ປູກມອນ-ລ້ຽງມ້ອນ ສ້າງອາຊີບ-ສ້າງລາຍຮັບ ເຮັດໃຫ້ປະຊາຊົນພົ້ນທຸກ

ປູກມອນ-ລ້ຽງມ້ອນ ສ້າງອາຊີບ-ສ້າງລາຍຮັບ ເຮັດໃຫ້ປະຊາຊົນພົ້ນທຸກ - Time fo an Adventure 2020 07 29T141704 - ປູກມອນ-ລ້ຽງມ້ອນ ສ້າງອາຊີບ-ສ້າງລາຍຮັບ ເຮັດໃຫ້ປະຊາຊົນພົ້ນທຸກ
ປູກມອນ-ລ້ຽງມ້ອນ ສ້າງອາຊີບ-ສ້າງລາຍຮັບ ເຮັດໃຫ້ປະຊາຊົນພົ້ນທຸກ - AGL banner - ປູກມອນ-ລ້ຽງມ້ອນ ສ້າງອາຊີບ-ສ້າງລາຍຮັບ ເຮັດໃຫ້ປະຊາຊົນພົ້ນທຸກ

ການ​ປູກ​ມອນ-ລ້ຽງ​ມ້ອນ ​ເພື່ອ​ຊາວ​ໄໝ-ຕ່ຳ​ຜ້າ, ຜະລິດ​ເປັນ​ເຄື່ອງ​ນຸ່ງ​ຫົ່ມ ​ແລະ ​ເຄື່ອງ​ໃຊ້​ຕ່າງໆ ​ເປັນ​ກິດຈະກຳ​ທີ່​ຄົນ​ລາວ​ເຮົາ​ສືບ​ທອດ​ກັນ​ມາ​ແຕ່​ດົນ​ນານ, ​ແຕ່​ການ​ປູກ ​ແລະ ການລ້ຽງ ​ເພື່ອ​ເປັນ​ອາຊີບ, ​ເປັນ​ສິນຄ້າ ຖື​ໄດ້​ວ່າ​ເປັນ​ກິດຈະກຳ​ໃໝ່ ​ແຕ່​ກຳລັງ​ຈະ​ເປັນ​ໂຄງການ​ທີ່​ມີ​ປະສິດທິ​ຜົນ​ສູງ​ທີ່​ສຸດ, ​ເນື່ອງ​ຈາກວ່າ ບໍລິສັດ​ຊ່ວງ​ໄຊ ພັດທະນາ​ກະສິກຳ-ອຸດສາຫະກຳ ຈຳກັດ​ຜູ້​ດຽວ ​ໄດ້​ມາ​ລົງ ທຶນ​ເຮັດ​ສວນ​ປູກມອນ ​ແລະ ຟາມ​ລ້ຽງ​ມ້ອນ ຢູ່​ບ້ານ​ບໍ່ ​ແລະ ບ້ານ​ກັດ ​ເມືອງ​ໄຊ ​ແຂວງ​ອຸດົມ​ໄຊ ພ້ອມຊຸກຍູ້, ​ສົ່ງ​ເສີມ​ສະໜອງ​ແນວ​ພັນ, ສະໜອງ​ເຕັກ​ນິກ-ວິຊາ​ການ ​ໃນການ​ປູກ, ການ​ລ້ຽງ ​ແລະ ວິທີ​ການ​ບົວ​ລະ​ບັດ​ຮັກສາ​ໃຫ້​ປະຊາຊົນ ພາຍ​ໃນ​ເມືອງ​ໄຊ ​ໄດ້​ຮັບ​ຮູ້, ​ເຂົ້າ​ໃຈ ​ແລະ ນຳ​ໄປ​ຈັດ​ຕັ້ງ​ປະ ຕິບັດ​ ປູກ-ລ້ຽງ ຢ່າງ​ມີ​ປະສິດທິ​ຜົນ.

ທ່ານ ຈ່າງ ເອີ້ ປະທານບໍລິສັດຊ່ວງໄຊ ພັດທະນາກະສິກຳ-ອຸດສາຫະກຳ ຈຳກັດຜູ້ດຽວ ລາຍ​ງານ​ໃຫ້​ຮູ້ ​ເມື່ອ​ບໍ່​ດົນ​ມາ​ນີ້​ວ່າ: ບໍລິສັດຊ່ວງໄຊ ພັດທະນາກະສິກໍາ-ອຸດສາຫະກໍາ ຈໍາກັດຜູ້ດຽວ ໄດ້ມາທົດລອງປູກມອນ-ລ້ຽງ​ມ້ອນ ຢູ່ເຂດບ້ານບໍ່ ແລະ ບ້ານກັດ ເມືອງໄຊ ​ແຂວງ​ອຸດົມ​ໄຊ ໃນຕົ້ນປີ 2019 ​ເປັນ​ຕົ້ນ​ມາ ໃນເນື້ອທີ່ 30 ​ເຮັກຕາ, ມາ​ຮອດປັດຈຸບັນ ບໍລິສັດ ມີເນື້ອທີ່ປູກມ້ອນທັງ​ໝົດ 400 ກວ່າ​ເຮັກຕາ, ຄຽງ​ຄູ່ກັນ​ນັ້ນ, ຍັງສາມາດ​ສ້າງ​ວຽກ​ເຮັດ​ງານ​ທຳ, ສ້າງ​ລາຍ​ຮັບໃຫ້​ປະຊາຊົນ​ ​ໄດ້ 35-40 ລ້ານ​ກີບ​ຕໍ່​ປີ​ຕໍ່ (ປູກ​ມອນ 1 ​ເຮັກຕາ ​ເກັບ​ລາຍ​ຮັບ​ໄດ້ 35-40 ລ້ານ​ກີບ​ຕໍ່​ປີ​ຕໍ່).

ທ່ານ ຈ່າງ ເອີ້ ​ໃຫ້​ຮູ້​ອີກ​ວ່າ: ຕົ້ນມອນແມ່ນພືດ ທີ່ທົນທານຕໍ່ສະພາບແວດລ້ອມໄດ້ດີ ທົນ ແລ້ງ, ທົນຝົນ, ປູກຄັ້ງດຽວໄດ້ຮັບຜົນ 20 ປີ, ສາມາດປູກໄດ້ຢູ່ເຂດທົ່ງພຽງ ແລະ ເນີນພູ, ເຂດມີແຫລ່ງນ້ຳ, ປູກປີທີ່ 1 ເກັບໃບໄດ້ໄລຍະ 3 ເດືອນ, ຜົນຜະລິດ​ໄດ້ 15-20 ໂຕນ/ເຮັກຕາ; ປີທີ 2 ຫາປີທີ 20 ສາມາດເກັບໃບໄດ້ 8-9 ເດືອນຕໍ່ປີ, ຜົນຜະລິດ​ໄດ້ 30-40 ໂຕນ/ເຮັກຕາ, ບໍລິສັດ ກຳນົດ​ລາຄາ​ເກັບ​ຊື້ຕ່ຳ​ສຸດ​ ​ໃບ​ມອນ​ແມ່ນ 800 ກີບ/ກິ​ໂລ, ​ແຕ່​ຖ້າ​ລ້ຽງ​ມ້ອນ​ເອງ ​ແລະ ຂາຍ​ຝັ​ກດອກ​ໃຫ້​ບໍລິສັດ ​ແມ່ນ​ໃນ​ລາ​ຄ່າ​ 25 ພັນ​ກີບ​ຕໍ່​ກິ​ໂລ,  ພ້ອມ​ນັ້ນ ບໍລິສັດ ຍັງຮັບປະກັນທາງດ້ານລາຄາ ​ແລະ ມີຕະຫລາດຮອງຮັບ. ​ສຳລັບ​ທິດ​ທາງ​ໃນ​ຕໍ່ໜ້າ ຖ້າມີ​ເງື່ອນ​ໄຂ ບໍລິສັດ ຈະ​ສ້າງ​ໂຮງງານຊາວ  ​ໄໝ ຢູ່​ເທດສະບານ​ເມືອງ​ໄຊ ​ແຂວງ​ອຸດົມ​ໄຊ ຕື່ມ​ອີກ.

ປູກມອນ-ລ້ຽງມ້ອນ ສ້າງອາຊີບ-ສ້າງລາຍຮັບ ເຮັດໃຫ້ປະຊາຊົນພົ້ນທຸກ - Wave100S AD to Website 2020 0 - ປູກມອນ-ລ້ຽງມ້ອນ ສ້າງອາຊີບ-ສ້າງລາຍຮັບ ເຮັດໃຫ້ປະຊາຊົນພົ້ນທຸກ

ທ່ານ ຄໍາຊາຍ ໄຊສົງຄາມ ຄອບຄົວຕົວແບບປູກມອນ-ລ້ຽງມ້ອນ ຢູ່ບ້ານກັດ, ເມືອງໄຊ ແຂວງ ອຸດົມໄຊ ລາຍ​ງານ​ໃຫ້​ຮູ້​ວ່າ: ​ໃນ​ເມື່ອ​ກ່ອນ ຄອບຄົວໄດ້ຖືເອົາການເຮັດໄຮ່, ເຮັດນາ, ເຮັດສວນ ແລະ ຄ້າຂາຍ ເປັນອາຊີບ, ແຕ່ລະປີແມ່ນພໍກຸ້ມຢູ່, ກຸ້ມກິນ ປັດຈຸບັນ ໄດ້ກາຍເປັນຄອບຄົວຕົວແບບປູກມອນ-ລ້ຽງມ້ອນ. ພາຍຫລັງ ບໍລິສັດຊ່ວງໄຊ ພັດທະນາກະສິກໍາ-ອຸດສາຫະກໍາ ຈໍາກັດ ຜູ້ດຽວ ໄດ້ມາທົດລອງປູກມອນ-ລ້ຽງ​ມ້ອນ ຢູ່ເຂດບ້ານບໍ່ ແລະ ບ້ານກັດ ໃນຕົ້ນປີ 2019 ​ເປັນ​ຕົ້ນ​ມາ ຕົນເອງ ໄດ້ໄປເບິ່ງວິທີການປູກເຫັນວ່າ ແນວພັນຕົ້ນມອນ ທີ່ບໍລິສັດນໍາເຂົ້າມາປູກ ເໝາະສົມກັບທ້ອງຖິ່ນ ໃຫຍ່ໄວ, ທົນທານຕໍ່ສະພາບແວດລ້ອມ ປູກພຽງ 3-4 ເດືອນ ກໍ່ສາມາດກັບໃບມາລ້ຽງມ້ອນໄດ້ແລ້ວຈຶ່ງໄດ້ຕັດສິນໃຈປູກຄັ້ງທຳອິດ ໃນລະຫວ່າງເດືອນ 7-10 ປີ 2019 ໃນເນື້ອທີ່ 16 ເຮັກຕາ, ສາມາດ​ເກັບລາຍຮັບໄດ້ 17 ລ້ານກີບ, ເມື່ອເຫັນໄດ້ຜົນສໍາເລັດແນວນັ້ນ ນັບ​ແຕ່​ເດືອນ​ມີນາ 2020 ​ເປັນ​ຕົ້ນ​ມາ ຈຶ່ງຕັດສິນໃຈຂະຫຍາຍເນື້ອທີ່ປູກ ຢູ່ກຸ່ມບ້ານຫົວນໍ້າບາກໄດ້ 28 ເຮັກຕາ ປັດຈຸບັນ ລວມເນື້ອທີ່ປູກທັງໝົດມີ 44 ເຮັກຕາ ຄາດຄະເນ ຜົນ​ຜະລິດ ຈະໄດ້ປະມານ 15 ໂຕນ/ເຮັກຕາ, ລວມ 420 ໂຕນ, ຄິດເປັນມູນຄ່າ 336 ລ້ານກີບ. ນອກຈາກການເກັບໃບມອນຂາຍແລ້ວ ຍັງໄດ້ສ້າງເຮືອນລ້ຽງມ້ອນ ແບບຖາວອນ 1 ຫລັງ, ໂດຍຮັບເອົາແນວພັນອາຍຸ 11 ມື້ ຈາກບໍລິສັດຊ່ວງໄຊ ພັດທະນາກະສິກຳ-ອຸດສາຫະກຳ ມາລ້ຽງຕໍ່ອີກ 14 ມື້ ກໍ່ໄດ້ຂາຍຝັກດອກ ຄືນໃຫ້ບໍລິສັດ, ສ່ວນໃນຊຸມປີຕໍ່ໜ້າ ຈະສືບຕໍ່ຮ່ວມມືກັບບໍລິສັດ ຂະຫຍາຍເນື້ອທີ່ປູກໃຫ້ໄດ້ອີກ 40 ເຮັກຕາຂຶ້ນໄປ ແລະ ສ້າງເຮືອນລ້ຽງອີກ 10 ຫລັງຂຶ້ນໄປ, ເພື່ອເປັນແບບຢ່າງໃຫ້ຄອບຄົວອື່ນ. ປັດຈຸບັນ ມີແຮງງານປະຈໍາ 6 ຄົນ ແລະ ແຮງງານເປັນລາຍວັນ ເວລາປູກ, ໄລຍະຮັກສາ (ເສຍຫຍ້າສວນ) ປະມານ 50-80ຄົນ/ມື້, ອັນໄດ້ປະກອບສ່ວນສ້າງອາຊີບ, ສ້າງລາຍຮັບ, ສ້າງບົດຮຽນ, ປະສົບການໃຫ້ຍາດພີ່ນ້ອງ ແລະ ປະຊາຊົນໃນເຂດທ້ອງຖິ່ນໄດ້ຫລາຍສົມຄວນ.

ປູກມອນ-ລ້ຽງມ້ອນ ສ້າງອາຊີບ-ສ້າງລາຍຮັບ ເຮັດໃຫ້ປະຊາຊົນພົ້ນທຸກ - lattana banner 1 - ປູກມອນ-ລ້ຽງມ້ອນ ສ້າງອາຊີບ-ສ້າງລາຍຮັບ ເຮັດໃຫ້ປະຊາຊົນພົ້ນທຸກ
ປູກມອນ-ລ້ຽງມ້ອນ ສ້າງອາຊີບ-ສ້າງລາຍຮັບ ເຮັດໃຫ້ປະຊາຊົນພົ້ນທຸກ -    AD conten website - ປູກມອນ-ລ້ຽງມ້ອນ ສ້າງອາຊີບ-ສ້າງລາຍຮັບ ເຮັດໃຫ້ປະຊາຊົນພົ້ນທຸກ
ປູກມອນ-ລ້ຽງມ້ອນ ສ້າງອາຊີບ-ສ້າງລາຍຮັບ ເຮັດໃຫ້ປະຊາຊົນພົ້ນທຸກ - lattana banner - ປູກມອນ-ລ້ຽງມ້ອນ ສ້າງອາຊີບ-ສ້າງລາຍຮັບ ເຮັດໃຫ້ປະຊາຊົນພົ້ນທຸກ
error: Alert: ເນື້ອຫາຂ່າວມີລິຂະສິດ !!