ນັກໄຕກິລາສາວເກົາຫລີຂ້າຕົວຕາຍ ຫລັງຖືກຄູຝຶກທຸບຕີ ຮ້າຍດ່າ ລົງໂທດຢ່າງທາຮຸນເມື່ອຜົນງານບໍ່ດີ

ນັກໄຕກິລາສາວເກົາຫລີຂ້າຕົວຕາຍ ຫລັງຖືກຄູຝຶກທຸບຕີ ຮ້າຍດ່າ ລົງໂທດຢ່າງທາຮຸນເມື່ອຜົນງານບໍ່ດີ - 132 - ນັກໄຕກິລາສາວເກົາຫລີຂ້າຕົວຕາຍ ຫລັງຖືກຄູຝຶກທຸບຕີ ຮ້າຍດ່າ ລົງໂທດຢ່າງທາຮຸນເມື່ອຜົນງານບໍ່ດີ
ນັກໄຕກິລາສາວເກົາຫລີຂ້າຕົວຕາຍ ຫລັງຖືກຄູຝຶກທຸບຕີ ຮ້າຍດ່າ ລົງໂທດຢ່າງທາຮຸນເມື່ອຜົນງານບໍ່ດີ - 174233 - ນັກໄຕກິລາສາວເກົາຫລີຂ້າຕົວຕາຍ ຫລັງຖືກຄູຝຶກທຸບຕີ ຮ້າຍດ່າ ລົງໂທດຢ່າງທາຮຸນເມື່ອຜົນງານບໍ່ດີ

ນີ້​ຄື​ເຫດການ​ສັ່ນ​ສະ​ເທືອ​ນ​ວົງ​ການ​ກິລາ​ຂອງ​ ສ.​ເກົາຫລີ ຫລາຍ​ທີ່​ສຸດ​ໃນ​ຮອບ​ປີ​ນີ້, ຮຸນ​ແຮງ​ຂະໜາດ​ປະທານາທິບໍດີຕ້ອງ​ອອກ​ມາ​ສັ່ງ​ສືບສວນ​ຄະດີ. ​ເລື່ອງ​ລາວ​ຈະ​ເປັນ​ແນວ​ໃດ ນຳ​ໄປ​ສູ່​ບົດ​ສະຫລຸບ​ຮູບ​ແບບ​​ໃດ.

26 ມິຖຸນາ 2020, ນາງ ຊາ​ເວ ຊຸກ-ຮອນ ນັກ​ໄຕ​ກິລາ​​ເຍົາວະ​ຊົນ​ທີ​ມຊາດ ອາຍຸ 22 ປີ ​ໄດ້​ສົ່ງ​ຂໍ້ຄວາມ​ອອກ​ໄປ 2 ຂໍ້ຄວາມ, ຂໍ້ຄວາມ​ທຳ​ອິດ ນາງ​ສົ່ງ​ໃຫ້​ໝູ່​ຊະນິດ​ທີ່ຢູ່​ສູນ​ໄຕກິລາ​ວ່າ: ​ຝາກ​ເບິ່ງ​ແຍງ​ໝາ​ທີ່​ນາງ​ລ້ຽງ​ແດ່​ຕອນ​ທີ່​ນາງ​ບໍ່​ຢູ່. ຈາກ​ນັ້ນນາງ​ສົ່ງ​ຂໍ້ຄວາມ​ທີ​ສອງ ​ເທື່ອ​ນີ້​ສົ່ງ​ຫາ​ແມ່​ຂອງ​ຕົນ​ເອງ ​ໂດຍ​ມີ​ເນື້ອຫາ​ວ່າ: “​ແມ່ ລູກ​ຮັກ​ແມ່​ຫລາຍ​ເດີ້ ​ແລະ ​ແມ່​ຕ້ອງ​ສັນຍາ​ວ່າ ທົ່ວ​ໂລກ​ຈະ​ຕ້ອງ​ໄດ້​ຮູ້​ວ່າ​ພວກ​ມັນ​ເຮັດ​ຫຍັງ​ແດ່​ກັບ​ລູກ”.

​ເມື່ອ​ສົ່ງ​ຂໍ້ຄວາມ​ແລ້ວ, ນາງ ຊາ​ເວ​ ຮອນ ຂ້າ​ຕົວ​ຕາຍ​ຢູ່​ຫ້ອງ​ພັກ​ຂອງ​ຕົນ​ເອງ. ຍິງ​ສາວ​ອາຍຸ​ນ້ອຍ​ທີ່​ມີ​ອະນາຄົດ​ໄກ ​​ເປັນ​ຫຍັງ​ຈຶ່ງ​ຈົບ​ຊີວິດ​ຕົນ​ເອງ. ນີ້​ເປັນ​ເລື່ອງ​ທີ່​ສັງຄົມ​ມືນ​ງົງ ​ເພາະ​ໜ້າ​ສາກ​ນາງ​ເບິ່ງ​ປົກກະຕິ​ດີ. ນັກ​ກິລາ ຊາ​ເວ ​ເຄີຍ​ເປັນ​ຕົວ​ແທນ​ທີ​ມຊາດ​ໄປ​ແຂ່ງ​ລາຍການ​ເຍົາວະ​ຊົນ​ຊີງ​ແຊ້ມອາຊີ ​ແລະ ​ໄດ້​ຮັບ​ຫລຽນ​ທອງ​ກັບ​ມາ. ​ເບິ່ງ​ຈາກ​ເສັ້ນທາງ​ແລ້ວ ນາງ​ມີ​ໂອກາດ​ກ້າວ​ໄປ​ຕິດ​ທີ​ມຊາດ​ຊຸດ​ໃຫຍ່ ​ແລະ ​ໄປ​ແຂ່ງ​ໂອ​ລິ​ມປິກ​ເກ​ມ​ໃນ​ອະນາຄົດ​ນຳ​ອີກ.

ຫລັງ​ຈາກ​ນາງ​ເສຍ​ຊີວິດ, ​ແມ່​ຂອງ​ລາວ​ໄດ້​ນຳ​ເອົາ “ປຶ້ມບັນທຶກ” ທີ່ ຊາ​ເວ ຂຽນ​ບັນທຶກ​ໄວ້ ມາ​ໃຫ້​ເຈົ້າໜ້າ​ທີ່​ຕຳຫລວດ ພ້ອມວີ​ດີ​ໂອ​ເຫດການ​ບາງ​ຢ່າງ​ທີ່​ນາງ​ລັກ​ຖ່າຍ​ເກັບ​ໄວ້ ມັນ​ເປັນ​ຫລັກ​ຖານ​ທີ່​ເຮັດ​ໃຫ້​ໂລກ​ຮູ້​ວ່າ ​ໄລຍະ 4 ປີຜ່ານມາ ນາງ​ຖືກ​ກະທຳ​ຫຍັງ​ແດ່ ​ແລະ ນີ້​ຄື​ເລື່ອງ​ລາວ​ທີ່​ເປັນ​ຄວາມ​ສົນ​ໃຈ​ອັນ​ດັບ​ໜຶ່ງ​ຂອງ​ເກົາຫລີ ​ເຖິງ​ຂະໜາດ​ປະທານາທິບໍດີ ມຸນ ​ແຈ​ອິນ ຕ້ອງ​ອອກ​ມາ​ເວົ້າ​ເຖິງ​ບັນຫາ​ນີ້ ​ເຊິ່ງ​ໃນ​ເວລາ​ນີ້ ​ເລື່ອງ​ທຸກ​ຢ່າງ​ເປີດ​ເຜີຍ​ອອກ​ມາ​ໝົດ​​ແລ້ວ.

ຊື່​ສຽງ​ຂອງ ຊາ​ເວ ຊຸກ ຮອນ ​ເລີ່​ມຮູ້ຈັກ​ໃນ​ວົງ​ການ​ກິລາ​ເກົາຫລີ​ນັບ​ແຕ່​ເມື່ອ 11 ປີ​ກ່ອນ ​ໂດຍ​ວັນ​ທີ 9 ມິຖຸນາ 2009 ຊາ​ເວ ຕອນ​ນັ້ນອາຍຸ 11 ປີ ລົງ​ແຂ່ງ​ໄຕ​ກິລາ​ເຍົາວະ​ຊົນ​ແຫ່ງ​ຊາດ ​ໂດຍ​ລາຍການ​ແຂ່ງ​ນັ້ນ ນາງ​ເລີ່​ມຈາກ​ລອຍ​ນ້ຳ 400 ​ແມັດ ຈາກ​ນັ້ນຂີ່​ລົດຖີບ 10 ກິ​ໂລ​ແມັດ ກ່ອນ​ລົງທ້າຍ​ດ້ວຍ​ການ​ແລ່ນ 2,5 ກິ​ໂລ​ແມັດ ​ເຊິ່ງສຸດ​ທ້າຍ ຊາ​ເວ ​ເຂົ້າ​ເສັ້ນ​ໄຊ​ເປັນອັນ​ດັບ 1 ຄວ້າ​ຫລຽນ​ຄຳ​ໄດ້​ສຳ​ເລັດ.

ນັກໄຕກິລາສາວເກົາຫລີຂ້າຕົວຕາຍ ຫລັງຖືກຄູຝຶກທຸບຕີ ຮ້າຍດ່າ ລົງໂທດຢ່າງທາຮຸນເມື່ອຜົນງານບໍ່ດີ - 1 4 225x300 - ນັກໄຕກິລາສາວເກົາຫລີຂ້າຕົວຕາຍ ຫລັງຖືກຄູຝຶກທຸບຕີ ຮ້າຍດ່າ ລົງໂທດຢ່າງທາຮຸນເມື່ອຜົນງານບໍ່ດີ

ຊາ​ເວ ຖືກ​ເອີ້ນ​ວ່າ​ເປັນ “Iron Girl” ຫລື ​ເດັກ​ສາວ​ຈອມ​ພະລັງ. ​ວົງ​ການກຣີທາ​ເລີ່​ມຈັບ​ຕາ​ເບິ່ງ​ນາງ​ນັບ​ຈາກນັ້ນ.

ຊາ​ເວ ພັດທະນາ​ຕົນ​ເອງ​ມາ​ເລື້ອຍໆ ດ້ວຍ​ການ​ຝຶກ​ຝົນ​ຂອງ​ສູນ​ກຣີທາ​ໃນ​ໂຮງຮຽນ ​ເວລາ​ຕໍ່​ມາ​ອີກ 6 ປີ ​ໃນ​ປີ 2015 ນາງ​ຖືກ​ຄັດ​ເລືອກ​ໃຫ້​ເປັນ​ຕົວ​ແທນ​ທີ​ມຊາດ ສ.​ເກົາຫລີ ​ໄປ​ແຂ່ງ​ລາຍການ​ເຍົາວະ​ຊົນ​ຊີງ​ແຊ້ມອາຊີ ຢູ່​ໄຕ້​ຫວັນ ກ່ອນ​ສຸດ​ທ້າຍ​ຈະ​ຄວ້າ​ຫລຽນ​ທອງມາ​ຄອງ.

“ຄວາມ​ຝັນ​ຂອງ​ຂ້ອຍ ຄື​ຢາກ​ລົງ​ແຂ່ງຂັນ ລາຍການ​ໄຕ​ກິລາ​ຊີງ​ແຊ້ມ​ໂລກ” ຊາ​ເວ ຊຸກ-ຮອນ ​ໃນ​ໄວ 17 ປີ ກ່າວ​ເອົາ​ໄວ້​ດ້ວຍ​ຄວາມສຸກ.

​ເຮືອນ​ຂອງ​ ຊາ​ເວ ມີ​ຖານະ​ທຸກ​ຍາກ, ພໍ່​ແມ່​ເປັນ​ຊາວນາ. ດັ່ງນັ້ນ ນາງ​ຈຶ່ງ​ຕັ້ງ​ໃຈ​ວ່າ ຈະ​ໃຊ້​ການ​ເປັນ​ນັກ​ກິລາ​ໃນ​ການ​ສ້າງ​ລາຍ​ໄດ້​ໃຫ້​ຄອບຄົວ. ອະນາຄົດ​ຖ້າ​ນາງ​ໄດ້​ໄປ​ແຂ່ງ​​ເອຊຽນ​ເກ​ມ ຫລື ​ໂອ​ລິ​ມປິກ ອາດ​ເຮັດ​ໃຫ້​ພໍ່​ແມ່​ສະບາຍ​ຫລາຍ​ຂຶ້ນກວ່າ​​ເກົ່າ.

ຫລັງ​ຈົບ​ມັດທະຍົມ​ປາຍ​ໃນ​ປີ 2017 ​ເພື່ອ​ເປົ້າໝາຍ​ໃນ​ການ​ເປັນ​ນັກ​ກິລາ​ທີ​ມຊາດ ນາງ​ຈຶ່ງ​ຕ້ອງ​ຫາ “ສັງກັດ” ຢູ່ ​ເຊິ່ງ​ໄດ້​ແກ່​ສະ​ໂມ​ສອນ​ກຣີທາ​ມື​ອາຊີບ.

ຢູ່ ສ.​ເກົາຫລີ ຖ້າ​ທ່ານ​ຢາກ​ຕິດ​ທີ​ມຊາດ ວິທີ​ດີ​ທີ່​ສຸດ​ຄື​ເຂົ້າ​ໄປ​ສັງກັດ​ກັບ​ສະ​ໂມ​ສອນ​ໃຫຍ່ໆ ຄື​ຈະ​ມາ​ຝຶກ​ເອງ​ລຳພັງ​ຄົນ​ດຽວ ​ໂອກາດ​ສ້າງ​ສະຖິຕິ​ໃຫ້​ດີ​ຂຶ້ນມັນ​ກໍ​ຍາກ, ຍິ່ງ​ໄປ​ກວ່າ​ນັ້ນ ທ່ານ​ອາດ​ຕ້ອງ​ເຮັດ​ວຽກ​ເສີມ​ເພື່ອ​ຫາ​ລາຍ​ໄດ້​ລ້ຽງ​ຕົນ​ເອງ​ໄປ​ນຳ​ລະຫວ່າງ​ທີ່​ຝຶກ​ຊ້ອມ​ກຣີທາ ຄື​ຊີວິດ​ຈະ​ລຳ​ບາກ​ຫລາຍ ​ແຕ່​ຖ້າ​ທ່ານ​ຫາ​ສັງກັດ​ຢູ່​ໄດ້ ນອກຈາກ​ຈະ​ມີ​ອຸປະກອນ​ການ​ຝຶກ​ຊ້ອມ​ທີ່​ຄົບ​ຊຸດ​ແລ້ວ ຄ່າ​ໃຊ້​ຈ່າຍ​ຕ່າງໆ ສະ​ໂມ​ສອນ​ກໍ​ຈ່າຍ​ໃຫ້​ໝົດ ​ແລະ ຍັງ​ມີ​ເງິນ​ເດືອນ​ໃຫ້​ນັກ​ກິລາ​ອີກ​ຕ່າງຫາກ. ດັ່ງນັ້ນ ມັນ​ຈະ​ດີກ​ວ່າ ຖ້າ​ມີ​ສະ​ໂມ​ສອນ​ຄອຍ​ສະໜັບສະໜູນ.

ຊາ​ເວ ຈຶ່ງ​ຕັດສິນ​ໃຈ​ເລືອກ​ເຊັນ​ສັນຍາ​ກັບ ກວາງ​ຈູ ຊິ​ຕີ້​ຮໍ ທີ່​ເປັນ​ສະ​ໂມ​ສອນ​ທີ່​ມີ​ຊື່​ສຽງ​ແຖວ​ໜ້າ​ຂອງ​ປະ​ເທດ ​ໂດຍ ຈາງ ຢຸນ ຢອງ​ ນັກ​ໄຕ​ກິລາ​ຍິງ​ເຈົ້າຂອງ​ຫລຽນ​ທອງ ​ເອຊຽນ​ເກ​ມ 2010 ທີ່​ກວາງ​ໂຈ ​ເຊິ່ງ​ເປັນ​ນັກ​ໄຕ​ກິລາ​ຄົນ​ທຳ​ອິດ​ໃນ​ປະຫວັດສາດ​ເກົາຫລີ ທີ່​ໄດ້​ຫລຽນ​ເອຊຽນ​ເກ​ມ ກໍ​ຢູ່​ສັງກັດ​ນີ້​ນຳ.

​ເມື່ອ​ຍ້າຍ​ໄປ​ຢູ່ ຊາ​ເວ ຄາດ​ຫວັງ​ວ່າ​ຈະ​ໄດ້​ຮັບ​ຄຳ​ແນະນຳ​ທີ່​ດີ​ຈາກ​ລຸ້ນ​ເອື້ອຍ ການ​ໄດ້​ເຕັກນິກ​ດີໆ​ຈາກ​ຄົນ​ທີ່​ເຄີຍ​ໄດ້​ຫລຽນ​ເອຊຽນ​ເກ​ມມາ​ແລ້ວ ອາດ​ຈະ​ເຮັດ​ໃຫ້​ນາງ​ພັດທະນາ​ຂຶ້ນ. ​ເຖິງ​ຢ່າງ​ໃດ​ກໍ​ຕາມ ສິ່ງ​ທີ່ ຊາ​ເວ ບໍ່​ໄດ້​ຄາດ​ຄິດ​ມາ​ກ່ອນ​ເລີຍ ຄື​ລຸ້ນ​ເອື້ອຍຈາງ ບໍ່​ໄດ້​ຄິດ​ວ່າ​ນາງ​ເປັນ​ລຸ້ນນ້ອງ ​ແຕ່​ພັດ​ເບິ່ງ​ວ່າ​ເປັນ “​ໄພ​ຄຸກ​ຄາມ”.

ຕອນ​ຍ້າຍ​ມາ​ຢູ່​ທີ​ມກວາງ​ຈູ, ຊາ​ເວ ອາຍຸ 19 ປີ ນາງ​ເຕັມ​ໄປ​ດ້ວຍ​ພະລັງ ມີ​ຄວາມ​ສົດ​ໃໝ່ ​ແລະ ພ້ອມ​ຈະ​ຂຶ້ນ​​ໄປ​ເປັນຣາຊີ​ນີຄົນ​ຕໍ່​ໄປ​ຂອງ​ວົງ​ການ​ໄຕ​ກິລາ, ​ແຕ່​ຖ້າ​ເບິ່ງ​ອີກ​ມຸມ​ໜຶ່ງ ນັ້ນ​​ແປ​ວ່າ ຊາ​ເວ ຕ້ອງ​ໂຄ້ນ​ຕຳ​ແໜ່​ງຈາກຣາຊິ​ນີຄົນ​ປັດຈຸບັນ ນັ້ນຄື ຈາງ ຢຸນ ຢອງ ​ເຊິ່ງ ຈາງ ຢຸນ ຢອງ ອາຍຸ​ພຽງ 28 ປີ ນາງ​ຍັງ​ສາມາດ​ເປັນອັນ​ດັບ​ໜຶ່ງ​ຕໍ່​ໄປ​ໄດ້​ອີກ​ດົນ ​ແລະ ​ແນ່ນອນ​ວ່າ​ນາງ​ຈະ​ບໍ່​ຍອມ​ໃຫ້​ໃຜ​ມາຍາ​ດຕຳ​ແໜ່​ງ​ໄດ້.

ຄົນ​ທົ່ວ​ໄປ ຖ້າ​ຢາກ​ຢຶດມື​ໜຶ່ງ​ຕໍ່​ໄປ​ດົນໆ ຄົງ​ເລືອກ​ໃຊ້​ວິທີ​ພັດທະນາ​ຕົນ​ເອງ​ໃຫ້​ເກັ່ງ​ຂຶ້ນ​ໄປ​ອີກ, ​ແຕ່​ວິທີ​ທີ່​ລຸ້ນ​ເອື້ອຍຈາງ ​ເລືອກ​ຈະ​ເຮັດ​ຄື​ກົດ ຊາ​ເວ ລົງ​ມາ​ບໍ່​ໃຫ້​ເງີຍ​ຫົວ​ໄດ້​ດ້ວຍ​ “​ພຶດຕິ​ກຳ​ທີ່​ຮຸນ​ແຮງ”.

ລຸ້ນ​ເອື້ອຍຈາງ ​ແກ້ງ ຊາ​ເວ ​ເປັນ​ເວລາ 1 ປີ ທັງ​ທາງ​ຮ່າງກາຍ ​ແລະ ທາງ​ວາຈາ. ຢູ່ ສ.​ເກົາຫລີ ​ເລື່ອງ​ຄວາມ​ເຄົາລົບ​ລຸ້ນ​ເອື້ອຍລຸ້ນນ້ອງ​ຍັງ​ໜຽວ​ແໜ້ນ. ດັ່ງນັ້ນ ຊາ​ເວ ຕ້ອງກົ້ມໜ້າກົ້ມຕາ​ຖືກ​ກະທຳ​ ຈະ​ມາ​ເຮັດ​ຕົວ​ອ່ອນ​ແອ​ໃຫ້​ເຫັນ​ບໍ່​ໄດ້​ເດັດຂາດ.

ຄັ້ງໜຶ່ງ ລຸ້ນ​ເອື້ອຍຈາງ ​ເອີ້ນ ຊາ​ເວ ມາ​ແລ້ວ​ຊີ້​ໃສ່​ຕົ້ນຂາ ພ້ອມ​ຮ້ອງ​ແຮງໆ​ກັບ​ຄົນ​ໃນ​ທີ​ມວ່າ “ຮ່າງກາຍ​ແບບ​ນີ້​ຖາມ​ແທ້ໆ​ເຈົ້າ​ເປັນ​ຜູ້​ຊາຍ​ແປງ​ເພດ​ມາ ຫລື ບໍ່”, ສ່ວນ​ອີກ​ຄັ້ງໜຶ່ງ​ນາງ​ບອກ​ວ່າ “​ເຈົ້າ​ເປັນ​ກະ​ເທີຍ​ທີ່​ນັດ​ຜູ້​ຊາຍ​ບໍ່​ເລືອກ​ໜ້າ ຫລື ບໍ່​ນິ”. ລຸ້ນ​ເອື້ອຍຈາງ ຍ່າງ​ຢູ່ດີໆ​ເອົາ​ມື​ມາ​ຕົບ​ຫົວ​ນາງ ​ແລ້ວ​ກໍ​ຫົວຂວັນ. ບາງ​ເທື່ອ​ກໍ​ຕີ, ຊຸກ ​ແລະ ທຸກ​ຄົນ​ໃນ​ທີ​ມກໍ​ຄິດ​ວ່າ​ເປັນ​ເລື່ອງ​ມ່ວນ​ຊື່ນ, ນາງ​ຖືກ​ແກ້ງ​ແລ້ວ​ແກ້ງ​ອີກ​ຫລາຍ​ປີຕິ​ດຕໍ່​ກັນ ຕອນ​ທຳ​ອິດ​ນາງ​ກໍ​ອົດທົນ​ໄດ້ ​ແຕ່​ເມື່ອ​ຖືກ​ກະທຳ​ຊ້ຳໆ​ມາ 1 ປີ ​ໃນ​ທີ່​ສຸດ​ນາງ​ທົນ​ບໍ່​ໄຫວ​ເອົາ​ເລື່ອງ​ນີ້​ໄປ​ຟ້ອງ​ຄູ​ຝຶກ​ຂອງ​ທີ​ມ ທີ່​ຊື່ ຄິມ ຄາ​ໂຢ-ບອງ ປາກົດ​ວ່າ​ຄູ​ຝຶກ​ເອີ້ນ​ທັງ​ສອງ​ມາ ​ແລ້ວ​ສັ່ງ​ໃຫ້ ຊາ​ເວ ຄຸກ​ເຂົ່າ​ລົງ​ຂໍ​ໂທດ​ລຸ້ນ​ເອື້ອຍຈາງ ບໍ່​ມີ​ການ​ປົກ​ປ້ອງ​ໃດໆ​ເກີດ​ຂຶ້ນ.

​ໄປໆ​ມາໆ ການ​ໃຊ້​ກຳລັງ​ບໍ່​ໄດ້​ມີ​ພຽງ​ລຸ້ນ​ເອື້ອຍຈາງ​ເທົ່າ​ນັ້ນ ​ແຕ່​ຄູ​ຝຶກ​ຄິມ ກໍ​ຮ່ວມ​ວົງ​ນຳ. ຊາ​ເວ ​ໄດ້​ບັນທຶກ​ໄວ້​ໃນ​ປຶ້ມບັນທຶກ ​ໂດຍ​ລະບຸ​ວ່າ: ຄັ້ງໜຶ່ງ​ທີ່​ທີ​ມ​ໄປ​ເກັບ​ຕົວ​ຢູ່​ນິວຊີ​ແລນ ທີ​ມງານ​ສັ່ງ​ໃຫ້​ນັກ​ກິລາ​ອົດ​ອາຫານ ​ແຕ່ ຊາ​ເວ ຫລົງ​ໄປ​ກິນລູກ​ພືດ 2 ອັນ ປາກົດ​ວ່າ​ຄູ​ຝຶກ​ຄິມ ​ເອົາ​ກີບ​ມາ​ຕົບ​ໜ້າ​ນາງ. ຈາກ​ນັ້ນບອກ​ວ່າ​ຢາກກິນ​ຫລາຍ​ແມ່ນ​ບໍ່ ​ໄດ້ ຄູ​ຝຶກ​ຄິມ​ໄປ​ຊື້​ເຂົ້າໜົມປັງ​ຢູ່​ຮ້ານ​ຄ້າ ມູນ​ຄ່າ 2 ​ແສນ​ວອນ ​ແລ້ວ​ສັ່ງ​ໃຫ້ ຊາ​ເວ ກິນ​ເຂົ້າ​ໄປ​ເລື້ອຍໆ ກິນ​ຢ່າ​ຢຸດ ພໍ​ນາງ​ກິນ​ບໍ່​ໄຫວ​ຮາກ​ອອກ​ມາ ກໍ​ບັງຄັບ​ໃຫ້​ກິນ​ຕໍ່​ຈົນ​ຮາກ​ອີກ​ຮອບ​ສອງ ຈົນ​ຮອດ​ເຊົ້າ.

ສິ່ງ​ທີ່​ເກີດ​ຂຶ້ນຄື ຊາ​ເວ ​ໂດດດ່ຽວ​ເກີນ​ໄປ ນາງ​ເປັນ​ເປົ້າໝາຍ​ການ​ຫລິ້ນງານ​ຂອງ​ດາວ​ດັງ​ໃນ​ທີ​ມ ​ແລະ ຄູ​ຝຶກ ​ເຊິ່ງ​ເພື່ອນ​ຮ່ວມ​ທີ​ມຄົນ​ອື່ນ​ກໍ​ເຫັນ​ເຫດການ ​ແຕ່​ບໍ່​ມີ​ໃຜ​ກ້າ​ທີ່​ຈະ​ເຮັດ​ຫຍັງ ທຸກ​ຄົນ​ຢ້ານ​ວ່າ​ຕົນ​ເອງ​ອາດ​ຖືກ​ລູກ​ຫລົງ​ໄປ​ນຳ. ດັ່ງນັ້ນ ຈຶ່ງ​ງຽບ​ໄວ້ ​ແລະ ​ເບິ່ງ​ ຊາ​ເວ ຖືກ​ກະທຳ​ຊ້ຳໆ​ເປັນ​ປີ.

ຈາກ​ສະພາບ​ຈິດ​ໃຈ​ບໍ່​ດີ ​ເຮັດ​ໃຫ້​ນາງ​ຟອມຕົກ​ແບບ​ໜ້າ​ໃຈ​ຫາຍ ກ່ອນ​ຈະ​ຂໍ​ພັກ​ການ​ຫລິ້ນກິລາ​ໄປ​ກ່ອນ 1 ປີ ​ເພື່ອ​ພັກ​ໃຈ​ຢູ່​ບ້ານ​ເກີດ.

ມັນ​ເປັນ​ບັນຫາ​ທີ່​ນາງ​ບໍ່​ຮູ້​ຈະ​ແກ້​ໄຂ​ແນວ​ໃດ ​ເພາະ​ວັດທະນະທຳ​ການ​ຝຶກ​ຊ້ອມ​ກິລາ​ຢູ່​ເກົາຫລີ​ມັນ​ເປັນ​ແບບ​ນີ້​ມາ​ຕະຫລອດ ຄື​ຄູ​ຝຶກ​ດ່າ, ​ໂຫດ ​ແລະ ນັກ​ກິລາ​ຕ້ອງ​ປະຕິບັດ​ຕາມ​ທຸກ​ຢ່າງ​ທີ່​ຄູ​ຝຶກ​ສັ່ງ​ຢ່າງ​ເຂັ້ມງວດ. ນັກ​ກິລາ​ທີ່​ປະສົບ​ຜົນສຳ​ເລັດ​ສ່ວນ​ຫລາຍ​ຕ້ອງ​ຂ້າມ​ຂີດ​ຈຳກັດ​ຂອງ​ຕົນ​ເອງ​ທັງ​ໝົດ. ທາງ​ເລືອກ​ອື່ນ​ກໍ​ມີ ນັ້ນຄື​ນາງ​ສາມາດ​ຍ້າຍ​ໄປ​ຢູ່​ສະ​ໂມ​ສອນ​ອື່ນ​ໄດ້ ​ແຕ່​ຄຸນ​ນະພາ​ບຂອງ​ອຸປະກອນ​ການ​ຝຶກ​ຊ້ອມ ​ແລະ ສະຫວັດດີ​ການ​ຕ່າງໆ​ຈະ​ບໍ່​ດີ​ເທົ່າ​ກວາງ​ຈູ ຊິ​ຕີ້​ຕໍ ທີ່​ຖື​ເປັນ​ທີ​ມ​ໃຫຍ່ ​ແລະ ອີກ​ຢ່າງ​ໜຶ່ງ ຖ້າ​ນາງ​ຍ້າຍ​ທີ​ມສາຍຕາ​ຄົນ​ນອກ​ຈະ​ເບິ່ງ​ແນວ​ໃດ ຈະ​ເບິ່ງ​ວ່າ​ນາງ​ເປັນ​ພວກ​ບໍ່​ມີນ້ຳອົດ​ນ້ຳທົນ ຫລື ບໍ່ ​ເຊິ່ງຖ້າ​ເປັນ​ແບບ​ນັ້ນ ​ໃຜ​ຈະ​ຢາກ​ຮ່ວມ​ວຽກ​ນຳ ​ໃນ​ມຸມ​ມອງ ຊາ​ເວ ນາງ​ສັບສົນ​ວ່າ​ມັນ​ເປັນ​ພຶດຕິ​ກຳ​ຮຸນ​ແຮງ ຫລື ​ເປັນ​ເລື່ອງ​ປົກກະຕິ​ທີ່​ນັກ​ກິລາ​ຕ້ອງ​ຖືກ​ທຸກ​ຄົນ.

​ໃນ​ໄລຍະ 1 ປີ​ທີ່ ຊາ​ເວ ຫາຍ​ໄປ ລຸ້ນ​ເອື້ອຍຈາງ ບໍ່​ມີ​ຄູ່​ແຂ່ງ ນາງ​ກວາດ​ຫລຽນ​ແຊ້ມທຸກ​ລາຍການ​ໃນ​ປະ​ເທດ ກ່ອນ​ຈະ​ໄດ້​ເປັນ​ຕົວ​ແທນ​ທີ​ມຊາດ​ອີກ​ຄັ້ງ ​ໄປ​ແຂ່ງ​ເອຊຽນ​ເກ​ມ 2018 ທີ່​ອິນ​ໂດ​ເນ​ເຊຍ ​ແລະ ຄວ້າ​ຫລຽນ​ເງິນ​ມາ​ຄອງ​ໄດ້​ສຳ​ເລັດ.

ສະຖານະ​ຂອງ ຈາງ ຈຸນ ຢອງ ​ໃນ​ສະ​ໂມ​ສອນ​ກວາງ​ຈູ ຊິ​ຕີ້​ຮໍ ບໍ່​ມີ​ໃຜ​ແຕະຕ້ອງ​ໄດ້​ຈາກ​ຜົນງານ​ທີ່​ເຫັນ​ແບບ​ນັ້ນ.

1 ປີຜ່ານມາ ຊາ​ເວ ຊຸກ ຮອນ ຮວບ​ຮວມຄວາມ​ກ້າ ​ແລະ ກັບ​ມາສະ​ໂມ​ສອນ​ກວາງ​ຈູ ຊິ​ຕີ້​ຮໍ ອີກ. ນາງ ອາຍຸ 21 ປີ ຍັງ​ຢູ່​ໃນ​ວົງ​ການ​ນີ້​ໄດ້​ດົນ ຕອນ​ນີ້​ນາງ​ຄິດ​ວ່າ​ຈິດ​ໃຈ​ແຂງ​ແຮງ​​ແລ້ວ ​ແລະ ຫລັງ​ຈາກ​ເວັ້ນວ່າງ​ໄປ 1 ປີ ​ທຸກ​ຢ່າງ​ມັນ​ອາດ​ຈະ​ດີ​ຂຶ້ນ.

​ເດືອນ​ມັງກອນ 2019 ນາງ​ຂຽນ​ຂໍ້ຄວາມ​ໃນ​ປຶ້ມບັນທຶກ​ວ່າ: “​ເອົາລະ ນີ້​ຄືກ​ານ​ເລີ່​ມຕົ້ນ​ໃໝ່ ຂ້ອຍ​ສາມາດ​ກັບ​ຄືນ​ສູ່​ຟອມສຸດ​ຍອດ​ອີກ​ຄັ້ງ​ໄດ້ ຂ້ອຍ​ເຮັດ​ໄດ້ ! ລຸຍ​ເລີຍ !”

ຊາ​ເວ ​ເດີນທາງ​ໄປ​ນິວຊີ​ແລນ​ເພື່ອ​ເກັບ​ຕົວ​ກັບ​ທີ​ມອີກ ​ໂດຍ​ຕອນ​ນີ້​​ໃກ້​ໄດ້​ເວລາ​ຄັດ​ຕົວ​ແທນ​ທີ​ມຊາດ​ໄປ​ແຂ່ງ​ໂອ​ລິ​ມປິກ 2020 ຢູ່​ນະຄອນຫລວງ​ໂຕ​ກຽວ​ແລ້ວ ຖ້າ​ນາງ​ມີ​ຟອມດີ ອາດ​ສ້າງ​ປະຫວັດສາດ​ຕິ​ດທີ​ມຊາດ​ໄດ້.

​ເຖິງ​ຢ່າງ​ໃດ​ກໍ​ຕາມ, ​ເຖິງ​ວ່າ ຊ​າ​ເວ ຈະ​ເບິ່ງ​ໂລກ​ໃນ​ແງ່​ດີ ​ແຕ່​ຄວາມ​ຈິງ​ຄື​ນາງ​ຍັງ​ຖືກ​​ແກ້ງ​ຕໍ່ ​ແລະ ​ເທື່ອ​ນີ້​ບໍ່​ແມ່ນ​ພຽງ​ລຸ້ນ​ເອື້ອຍຈາງ ​ແລະ ຄູ​ຝຶກ​ເທົ່າ​ນັ້ນ ​ແຕ່​ຍັງ​ມີ​ແພດ​ປະຈຳ​ທີ​ມ ອານ ຈູ​ຢຸນ ​ແລະ ລຸ້ນອ້າຍ​ ຄິມ ​ໂຄ​ວານ ຮ່ວມ​ວົງ​​ໃນ​ການ​ທໍາຮ້າຍ​ນາງ​ນຳ​ອີກ.

“​ເຮົາ​ເຫັນ ຊາ​ເວ ຖືກ​ທຳຮ້າຍ​ຕອນ​ຊ້ອມຢ່າງ​ໜ້ອຍ​ເດືອນ​ລະ 3-4 ຄັ້ງ” ​ເພື່ອນ​ຮ່ວມ​ທີ​ມຄົນ​ໜຶ່ງ​ກ່າວ. “ທີ​ມຂອງ​ເຮົາ​ເຄັ່ງ​ຂັດ​ເລື່ອງ​ກົດ​ລຸ້ນ​ເອື້ອຍລຸ້ນນ້ອງ ​ແລະ ​ເບິ່ງ​ເປັນ​ປົກກະຕິ​ທີ່​ລຸ້ນ​ເອື້ອຍຈະ​ຕີ​ລຸ້ນນ້ອງ​ໃນ​ທີ​ມ”.

​ເລື່ອງ​ການ​ທຳຮ້າຍ​ຮ່າ​ງກາຍ ​ແລະ ພຶດຕິ​ກຳ​ຮຸນ​ແຮງ​​ເປັນ​ເລື່ອງ​ແປກ ນັ້ນຄື​ຄົນ​ທີ່​ມັກ​ມີ​ພຶດຕິ​ກຳ​ຮຸນ​ແຮງ​ທຳຮ້າຍ​ຄົນ​ອື່ນ ຈະ​ເຮັດ​ໄປ​ເລື້ອຍໆ​ແບບ​ບໍ່​ມີ​ຂີດ​ຈຳກັດ ບໍ່​ຈົບ​ງ່າຍໆ ​ເວລາ​ທີ່ ຊາ​ເວ ພະຍາຍາມ​ລຸກຂຶ້ນສູ້ ນາງ​ພັດ​ຍິ່ງ​ຖືກ​ທຳຮ້າຍ​ໜັກ​ກວ່າ​ເກົ່າ ຈົນ​ຕ້ອງ​ລົ້ມລົງ​ໄປ​ອີກ.

ນັກໄຕກິລາສາວເກົາຫລີຂ້າຕົວຕາຍ ຫລັງຖືກຄູຝຶກທຸບຕີ ຮ້າຍດ່າ ລົງໂທດຢ່າງທາຮຸນເມື່ອຜົນງານບໍ່ດີ - Wave100S AD to Website 2020 0 - ນັກໄຕກິລາສາວເກົາຫລີຂ້າຕົວຕາຍ ຫລັງຖືກຄູຝຶກທຸບຕີ ຮ້າຍດ່າ ລົງໂທດຢ່າງທາຮຸນເມື່ອຜົນງານບໍ່ດີ

ນາງ​ຖືກ​ຕົບ, ຖືກ​ເຕະ, ຖືກ​ຖີບ ສາລະພັດ​ຈະ​ທຳຮ້າຍ​ຮ່າງກາຍ ​ແລະ ​ແນ່ນອນ ​ເມື່ອ​ຖືກ​ທຳຮ້າຍ​ແບບ​ນີ້​ຈະ​ເອົາ​ສະມາທິ​ໃດ​ໄປ​ຝຶກ​ຊ້ອມ ຜົນງານ​ຂອງ​ນາງ​ຫ່າງ​ໄກ​ກັບ​ການ​ຕິດ​ທີ​ມຊາດ.

“ຄູ​ຝຶກ ​ແລະ ​ແພດ​ປະຈຳ​ທີ​ມບອກ​ວ່າ ຊາ​ເວ ​ເປັນ​ຜູ້ຍິງ​ໂຣກຈິດ ​ແລະ ມັກ​ມີ​ບັນຫາ” ​ເພື່ອ​ນຮ່ວມ​ທີ​ມຄົນ​ໜຶ່ງ​ກ່າວ. ຄືນ​ອກຈາກ​ທຳຮ້າຍ​ຮ່າງກາຍ​ແລ້ວ ຍັງ​ສ້າງ​ພາບ​ພົດ​ເປັນ​ແງ່​ລົບ​ໃຫ້​ກັບ ຊາ​ເວ ນຳ​ອີກ.

ນັກໄຕກິລາສາວເກົາຫລີຂ້າຕົວຕາຍ ຫລັງຖືກຄູຝຶກທຸບຕີ ຮ້າຍດ່າ ລົງໂທດຢ່າງທາຮຸນເມື່ອຜົນງານບໍ່ດີ - 2 5 300x264 - ນັກໄຕກິລາສາວເກົາຫລີຂ້າຕົວຕາຍ ຫລັງຖືກຄູຝຶກທຸບຕີ ຮ້າຍດ່າ ລົງໂທດຢ່າງທາຮຸນເມື່ອຜົນງານບໍ່ດີ

​ໃນ​ທີ່​ສຸດ ຊາ​ເວ ກໍ​ຟິວຂາດ ນາງ​ທົນ​ບໍ່​ໄຫວ​ແລ້ວ ຈຶ່ງ​ສົ່​ງ​ເລື່ອງ​ໄປ​ແຈ້ງ​ທຸກ​ຝ່າຍ​ທີ່​ກ່ຽວຂ້ອງ ບໍ່​ວ່າ​ຈະ​ເປັນ​ສະມາຄົມ​ໄຕ​ກິລາ​ຂອງ ສ.​ເກົາຫລີ ລວມທັງ​ສະຖານີ​ຕຳຫລວດ​ກວາງ​ຈູ ​ເພາະ​ການ​ກະທຳ​ແບບ​ນີ້​ມັນ​ຄືກ​ານທຳຮ້າຍ​ຮ່າງກາຍ ມັນ​ໄປ​ໄກ​ກວ່າ​ການ​ຝຶກ​ຊ້ອມ​ແລ້ວ.

​ເຖິງ​ຢ່າງ​ໃດ​ກໍ​ຕາມ, ​ເລື່ອງ​ທີ່​ນາງ​ໄປ​ແຈ້ງ​ຕໍ່​ສະມາຄົມ​ສຸດ​ທ້າຍກໍ​ງຽບ​ຫາຍ​ໄປ ບໍ່​ມີ​ການ​ຕອບ​ຮັບ​ແນວ​ໃດ​ເລີຍ. ຂະນະ​ທີ່​ຕອນ​ນາງ​ໄປ​ແຈ້ງ​ຄວາມ ຕຳຫລວດ​ລະບຸ​ວ່າ: “​ເຈົ້າສິ​ເອົາ​ຫຍັງ​ໄປ​ຟ້ອງ​ກັບ​ການ​ຝຶກ​ຊ້ອມ​ກິລາ ສ່ວນ​ຫລາຍ​ກໍ​ປັບ​ໄໝ 200.000-300.000 ວອນ ​ເທົ່າ​ນັ້ນ” ຕຳຫລວດ​ບໍ່​ໄດ້​ສົນ​ໃຈ​ຢ່າງ​ຈິງ​ຈັງ ​ເປັນ​ພຽງ​ເລື່ອງ​ປົກກະຕິ​ຂອງ​ການ​ຝຶກ​ຊ້ອມ​ກິລາ ​ໃຜໆ​ກໍ​ຝຶກ​ຊ້ອມ​ໜັກ​ແບບ​ນີ້​.

ນັ້ນຄື​ຈຸດ​ເລີ່​ມຕົ້ນທີ່ ຊາ​ເວ ຕັດສິນ​ໃຈ​ວ່າ​ນາງ​ຕ້ອງ​ມີ​ຫລັກ​ຖານ​ໃນ​ມື ​ໂດຍ​ນອກຈາກ​ປຶ້ມບັນທຶກ​ທີ່​ນາງ​ຂຽນ​ເປັນ​ປະຈຳ​ແລ້ວ ນາງ​ຍັງ​ມີ​ການ​ລັກລອບ​ບັນທຶກ​ສຽງ​ເຫດການ​ເອົາ​ໄວ້​ຕອນ​ທີ່​ນາງ​ຖືກ​ທຳຮ້າຍ.

​ເດືອນ​ມີນາ 2019 ຊາ​ເວ ບັນທຶກ​ສຽງ​ໃນ​ມື​ຖື ​ເປັນ​ເຫດການ​ທີ່​ນາງ​ຖືກ​ແພດ​ປະຈຳ​ທີ​ມກັບ​ຄູ​ຝຶກ ກຳລັງ​ລົງ​ໂທດ​ຫລັງ​ຈາກ​ນາງ​ບໍ່​ສາມາດ​ຫລຸດ​ນ້ຳໜັກ​ໄດ້​ຕາມ​ເກນ​ທີ່​ສະ​ໂມ​ສອນ​ວາງ​ໄວ້ “ມັນ​ຄື​ຄວາມ​ຜິດ​ຂອງ​ເຈົ້າ, ​ເຈົ້າຕ້ອງ​ໄປ​ອົດ​ອາຫານ​ສາມ​ວັນ” ສຽງ​ຂອງ​ແພດ​ປະຈຳ​ທີ​ມ​ເວົ້າ “ຖ້າ​ເຈົ້າບໍ່​ສາມ​າດ​ເຮັດ​ຕາມ​ຄຳ​ສັ່ງ​ໄດ້ ​ເຈົ້າຕ້ອງ​ອົດ​ອາຫານ ຈົ່ງ​ຮັບຜິດຊອບ​ຕໍ່​ສິ່ງ​ທີ່​ຕົນ​ເອງ​ເຮັດ” ຈາກ​ນັ້ນກໍ​ເປັນ​ສຽງ​ຕົບ​ໜ້າ​ດັງ​ຜົວະ ດັງ​ຂຶ້ນມາ​ຈາກ​ໃນ​ຄລິບ​ສຽງ. ຊາ​ເວ ຖືກ​ຕົບ​ໜ້າ​ຢ່າງ​ຮຸນ​ແຮງ ຕໍ່​ມາ​ແມ່ນ​ສຽງ​ການ​ຖືກ​ຕີ​ອີກ​ນັບ​ບໍ່​ຖ້ວນ.

​ໃນ​ເຫດການ​ນັ້ນ ຊາ​ເວ ບັນທຶກ​ໃນ​ປຶ້ມວ່າ ນາງ​ຖືກ​ຕົບ, ຖືກ​ຕີ ​ແລະ ​ເຕະ​ຫລາຍ​ກວ່າ 20 ຄັ້ງ ຈົນ​ກະດູກ​ຂ້າງ​ລ້າວ ​ແລະ ຂໍ້ຄວາມ​ສະ​ເທືອ​ນ​ໃຈ​ວ່າ “ຂ້ອຍ​ຢາກ​ຕາຍ ຈະ​ຖືກ​ລົດ​ຕຳ ຖືກ​ໂຈນ​ເອົາ​ມີດ​ແທງ ຫລື ອັນ​ໃດ​ກະ​ໄດ້ ຂ້ອຍ​ບໍ່​ຢາກ​ຢູ່​ໃນ​ໂລກ​ນີ້​ແລ້ວ”

ຈຸດ​ແຕກ​ຫັກ​ທີ່​ສຳຄັນ​ທີ່​ສຸດ​ເກີດ​ຂຶ້ນ ຕອນ​ທີ​ນາງ​ອອກ​ຈາກ​ສູນ​ເກັບ​ຕົວ​ຂອງ​ສະ​ໂມ​ສອນ​ຢູ່​ແຂວງ​ຢອງ​ຊັງ ​ເພື່ອ​ໄປ​ວຽກ​ຢູ່​ເຮືອນ ​ເຊິ່ງຖ້າ​ນາງ​ຂໍ​ຄູ​ຝຶກ ອາດ​ບໍ່​ສາມາດ​ໄປ​ໄດ້ ນາງ​ຈຶ່ງ​ລັກ​ຫລົບ​ອອກ​ມາ ​ແລະ ປາກົດ​ວ່າ​ຖືກ​ຈັບ​ໄດ້.

​ໃນ​ວັນນັ້ນຄູ​ຝຶກ​ຄິມ​ໂທ​ຫາ​ພໍ່​ແມ່​ຂອງ​ຊາ​ເວ ​ໃຫ້​ມາ​ຫາ​ຢູ່​ສູນ​ຝຶກ​ແຂວງ​ຢອງ​ຊັງ ​ເມື່ອ​​ພົບ​ໜ້າ​ກັນ ຄູ​ຝຶກ​ບອກ​ວ່າ “ລູກ​ສາວ​ຂອງ​ພວກ​ເຈົ້າ​ສ້າງ​ເລື່ອງ​ຮຸນ​ແຮງ ​ແລະ​ ​ເຈົ້າ​ໃນ​ຖານະ​ແມ່​ຕ້ອງ​ລົງ​ໂທດ​ນາງ ຕົບ​ໜ້າ​ນາງ​ແຮງໆ​ໃຫ້​ຂ້ອຍ​ເຫັນ​ຕອນ​ນີ້”

​ແມ່​ຂອງ​ຊາ​ເວ ບໍ່​ຍອມ​ທຳຮ້າຍ​ລູກ​ສາວ​ຕົນ​ເອງ. ດັ່ງນັ້ນ ຄູ​ຝຶກ​ຄິມ ຈຶ່ງ​ຕົບ​ໜ້າ​ຊາ​ເວ​ໜຶ່ງ​ບາດ ​ແລະ ສັ່ງ​ໃຫ້​ແມ່​ຕົບ​ຊາ​ເວ​ດຽວ​ນີ້ ບໍ່​ສະນັ້ນລາວ​ຈະ​​ໄລ່​ອອກ​ຈາກ​ທີ​ມ ​ເຊິ່ງ ຊາ​ເວ ຈຶ່ງ​ບອກ​ແມ່​ວ່າ​ບໍ່​ເປັນ​ຫຍັງ ຕົບ​ໂລດ ລູກ​ທົນ​ໄດ້ ສຸດ​ທ້າຍ​ແມ່​ຕ້ອງ​ຍອມ​ຕົບ​ໜ້າ​ລູກ​ຕໍ່ໜ້າ​ຄູ​ຝຶກ ​ເຊິ່ງທັງ​​ແມ່ ​ແລະ ລູກ​ສາວ​ຕ້ອງ​ຮ້ອງ​ໄຫ້​ໄປ​ພ້ອມ​ກັນ.

ນັກໄຕກິລາສາວເກົາຫລີຂ້າຕົວຕາຍ ຫລັງຖືກຄູຝຶກທຸບຕີ ຮ້າຍດ່າ ລົງໂທດຢ່າງທາຮຸນເມື່ອຜົນງານບໍ່ດີ - 3 4 300x169 - ນັກໄຕກິລາສາວເກົາຫລີຂ້າຕົວຕາຍ ຫລັງຖືກຄູຝຶກທຸບຕີ ຮ້າຍດ່າ ລົງໂທດຢ່າງທາຮຸນເມື່ອຜົນງານບໍ່ດີ

“​ເຈົ້າກ້າ​ດີ​ແນວ​ໃດ ຈຶ່ງ​ໜີອອກ​ໄປ​ຈາກ​ສູນ​ເກັບ​ຕົວ​ຂອງ​ຂ້ອຍ” ຄູ​ຝຶກ​ຄິມກ່າວ​ຢ່າງ​ໂກດ​​ແຄ້ນ. ​ໃນ​ຄັ້ງນັ້ນ ຊາ​ເວ ຍັງ​ຢູ່​ກັບ​ທີ​ມຕໍ່. ​ໄຕ​ກິລາ​ຄື​ຄວາມ​ຝັນ​ດຽວ​ຂອງ​ນາງ ​ເປັນ​ຫົນທາງ​ດຽວ​ທີ່​ຈະ​ເຮັດ​ໃຫ້​ຄອບຄົວ​ມືນ​ຕາ​ອ້າ​ປາກ​ໄດ້. ​ເຖິງ​ຢ່າງ​ໃດ​ກໍ​ຕາມ ຟາງ​ເສັ້ນສຸດ​ທ້າຍ​ກຳລັງ​ຈະ​ເຮັດ​ໃຫ້​ນາງ​ຫລັງ​ຫັກ​ແລ້ວ ​ແລະ ສຸດ​ທ້າຍ​ນາງ​ກໍ​ບໍ່​ໄຫ​ວ​ແທ້ໆ ​ໃນ​ທ້າຍ​ປີ 2019 ນາງ​ຖືກ​ຕີ​ອີກ ​ເທື່ອ​ນີ້ ຊາ​ເວ ຖືກ​ແພດ​ຂອງ​ທີ​ມຮ້ອງ​ໃສ່​ວ່າ “ຄວາມ​ຈິງ​ແລ້ວ​ນາງ​ກໍ​ມີ​ຝີ​ມື​ດີ ​ແຕ່​ນາງ​ມັນ​ພວກ​ໜອນ​ບ່ອນ​ໄສ້ ນາງ​ເອົາ​ເລື່ອງ​ເຮົາ​ໄປ​ບອກ​ຕຳຫລວດ​ແມ່ນ​ບໍ່ ນາງ​ຄິດ​ດີ​ລະ​ຫວາ​ຈະ​ມີ​ໃຜ​ສົນ​ໃຈ ​ເລື່ອງ​ຄູ​ຝຶກ​ກັບ​ນັກ​ກິລາ​ແບບ​ນີ້”.

​ເຖິງ​ຈຸດ​ນັ້ນ ຊາ​ເວ ຈຶ່ງ​ໝົດ​ຄວາມ​ອົດທົນ ​ເພາະ​ນາງ​ຮູ້​ວ່າ​ຢູ່​ກັບ​ທີ​ມນີ້​ໄປ ນາງ​ບໍ່​ໄດ້​ໂອກາດ​ຫຍັງ ອະນາຄົດ​ກໍ​ບໍ່​ມີ ​ແລະ ຍັງ​ເຈັບ​ຕົວ​ອີກ ​​ເປັນ​ຫຍັງ​ນາງ​ຕ້ອງ​ມາ​ທົນ​ກັບ​ຊີວິດ​ແບບ​ນີ້. ຊາ​ເວ ຈຶ່ງ​ຂໍ​ລາ​ອອກ​ຈາກ​ທີ​ມກວາງ​ຈູ ຊິ​ຕີ້​ຮໍ ​ໃນ​ທີ່​ສຸດ.

ຫລັງ​ຈາກ​ລາ​ອອກ​ຈາກ​ທີ​ມ ກໍ​ເປັນ​ແບບ​ທີ່​ນາງ​ຄິດ ຄື​ຢູ່​ເກົາຫລີ​ຈະ​ມີ​ຄວາມ​ເຊື່ອ​ວ່າ ຄົນ​ທີ່​ລາ​ອອກ​ຈາກ​ທີ​ມ​ເປັນ​ພວກ​ບໍ່​ມີນ້ຳອົດ​ນ້ຳທົນ ບໍ່​ມີ​ທາງ​ຈະ​ປັ້ນຂຶ້ນ ​ເຮັດ​ໃຫ້​ບໍ່​ມີ​ທີ​ມ​ໃຫຍ່​ກ້າ​ຮັບ​ນາງ​ໄປ​ຢູ່​ນຳ. ສຸດ​ທ້າຍ​ນາງ​ໄດ້​ມາ​ຢູ່​ກັບ​ທີ​ມກຣີທາ​ນ້ອຍໆ​ໃນ​ເມືອງ​ປູຊາ​ນ ​ເຊິ່ງບໍ່​ມີ​ປະສິດທິພາບ​ພຽງພໍ​ຈະ​ສົ່ງ​ນາງ​ກັບ​ໄປ​ຕິດ​ທີ​ມຊາດ.

​ເມື່ອ​ຄວາມ​ຫວັງ​ທັງ​ໝົດ​ພັງ​ທະລາ​ຍ ນາງ​ຄິດ​ຮອດ​ອະດີດ​ອັນ​ງົດ​ງາມ ນາງ​ເຄີຍ​ເປັນ​ດາວ​ຮຸ່ງ​ຂອງ​ປະ​ເທດ ມີ​ຄວາມ​ຫວັງ ມີ​ຄວາມ​ຝັນ ຜູ້​ຄົນ​ບອກ​ວ່າ​ນາງ​ມີ​ໂອກາດ​ໄດ້​ໄປ​ໂອ​ລິ​ມປິກ ​ແຕ່​ໄລຍະ​ເວລາ 4 ປີຜ່ານມາ ດ້ວຍ​ຄວາມ​ທີ່​ຕ້ອງ​ໃຊ້​ຊີວິດ​ຢ່າງ​ຢ້ານ​ກົວ​ໃນ​ທຸກ​ວັນ ​ເຮັດ​ໃຫ້​ນາງ​ຢຸດ​ພັດທະນາ​ຕົນ​ເອງ​ໄປ​ແລ້ວ ​ໃນ​ການ​ແຂ່ງ​ຄັ້ງຫລ້າ​ສຸດ ນາງ​ເຮັດ​ເວ​ລາ​ຈົບ​ອັນ​ດັບ 14 ຂອງ​ປະ​ເທດ ​ເວລາ​ບໍ່​ດີ​ແບບ​ນີ້​ຢ່າ​ຝັນ​ເລີຍ​ວ່າ​ຈະ​ໄດ້​ຕິດ​ທີ​ມຊາດ ຟອມ​ແບບ​ນີ້​ບໍ່​ມີ​ວັນ​ຊະ​ຈະ​ໃຜ​ໄດ້.

ຊາ​ເວ ຊຸກ ຮອນ ຢູ່​ໃນ​ຄວາມທຸກ ນາງ​ເອງ​ບໍ່​ຄິດ​ວ່າ​ຕົນ​ເອງ​ຈະ​ກັບ​ໄປ​ເກັ່ງ​ຄື​ຕອນ​ຢູ່​ມັດທະຍົມ​ໄດ້​ອີກ. ​ໃນ​ຫົວ​ນາງ​ມີ​ແຕ່​ຄວາມ​ຄຽດ ຈາກ​ນີ້​ໄປ​ນາງ​ເຮັດ​ຫຍັງ ນາງ​ຮຽນ​ຈົບ​ພຽງ ມ.6 ຖ້າ​ເອົາ​ດີ​ທາງ​ກິລາ​ບໍ່​ໄດ້ ຈະ​ເປັນ​ພາລະ​ໃຫ້​ຄອບຄົວ ນາງ​ເຮັດ​ໃຫ້​ຄອບຄົວ​ຜິດ​ຫວັງ ນາງ​ເສຍ​ໃຈ​ທີ່​ສຸດ​ທ້າຍ​ຄົນ​ທີ່​ທຳຮ້າຍ​ນາ​ງ ຕ່າງ​ມີ​ຊີວິດ​ຢ່າງ​ປົກກະຕິ​ສຸກ​ທຸກ​ຄົນ ມີ​ແຕ່​ນາງ​ທີ່​ຕ້ອງ​ທໍລະມານ​ຢູ່​ຄົນ​ດຽວ. ດັ່ງນັ້ນ ວັນ​ທີ 26 ມິຖຸນາ 2020 ຊາ​ເວ ຈຶ່ງ​ຕັດສິນ​ໃຈ​ເດັດຂາດ​ທີ່​ຈະ​ຈົບ​ຊີວິດ​ຕົນ​ເອງ ​ແລະ ຫວັງ​ວ່າຄວາມ​ຕາຍ​ຂອງ​ນາງ ຈະ​ຊ່ວຍ​ລ້າງ​ແຄ້ນ​ໃຫ້​ນາງ​ໄດ້ ​ໂດຍ​ນາງ​ຝາກ​ປຶ້ມບັນທຶກ ​ແລະ ຄລິບ​ສຽງ​ທັງ​ໝົດ​ໄວ້​ກັບ​ແມ່ ​ແລະ ຊ່ວຍ​ແກ້​ໄຂ​ເລື່ອງ​ນີ້​ຕໍ່​ຫລັງ​ຈາກ​ນາງ​ບໍ່​ຢູ່​ໃນ​ໂລກ​ແລ້ວ. ​ໃນ​ມຸມ​ມອງ​ຂອງ ຊາ​ເວ ຄວາມ​ຕາຍ​ຈະ​ແລກ​ມາ​ດ້ວຍ​ຄວາມ​ສົນ​ໃຈ​ຈາກ​ສື່​ມວນ​ຊົນ ມັນ​ເປັນ​ວິທີ​ດຽວ​ເທົ່າ​ນັ້ນທີ່​ນາງ​ຄິດ​ໄດ້​ໃນ​ເວລາ​ນັ້ນ.

ນັກໄຕກິລາສາວເກົາຫລີຂ້າຕົວຕາຍ ຫລັງຖືກຄູຝຶກທຸບຕີ ຮ້າຍດ່າ ລົງໂທດຢ່າງທາຮຸນເມື່ອຜົນງານບໍ່ດີ - 4 1 300x185 - ນັກໄຕກິລາສາວເກົາຫລີຂ້າຕົວຕາຍ ຫລັງຖືກຄູຝຶກທຸບຕີ ຮ້າຍດ່າ ລົງໂທດຢ່າງທາຮຸນເມື່ອຜົນງານບໍ່ດີ

ທ່ານ ມຸນ ​ແຈ​ອິນ ສັ່ງ​ໃຫ້​ມີ​ການ​ສືບສວນ​ຢ່າງ​ຮີບ​ດ່ວນ​ທັນທີ ນັ້ນ​​ເຮັດ​ໃຫ້​ຕຳຫລວດ ​ແລະ ສະມາຄົມ​ກິລາ​ຢູ່​ກັບ​ບໍ່​ເປັນ​ສຸກ ຟ້າວ​ຈັດ​ຫາ​ຫລັກ​ຖານ​ມາ​ສືບ​ຄະດີ​ທີ່​ເກີດ​ຂຶ້ນ ​ເຊິ່ງ​ແນ່​ນອນ ພວກ​ເຂົາ​ເຫັນ​ຫລັກ​ຖານ​ງ່າຍ​ຫລາຍ ​ເພາະ ຊາ​ເວ ​ເກັບ​ທຸກ​ຢ່າງ​ເອົາ​ໄວ້​ໝົດ ນາງ​ພະຍາຍາມ​ຈະ​ບອກ​ມາ​ແຕ່​ດົນ​ແລ້ວ ວ່າ​ນາງ​ຖືກ​ກະທຳ​ຫຍັງ​ແດ່​ ​ແຕ່​ໃນ​ຄັ້ງນັ້ນບໍ່​ມີ​ໃຜ​ຟັງ​.

ຕຳຫລວດ​ເອີ້ນ ຄູ​ຝຶກ​ຄິມ ​ໂຢບ​ອງ, ​ແພດສະ​ໂມ​ສອນ ອານ ຈູ​ຢຸນ, ລຸ້ນ​ເອື້ອຍຈາງ ຈຸນ​ຢອງ ​ແລະ ລຸ້ນອ້າຍ ຄູ​ມ ​ໂດ​ຮວານ ​ເຂົ້າມາ​ສອບ​ປາກຄຳ ​ແລະ ຈາກການ​ເຈລະຈາ​ກັນ 7 ຊົ່​ວ​ໂມງ ກໍ​ໄດ້​ຂໍ້​ສະຫລຸບ​ວ່າ ທັງ​ໝົດ​ຄື​ເລື່ອງ​ຈິງ ມີ​ການ​ທຳຮ້າຍ​ທາງ​ວາຈາ ​ແລະ ຈິດ​ໃຈ​ມາ​ດົນ​ຫລາຍ​ປີ.

ຄະນະ​ກຳມະການ​ໂອ​ລິ​ມປິກ ສ.​ເກົາຫລີ ​ແລະ ສະມາຄົມ​ໄຕ​ກິລາ​ແຫ່ງ​ຊາດ ສັ່ງ​ຫ້າມ ຄິມ ​ໂຢບ​ອງ ຕະຫລອດ​ຊີວິດ ​ເຊັ່ນ​ດຽວ​ກັບລຸ້ນ​ເອື້ອຍຈາງ ຢຸນຢອງ ທີ່​ເປັນ​ຄົນ​ເລີ່​ມກ່ອນ ​ເຖິງ​ວ່າ​ຈະ​ມີ​ກຽດ​ປະຫວັດ​ເຄີຍ​ຄວ້າ​ຫລຽນ​ເງິນ​ເອຊຽນ​ເກ​ມ​ໃຫ້​ປະ​ເທດ​ມ​າ​ແລ້ວ ກໍ​ຖືກ​ຫ້າມ​ຕະຫລອດ​ຊີວິດ​ເຊັ່ນ​ດຽວ​ກັນ.

ລຸ້ນອ້າຍ ຄິມ ​ໂດ​ຮວານ ທີ່​ມີ​ສ່ວນ​ຊ່ວຍ​ເຫລືອ​ຖືກ​ຫ້າມ​ຈາກ​ການ​ແຂ່ງຂັນ​ກິລາ 10 ປີ. ຂະນະ​ທີ່ ​ແພດ​ອານ ຈູ​ຢຸນ ມີ​ການ​ໄປ​ສືບ​ຄົ້ນປາກົດ​ວ່າ​ບໍ່​ມີ​ຊື່​ລົງທະບຽນ​ໃນ​ສະມາຄົມ​ໄຕ​ກິລາ ຍິ່ງ​ໄປ​ກວ່າ​ນັ້ນ ຍັງ​ບໍ່​ມີ​ໃບ​ປະກອບ​ໂຣກສິນ​ອີກ ​ເປັນ​ແພດ​ປອມ​ທີ່​ມາ​ເຮັດ​ວຽກ​ຢູ່​ຫລາຍ​ປີ ​ໂດຍ​ບໍ່​ມີ​ໃຜ​ຈັບ​ໄດ້.

ຂະ​ບວນການ​ຫ້າມ​ເກີດ​ຂຶ້ນ​ແລ້ວ​ຈາກ​ສະມາຄົມ​ໄຕ​ກິລາ ຂັ້ນຕອນ​ຕໍ່​ໄປ ​ເຈົ້າໜ້າ​ທີ່​ຕຳຫລວດ​ເດີນ​ໜ້າ​ສືບສວນ​ຕໍ່ ​ເພື່ອ​ຫາ​ບົດ​ສະຫລຸບ​ວ່າ​ຜູ້ກ່ຽວ​ຂ້ອງ​ກັບ​ການ​ທຳຮ້າຍ​ທັງ 4 ຄົນ ຕ້ອງ​ມີ​ໂທດ​ເຖິງ​ຂັ້ນຈຳ​ຄຸກ ຫລື ບໍ່.

ຄວາມ​ຕາຍ​ຂອງ ຊາ​ເວ ຊຸກຮອນ ​ເຮັດ​ໃຫ້​ສັງຄົມ​ເກົາຫລີ​ຕ້ອງ​ກັບ​ມາ​ທົບ​ທວນ​ເລື່ອງ​ຄວາມ​ຮຸນ​ແຮງ​ໃນ​ວົງ​ການ​ກິລາ​ວ່າ​ມັນ​ຄວນ​ໂຫດ​ໄດ້​ພຽງ​ໃດ. ວັດທະນະທຳ​ເລື່ອງ​ການ​ຝຶກ​ຊ້ອມ​ໂຫດ​ຂອງ​ເກົາຫລີ​ມີ​ຊື່​ສຽງ ສ່ວນ​ໜຶ່ງ​ຕ້ອງ​ຍອມຮັບ​ວ່າ ຜ່ານ​ມາ​ມັນ​ໃຊ້​ໄດ້ຜົນ ການ​ຝຶກ​ຊ້ອມ​ເກີນ​ຂີດ​ຈຳກັດ​ເຮັດ​ໃຫ້​ນັກ​ກິລາ​ຫລາຍ​ຄົນ​ພັດທະນາ​ຢ່າງ​ກ້າວ​ກະ​ໂດດ ​ແລະ ການ​ທີ່ ສ.​ເກົາຫລີ ສາມ​າດປັ້ນນັກ​ກິລາ​ລະດັບ​ຫລຽນ​ທອງ​ເອຊຽນ​ເກ​ມ ຫລື ​ໂອ​ລິ​ມປິກ​ໄດ້​ຢ່າງ​ຫລວງຫລາຍ ມີ​ຈຸດ​ເລີ່​ມຕົ້ນຈາກ​ແນວ​ຄິດ​ນີ້. ​ເມື່ອ​ໃຊ້​ໄດ້ຜົນ ​ແລະ ມີ​ຫລຽນ​ລາງວັນ​ແບບ​ຈັບ​ບ່າຍ​ໄດ້ ຍິ່ງ​ເນັ້ນຄວາມ​ເຊື່ອ​ລົງ​ໄປ​ຊ້ຳໆ ວ່າ​ມັນ​ຄື​ວິທີ​ທີ່​ຖືກຕ້ອງ ສາຍຕາ​ຄົນ​ນອກ​ຄິດ​ເຊັ່ນ​ກັນ​ວ່າ ຖ້າ​ເປັນ​ນັກ​ກິລາ​ຕ້ອງ​ທົນ​ໄດ້ ​ເຖິງ​ວ່າ​ຕົວ​ນັກ​ກິລາ​ເອງ​ຕ້ອງ​ຍອມຮັບ​ການ​ຖືກ​ທຳຮ້າຍ​ທັງ​ກາຍ ​ແລະ ​ໃຈ​ໄປ​ໂດຍ​ປະລິຍາຍ.

​ເຖິງ​ຢ່າງ​ໃດ​ກໍ​ຕາມ, ຄຳ​ຖາມ​ຄື​ ການ​ຊ້ອມ​ສຸດ​ໂຫດ​ມັນ​ເປັນ​ວິທີ​ດຽວ​ທີ່​ຈະ​ເຮັດ​ໃຫ້​ວົງ​ການ​ກິລາ​ປະສົບ​ຜົນສຳ​ເລັດ ຫລື ບໍ່ ​ເພາະ​ຕົວຢ່າງ​ອາ​ເມ​ລິ​ກາ ຫລື ປະ​ເທດ​ໃນ​ເອີຣົບ ບໍ່​ໄດ້​ຊ້ອມ​ກັນ​ເກີນ​ຂີດ​ຈຳກັດ ​ແຕ່​ນັກ​ກິລາ​ກໍ​ສາມາດ​ປະສົບ​ຜົນສຳ​ເລັດ​ໄດ້​ເຊັ່ນ​ກັນ.

ຈາກ​ນີ້​ໄປ ວົງ​ການ​ກິລາ​ເກົາຫລີ ຕ້ອງ​ເກີດ​ການ​ປ່ຽນ​ແປງ​ຄັ້ງສຳຄັນ​ແນ່ນອນ ​ແລະ ຄູ​ຝຶກ​ກໍ​ອາດບໍ່ແມ່ນພະເຈົ້າຄືເກົ່າແລ້ວ.

ສຳລັບ ຊາເວ ຊຸກຮອນ ໜຶ່ງຊີວິດທີ່ນາງຈົບລົງໄປ ນາງອາດບໍ່ໄດ້ຄາດຫວັງວ່າມັນຈະສົ່ງຜົນກະທົບ ຕໍ່ວົງການຂະໜາດນີ້ ນາງພຽງຕັ້ງໃຈຈະແລກຊີວິດ ກັບຄວາມຍຸຕິທຳທີ່ນາງຫວັງຈະໄດ້ມັນມາຕະຫລອດ ເທົ່ານັ້ນ ເຊິ່ງໃນເວລານີ້ ຄົນທີ່ມີພຶດຕິກຳທຳຮ້າຍຄົນອື່ນກໍໝົດຫົນທາງໃນການໄປທຳຮ້າຍຄົນອື່ນຕໍ່ແລ້ວ. ເຖິງຢ່າງໃດກໍຕາມ ທີ່ໜ້າເສຍໃຈກໍຄື ເລື່ອງນີ້ບໍ່ຄວນຈົບລົງທີ່ຄວາມຕາຍຂອງ ຊາເວ ເພາະຖ້າມີຄົນ “ຟັງນາງ” ແຕ່ຫົວທີ ແລະ ເບິ່ງເຫັນວ່າການທຳຮ້າຍມັນບໍ່ແມ່ນເລື່ອງປົກກະຕິ ຄວາມຍຸຕິທຳກໍອາດໄດ້ມາ ໂດຍທີ່ນາງຍັງມີຊີວິດຢູ່. ສຸດທ້າຍແລ້ວ ຄວາມຍຸຕິທຳກໍເກີດຂຶ້ນແທ້ ພຽງແຕ່ໜ້າເສຍດາຍທີ່ນາງບໍ່ມີໂອ ກາດໄດ້ເຫັນດ້ວຍຕົນເອງ.

ນັກໄຕກິລາສາວເກົາຫລີຂ້າຕົວຕາຍ ຫລັງຖືກຄູຝຶກທຸບຕີ ຮ້າຍດ່າ ລົງໂທດຢ່າງທາຮຸນເມື່ອຜົນງານບໍ່ດີ - WhatsApp Image 2020 05 27 at 5 - ນັກໄຕກິລາສາວເກົາຫລີຂ້າຕົວຕາຍ ຫລັງຖືກຄູຝຶກທຸບຕີ ຮ້າຍດ່າ ລົງໂທດຢ່າງທາຮຸນເມື່ອຜົນງານບໍ່ດີ
ນັກໄຕກິລາສາວເກົາຫລີຂ້າຕົວຕາຍ ຫລັງຖືກຄູຝຶກທຸບຕີ ຮ້າຍດ່າ ລົງໂທດຢ່າງທາຮຸນເມື່ອຜົນງານບໍ່ດີ - WhatsApp Image 2020 05 27 at 5 - ນັກໄຕກິລາສາວເກົາຫລີຂ້າຕົວຕາຍ ຫລັງຖືກຄູຝຶກທຸບຕີ ຮ້າຍດ່າ ລົງໂທດຢ່າງທາຮຸນເມື່ອຜົນງານບໍ່ດີ
ນັກໄຕກິລາສາວເກົາຫລີຂ້າຕົວຕາຍ ຫລັງຖືກຄູຝຶກທຸບຕີ ຮ້າຍດ່າ ລົງໂທດຢ່າງທາຮຸນເມື່ອຜົນງານບໍ່ດີ - WhatsApp Image 2020 05 27 at 5 - ນັກໄຕກິລາສາວເກົາຫລີຂ້າຕົວຕາຍ ຫລັງຖືກຄູຝຶກທຸບຕີ ຮ້າຍດ່າ ລົງໂທດຢ່າງທາຮຸນເມື່ອຜົນງານບໍ່ດີ
ນັກໄຕກິລາສາວເກົາຫລີຂ້າຕົວຕາຍ ຫລັງຖືກຄູຝຶກທຸບຕີ ຮ້າຍດ່າ ລົງໂທດຢ່າງທາຮຸນເມື່ອຜົນງານບໍ່ດີ - WhatsApp Image 2020 05 27 at 5 - ນັກໄຕກິລາສາວເກົາຫລີຂ້າຕົວຕາຍ ຫລັງຖືກຄູຝຶກທຸບຕີ ຮ້າຍດ່າ ລົງໂທດຢ່າງທາຮຸນເມື່ອຜົນງານບໍ່ດີ
error: Alert: Content is protected !!