ລະເມີດກົດລັດຄິວ ລົງມືທໍາຮ້າຍຮ່າງກາຍ ຈໍາຄຸກ 1 ປີ 6 ເດືອນປັບໃຫມ 50ລ້ານ ກີບ

- Time fo an Adventure 2020 08 07T163657 - ລະເມີດກົດລັດຄິວ ລົງມືທໍາຮ້າຍຮ່າງກາຍ ຈໍາຄຸກ 1 ປີ 6 ເດືອນປັບໃຫມ 50ລ້ານ ກີບ
- AGL banner - ລະເມີດກົດລັດຄິວ ລົງມືທໍາຮ້າຍຮ່າງກາຍ ຈໍາຄຸກ 1 ປີ 6 ເດືອນປັບໃຫມ 50ລ້ານ ກີບ

ໂຊເຟີ້ໂດຍສານຄິວ 4 ລະເມີດກົດລັດຄິວ ເຮັດໃຫ້ໂຊເຟີ້ໂດຍສານຄິວ 2 ເກີດຄວາມບໍ່ພໍໃຈ ແລະ ລົງມືທໍາຮ້າຍຮ່າງກາຍໂຊເຟີຮົ້ວ 4 ຈົນຮັບບາດເຈັບສາຫັດ ຕາມສໍານວນຄະດີອາຍາຂັ້ນຕົ້ນ ເລກທີ 284/ ອຍກ. ນວ, ທີ່ອົງການໄອຍະການປະຊາຊົນ ສັ່ງຟ້ອງຂຶ້ນສານພິຈາລະນາຕັດສິ້ນໂຊເຝີຄິວ 2 ຂໍ້ຫາການ

ທໍາຮ້າຍຮ່າງກາຍ ຈໍາຄຸກ 1 ປີ 6 ເດືອນປັບໃຫມ 5.000.000 ກີບ ຈ່າຍເງິນໃຫ້ໂຈດທາງແພ່ງ 50.000.000 ກີບ ໃນອາທິດທີ່ຜ່ານນີ້. ໂຊເຟີຮົ້ວ 2 ທີ່ເປັນຈິງເລີຍໃນຄະດີ ດັ່ງກ່າວ ຊື່ທ້າວ ຄົງພັນ ອາຍຸ 42 ປີອາຊີບຂັບລົດຢູ່ບ້ານໂພນສະຫວັນໃຕ້ ເມືອງສີສັດຕະນາກ ນະຄອນຫຼວງວຽງຈັນ ຖືກກັກຕົວໃນ ວັນທີ 31 ມັງກອນ2020, ຂໍ້ຫາການທໍາຮ້າຍຮ່າງກາຍ ທ້າວແອັດ ອາຍຸ 40 ປີ ອາຊີບຂັບລົດຢູ່ບ້ານບໍ່ນາ ງົວ ເມືອງຈັນທະບຸລີ ນະຄອນຫຼວງວຽງຈັນ.

ເຫດເກີດເມື່ອວັນທີ 8 ພະຈິກ 2019, ເຊິ່ງ ທ້າວ ຄໍາພັນ ແລະ ທ້າວ ແອັດ ຜິດຖຽງກັນເລື່ອງການ ລັດຄິວຮັບຜູ້ໂດຍສານຢູ່ງານບຸນນະມັດສະການພະທາດຫຼວງ ເຊິ່ງມື້ເກີດເຫດມີລົດເຂົ້າຄິວຮ່ວມກັນຈໍາ ນວນ 4 ຄັນ ຕາມລໍາດັບຄື: ໂຊເຟີຄິວ 1, ທ້າວ ຄໍາພັນ ຄິວ 2, ໂຊ ເຜີຄິວ 3 ແລະ ທ້າວ ແອັດ ຄິວ 4. ໃນມື້ນັ້ນ, ທ້າວ ແອັດ ໄປຮອດຄິວກ່ອນຫມູ່ຈຶ່ງໄດ້ລັດຄິວເຂົ້າໄປຮັບຜູ້ ໂດຍສານໃນງານບຸນ; ເມື່ອໂຊເຟີຄິວ 1 ແລະ ທ້າວ ຄໍາພັນ ເຫັນການກະທໍາຂອງ ທ້າວ ແອັດ ຈຶ່ງເກີດຄວາມ ບໍ່ພໍໃຈ; ແລ້ວພາກັນເວົ້າໃຫ້ ທ້າວ ແອັດ ວ່າມັກລັດຄິວຫມູ່ທັງໆ ທີ່ຫົວຫນ້າຄິວກໍ່ໄດ້ບອກກ່ອນຫນ້ານີ້ແລ້ວ ວ່າຫ້າມເຮັດ.

ທ້າວ ແອັດ ໄດ້ຕອບກັບດ້ວຍຖ້ອຍຄໍາບໍ່ສຸພາບ ແລະ ບໍ່ໃຫ້ທ້າວ ຄໍາພັນ ມາຫຍຸ້ງກ່ຽວ. ຈາກນັ້ນ, ທັງສອງໄດ້ມີປາກສຽງກັນ; ທ້າວ ແອັດ ໃຈໂມໂຫໃຊ້ມືຍູ້ຫນ້າເອີກພ້ອມໃຊ້ກໍາປັ້ນຕີໃສ່ທ້າວ ຄໍາພັນ 2 ບາດ. ແຕ່ບໍ່ຖືກ. ທ້າວ ຄໍາພັນຈຶ່ງໃຊ້ຕີນຊ້າຍເຕະໃສ່ຫນ້າເອິກ ທ້າວແອັດ ລົ້ມລົງຫົວໄປກະທົບໃສ່ກັບຄານລົດສະ ກາຍແລັບຫົວແຕກນອນຫມົດສະຕິ. ທ້າວ ຄໍາພັນ ໄດ້ໂຈມເອົາທ້າວ ແອັດ ລຸກຂຶ້ນ ແລະ ໂທຫາຫນ່ວຍກູ້ໄພ ນໍາຕົວສົ່ງໂຮງຫມໍ ໂດຍຖືກຍິບຫົວ 5 ເຂັ້ມ. ຈາກເຫດການທີ່ເກີດຂຶ້ນ, ເຈົ້າຫນ້າທີ່ໄດ້ເຂົ້າໄປຫາ ທ້າວ ຄໍາພັນ ພ້ອມທັງເຮັດບົດບັນທຶກເອົາໄວ້. ມາວັນທີ 9 ພະຈິກ 2019, ເມຍຂອງ ທ້າວ ແອັດ ໄດ້ມາຫາທ້າວ ຄໍາພັນ ບອກວ່າ ທ້າວ ແອັດ ອງການສາຫັດນອນຢູ່ຫ້ອງໄອຊີຢູ: ທ້າວ ຄໍາພັນ ແລະ ຄອບຄົວ ຈຶ່ງໄດ້ໄປຢ້ຽມພ້ອມ ທັງຈ່າຍຄ່າປິ່ນປົວຮັກສາ ເບື້ອງຕົ້ນ 2.800.000 ກີບ. ມາວັນທີ 31 ມັງກອນ 2020, ທ້າວ ຄໍາພັນ ຈຶ່ງ ຖືກເຈົ້າຫນ້າທີ່ກັກຕົວມາດໍາເນີນຄະດີ.

- Wave100S AD to Website 2020 0 - ລະເມີດກົດລັດຄິວ ລົງມືທໍາຮ້າຍຮ່າງກາຍ ຈໍາຄຸກ 1 ປີ 6 ເດືອນປັບໃຫມ 50ລ້ານ ກີບ

ທ້າວ ຄໍາພັນ ຮັບສາລະພາບວ່າ: ໄດ້ກະທໍາຜິດດັ່ງກ່າວແທ້ຕາມຄໍາໃຫ້ການຮັບສາລະພາບ ສະບັບລົງ ວັນທີ 8 ພະຈິກ 2019 ແລະ 2 ມັງກອນ 2020, ເປັນການກະທໍາຜິດໂດຍເຈດຕະນາ ເນື່ອງຈາກວ່າຈໍ ເລີຍຄວບຄຸມສະຕິບໍ່ໄດ້ຈຶ່ງກະທໍາລົງໄປ ເຮັດໃຫ້ຜູ້ອື່ນບາດເຈັບສາຫັດ. ດ້ວຍເຫດຜົນ ແລະ ຫຼັກຖານທີ່ຮັດກຸມທີ່ຫນັກແຫນ້ນ ແລະ ພຽງພໍຢັ້ງຢືນວ່າ ການກະທໍາຂອງຈໍາເລີຍເປັນ ການກະທໍາຜິດທາງອາຍາໃນຂໍ້ຫາການທໍາຮ້າຍຮ່າງກາຍທີ່ແຕະຕ້ອງເຖິງຊີວິດ, ສຸຂະພາບ ແລະ ກຽດສັກສີ ຂອງບຸກຄົນອື່ນ. ສະນັ້ນ, ສານຈຶ່ງໄດ້ພິຈາລະນາຕັດສິນລົງໂທດຈໍາເລີຍຕາມປະມວນກົດຫມາຍອາຍາ ມາດຕາ 194 ວັກ 2 ຈໍາຄຸກ 3 ປີ ແຕ່ຈໍເລີຍມີຄວາມຈິງໃຈ ແລະ ໃຫ້ການຊ່ວຍເຫຼືອຜູ້ເສຍຫາຍ ສານຈຶ່ງ ໄດ້ຜ່ອນໃຫ້ຈໍາຄຸກ 1 ປີ 6 ເດືອນ ປັບໃຫມ 5.000.000 ກີບ, ຜົນເສຍທີ່ເກີດຂຶ້ນທັງ 2 ຄອບຄົວແມ່ນບໍ່ ສາມາດຕົກລົງກັນໄດ້ ສານໄດ້ຄົ້ນຄວ້າແລ້ວເຫັນຄວນໃຫ້ ທ້າວ ຄໍາພັນ ຈ່າຍເງິນປົວແປງຈິດໃຈໃຫ້ກັບ ຄອບຄົວ ທ້າວ ແອັດຈໍານວນ 50.000.000 ກີບ ແລະ ສືບຕໍ່ປິ່ນປົວທ້າວ ແອັດ ຈົນຫາຍດີເປັນປົກກະຕິ.

ຂ່າວ: ປກສ

-    AD conten website - ລະເມີດກົດລັດຄິວ ລົງມືທໍາຮ້າຍຮ່າງກາຍ ຈໍາຄຸກ 1 ປີ 6 ເດືອນປັບໃຫມ 50ລ້ານ ກີບ
- lattana banner 1 - ລະເມີດກົດລັດຄິວ ລົງມືທໍາຮ້າຍຮ່າງກາຍ ຈໍາຄຸກ 1 ປີ 6 ເດືອນປັບໃຫມ 50ລ້ານ ກີບ
- lattana banner - ລະເມີດກົດລັດຄິວ ລົງມືທໍາຮ້າຍຮ່າງກາຍ ຈໍາຄຸກ 1 ປີ 6 ເດືອນປັບໃຫມ 50ລ້ານ ກີບ
error: Alert: ເນື້ອຫາຂ່າວມີລິຂະສິດ !!