ປະຕິເສດໃສ່ຜ້າອັດປາກ ຖອດປືນສັ້ນຍິງ ພະນັກງານຮ້ານຕາຍຄາທີ່

ສຳນັກຂ່າວ Washington Post ໃຫ້ຮູ້ວັນທີ 3 ສິງຫານີ້ວ່າ: ພະນັກງານຄົນໜຶ່ງໃນຮ້ານຂາຍຢາສູບ ຊີກາ ຢູ່ທີ່ເມືອງ ໄດ້ແນະນຳໃຫ້ Bethlehem Township ລັດ Pennsylvania ສະຫະລັດ ໄດ້ແນະນຳໃຫ້ ທ້າວ Adam Zaborowski ໃສ່ຜ້າອັດປາກ-ດັງ ແຕ່ເຂົາປະຕິເສດດ້ວຍຄວາມຮຸນແຮງ ແລະ ຖືວ່າແຕະຕ້ອງສິດທິເສລີພາບຂອງເຂົາ.

ຫຼັງຈາກນັ້ນເຂົາໄດ້ຈັບເອົາຢາສູບ 2 ກອກ ແລ້ວອອກຈາກຮ້ານໄປ, ຫຼັງຈາກນັ້ນເຂົາກໍໄດ້ຖອດປືນສັ້ນອອກມາຍິງພະນັກງານໃນຮ້ານຄົນດັ່ງກ່າວ.

ວັນຕໍ່ມາ, ເຈົ້າໜ້າທີ່ຕຳຫຼວດໄດ້ປິດລ້ອມເຮືອນຂອງ Zaborowski ແຕ່ເຂົາໄດ້ໃຊ້ປືນ AK-47 ຍິງໃສ່ເຈົ້າໜ້າທີ່ຕຳຫຼວດ, ໃນທີ່ສຸດເຂົາກໍຖືກສັງຫານດ້ວຍລູກປືນຂອງເຈົ້າໜ້າທີ່ຕຳຫຼວດ.

ນີ້ແມ່ນເຫດການເກີດຂຶ້ນໃໝ່ທີ່ພົວພັນເຖິງການໃສ່ຜ້າອັດປາກ-ດັງ ເພື່ອປ້ອງກັນການແຜ່ລະບາດຂອງພະຍາດໂຄວິດ-19 ຢູ່ໃນສະຫະລັດ.

ຂ່າວ: ລູກເມືອງພວນ