕ່າງຫຍັງເອົານໍ້າມັນຖອກໃສ່ກອງໄຟ, ກໍເລີຍລຸກລາມບານປາຍ ຈົນມາເຖິງທຸກວັນນີ້ກໍຍັງບໍ່ມີທາງອອກ.

ເຫດຜົນທີ່ທາງບໍລິສັດໄຟຟ້າລາວມີໂຄງສ້າງລາຄາໄຟຟ້າແບບໃໝ່ຕາມຄວາມເຂົ້າໃຈຂອງຜູ້ຂຽນກໍຄືື: ຜ່ານມາບໍລິສັດບໍ່ມີກຳໄລ, ລັດຖະບານໄດ້ຖົມຂຸມໃຫ້ວ່າຊັ້ນ! ດັ່ງນັ້ນ, ທາງບໍລິສັດຈຶ່ງໄດ້ຄິດໄລ່ເອົາການສິ້ນເປືອງຕ່າງໆເຊັ່ນ: ຄ່າດຶງຕາຂ່າຍໄຟຟ້າ (ຂະຫຍາຍຕາຂ່າຍໄຟຟ້າ), ໝໍ້ແປງ, ກົງເຕີ…ກວມປະມານ40% ຂອງມູນຄ່າ (ໂດຍສະເພາະແມ່ນເຂດທຸລະກັນດານຫ່າງໄກສອກຫຼີກກໍແຮ່ງມີການສິ້ນເປືອງຫຼາຍ), ຊື້ກະແສໄຟຟ້າຈາກຜູ້ຜະລິດກວມປະມານ40% ຂອງມູນຄ່າ (ເພາະເຂື່ອນທັງໝົດບໍ່ແມ່ນຂອງລາວ 100%)  ແລະ ຄ່າບໍລິຫານຕ່າງໆກວມປະມານ 20% ຂອງມູນຄ່າ ແລະ ບັນຫາອື່ນໆ ຊຶ່ງລວມມູນຄ່າທັງໝົດ 100%.

ເພື່ອໃຫ້ສາມາດໄລ່ລຽງດ້ວຍຕົນເອງ ຊຶ່ງບໍ່ໃຫ້ເປັນພາລະຂອງລັດຖະບານຕ້ອງຖົມຂຸມ, ບໍລິສັດຈຶ່ງໄດ້ຍົກຖານລາຄາໄຟຟ້າຂຶ້ນເປັນລາຄາດຽວຄື 710 ກີບ/1kwh ແລະ ໄດ້ວາງເກນການຊົມໃຊ້ໄຟຟ້າໄວ້ດັ່ງນີ້: ສຳລັບຄົວເຮືອນຈະມີເກນຊົມໃຊ້ແຕ່ 0-150kw ໃນລາຄາ 355 ກີບ ແຕ່ຖ້າຫາກຊົມໃຊ້ເກີນ 150kw, ໝາຍຄວາມວ່າແຕ່ 151kw ຫາ ຈຶ່ງຈ່າຍໃນລາຄາ 710 ກີບ. ສ່ວນພາກທຸລະກິດແມ່ນຕ້ອງຈ່າຍໃນລາຄາດຽວຄື 710 ກີບ.

ຜູ້ຂຽນເຫັນວ່າ ສິ່ງທີ່ປະຊາຊົນຂັດຂ້ອງແຮງກໍຄື: ເກນຊົມໃຊ້ໄຟຟ້າ ແຕ່ 0-150kw ເຫັນວ່າມັນຕໍ່ເກີນໄປ, ຢາກໃຫ້ຍົກຂຶ້ນເປັນ 0-300kw ໃນລາຄາ 355 ກີບ. ຖ້າໃຊ້ເກີນ 300kw, ໝາຍຄວາມວ່າ 301kwຂຶ້ນເມືອ ຈຶ່ງຄິດໄລ່ລາຄາ 710 ກີບ ແຕ່ໃຫ້ເອົາ 301kw- 300kw = 1kw ແລ້ວຈຶ່ງເອົາ 1kw x 710 ກີບ, ບໍ່ໃຫ້ເອົາ 301kw x 710 ກີບເລີຍ. ຖ້າຄິດໄລ່ແບບນີ້ແມ່ນປະຊາຊົນຈະໂລ່ງໃຈ.

ບັນຫາຄ່າກະແສໄຟຟ້າ ຍັງເປັນບັນຫາຄາໃຈຂອງສັງຄົມ - Wave100S AD to Website 2020 0 - ບັນຫາຄ່າກະແສໄຟຟ້າ ຍັງເປັນບັນຫາຄາໃຈຂອງສັງຄົມ

ເພື່ອບໍ່ໃຫ້ໄດ້ປຽບ, ເສຍປຽບ ຂອງສອງຝ່າຍ ຜູ້ຂຽນຄິດວ່າຄວນຈະຄິດໄລ່ຕາມທີ່ເວົ້້າມາຂ້າງເທິງ. ເພາະດ້ານໜຶ່ງກໍເປັນການນະໂຍບາຍຢູ່ບ່ອນວ່າ: ຍົກເກນຊົມໃຊ້ໄຟຟ້າຈາກ 0-150kw ຂຶ້ນເປັນ0-300kw  ໃນລາຄາທີ່ຕໍ່າ 355 ກີບ. ຖ້າເກີນນັ້ນຈຶ່ງເອົາມາລົບກັບເພດານ 300kw ແລ້ວຈຶ່ງເອົາສ່ວນເກີນຄູນກັບ 710 ກີບ.

ທັງນັ້ນທັງນີ້, ປະຊາຊົນກໍຕ້ອງເຫັນໃຈທາງບໍລິສັດ ແລະ ຊ່ວຍປະກອບສ່ວນເຮັດໃຫ້ບໍລິສັດໄຟຟ້າລາວຄົງຕົວຢູ່ໄດ້, ບໍ່ໃຫ້ລົ້ມລະລາຍ, ນອກຈາກນັ້ນບໍລິສັດຍັງເຮັດພັນທະອາກອນຕໍ່ລັດຖະບານກໍຄືຕໍ່ປະເທດຊາດອີກດ້ວຍ.

ທັງໝົດທີ່ກ່າວມາຂ້າງເທິງນັ້ນ ພຽງເປັນທັດສະນະຂອງຜູ້ຂຽນ ແຕ່ໃນຕົວຈິງຈະອອກມາໃນທິດທາງໃດນັ້ນ ກໍຂໍໃຫ້ທາງບໍລິສັດຈົ່ງໄດ້ຄົ້ນຄວ້າດ້ວຍເຫດດ້ວຍຜົນ ແລະ ໃຫ້ມີຄວາມເໝາະສົມໃນເງື່ອນໄຂລາຍຮັບຂອງປະຊາຊົນລາວຍັງຕໍ່າ. ການປັບໂຄງສ້າງລາຄາໃໝ່ກໍໃຫ້ອີງໃສ່ລາຍຮັບສະເລ່ຍຂອງປະຊາຊົນເປັນຫຼັກ. ຖ້າເຮັດໄດ້ຄືແນວນັ້ນຄິດວ່າຈະເປັນການຊຸກຍູ້ຊື່ງກັນ ແລະ ກັນຂອງສອງຝ່າຍ.

ບັນຫາຄ່າກະແສໄຟຟ້າ ຍັງເປັນບັນຫາຄາໃຈຂອງສັງຄົມ - WhatsApp Image 2020 05 27 at 5 - ບັນຫາຄ່າກະແສໄຟຟ້າ ຍັງເປັນບັນຫາຄາໃຈຂອງສັງຄົມ
ບັນຫາຄ່າກະແສໄຟຟ້າ ຍັງເປັນບັນຫາຄາໃຈຂອງສັງຄົມ - WhatsApp Image 2020 05 27 at 5 - ບັນຫາຄ່າກະແສໄຟຟ້າ ຍັງເປັນບັນຫາຄາໃຈຂອງສັງຄົມ
ບັນຫາຄ່າກະແສໄຟຟ້າ ຍັງເປັນບັນຫາຄາໃຈຂອງສັງຄົມ - WhatsApp Image 2020 05 27 at 5 - ບັນຫາຄ່າກະແສໄຟຟ້າ ຍັງເປັນບັນຫາຄາໃຈຂອງສັງຄົມ
ບັນຫາຄ່າກະແສໄຟຟ້າ ຍັງເປັນບັນຫາຄາໃຈຂອງສັງຄົມ - WhatsApp Image 2020 05 27 at 5 - ບັນຫາຄ່າກະແສໄຟຟ້າ ຍັງເປັນບັນຫາຄາໃຈຂອງສັງຄົມ
  • 1027 Posts
  • 0 Comments
iLike/LPN/20
error: Alert: Content is protected !!