​ເພື່ອ​ໂລກ​ສົດ​ໃສ ​ໄຮ້​ມົນ​ລະ​ພິດ

​ເພື່ອ​ໂລກ​ສົດ​ໃສ ​ໄຮ້​ມົນ​ລະ​ພິດ - 555 3 - ​ເພື່ອ​ໂລກ​ສົດ​ໃສ ​ໄຮ້​ມົນ​ລະ​ພິດ
​ເພື່ອ​ໂລກ​ສົດ​ໃສ ​ໄຮ້​ມົນ​ລະ​ພິດ - Untitled design - ​ເພື່ອ​ໂລກ​ສົດ​ໃສ ​ໄຮ້​ມົນ​ລະ​ພິດ

ໂດຍ: ວິ​ເສດ ສະ​ແຫວ​ງສຶກສາ

ວັນ​ທີ 5 ມິຖຸນາຂອງ​ທຸກໆ​ປີ ​ແມ່ນ​ວັນ​ສິ່ງ​ແວດ​ລ້ອມ​ສາກົນ, ວັນ​ເຊິ່ງປະຊາ​ຄົມ​ໂລກ​ຕ້ອງ​ໄດ້​ທົບ​ທວນຫວນ​ຄືນ​ກ່ຽວ​ກັບ​ມາດ​ຕະການ​ປົກ​ປັກ​ຮັກສາ​ສິ່ງ​ແວດ​ລ້ອມ​ໃຫ້​ຍືນ​ຍົງ​ຄົງ​ຢູ່​ກັບ​ວິຖີ​ຊີວິດ​ຂອງ​ມວນ​ມະນຸດ. ມາດ​ຕະການ​ປົກ​ປັກ​ຮັກສາ​ສິ່ງ​ແວດ​ລ້ອມ​ໃນ​ຍຸກ​ນີ້ ຍິ່ງ​ມີ​ຄວາມ​ສຳຄັນ ​ເພາະ​ມັນ​ເປັນ​ແກນ​ກາງຂອງ​ເປົ້າໝາຍ​ການ​ພັດທະນາ​ແບບ​ຍືນ​ຍົງ​ຂອງ​ອົງການ​ສະຫະ​ປະຊາ​ຊາດ (SDG) ​ເຊິ່ງທຸກໆ​ປະ​ເທດສະມາຊິກ​ມີ​ພັນທະ​ປະຕິບັດ​ໃຫ້​ບັນລຸ​ຜົນ ຄື​ເຮັດ​ໃຫ້ການ​ພັດທະນາ​ເສດຖະກິດ-ສັງຄົມ​ທຸກ​ຢ່າງ​ເປັນ​ມິດ​ກັບ​ສິ່ງ​ແວດ​ລ້ອມ. ໜ້າ​ທີ່​ອັນ​ຮີບ​ດ່ວນ​ສະ​ເພາະ​ໜ້າ​ໃນ​ການ​ປົກ​ປັກ​ຮັກສາ​ສິ່ງ​ແວດ​ລ້ອມ​ນັ້ນກໍ​ຄື ​ແກ້​ໄຂ​ບັນຫາ​ໂລ​ກຮ້ອນ​ຍ້ອນ​ການ​ປ່ຽນ​ແປງ​ຂອງ​ດິນ​ຟ້າ​ອາກາດ​ທີ່​ເກີດ​ຈາກ​ພຶດຕິ​ກຳ​ຂອງ​ມະນຸດ​ເອງ.

ສຳລັບ​ບົດ​ນີ້, ຜູ້​ຂຽນ​ໄດ້​ສັນ​ຫາ​ມາ​ເລົ່າ​ກ່ຽວ​ກັບ​ມາດ​ຕະການ​ແກ້​ໄຂ​ມົນ​ລະ​ພິດ​ທາງ​ອາກາດ ດ້ວຍ​ການ​ຫລຸດຜ່ອນ​ອາຍ​ພິດ​ຈາກ​ຍານພາຫະນະ​ທີ່​ມີ​ຈຳນວນ​ເກືອບ​ລົ້ນ​ໂລກ. ໃນປັດຈຸບັນນີ້ ໂດຍເບິ່ງບົດຮຽນ ຂອງແຕ່ລະປະເທດ ຕົວຢ່າງເຊັ່ນ: ຢູ່ປະເທດຝຣັ່ງ ເຊິ່ງທາງການຂອງປະເທດນີ້ໄດ້ກຳນົດເອົາປີ 2040 ເປັນປີຢຸດຈຳໜ່າຍລົດທີ່ແລ່ນດ້ວຍນ້ຳມັນກາຊວນ ແລະ ນ້ຳມັນແອັດຊັງ. ຝຣັ່ງເປັນປະເທດຜະລິດລົດຍີ່ຫໍ້ ດັງ ເຊັ່ນເປີ​ໂຊ, ຊີໂຕຼແອນ ​ແລະ ​ເຣີ​ໂນນ. ຫລັງ​ປີ 2040 ລົດ​ທັງ 3 ຍີ່​ຫໍ້​ທີ່​ຜະລິດ​ອອກ​ຈຳ​ໜ່າຍ​ນັ້ນຈະ​ຕ້ອງ​ແລ່ນ​ດ້ວຍ​ພະລັງງານ​ສະອາດ (​ໄຟຟ້າ) ທັງ​ໝົດ. ຢູ່​ປະ​ເທດ​ເຢຍລະ​ມັນ​ນັ້ນ, ທາງ​ການ​ກໍ​ໄດ້​ກຳນົດ​ນຳ​ເອົາ​ລົດ​ຈຳນວນ 1 ລ້ານ​ຄັນ​ທີ່​ໃຊ້​ພະລັງງານ​ໄຟຟ້າ​ອອກ​ແລ່ນ​ຕາມ​ທ້ອງ​ຖະໜົນ​ໃຫ້​ສຳ​ເລັດ​ພາຍ​ໃນ​ທ້າຍ​ປີ 2020 ນີ້ ​ເພື່ອ​ປ່ຽນ​ແທນ​ໃຫ້​ລົດ​ທີ່​ແລ່ນ​ດ້ວຍ​ນ້ຳມັນ​ກາ​ຊວນ ​ແລະ ​ແອັດ​ຊັງ​ທີ່​ພວມ​ຖືກ​ປັດ​ເຂ່ຍ​ຈາກ​ລະບົບ​ຈະລາຈອນ​ຕາມ​ທ້ອງ​ຖະໜົນ.

ຂ່າວ​ໃນຕົ້ນ​ເດືອນ​ມິຖຸນາ 2018 ​ໃຫ້​ຮູ້​ວ່າ: ສານ​ສູງຂອງ​ເຢຍລະ​ມັນ​ໄດ້​ອະນຸຍາດ​ໃຫ້​ບັນດາ​ຕົວ​ເມືອງ​ທົ່ວ​ປະ​ເທດ​ມີ​ສິດ​ໃນ​ການ​ຫ້າມ​ແລ່ນ​ລົດ​ທີ່​ໃຊ້​ນ້ຳມັນ​ກາ​ຊວນ ​ແນ​ໃສ່​ຫລຸດຜ່ອນ​ມົນ​ລະ​ພິດ​ທາງ​ອາກາດ. ຢູ່​ປະ​ເທດອຽກລັງ​ນັ້ນກໍ​ມີ​ມາດ​ຕະການ​ຫ້າມ​ຈຳໜ່າຍ​ລົດ​ທີ່​ແລ່ນ​ດ້ວຍ​ນ້ຳມັນ​ກາ​ຊວນ ​ແລະ ນ້ຳມັນ​ແອັດ​ຊັງ​ໃຫ້​ໄດ້​ຢ່າງ​ເດັດຂາດ ພາຍ​ໃນ​ປີ 2030. ຂໍ້​ຫ້າມ​ດັ່ງກ່າວ​ໄດ້​ບັນຍັດ​ໄວ້​ໃນ​ກົດໝາຍ​ວ່າ​ດ້ວຍ​ສະພາບ​ອາກາດ​ສະບັບ​ປັບປຸງ​ປີ 2019. ສ່ວນ​ລົດ​ແລ່ນ​ດ້ວຍ​ນ້ຳມັນ​ກາ​ຊວນ ​ແລະ ​ແອັດ​ຊັງ​ທີ່​ມີ​ຢູ່ນັ້ນກໍ​ຕ້ອງ​ໄດ້​ຜ່ານ​ການ​ກວດກາ​ລະດັບ​ຊາດ​ເປັນ​ປະຈຳ​ແຕ່ລະ​ປີ​ຈົນ​ຮອດ​ປີ 2045. ຈາກ​ນັ້ນຈຶ່ງ​ຢຸດ​ແລ່ນ​ລົດ​ປະ​ເພດ​ນີ້​ຢ່າງ​ຖາວອນ. ປະ​ເທດ​ອຽກລັງ ​ໄດ້​ຕັ້ງ​ເປົ້າໝາຍ​ຫລຸດ​ການ​ປ່ອຍ​ແກັສກາກ​ບອນ​ໃຫ້​ຢູ່​ໃນ​ລະດັບ​ສູນ (0) ພາຍ​ໃນ​ປີ 2050.

 

​ເພື່ອ​ໂລກ​ສົດ​ໃສ ​ໄຮ້​ມົນ​ລະ​ພິດ - Wave100S AD to Website 2020 0 - ​ເພື່ອ​ໂລກ​ສົດ​ໃສ ​ໄຮ້​ມົນ​ລະ​ພິດ

​ເອກະສານ​ຄົ້ນຄວ້າ :   ວຽງ​ຈັນ​ໃໝ່    10/7/17     (​ເລື່ອງ​ຝຣັ່ງ)

The Nation  1/3/18       (​ເລື່ອງ​ເຢຍລະ​ມັນ)

ປະ​ເທດ​ລາວ   9/1/20       ​(​ເລື່ອງ​ອຽກລັງ)

​ເພື່ອ​ໂລກ​ສົດ​ໃສ ​ໄຮ້​ມົນ​ລະ​ພິດ - WhatsApp Image 2020 05 27 at 5 - ​ເພື່ອ​ໂລກ​ສົດ​ໃສ ​ໄຮ້​ມົນ​ລະ​ພິດ
​ເພື່ອ​ໂລກ​ສົດ​ໃສ ​ໄຮ້​ມົນ​ລະ​ພິດ - WhatsApp Image 2020 05 27 at 5 - ​ເພື່ອ​ໂລກ​ສົດ​ໃສ ​ໄຮ້​ມົນ​ລະ​ພິດ
error: Alert: ເນື້ອຫາຂ່າວມີລິຂະສິດ !!