ຍີ່ປຸ່ນໃຫ້ທຶນຊ່ວຍເຫລືອລ້າແກ່ລາວ 317 ລ້ານເຢນ ເພື່ອພັດທະນາຊັບພະຍາກອນມະນຸດ

ຍີ່ປຸ່ນໃຫ້ທຶນຊ່ວຍເຫລືອລ້າແກ່ລາວ 317 ລ້ານເຢນ ເພື່ອພັດທະນາຊັບພະຍາກອນມະນຸດ - 167 - ຍີ່ປຸ່ນໃຫ້ທຶນຊ່ວຍເຫລືອລ້າແກ່ລາວ 317 ລ້ານເຢນ ເພື່ອພັດທະນາຊັບພະຍາກອນມະນຸດ
ຍີ່ປຸ່ນໃຫ້ທຶນຊ່ວຍເຫລືອລ້າແກ່ລາວ 317 ລ້ານເຢນ ເພື່ອພັດທະນາຊັບພະຍາກອນມະນຸດ - Untitled design - ຍີ່ປຸ່ນໃຫ້ທຶນຊ່ວຍເຫລືອລ້າແກ່ລາວ 317 ລ້ານເຢນ ເພື່ອພັດທະນາຊັບພະຍາກອນມະນຸດ

ລັດຖະບານຍີ່ປຸ່ນ ໄດ້ໃຫ້ທຶນຊ່ວຍເຫລືອລ້າ​ແກ່ ສປປ ລາວ ​ໃນມູນຄ່າ 317 ລ້ານເຢນ ຫລື ປະມານ 3 ລ້ານໂດລາສະຫະລັດ ເພື່ອສະໜັບສະໜູນການພັດທະນາຊັບພະຍາກອນມະນຸດຂອງລາວ ພາຍ​ໃຕ້ “ໂຄງການທຶນການສຶກສາເພື່ອພັດທະນາຊັບພະຍາກອນມະນຸດ” ​ເຊິ່ງພິທີ​ລົງ​ນາມ​ຮັບ​ການ​ຊ່ວຍ​ເຫລືອ​ດັ່ງກ່າວ​ໄດ້ຈັດຂຶ້ນໃນວັນທີ 16 ກໍລະກົດນີ້ ທີ່ນະຄອນຫລວງວຽງຈັນ ລະຫວ່າງທ່ານ ທອງສະຫວັນ ພົມວິຫານ ຮອງລັດຖະມົນຕີກະຊວງການຕ່າງປະເທດ ແລະ ທ່ານ ທາເກວາກະ ເຄໂຊ ເອກອັກຄະຣາຊະທູດຍີ່ປຸ່ນ ປະຈຳ ສປປ ລາວ.

ໂຄງການດັ່ງກ່າວ​ຈະມອບທຶນການສຶກສາໃຫ້ແກ່ຊາວໜຸ່ມລາວທີ່ເຮັດວຽກກ່ຽວກັບການພັດທະນາເສດຖະກິດ-ສັງຄົມ ໃນ ສປປ ລາວ ເພື່ອສຶກສາລະດັບປະລິນຍາໂທ ແລະ ເຮັດການຄົ້ນຄວ້າ ຢູ່ມະຫາວິທະຍາໄລໃນປະເທດຍີ່ປຸ່ນ ຈຳນວນ 22 ທຶນ ​ແລະ ຜ່ານ​ມາໄດ້ມີພະນັກງານລາວຫລາຍກວ່າ 370 ຄົນ ໄດ້ຮັບທຶນການສຶກສາລະດັບປະລິນຍາໂທ ແລະ ປະລິນຍາເອກ ທີ່ປະເທດຍີ່ປຸ່ນມາ​ແລ້ວ ນັບແຕ່ໂຄງການດັ່ງກ່າວໄດ້ຮັບການຈັດຕັ້ງຂຶ້ນໃນປີ 1999 ​ເຊິ່ງໂຄງການນີ້ຈະປະກອບສ່ວນເຂົ້າໃນການຝຶກອົບຮົມວິຊາການໜຸ່ມ​ໃຫ້​ມີຄວາມສາມາດປະກອບສ່ວນ​ເຂົ້າ​ໃນການພັດທະນາເສດຖະກິດ ແລະ ການລຶບລ້າງຄວາມທຸກຍາກຂອງ ສປປ ລາວ.

ຍີ່ປຸ່ນໃຫ້ທຶນຊ່ວຍເຫລືອລ້າແກ່ລາວ 317 ລ້ານເຢນ ເພື່ອພັດທະນາຊັບພະຍາກອນມະນຸດ - Wave100S AD to Website 2020 0 - ຍີ່ປຸ່ນໃຫ້ທຶນຊ່ວຍເຫລືອລ້າແກ່ລາວ 317 ລ້ານເຢນ ເພື່ອພັດທະນາຊັບພະຍາກອນມະນຸດ

ທ່ານ ທາເກວາກະ ເຄໂຊ ໄດ້ກ່າວວ່າ: ປີນີ້ກໍເປັນປີຄົບຮອບ 65 ປີ ແຫ່ງການ​ສ້າງຕັ້ງສາຍພົວພັນການທູດ ຍີ່ປຸ່ນ-ລາວ ແລະ ຄົບຮອບ 5 ປີ ຂອງການເປັນຄູ່ຮ່ວມຍຸດທະສາດ ​ແລະ ປະເທດຍີ່ປຸ່ນໃນຖານະການເປັນຄູ່ຮ່ວມຍຸດທະສາດຂອງລາວ ​ແລະ ​ໄດ້​ເພີ່ມ​ທະ​ການສະໜັບສະໜູນຄວາມພະຍາມຂອງລັດຖະບານລາວໃນການພັດທະນາຫລາຍຂະແໜງການ ລວມໄປເຖິງການພັດທະນາຊັບພະຍາມະນຸດ.

ຍີ່ປຸ່ນໃຫ້ທຶນຊ່ວຍເຫລືອລ້າແກ່ລາວ 317 ລ້ານເຢນ ເພື່ອພັດທະນາຊັບພະຍາກອນມະນຸດ - WhatsApp Image 2020 05 27 at 5 - ຍີ່ປຸ່ນໃຫ້ທຶນຊ່ວຍເຫລືອລ້າແກ່ລາວ 317 ລ້ານເຢນ ເພື່ອພັດທະນາຊັບພະຍາກອນມະນຸດ
ຍີ່ປຸ່ນໃຫ້ທຶນຊ່ວຍເຫລືອລ້າແກ່ລາວ 317 ລ້ານເຢນ ເພື່ອພັດທະນາຊັບພະຍາກອນມະນຸດ - WhatsApp Image 2020 05 27 at 5 - ຍີ່ປຸ່ນໃຫ້ທຶນຊ່ວຍເຫລືອລ້າແກ່ລາວ 317 ລ້ານເຢນ ເພື່ອພັດທະນາຊັບພະຍາກອນມະນຸດ
error: Alert: ເນື້ອຫາຂ່າວມີລິຂະສິດ !!