ຣັດເຊຍອະນຸມັດໃຊ້ວັກແຊງໂຄວິດ-19 ປະເທດທຳອິດຂອງໂລກ

ຣັດເຊຍອະນຸມັດໃຊ້ວັກແຊງໂຄວິດ-19 ປະເທດທຳອິດຂອງໂລກ - 120 - ຣັດເຊຍອະນຸມັດໃຊ້ວັກແຊງໂຄວິດ-19 ປະເທດທຳອິດຂອງໂລກ
ຣັດເຊຍອະນຸມັດໃຊ້ວັກແຊງໂຄວິດ-19 ປະເທດທຳອິດຂອງໂລກ - Untitled design - ຣັດເຊຍອະນຸມັດໃຊ້ວັກແຊງໂຄວິດ-19 ປະເທດທຳອິດຂອງໂລກ

ປະທານາທິບໍດີ ວະ​ລາ​ດິ​ເມຍ ປູ​ຕິນ ປະກາດ​ຂ່າວ​ດີ​ໃນ​ກອງ​ປະຊຸມ​ຄະນະ​ລັດຖະບານ ວັນ​ທີ 11 ສິງຫາ​ນີ້ ​ໂດຍ​ຢືນຢັນ​ວ່າ​ກະຊວງ​ສາທາລະນະ​ສຸກຣັດ​ເຊຍ​ໄດ້​ຂຶ້ນທະບຽນ​ອະນຸມັດ​ການ​ໃຊ້​ວັກ​ແຊງ​ໂຄ​ວິດ-19 ຢ່າງ​ເປັນ​ທາງ​ການ​ເປັນ​ປະ​ເທດ​ທຳ​ອິດ​ຂອງ​ໂລກ ຫລັງ​ໃຊ້​ເວລາ​ທົດ​ລອງ​ໃນ​ຄົນ​ບໍ່​ຮອດ​ 2 ​ເດືອນ. ​ເຖິງ​ຢ່າງ​ໃດ​ກໍ​ຕາມ, ຜູ້​ຊ່ຽວຊານ​ໃນຣັດ​ເຊຍ ​ແລະ ຕ່າງປະ​ເທດ​ຕ່າງ​ກັງວົນ​ເລື່ອງ​ຄວາມ​ປອດ​ໄພ ​ເນື່ອງ​ຈາກ​ການ​ທົດ​ລອງ​ໄລຍະ 3 ຍັງ​ບໍ່​ສຳ​ເລັດ.

“ມື້ນີ້​ເປັນຄັ້ງທຳ​ອິດ​ໃນ​ໂລກ​ທີ່​ວັກ​ແຊງ​ຕ້ານ​​ໄວຣັສ​ໂຄ​ໂຣນາ 2019 ​ໄດ້​ຮັບ​ການ​ຂຶ້ນທະບຽນ​ໃນຣັດ​ເຊຍ” ທ່ານ ປູ​ຕິນ ກ່າວ.

ຜູ້ນຳຣັດ​ເຊຍ​ກ່າວ​ດ້ວຍ​ຄວາມ​ໝັ້ນ​ໃຈ​ວ່າ: ວັກ​ແຊງ​ດັ່ງກ່າວ ​ເຊິ່ງພັດທະນາ​ໂດຍ​ສະ​ຖາ​ບັນ​ກາມາ​ເລ​ຍາ ​ໃນ​ນະຄອນຫລວງ​ມົດ​ສະ​ກູ ຜ່ານ​ການ​ພິສູດ​ປະສິດທິພາບ​ທີ່​ຈຳ​ເປັນ​ແລ້ວ​ໃນ​ລະຫວ່າງ​ການ​ທົດ​ລອງ ​ແລະ ສາມາດ​ສ້າງ​ພູມ​ຄຸ້ມ​ກັນ​ທີ່​ຍືນ​ຍົງ ​ເພື່ອ​ປ້ອງ​ກັນ​ໄວຣັສ​ໂຄ​ໂຣນາ​ອັນ​ເປັນຕົ້ນຕໍ​ຂອງ​ພະຍາດ​ໂຄ​ວິດ-19 ​ໄດ້.

ຂະນະ​ທີ່​ທ່ານ​ເປີດ​ເຜີຍ​ວ່າ: ໜຶ່ງ​ໃນ​ລູກ​ສາວ​ທັງ 2 ຄົນ​ຂອງ​ທ່ານ​ກໍ​ໄດ້​ເຂົ້າຮ່ວມ​ທົດ​ລອງ​ວັກ​ແຊງ​ເຊັ່ນ​ກັນ ​ໂດຍ​ໄດ້​ຮັບ​ການ​ສັກ​ວັກ​​ແຊງ 2 ​ເຂັມ ​ແລະ ຍັງ​ມີ​ສຸຂະພາບ​ແຂງ​ແຮງ​ດີ ​ເຊິ່ງ​ໃນ​ການ​ສັກ​ມື້ທຳ​ອິດ​ນັ້ນມີ​ອຸນຫະພູມ​ຮ່າງກາຍ​ສູງ​ຂຶ້ນປະມານ 38 ອົງສາ, ​ແຕ່​ໃນ​ມື້ທີ​ສອງ ພົບ​ວ່າ​ອຸນຫະພູມ​ຫລຸດ​ລົງ​ມາ​ເຫລືອ​ປະມານ 37 ອົງສາ ກ່ອນ​ຈະ​ເຊົາ​ເປັນ​ປົກກະຕິ.

ທັງ​ນີ້, ທາງ​ການຣັດ​ເຊຍ​ລະບຸ​ວ່າ: ກຸ່ມ​ບຸກຄະລາ​ກອນ​ທາງ​ການ​ແພດ, ຄູ ​ແລະ ປະຊາຊົນ​ໃນ​ກຸ່ມ​ສ່ຽງ​ອື່ນໆ ຈະ​ເປັນ​ກຸ່ມ​ທຳ​ອິດ​ທີ່​ໄດ້​ຮັບ​ການ​ສັກ​ວັກ​ແຊງ ​ເຊິ່ງທ່ານ ປູ​ຕິນ ​ເນັ້ນວ່າ: ການ​ເຂົ້າຮັບ​ການ​ສັກ​ວັກ​ແຊງ​ນັ້ນຈະ​ເປັນ​ໄປ​ດ້ວຍ​ຄວາມ​ສະໝັກ​ໃຈ ​ແລະ ບໍ່​ມີ​ການ​ບັງຄັບ.

ຣັດເຊຍອະນຸມັດໃຊ້ວັກແຊງໂຄວິດ-19 ປະເທດທຳອິດຂອງໂລກ - Wave100S AD to Website 2020 0 - ຣັດເຊຍອະນຸມັດໃຊ້ວັກແຊງໂຄວິດ-19 ປະເທດທຳອິດຂອງໂລກ

ສ່ວນ​ການ​ຜະລິດ​ວັກ​ແຊງ​ໃນ​ປະລິມານ​ຫລາຍ​ນັ້ນຈະ​ເລີ່​ມຕົ້ນ​ໄດ້​ໃນ​ເດືອນ​ກັນຍາ. ຂະນະ​ທີ່​ການ​ໃຫ້​ວັກ​ແຊງ​ແບບ​ໝູ່​ແກ່​ປະຊາຊົນ​ຈຳນວນ​ຫລາຍ​ອາດ​ເລີ່​ມຕົ້ນ​ໄດ້​ໃນ​ເດືອນ​ຕຸລາ.

​ເຖິງ​ຢ່າງ​ໃດ​ກໍ​ຕາມ, ການ​ອະນຸມັດ​ໃຊ້​ວັກ​ແຊງ​ໂຄ​ວິດ-19 ທັງ​ທີ່​ຍັງ​ບໍ່​ສຳ​ເລັດ​ການ​ທົດ​ລອງ​ວັກ​ແຊງ​ໃນ​ຄົນ​ໃນ​ໄລຍະທີ 3 ​ເຮັດ​ໃຫ້​ຜູ້​ຊ່ຽວຊານ​ຊາວຣັດ​ເຊຍ ​ແລະ ຕ່າງປະ​ເທດ​ອອກ​ມາ​ເຕືອນ ​ແລະ ຕັ້ງຂໍ້​ສັງ​ເກດ​ເຖິງ​ຄວາມ​ປອດ​ໄພ ​ແລະ ປະສິດທິພາບ​ຂອງ​ວັກ​ແຊງ ​ເຊິ່ງຕາມ​ປົກກະຕິ​ແລ້ວ ການ​ທົດ​ລອງ​ວັກ​ແຊງ​ໃນ​ຄົນ​ໄລຍະ​ທີ 3 ຈະ​ຕ້ອງ​ໃຊ້​ເວລາ​ຫລາຍ​ເດືອນ​ກັບ​ການ​ທົດ​ລອງ​ໃນ​ກຸ່ມ​ຕົວຢ່າງ​ຫລາຍ​ພັນ​ຄົນ.

ຣັດເຊຍອະນຸມັດໃຊ້ວັກແຊງໂຄວິດ-19 ປະເທດທຳອິດຂອງໂລກ - WhatsApp Image 2020 05 27 at 5 - ຣັດເຊຍອະນຸມັດໃຊ້ວັກແຊງໂຄວິດ-19 ປະເທດທຳອິດຂອງໂລກ
ຣັດເຊຍອະນຸມັດໃຊ້ວັກແຊງໂຄວິດ-19 ປະເທດທຳອິດຂອງໂລກ - WhatsApp Image 2020 05 27 at 5 - ຣັດເຊຍອະນຸມັດໃຊ້ວັກແຊງໂຄວິດ-19 ປະເທດທຳອິດຂອງໂລກ
error: Alert: ເນື້ອຫາຂ່າວມີລິຂະສິດ !!