ໄພອຶດຫິວເກີດຂຶ້ນຢູ່ ເລບານອນ ເດັກມີຄວາມສ່ຽງຕໍ່ຊີວິດ

ໄພອຶດຫິວເກີດຂຶ້ນຢູ່ ເລບານອນ ເດັກມີຄວາມສ່ຽງຕໍ່ຊີວິດ - Time fo an Adventure 5 1 - ໄພອຶດຫິວເກີດຂຶ້ນຢູ່ ເລບານອນ ເດັກມີຄວາມສ່ຽງຕໍ່ຊີວິດ
ໄພອຶດຫິວເກີດຂຶ້ນຢູ່ ເລບານອນ ເດັກມີຄວາມສ່ຽງຕໍ່ຊີວິດ - AGL banner - ໄພອຶດຫິວເກີດຂຶ້ນຢູ່ ເລບານອນ ເດັກມີຄວາມສ່ຽງຕໍ່ຊີວິດ

ຂ່າວຕ່າງປະເທດຈາກອົງການປົກປ້ອງສິດທິເດັກ(Save the Children) ວັນທີ 28 ກໍລະກົດນີ້ໃຫ້ຮູ້ວ່າ: ມີພົນລະເມືອງໃນເຂດ Greater Beirut ປະມານ 910.000 ຄົນ, ໃນນັ້ນມີເດັກຫຼາຍກວ່າ 50% ຂາດອາຫານການກິນ ຈາກຜົນກະທົບທາງດ້ານເສດຖະກິດ ອັນເນື່ອງມາຈາກການລະບາດຂອງພະຍາດໂຄວິດ-19.

ຫົວໜ້າອົງການປົກປ້ອງສິດທິເດັກປະຈຳຢູ່ເລບານອນ, ທ່ານ Jad Sakr ກ່າວເຕືອນວ່າ: ຈະມີເດັກນ້ອຍຕາຍຫິວໃນທ້າຍປີນີ້ ພ້ອມທັງເນັ້ນວ່າ ວິກິດການໄດ້ກະທົບຕໍ່ທຸກຄົນ, ນັບຕັ້ງແຕ່ຄອບຄົວຂອງຊາວເລບານອນ ຈົນຮອດຊາວອົບພະຍົບມາຈາກ ປາແລດສຕີນ ແລະ ຊີຣີ.

ໃນລະຫວ່າງສອງສາມເດືອນບໍ່ດົນມານີ້, ເສດຖະກິດຂອງເລບານອນ ຕົກຕໍ່າທີ່ສຸດທີ່ບໍ່ເຄີຍມີໃນປະຫວັດສາດ. ຄ່າເງິນຕົກຕໍ່າ 80%, ບັນດາໂຮງຈັກໂຮງງານຕ້ອງປິດປະຕຸ ໃນຂະນະທີ່ມີຜູ້ທຸກຍາກ ແລະ ຂາດກິນນັບໝືເພີ່ມສູງຂຶ້ນ.

ຕໍ່ໜ້າສະພາບການດັ່ງກ່າວ, ອົງການປົກປ້ອງສິດທິເດັກ ຮຽກຮ້ອງໃຫ້ລັດຖະບານ ເລບານອນ ສ້າງຕັ້ງກົນໄກຊ່ວຍເຫຼືອຕອບສະໜອງຄວາມຕ້ອງການທີ່ຈຳເປັນໃຫ້ກຸ່ມຜູ້ທີ່ມີຄວາມສ່ຽງ. ປັດຈຸບັນລັດຖະບານ ເລບານອນ ຍັງບໍ່ທັນໄດ້ຮັບການຊ່ວຍເຫຼືອໃດໆຈາກອົງການກອງທຶນໂລກ(IMF).

ໄພອຶດຫິວເກີດຂຶ້ນຢູ່ ເລບານອນ ເດັກມີຄວາມສ່ຽງຕໍ່ຊີວິດ - Wave100S AD to Website 2020 0 - ໄພອຶດຫິວເກີດຂຶ້ນຢູ່ ເລບານອນ ເດັກມີຄວາມສ່ຽງຕໍ່ຊີວິດ

ຂ່າວ: ລູກເມືອງພວນ

ໄພອຶດຫິວເກີດຂຶ້ນຢູ່ ເລບານອນ ເດັກມີຄວາມສ່ຽງຕໍ່ຊີວິດ - lattana banner 1 - ໄພອຶດຫິວເກີດຂຶ້ນຢູ່ ເລບານອນ ເດັກມີຄວາມສ່ຽງຕໍ່ຊີວິດ
ໄພອຶດຫິວເກີດຂຶ້ນຢູ່ ເລບານອນ ເດັກມີຄວາມສ່ຽງຕໍ່ຊີວິດ - lattana banner - ໄພອຶດຫິວເກີດຂຶ້ນຢູ່ ເລບານອນ ເດັກມີຄວາມສ່ຽງຕໍ່ຊີວິດ
ໄພອຶດຫິວເກີດຂຶ້ນຢູ່ ເລບານອນ ເດັກມີຄວາມສ່ຽງຕໍ່ຊີວິດ -    AD conten website - ໄພອຶດຫິວເກີດຂຶ້ນຢູ່ ເລບານອນ ເດັກມີຄວາມສ່ຽງຕໍ່ຊີວິດ
error: Alert: ເນື້ອຫາຂ່າວມີລິຂະສິດ !!