“ໜຶ່ງແລວໜຶ່ງເສັ້ນທາງ” ຈີນ-ລາວ ເສັ້ນທາງແຫ່ງ ການຮ່ວມມື ເຂັ້ມແຂງ ຟື້ນຟູ ແລະ ເຕີບໂຕ

"ໜຶ່ງແລວໜຶ່ງເສັ້ນທາງ" ຈີນ-ລາວ ເສັ້ນທາງແຫ່ງ ການຮ່ວມມື  ເຂັ້ມແຂງ ຟື້ນຟູ ແລະ ເຕີບໂຕ - Time fo an Adventure 47 - “ໜຶ່ງແລວໜຶ່ງເສັ້ນທາງ” ຈີນ-ລາວ ເສັ້ນທາງແຫ່ງ ການຮ່ວມມື  ເຂັ້ມແຂງ ຟື້ນຟູ ແລະ ເຕີບໂຕ
"ໜຶ່ງແລວໜຶ່ງເສັ້ນທາງ" ຈີນ-ລາວ ເສັ້ນທາງແຫ່ງ ການຮ່ວມມື  ເຂັ້ມແຂງ ຟື້ນຟູ ແລະ ເຕີບໂຕ - AGL banner - “ໜຶ່ງແລວໜຶ່ງເສັ້ນທາງ” ຈີນ-ລາວ ເສັ້ນທາງແຫ່ງ ການຮ່ວມມື  ເຂັ້ມແຂງ ຟື້ນຟູ ແລະ ເຕີບໂຕ

ເມື່ອວັນທີ 18 ມິຖຸນາ 2020 ນີ້, ທ່ານ ສີ ຈິ້ນຜິງ ປະທານປະເທດຈີນໄດ້ກ່າວຄຳປາໄສເປັນລາຍລັກອັກສອນ ຕໍ່ກອງປະຊຸມວິດີໂອລະດັບສູງກ່ຽວກັບການຮ່ວມມືສາກົນໃນຂອບ “ໜຶ່ງແລວໜຶ່ງເສັ້ນທາງ”, ໂດຍຊີ້ໃຫ້ເຫັນວ່າ ຈະສ້າງ “ໜຶ່ງແລວໜຶ່ງເສັ້ນທາງ” ເປັນເສັ້ນທາງແຫ່ງການຮ່ວມມືທີ່ສາມັກຄີກັນຮັບມືກັບບັນດາສິ່ງທ້າທາຍ, ເປັນເສັ້ນທາງແຫ່ງຄວາມເຂັ້ມແຂງທີ່ຮັກສາສຸຂະພາບ ແລະ ຄວາມປອດໄພຂອງປະຊາຊົນ, ເປັນເສັ້ນທາງແຫ່ງການຟື້ນຟູທີ່ສົ່ງເສີມເສດຖະກິດສັງຄົມ ແລະ ເປັນເສັ້ນທາງແຫ່ງການເຕີບໂຕທີ່ກະຕຸ້ນກໍາລັງແຮງຂອງການພັດທະນາ ເຊິ່ງໄດ້ຊີ້ບອກທິດທາງການສົ່ງເສີມ “ໜຶ່ງແລວໜຶ່ງເສັ້ນທາງ” ສືບຕໍ່ຮ່ວມມືແບບຍືນຍົງ ແລະ ບັນລຸບົດບາດສໍາຄັນດ້ານການຮັບມືກັບສິ່ງທ້າທາຍທົ່ວໂລກ ແລະພັດທະນາໃນໄລຍະຍາວ ພາຍໃຕ້ສະຖານະການໃໝ່.

“ໜຶ່ງແລວໜຶ່ງເສັ້ນທາງ” ຈະເຕົ້າໂຮມພະລັງແຫ່ງຄວາມສາມັກຄີ ແລະ ການຮ່ວມມືຢ່າງກວ້າງຂວາງ. ຄວາມສາມັກຄີ ແລະ ການຮ່ວມມືແມ່ນ “ຄຳຫລັກ” ທີ່ທ່ານປະທານປະເທດ ສີ ຈິ້ນຜິງ ເຄີຍນໍາໃຊ້ຫລາຍຄັ້ງໃນການຊຸກຍູ້ການຮ່ວມມືສາກົນເພື່ອຕໍ່ສູ້ກັບພະຍາດໂຄວິດ-19. ໃນ 7 ປີນັບຕັ້ງແຕ່ “ໜຶ່ງແລວໜຶ່ງເສັ້ນທາງ” ເລີ່ມຕົ້ນມາ, ໂດຍຖືເອົາຫລັກການແຫ່ງການປຶກສາຫາລືຮ່ວມກັນ ກໍ່ສ້າງ ແລະ ຊົມໃຊ້ຮ່ວມກັນ, 137 ປະເທດ ແລະ 30 ກວ່າອົງການຈັດຕັ້ງສາກົນ ໄດ້ເຂົ້າຮ່ວມໃນການພັດທະນາຫລາຍກ່ວາ 2000 ໂຄງການ, ເຊິ່ງໄດ້ຂະຫຍາຍຕົວເປັນເວທີການຮ່ວມມືສາກົນທີ່ໃຫຍ່ທີ່ສຸດຂອງໂລກ. ໝາກຜົນດັ່ງກ່າວນີ້ ກໍ່ຍ້ອນວ່າທຸກຝ່າຍລ້ວນແຕ່ຍຶດໝັ້ນຄວາມໄວ້ເນື້ອເຊື່ອໃຈ, ຄວາມສາມັກຄີ ແລະ ການຮ່ວມມືກັນຕະຫລອດເວລາ. ປັດຈຸບັນນີ້ ທົ່ວໂລກກໍາລັງປະເຊີນໜ້າກັບການແຜ່ລະບາດຂອງພະຍາດໂຄວິດ-19 ແລະ ມີຄວາມກົດດັນໃນການພັດທະນາເສດຖະກິດ, ຍິ່ງມີຄວາມຈຳເປັນຕ້ອງສາມັກຄີເພື່ອຮັບມືກັບຄວາມທ້າທາຍ ໂດຍຜ່ານການເພີ່ມທະວີກົນໄກການຮ່ວມມືທົ່ວໂລກ,  “ໜຶ່ງແລວໜຶ່ງເສັ້ນທາງ”ທີ່ເປັນເວທີຫລາຍຝ່າຍທີ່ສໍາຄັນ ຍ່ອມຈະມີບົດບາດສໍາຄັນຫລາຍກວ່າເກົ່າ.

“ໜຶ່ງແລວໜຶ່ງເສັ້ນທາງ” ຈະຊ່ວຍຮັກສາສຸຂະພາບ ແລະ ຄວາມປອດໄພຂອງປະຊາຊົນຕາມເສັ້ນທາງໃຫ້ດີຂຶ້ນ. ທ່ານ ປະທານປະເທດ ສີ ຈິ້ນຜິງ ໄດ້ເນັ້ນໜັກເຖິງລັດຖະ ບານຈີນ ຍາມໃດກໍຖືເອົາປະຊາຊົນ ແລະ ສຸຂະພາບ ແລະ ຄວາມປອດໄພຂອງປະຊາຊົນ ເປັນບຸລິມະສິດ ແລະ ສໍາຄັນກ່ວາໝູ່, ແລະ ສະເໜີໃຫ້ກໍ່ສ້າງ “ເສັ້ນທາງສາຍໄໝດ້ານສຸຂະພາບ” ໃນປີ 2016. ຫລັງຈາກການລະບາດຂອງພະຍາດໂຄວິດ-19,ບັນດາຄູ່ຮ່ວມມື “ໜຶ່ງແລວໜຶ່ງເສັ້ນທາງ” ລວມທັງປະເທດລາວ ໄດ້ໃຫ້ການຊ່ວຍເຫລືອທີ່ມີຄ່າແກ່ຈີນ, ຈີນກໍໃຫ້ການຊ່ວຍເຫລືອຕໍ່ 122 ປະເທດລຽບຕາມ “ໜຶ່ງແລວໜຶ່ງເສັ້ນທາງ” ແລະ ສົ່ງທີມແພດໄປ 25 ປະເທດ, ແບ່ງປັນປະສົບການໃນການປ້ອງກັນ ແລະ ປິ່ນປົວ. ບັນດາປະເທດ”ໜຶ່ງແລວໜຶ່ງເສັ້ນທາງ” ໄດ້ເລັ່ງການຮ່ວມມືໃນຂົງເຂດສາທາລະນະສຸກຢ່າງເຕັມສ່ວນ, “ເສັ້ນທາງສາຍໄໝດ້ານສຸຂະພາບ” ຈະກາຍເປັນ“ ຈຸດເຊື່ອມຕໍ່ຂອງການຮ່ວມຊາຕາກໍາ” ສຳລັບການຮັກສາສຸຂະພາບ ແລະ ຄວາມປອດໄພຂອງປະຊາຊົນຕາມເສັ້ນທາງ.

“ໜຶ່ງແລວໜຶ່ງເສັ້ນທາງ”ຈະສົ່ງເສີມການຟື້ນຟູ ແລະ ການພັດທະນາເສດຖະກິດຂອງບັນດາປະເທດຢ່າງເຂັ້ມແຂງ. ການແຊກແຊງຂອງລັດທິຝ່າຍດຽວ ແລະ ລັດທິປ້ອງກັນ ແລະ ການແຜ່ລະບາດກະທັນຫັນຂອງພະຍາດໂຄວິດ-19 ໄດ້ເຮັດໃຫ້ເສດຖະກິດໂລກຖືກຜົນກະທົບທາງລົບຢ່າງຫລວງຫລາຍ ແຕ່ວ່າສະພາບແວດລ້ອມທາງນອກທີ່ສັບສົນ ບໍ່ໄດ້ຫັນປ່ຽນທ່າທ່ຽງການຮ່ວມມືຂອງ “ໜຶ່ງແລວໜຶ່ງເສັ້ນທາງ” ພັດສະແດງໃຫ້ເຫັນເຖິງຊີວິດຊີວາຂອງມັນ. ໄຕມາດທໍາອິດຂອງປີນີ້ ທຽບໃສ່ເວລາດຽວກັນຂອງປີກາຍ ຍອດມູນຄ່າການຄ້າລະຫວ່າງຈີນ ກັບຄູ່ຮ່ວມມື “ໜຶ່ງແລວໜຶ່ງເສັ້ນທາງ” ໄດ້ເພີ່ມຂຶ້ນ 3.2% ແລະ ຍອດມູນຄ່າການລົງທຶນໂດຍກົງໄດ້ເພີ່ມຂຶ້ນ 11.7%. 5ເດືອນທີ່ຜ່ານມາຂອງຕົ້ນປີນີ້ ການລົງທຶນໂດຍກົງນອກຂະແຫນງການທະນາຄານຂອງຈີນ ຕໍ່ປະເທດລຽບ”ໜຶ່ງແລວໜຶ່ງເສັ້ນທາງ”ໄດ້ເພີ່ມຂຶ້ນ16%. ກໍາລັງແຮງທີ່ເກີດຂຶ້ນທາງໃນຂອງການຮ່ວມມື “ໜຶ່ງແລວໜຶ່ງເສັ້ນທາງ” ຈະຊ່ວຍສົ່ງເສີມແຕ່ລະປະເທດເພີ່ມທະວີການຟື້ນຟູການຜະລິດ ການເຕີບໂຕດ້ານເສດຖະກິດ ແລະ ສ້າງຄວາມຫມັ້ນໃຈໃຫມ່ຕໍ່ການພັດທະນາຕົວເອງ.

“ໜຶ່ງແລວໜຶ່ງເສັ້ນທາງ”ຈະເສີມຂະຫຍາຍການປ່ອຍຄວາມສາມາດບົ່ມຊ້ອນແຫ່ງການເຕີບໂຕຂອງບັນດາປະເທດ. ເວລາປະເຊີນຫນ້າກັບວິກິດການ ພະຍາດໂຄວິດ-19 “ໜຶ່ງແລວໜຶ່ງເສັ້ນທາງ” ຈະປະດິດສ້າງຮູບແບບການຮ່ວມມືໃຫມ່ ເສີມຂະຫຍາຍເນື້ອໃນ ແລະ ຜ່ານການເປີດຊ່ອງທາງປະຕູດຽວໃຫ້ແກ່ການພົວພັນຂອງປະຊາຊົນແລະການຂົນສົ່ງສິນຄ້າຂ້າມຊາຍແດນ ເພື່ອຮັກສາຄວາມຫມັ້ນຄົງຂອງສາຍພົວພັນການເຊື່ອມໂຍງເຊື່ອມຈອດລະຫວ່າງຂະແຫນງການຕ່າງໆ ແລະ ​ຕ່ອງ​ໂສ້ສະ​ໜອງ​ສິນ​ຄ້າຂອງທົ່ວໂລກ  ເຊິ່ງຈະສຸມໃສ່ການຊຸກຍູ້ເສດຖະກິດຕິຈິຕອນ ຕົວເມືອງອັດສະລິຍະ ພະລັງງານສີຂຽວ 5G ແລະ ອື່ນໆ ທີ່ເປັນຂະ ແຫນງການໃຫມ່ ເພື່ອສ້າງຈຸດເພີ່ມຕື່ມໃຫມ່ຢ່າງຫລວງຫລາຍໃຫ້ແກ່ການພັດທະນາເສດຖະ ກິດຂອງບັນດາປະເທດ ແລະ ອຳນວຍພະລັງໃຫມ່ໃຫ້ແກ່ການຟື້ນຟູເສດຖະກິດຂອງປະເທດຕ່າງໆ.

"ໜຶ່ງແລວໜຶ່ງເສັ້ນທາງ" ຈີນ-ລາວ ເສັ້ນທາງແຫ່ງ ການຮ່ວມມື  ເຂັ້ມແຂງ ຟື້ນຟູ ແລະ ເຕີບໂຕ - Wave100S AD to Website 2020 0 - “ໜຶ່ງແລວໜຶ່ງເສັ້ນທາງ” ຈີນ-ລາວ ເສັ້ນທາງແຫ່ງ ການຮ່ວມມື  ເຂັ້ມແຂງ ຟື້ນຟູ ແລະ ເຕີບໂຕ

ໃນຂະບວນການຮ່ວມສ້າງ”ໜຶ່ງແລວໜຶ່ງເສັ້ນທາງ” ຈີນກັບລາວ ຮ່ວມມືສາມະຄີກັນສະເຫມີ ແລະ ພວມເຂົ້າໄປສູ່ແຖ້ວຫນ້າ. ພາຍໃຕ້ການຊີ້ນຳນຳພາຂອງແຜນແມ່ບົດວ່າດ້ວຍການສ້າງຄູ່ຮ່ວມຊາຕາກຳຈີນ-ລາວ ທີ່ລົງນາມ ໂດຍການນຳສູງສຸດສອງປະເທດ, ຂໍ້ລິເລີ່ມ”ໜຶ່ງແລວໜຶ່ງເສັ້ນທາງ”ໄດ້ເຊື່ອມຈອດນຳ ຍຸດທະສາດ ຫັນປະເທດທີ່ບໍ່ມີຊາຍແດນຕິດທະເລກາຍເປັນປະເທດເຊື່ອມໂຍງເຊື່ອມຈອດ ກັບປະເທດອ້ອມຂ້າງໂດຍໄວ ເສັ້ນທາງລົດໄຟຈີນ-ລາວ ຄາດວ່າຈະເລີ່ມແລ່ນລົດໄຟ ໃນທ້າຍປີ 2021 ປະເທດຈີນ ໄດ້ເປັນປະເທດຄູ່ຮ່ວມການຄ້າໃຫຍ່ອັນດັບທີ່ສອງ ແລະ ປະເທດການລົງທຶນອັນດັບທີ່ຫນຶ່ງຂອງປະເທດລາວ ລຽນຕິດກັນຫລາຍປີ. ໃນກອງປະຊຸມວິດີໂອເທື່ອນີ້ ທ່ານ ສະເຫລີມໄຊ ກົມມະສິດ ລັດຖະມົນຕີກະຊວງການຕ່າງປະເທດລາວ ໄດ້ກ່າວວ່າ: ຈະສົ່ງເສີມການຮ່ວມມືສາມະຄີກັນ ສະຫນັບສະຫນູນລັດທິຫລາຍຝ່າຍ ແລະ ຢຶດຫມັ້ນເຂົ້າ ຮ່ວມການຮ່ວມມື “ໜຶ່ງແລວໜຶ່ງເສັ້ນທາງ”.

ໃນສະພາບການໃໝ່ແຫ່ງການປ້ອງກັນພະຍາດໂຄວິດ-19, ການຮັກສາສຸຂະພາບແລະ ຄວາມປອດໄພຂອງປະຊາຊົນ ໄດ້ເຮັດໃຫ້ການຮ່ວມມື “ໜຶ່ງແລວໜຶ່ງເສັ້ນທາງ” ລະຫວ່າງ ຈີນ-ລາວ ຍິ່ງມີເນື້ອໃນອຸດົມສົມບູນຂຶ້ນ. ໂຄງການບັບປຸງໂຮງໝໍມະໂຫສົດ ທີ່ຝ່າຍຈີນຊ່ວຍຝ່າຍລາວກໍ່ສ້າງນັ້ນ ຫລັງຈາກສ້າງສໍາເລັດແລ້ວ ຈະເປັນໂຮງໝໍກວມລວມທີ່ມີຂະໜາດໃຫຍ່ກວ່າໝູ່ ແລະ ພະແນກຄົບຖ້ວນທີ່ສຸດຢູ່ໃນທົ່ວປະເທດລາວ. ພາຍໃຕ້ການຊີ້ນໍາຂອງຈິດໃຈລົມໂທລະສັບລະຫວ່າງການນໍາສູງສຸດຈີນ-ລາວ, ທັງສອງຝ່າຍໄດ້ຊ່ວຍເຫລືອກັນ ຮ່ວມຈິດຮ່ວມໃຈໃນການຕ້ານພະຍາດ. ຝ່າຍລາວໄດ້ສະໜັບສະໜູນຝ່າຍຈີນຢ່າງທັນທີ ໂດຍຜ່ານການສົ່ງໂທລະເລກລະຫວ່າງການນໍາ ແລະ ມອບທຶນຮອນ  ແລະເຄື່ອງອຸປະກອນໃຫ້ຝ່າຍຈີນ, ຝ່າຍຈີນໄດ້ສົ່ງຄະນະແພດໝໍສອງຄະນະ ພ້ອມກັບເຄື່ອງຊ່ວຍເຫລືອຢ່າງຫລວງຫລາຍມາສະໜັບສະໜູນຝ່າຍລາວ ເຊິ່ງໄດ້ຊ່ວຍວຽກປ້ອງກັນພະຍາດຂອງຝ່າຍລາວ ຍົກລະດັບດ້ານເຕັກນິກແລະມີລະບຽບຫລາຍຕື່ມອີກ ໄດ້ເສີມຂະຫຍາຍບົດບາດສໍາຄັນໃນການຊ່ວຍຜູ້ຕິດເຊື້ອພະຍາດຢູ່ລາວໃຫ້ປົວດີໄດ້ໝົດ. “ເສັ້ນທາງສາຍໄໝດ້ານສຸຂະພາບ” ກໍາລັງປະກອບສ່ວນອັນໜັກ    ແໜ້ນເຂົ້າໃນການຮັກສາສຸຂະພາບ ແລະ ຄວາມປອດໄພຂອງປະຊາຊົນສອງຊາດ.

ໃນການພະຍາຍາມຟື້ນຟູການພັດທະນາເສດຖະກິດສັງຄົມ, ສອງຝ່າຍຈີນ-ລາວ ໄດ້ລົງມືເຮັດວຽກໄວທີ່ສຸດ ແລະ ໄດ້ມີໝາກຜົນຢ່າງຫລວງຫລາຍ. ໂຄງການທາງລົດໄຟຈີນ-ລາວ ໄດ້ບັນລຸຄວາມຄືບໜ້າຕາມແຜນໃນໄລຍະປ້ອງກັນພະຍາດ ວິຊາວະກອນຂອງໂຄງການບໍ່ໄດ້ມີຜູ້ຕິດເຊື້ອພະຍາດຈັກຄົນ ຄຽງຄູ່ກັນນັ້ນ ກໍໄດ້ສໍາເລັດໂຄງປະກອບທີ່ເປັນຂໍກົນແຈຫລາຍແຫ່ງໃນໂຄງການ ເຊັ່ນ ສໍາເລັດການເຈາະອຸມົງສໍາຄັນສີ່ແຫ່ງ ເລີ່ມວາງລາງລົດໄຟ ເຊື່ອມຈອດຂົວຂ້າມແມ່ນໍ້າ ແລະ ຕິດຕັ້ງເສົາສົ່ງສັນຍານສື່ສານແຫ່ງທໍາອິດ. ພ້ອມນັ້ນ ໂຄງການຕ່າງໆເຊັ່ນ ທາງດ່ວນວຽງຈັນ-ວັງວຽງ ເຂື່ອນໄຟຟ້ານໍ້າອູ ເຂດພັດທະນາໄຊເສດຖາ ແລະ ອື່ນໆ ກໍໄດ້ຮັກສາທ່າອ່ຽງທີ່ດີຢ່າງໝັ້ນທ່ຽງ. ເພື່ອຕອບສະໜອງຄວາມຕ້ອງການຕ້ານພະຍາດ, ສອງຝ່າຍຈີນ-ລາວ ໄດ້ວາງແຜນລ່ວງໜ້າ ແລກປ່ຽກຄໍາຄິດເຫັນຢ່າງເລິກເຊິ່ງ ໃນການເປີດຊ່ອງທາງສີຂຽວ ຄົ້ນຄວ້າການຂົນສົ່ງເຄື່ອງຜ່ານດ່ານ ແລະ ຕັດຂັ້ນຕອນແລ່ນເອກະສານໃຫ້ຜ່ານປະຕູດຽວ ເປັນຕົ້ນ ເຊິ່ງຈະນໍາໄປປະຕິບັດໃນຕົວຈິງໂດຍອີງໃສ່ສະພາບການປ້ອງກັນພະຍາດ ແລະການຮ່ວມມືສອງຝ່າຍ.

ປີໜ້າຈະເປັນການສ້າງສາຍພົວພັນການທູດຈີນ-ລາວ ຄົບຮອບ 60 ປີ, ການຮ່ວມມື “ໜຶ່ງແລວໜຶ່ງເສັ້ນທາງ” ລະຫວ່າງສອງຝ່າຍ ຈະມີອະນາຄົດການພັດທະນາທີ່ກວ້າງຂວາງ. ຫລັງຈາກທາງລົດໄຟສ້າງສໍາເລັດ ແລະ ນໍາໃຊ້ບໍລິການແລ້ວ ປະເທດລາວຈະເປັນປະເທດທໍາອິດໃນພາກພື້ນອາຊຽນ ທີ່ມີລົດໄຟມາດຕະການສາກົນ ເຊິ່ງຈະເປັນບາດກ້າວທີ່ສໍາຄັນໃນການຫັນປ່ຽນຈາກປະເທດທີ່ບໍ່ມີຊາຍແດນຕິດກັບທະເລ ມາເປັນປະເທດເຊື່ອມຈອດ. ຄຽງຄູ່ກັບການຊຸກຍູ້ສ້າງແລວເສດຖະກິດຈີນ-ລາວ ເຊິ່ງມີທາງລົດໄຟເປັນສາຍຫລັກ ມີເຂດພັດທະນາໄຊເສດຖາ ແລະ ເຂດຮ່ວມມືບໍ່ຫານ-ບໍ່ແຕນເປັນບ່ອນອີງນັ້ນ, ຄວາມສາມາດບົ່ມຊ້ອນຂອງປະເທດລາວ ແນ່ນອນຈະກາຍເປັນກໍາລັງແຮງຊຸກດັນໃນການຂະຫຍາຍຕົວ, ການຮ່ວມມືຮອບດ້ານລະຫວ່າງສອງຝ່າຍ ທາງດ້ານກະສິກໍາທັນສະໄໝ ການທ່ອງທ່ຽວ ພະລັງງານ ການຂົນສົ່ງເຄື່ອງ ການປຸງແຕ່ງ ການຜະລິດ ແລະ ຂະແໜງການອື່ນໆ ແນ່ນອນກໍຈະສ້າງຜົນປະໂຫຍດທີ່ແທ້ຈິງມາສູ່ປະຊາຊົນລາວ. ພວກເຮົາຈະຮ່ວມມືກັນ ກ້າວເດີນໄປຕາມເສັ້ນທາງແຫ່ງການຮ່ວມມື ເຂັ້ມແຂງຟື້ນຟູ ແລະ ເຕີບໂຕ ເພື່ອຕ້ອນຮັບອະນາຄົດສົດໃສຂອງການເສີມສ້າງຄູ່ຮ່ວມຊາດຕາກໍາຈີນ-ລາວ.

"ໜຶ່ງແລວໜຶ່ງເສັ້ນທາງ" ຈີນ-ລາວ ເສັ້ນທາງແຫ່ງ ການຮ່ວມມື  ເຂັ້ມແຂງ ຟື້ນຟູ ແລະ ເຕີບໂຕ - WhatsApp Image 2020 05 27 at 5 - “ໜຶ່ງແລວໜຶ່ງເສັ້ນທາງ” ຈີນ-ລາວ ເສັ້ນທາງແຫ່ງ ການຮ່ວມມື  ເຂັ້ມແຂງ ຟື້ນຟູ ແລະ ເຕີບໂຕ
"ໜຶ່ງແລວໜຶ່ງເສັ້ນທາງ" ຈີນ-ລາວ ເສັ້ນທາງແຫ່ງ ການຮ່ວມມື  ເຂັ້ມແຂງ ຟື້ນຟູ ແລະ ເຕີບໂຕ - WhatsApp Image 2020 05 27 at 5 - “ໜຶ່ງແລວໜຶ່ງເສັ້ນທາງ” ຈີນ-ລາວ ເສັ້ນທາງແຫ່ງ ການຮ່ວມມື  ເຂັ້ມແຂງ ຟື້ນຟູ ແລະ ເຕີບໂຕ
"ໜຶ່ງແລວໜຶ່ງເສັ້ນທາງ" ຈີນ-ລາວ ເສັ້ນທາງແຫ່ງ ການຮ່ວມມື  ເຂັ້ມແຂງ ຟື້ນຟູ ແລະ ເຕີບໂຕ - WhatsApp Image 2020 05 27 at 5 - “ໜຶ່ງແລວໜຶ່ງເສັ້ນທາງ” ຈີນ-ລາວ ເສັ້ນທາງແຫ່ງ ການຮ່ວມມື  ເຂັ້ມແຂງ ຟື້ນຟູ ແລະ ເຕີບໂຕ
"ໜຶ່ງແລວໜຶ່ງເສັ້ນທາງ" ຈີນ-ລາວ ເສັ້ນທາງແຫ່ງ ການຮ່ວມມື  ເຂັ້ມແຂງ ຟື້ນຟູ ແລະ ເຕີບໂຕ - WhatsApp Image 2020 05 27 at 5 - “ໜຶ່ງແລວໜຶ່ງເສັ້ນທາງ” ຈີນ-ລາວ ເສັ້ນທາງແຫ່ງ ການຮ່ວມມື  ເຂັ້ມແຂງ ຟື້ນຟູ ແລະ ເຕີບໂຕ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!