ຝົນຍັງຈະສືບຕໍ່ຕົກເປັນບໍລິເວນກວ້າງຢູ່ຫລາຍທ້ອງຖິ່ນ

ຝົນຍັງຈະສືບຕໍ່ຕົກເປັນບໍລິເວນກວ້າງຢູ່ຫລາຍທ້ອງຖິ່ນ - 131 - ຝົນຍັງຈະສືບຕໍ່ຕົກເປັນບໍລິເວນກວ້າງຢູ່ຫລາຍທ້ອງຖິ່ນ
ຝົນຍັງຈະສືບຕໍ່ຕົກເປັນບໍລິເວນກວ້າງຢູ່ຫລາຍທ້ອງຖິ່ນ - Untitled design - ຝົນຍັງຈະສືບຕໍ່ຕົກເປັນບໍລິເວນກວ້າງຢູ່ຫລາຍທ້ອງຖິ່ນ

ກົມ​ອຸຕຸນິຍົມ ​ແລະ ອຸ​ທົກ​ກະສາ​ດ ​ໃຫ້​ຮູ້​ວ່າ: ​ໃນ​​ໄລຍະ​ກາງ​ເດືອນ​ສິງຫາ​ນີ້ ບໍລິ​ເວນ​ຄວາມ​ກົດ​ດັນ​ອາກາດ​ຕໍ່າ​ຈະ​ປົກ​ຄຸມ​ຢູ່​ທົ່ວ​ທຸກ​ພາກຂອງ​ປະ​ເທດ​ລາວ ​ແລະ ສົມທົບ​ກັບ​ລົມ​ມໍ​ລະ​ສຸມ​ຕາ​ເວັນ​ຕົກ​ສຽງ​ໃຕ້​ພັດ​ປົກ​ຄຸມ​ດ້ວຍ​ກຳລັງ​ປານ​ກາງ ​ເຊິ່ງຈະ​ເຮັດ​ໃຫ້​ອາກາດ​ຮ້ອນ ​ແລະ ມີ​ຝົນຕົກ​ໃນ​ລະດັບ​ຄ່ອຍ​ເປັນ​ບໍລິ​ເວນ​ກວ້າງ​ໃນ​ແຕ່​ລະ​ພາກ ​ແລະ ຕົກ​ໃນ​ລະດັບ​ປານ​ກາງຫາ​ໜັກ​ຢູ່​ບາງ​ທ້ອງ​ຖິ່ນ​ແຂວງ​ພາກ​ເໜືອ ​ແລະ ພາກ​ກາງ. ​ໄລຍະ​ທ້າຍ​ເດືອນ​ສິງຫາ ສະພາບ​ຝົນຈະ​ມີ​ຝົນຕົກ​ໜັກ ​ເຊິ່ງສ່ວນ​ຫລາຍ​ຈະ​ຕົກ​ໃນ​ລະດັບ​ຄ່ອຍ​ໃນ​ແຕ່​ລະ​ພາກ ​ແລະ ຕົກ​ໜັກ​ເປັນ​ບາງ​ໄລຍະ​ຢູ່​ບາງ​ທ້ອງ​ຖິ່ນ​​ເຂດ​ພາກ​ເໜືອ ​ແລະ ພາກ​ກາງ. ຄາດ​ຄະ​ເນ​ປະລິມານ​ຝົນ​ໃນ​ເດືອນ​ສິງຫາ​ຈະ​ຫລຸດ​ເກນ​ປົກກະຕິ​ຢູ່​ບາງ​ເຂດ​ເຊັ່ນ: ຜົ້ງສາລີ, ຊຳ​ເໜືອ, ຫລວງ​ນ້ຳທາ, ອຸດົມ​ໄຊ, ບໍ່​ແກ້ວ, ປາກ​ຊັນ, ສາລະ​ວັນ, ປາກ​ເຊ,​ ປາກ​ຊ່ອງ ​ແລະ ອັດ​ຕະປື. ພ້ອມ​ດຽວ​ກັນນັ້ນ ຈະ​ມີ​ຝົນ​ຢູ່​ໃນ​ລະດັບ​ເກນ​ປົກກະຕິ ຫລື ຫລາຍ​ກວ່າ​ເກນ​ປົກກະຕິ​ຢູ່​ບາງ​ເຂດ​ເຊັ່ນ: ວຽງ​ໄຊ, ຊຽງ​ຂວາງ, ຫລວງ​ພະ​ບາງ, ​ໂພນ​ໂຮງ, ທ່າ​ແຂກ, ສະຫວັນ​ນະ​ເຂດ, ​ເຊ​ໂນ ​ແລະ ​ເຊ​ກອງ.

​ໃນຕົ້ນ​ເດືອນ​ກັນຍາ ພາຍຸ​ໝຸນ​ເຂດ​ຮ້ອນ​ຈະ​ສືບ​ຕໍ່​ເຄື່ອນ​ທີ່ຢູ່​ເຂດ​ທະ​ເລ​ຈີນ​ໃຕ້. ພ້ອມ​ດຽວ​ກັນ ລົມ​ມໍ​ລະ​ສຸມ​ຕາ​ເວັນ​ຕົກ​ສຽງ​ໃຕ້​ຈະ​ເພີ່ມ​ກຳລັງ​ແຮງ​ຂຶ້ນພັດ​ປົກ​ຄຸມ​ເຂດ​ພາກ​ກາງ ​ແລະ ພາກ​ໃຕ້​ຂອງລາວ ​ເຊິ່ງຈະ​ເຮັດ​ໃຫ້​ມີ​ຝົນຕົກ​ໃນ​ລະດັບ​ຄ່ອຍ​ຢູ່​ທົ່ວ​ໄປ ​ແລະ ຕົກ​ໃນ​ລະດັບ​ປານ​ກາງຫາ​ໜັກ​ຢູ່​ບາງ​ທ້ອງ​ຖິ່ນ ​ໂດຍ​ສະ​ເພາະ​ເຂດ​ພາກ​ກາງ ​ແລະ ພາກ​ໃຕ້. ຈາກ​ນັ້ນ​ໃນ​ກາງ​ເດືອນ​ກັນຍາ ມວນ​ອາກາດ​ເຢັນ​ຈາກ​ ສປ ຈີນ ຈະ​ແຜ່​ລົງ​ມາ​ປົກ​ຄຸມ​ເຂດ​ພາກ​ເໜືອ. ພ້ອມ​ດຽວ​ກັນ ຮ່ອງ​ຄວາມ​ກົດ​ດັນ​ອາກາດ​ຕໍ່າ​ຈະ​ເຄື່ອນ​ລົງ​ພາດ​ຜ່ານ​ເຂດ​ພາກ​ກາງ ​ແລະ ພາກ​ໃຕ້ ​ເຊິ່ງຈະ​ເຮັດ​ໃຫ້​ມີ​ຝົນຕົກ​ໃນ​ລະດັບ​ຄ່ອຍ​ຫາ​ປານ​ກາງ​ຢູ່​ເຂດ​ດັ່ງກ່າວ, ສ່ວນ​ພາກ​ເໜືອ​ຈະ​ມີ​ຝົນຕົກ​ໜັກ. ​ສ່ວນ​​ໃນ​ທ້າຍ​ເດືອນ​ກັນຍາ ຈະ​ມີ​ພາຍຸ​ພັດ​ຜ່ານ​ເຂດ​ພາກ​ກາງ ​ເຊິ່ງຈະ​ເຮັດ​ໃຫ້​ມີ​ຝົນຕົກ​ໃນ​ລະດັບ​ຄ່ອຍ​ຫາ​ປານ​ກາງ​ເປັນ​ບໍລິ​ເວນ​ກວ້າງ ​ແລະ ຕົກ​ໜັກ​ຢູ່​ເຂດ​ພາກ​ເໜືອ​ດ້ານ​ຕ​າ​ເວັນ​ອອກ​ລົງ​ຫາ​ພາ​ກກາງ ​ແລະ ພາກ​ໃຕ້.

​ໃນຕົ້ນ​ເດືອນ​ຕຸລາ ມວນ​ອາກາດ​ເຢັນ​ຈາກ​ ສປ ຈີນ ຈະ​ສືບ​ຕໍ່​ແຜ່​ລົງ​ມາ​ປົກ​ຄຸມ​ເຂດ​ພາກ​ເໜືອ. ພ້ອມ​ດຽວ​ກັນ ຮ່ອງ​ຄວາມ​ກົດ​ດັນ​ອາກາດ​ຕໍ່າ​ຈະ​ສືບ​ຕໍ່​ເຄື່ອນ​ລົງ​ພາດ​ຜ່ານ​ເຂດ​ພາກ​ກາງ ​ແລະ ພາກ​ໃຕ້ ປ່ອງ​ໃສ່​ພາຍຸ​ໝຸນ​ເຂດ​ຮ້ອນ​ທີ່​ຈະ​ເຄື່ອນ​ທີ່ຢູ່​ເຂດ​ທະ​ເລ​ຈີນ​ໃຕ້ ​ເຊິ່ງຈະ​ເຮັດ​ໃຫ້​ມີ​ຝົນຕົກ​ໜ້ອຍ​ຢູ່​ເຂດ​ພາກ​ເໜືອ, ສ່ວນ​ພາກ​ກາງ ​ແລະ ພາກ​ໃຕ້​ມີ​ຝົນຕົກ​ໃນ​ລະດັບ​ຄ່ອຍ​ຢູ່​ທົ່ວ​ໄປ ​ແລະ ຕົກ​ໃນ​ລະດັບ​ປານ​ກາງຫາ​ໜັກ​ຢູ່​ບາງ​ທ້ອງ​ຖິ່ນ, ສ່ວນ​ທ້າຍ​ເດືອນ​ຈະ​ມີ​ຝົນຕົກ​ໃນ​ລະດັບ​ຄ່ອຍ​​ໃນ​ເຂດ​ພາກ​ກາງ ​ແລະ ພາກ​ໃຕ້. ສ່ວນ​ພາກ​ເໜືອ​ມີ​ຝົນຕົກ​ໜ້ອຍ​ໃນ​ລະດັບ​ຄ່ອຍ​ຢູ່​ບາງ​ທ້ອງ​ຖິ່ນ​ເລັກ​ໜ້ອຍ. ຄາດ​ຄະ​ເນ​ສະພາບ​ຝົນ​ຈະ​ສິ້ນສຸດ​ໃນ​ແຕ່​ລະ​ພາກ​ກາງ​ເດືອນ​ຕຸລານີ້.

ອີງ​ຕາມ​ການ​ພະຍາກອນ​ຍາວ​ນານ​ຈາ​ກສູນ​ພະຍາກອນ​ຂອງ​ອົງການ​ອຸຕຸນິຍົມ​ໂລກວ່າ: ຄາດ​ຄະ​ເນ​ພາຍຸ​ໝຸນ​ເຂດ​ຮ້ອນ​ຈະ​ເຄື່ອນ​ທີ່​ຜ່ານ ສປປ ລາວ ປະມານ 1-2 ຫົວ ​ເຊິ່ງສ່ວນ​ໃຫຍ່​ຈະ​ຜ່ານ​ພາກ​ກາງ ​ແລະ ພາກ​ໃຕ້ ​ໃນ​ວັນ​ທີ 25 ກັນຍາ – 3 ຕຸລານີ້.

ຝົນຍັງຈະສືບຕໍ່ຕົກເປັນບໍລິເວນກວ້າງຢູ່ຫລາຍທ້ອງຖິ່ນ - Wave100S AD to Website 2020 0 - ຝົນຍັງຈະສືບຕໍ່ຕົກເປັນບໍລິເວນກວ້າງຢູ່ຫລາຍທ້ອງຖິ່ນ

ນອກຈາກ​ນີ້, ກົມ​ອຸຕຸນິຍົມ ​ແລະ ອຸ​ທົກ​ກະສາ​ດ ຍັງ​​​ເຕືອນ​ວ່າ: ​​ໄລຍະ​ກາງ​ເດືອນ​ສິງຫາ​ຫາ​ກາງ​ເດືອນ​ຕຸລາ ລົມ​ມໍ​ລະ​ສຸມ​ຕາ​ເວັນ​ຕົກ​ສຽງ​ໃຕ້​ຍັງ​ຈະ​ມີ​ກຳລັງ​ແຮງ​ພັດ​ປົກ​ຄຸມ, ພ້ອມ​ຈະ​ມີ​ພາຍຸ​ພັດ​ຜ່ານ ​ເຊິ່ງຈະ​ເຮັດ​ໃຫ້​ມີ​ຝົນຕົກ​ໜັກ ພ້ອມ​ມີ​ລົມ​ພັດ​ແຮງ ​ແລະ ຈະ​​ເກີດ​ມີ​ດິນ​ເຈື່ອນ, ນ້ຳຖ້ວມ​ຊຸ ​ແລະ ນ້ຳຖ້ວມ​ອັ່ງ​ຢູ່​ບາງ​ທ້ອງ​ຖິ່ນ ​ໂດຍ​ສະ​ເພາະ​ຢູ່​ແຂວງ​ພາກ​ກາງ ​ແລະ ພາກ​ໃຕ້. ດັ່ງນັ້ນ ຈຶ່ງ​ຂໍ​ແຈງ​ເຕືອນ​ເຖິງ​ປະຊາຊົນ ​ແລະ ອົງການ​ປົກຄອງ​ທ້ອງ​ຖິ່ນ​ທຸກຂັ້ນຄວນ​ມີ​ສະຕິລະມັດລະວັງ ​ແລະ ກຽມພ້ອມ​ຮັບ​ມື​ກັບ​ສະພາບ​ອາກາດ​ຮ້າຍ​ແຮງ​ດັ່ງກ່າວ​ທີ່​ອາດ​ຈະ​ເກີດ​ຂຶ້ນ​ໄດ້, ພ້ອມ​ທັງ​ໃຫ້​ຕິດຕາມ​ການ​ປະກາດ​ແຈ້ງ​ເຕືອນ​ຈາກ​ກົມ​ອຸຕຸນິຍົມ ​ແລະ ອຸ​ທົກ​ກະສາ​ດຢ່າງ​ເປັນ​ປະຈຳ.

ຝົນຍັງຈະສືບຕໍ່ຕົກເປັນບໍລິເວນກວ້າງຢູ່ຫລາຍທ້ອງຖິ່ນ - WhatsApp Image 2020 05 27 at 5 - ຝົນຍັງຈະສືບຕໍ່ຕົກເປັນບໍລິເວນກວ້າງຢູ່ຫລາຍທ້ອງຖິ່ນ
ຝົນຍັງຈະສືບຕໍ່ຕົກເປັນບໍລິເວນກວ້າງຢູ່ຫລາຍທ້ອງຖິ່ນ - WhatsApp Image 2020 05 27 at 5 - ຝົນຍັງຈະສືບຕໍ່ຕົກເປັນບໍລິເວນກວ້າງຢູ່ຫລາຍທ້ອງຖິ່ນ
error: Alert: ເນື້ອຫາຂ່າວມີລິຂະສິດ !!