ຂາຍລູກເກີດໃໝ່ ເພື່ອເອົາເງິນຊື້ຢາບ້າ

ຂາຍລູກເກີດໃໝ່ ເພື່ອເອົາເງິນຊື້ຢາບ້າ - Time fo an Adventure 33 - ຂາຍລູກເກີດໃໝ່ ເພື່ອເອົາເງິນຊື້ຢາບ້າ
ຂາຍລູກເກີດໃໝ່ ເພື່ອເອົາເງິນຊື້ຢາບ້າ - Untitled design - ຂາຍລູກເກີດໃໝ່ ເພື່ອເອົາເງິນຊື້ຢາບ້າ

ຜົວເມຍຄູ່ໜຶ່ງຊາວຈີນຖືກຈັບກຸມ ແລະ ດຳເນີນຄະດີຈຳຄຸກຍ້ອນຂາຍລູກໃນລາຄາ 9.000 ໂດລາສະຫະລັດ ເພື່ອເອົາເງິນໄປຊື້ຢາບ້າ.
Sina ໃຫ້ຮູ້ວ່າ: ຜົວເມຍຂອງ Zhong ແລະ Wang ມາຈາກນະຄອນ ນອຍວັງ ແຂວງ ເຊສວນ ຊຶ່ງເປັນຄູ່ຜົວເມຍຕິດຢາບ້າມາໄດ້ຫຼາຍປີ ແລະ ເຕັມໄປດ້ວຍໜີ້ສິນ. Zhong ຜູ້ເປັນເມຍເຄີຍຖືກຄຸກ 7 ປີ 6 ເດືອນມາກ່ອນ ຍ້ອນມີຫຼາຍຄະດີ ຊຶ່ງໃນນັ້ນລວມມີທັງອຳນວຍສະດວກສະຖານທີ່ໃຫ້ພວກເສບຢາບ້າ, ຂີ້ລັກງັດແງະ ແລະ ຄ້າເດັກ. ປີ 2018 ຍ້ອນວ່າຜູ້ກ່ຽວເກີດລູກຜູ້ທີສອງໃໝ່ໆ ຈຶ່ງໂຈະການດຳເນີນຄະດີໄວ້ກ່ອນ.
ຕົ້ນປີກາຍນີ້, Zhong ເຖິງແມ່ນຈະຖືພາຢູ່ກໍຕາມ ແຕ່ກໍຍັງເສບຢາເສບຕິດຢູ່.
ຍ້ອນບໍ່ມີຄວາມສາມາດໃຊ້ໜີ້, ສອງຜົວເມຍຈຶ່ງໄດ້ຕົກລົງກັນຂາຍລູກຊາຍເກີດໃໝ່ ເພື່ອເອົາເງິນຊື້ຢາບ້າ.
ເດືອນກຸມພາ 2019, Zhong ໄດ້ລຶ້ງເຄີຍກັບຜູ້ຍິງຄົນໜຶ່ງຊື່ວ່າ ລານ ໃນກຸ່ມລາຍ QQ. ລານ ແລະ ຜົວເອົາກັນມາຫຼາຍປີແຕ່ບໍ່ໄດ້ລູກນຳກັນ ຈຶ່ງຢາກໄດ້ລູກມາລ້ຽງ.
ເມື່ອຮູ້ກັບນາງ ລານ, Zhong ໄດ້ເວົ້າກັບ ລານວ່າ: ບໍ່ມີເງິນລ້ຽງລູກ ຈຶ່ງຢາກຫາຄອບຄົວໃດທີ່ມີຄວາມສາມາດລ້ຽງເດັກໄດ້ກໍຈະໃຫ້ເຂົາເອົາໄປລ້ຽງ. ສອງຄົນຈຶ່ງໄດ້ຕົກລົງກັນວ່າ: ນາງ ລານ ຈະໃຫ້ເງິນນາງ Zhong 6.000 ຢວນ(ສະກຸນເງິນຈີນ) ຫຼື 8.700 ໂດລາ ຄ່າເກີດ ແລະ ນໍ້ານົມ. ຜົວເມຍຂອງລານຈະຮັບເອົາເດັກໄປລ້ຽງພາຍຫຼັງເກີດອອກມາ.
ວັນທີ 11 ຕຸລາ 2019, ພາຍຫຼັງເກີດ ແລະ ຜູ້ເປັນແມ່ຢຸດເລືອດແລ້ວ, Wang ຜູ້ເປັນຜົວກໍຮີບຟ້າວອູ້ມເອົາລູກ ອອກຈາກໂຮງໝໍໄປເພື່ອ ເອົາໄປໃຫ້ຄູ່ຜົວເມຍ ລານ, ແຕ່ເຂົາບໍ່ຮູ້ວ່າເຈົ້າໜ້າທີ່ຕຳຫຼວດຕິດຕາມຢູ່ ຈື່ງຖືກຈັບກຸມທັງຜົວ ແລະ ເມຍ.
ພວກເຂົາຮັບສາລະພາບວ່າ: ພວກເຂົາໄດ້ຊື້ຢາບ້າ ແລະ ໂທລະສັບໜ່ວຍໃໝ່ ຈາກເງິນຂາຍລູກ.
ຜູ້ເປັນຜົວຖືກຕັດສິນຈຳຄຸກ 5 ປີ, ຜູ້ເປັນເມຍ 6 ປີ ແຕ່ຈະໄດ້ເຂົ້າຕາມທີຫຼັງ ເພາະຍັງມີຫຼາຍຄະດີຄ້າງຄາຢບໍ່ທັນສຳເລັດ ຊຶ່ງລວມກັນແລ້ວຈະຖືກຈຳຄຸກທັງໝົດ 13 ປີ.

ຂາຍລູກເກີດໃໝ່ ເພື່ອເອົາເງິນຊື້ຢາບ້າ - Wave100S AD to Website 2020 0 - ຂາຍລູກເກີດໃໝ່ ເພື່ອເອົາເງິນຊື້ຢາບ້າ
ຂາຍລູກເກີດໃໝ່ ເພື່ອເອົາເງິນຊື້ຢາບ້າ - WhatsApp Image 2020 05 27 at 5 - ຂາຍລູກເກີດໃໝ່ ເພື່ອເອົາເງິນຊື້ຢາບ້າ
ຂາຍລູກເກີດໃໝ່ ເພື່ອເອົາເງິນຊື້ຢາບ້າ - WhatsApp Image 2020 05 27 at 5 - ຂາຍລູກເກີດໃໝ່ ເພື່ອເອົາເງິນຊື້ຢາບ້າ
error: Alert: ເນື້ອຫາຂ່າວມີລິຂະສິດ !!